ᒪᑎᔪᐤ 3:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ “ᓂᐱᔾ ᓂᔾ ᒋ ᓯᑲᐃᑕᑎᓇᐛᐤ ᐊ ᓄᒂᒡ ᐊ ᐎ ᒂᔅᑲᑎᓯᔭᒄ, ᒥᒄ ᒪᒃ ᑯᑎᒃ ᐊᐛᓐ ᒋᑭ ᑎᑯᓯᓄᐤ ᐊᔪᐛᒃ ᐊ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇᔭᐱᔭ᙮ ᐎᔾ ᒪᒃ ᒋᑭ ᓯᑲᐃᑕᑯᐛᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮

ᒪᑎᔪᐤ 3:11 Iomraidhean Croise

ᒪᑎᔪᐤ 3:6

ᒧᓴ ᒋ ᐎᑎᒧᒡ ᑕᓐ ᑲ ᐃᓯ ᒥᒋᑐᑎᒧᐛᒂ ᑭᔭ ᒂ ᓯᑲᐃᑕᑯᒡ ᒠᓇ ᐊᓐᑕ ᒠᕐᑕᓐ ᓯᐱᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:4

ᐊᐅᒄ ᒪᒃ ᐅ ᒠᓐ ᐅᓯᑲᐃᑕᒐᐤ ᑲ ᐊᔨᒧᒪᑭᓄᐅᑦ᙮ ᐊᓐᑕ ᒪᒃ ᐸᐧᑯᑎᔅᑭᒥᑲᒡ ᒋ ᑕᐤ ᐊ ᓯᑲᐃᑐᐛᑦ ᐊᐛᔪᐛ ᑭᔭ ᐊ ᑭᒐᔅᒋᒪᑦ᙮ ᒋ ᑭᒐᔅᒋᒪᐤ ᐊᐛᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᓯᑲᐃᑐᐛᑭᓄᔨᒋ ᐊᑯ ᒪᒃ ᒋᓴᒪᓂᑐᐛ ᒐ ᐛᐸᔨᑎᒪᑯᒡ ᐅᒥᒋᑥᐅᓄᐛᐛ᙮

ᓗᒃ 1:17

ᒠᓐ ᒪᒃ ᒋᑭ ᓂᑲᓂᑎᓯᐛᑭᓄᐤ ᒐᒋ ᐎᒋᐊᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᒐᒋ ᐊᔭᔅᑯᐎᔨᒋ ᑎᑯᓯᓂᔨᒐ ᐅᑎᐸᔨᒋᒐᐛ᙮ ᒋᑭ ᐊᔭᐛᐤ ᐊᓂᔭ ᐊᒐᒂ ᑲ ᐱᒥᐱᔨᐃᑯᔨᒋ ᐊᓂᔭᐧᑲ ᐃᓚᐃᒐ ᑲ ᐃᓯᓂᐧᑲᓱᔨᒋ ᒋᓴᒪᓂᑐᐛ ᑲᒋ ᐊᔨᒥᔅᑎᒧᐛᔨᒋ ᑭᔭ ᐊᓂᔭ ᓱᐧᑲᑎᓯᐅᓂᔪᐤ ᑕᓐ ᑲ ᐃᓯ ᐊᔭᔨᒋ, ᐊᐅᑯᓐ ᑭᔭ ᐎᔾ ᒐ ᐃᓯ ᐊᔭᑦ᙮ ᒋᑭ ᐃᑐᑐᐛᐤ ᐅᑕᐎᒪᐛ ᑲ ᒥᒋᐱᔨᐃᑐᔨᒋ ᐅᑦ ᐊᐛᓯᒥᔪᐛ ᒥᓐ ᑲᐤ ᒐᒋ ᓴᒋᐃᑐᔨᒋ᙮ ᑭᔭ ᐊᓂᔭ ᐊᑲ ᑯᐃᔅᑯᑕᑎᓯᔨᒋ ᒋᑭ ᐃᑐᑐᐛᐤ ᒐᒋ ᐃᓯ ᑭᒐᑕᐛᔨᑎᒥᔨᒋ ᑕᐱᔅᑯᓐ ᐊᓂᔭ ᑲ ᑯᐃᔅᑯᑕᑎᓯᔨᒋ᙮ ᐊᔪᐅᒄ ᐅᔭ ᒐ ᐊᐃᑎᑦ ᒠᓐ ᒐᒋ ᐊᔭᔅᑯᐎᐊᑦ ᐊᐛᔪᐛ ᒐᒋ ᓂᒋᐊᔨᒋ ᐅᑎᐸᔨᒋᒐᐛ᙮” ᐊᐅᒄ ᒪᒃ ᐅᔭᔪᐤ ᑲ ᐃᓯ ᐎᑎᒪᑯᑦ ᓴᑲᕋᔭ ᐊᓂᔭᔪᐛ ᐊᓐᒋᓇ᙮

ᓗᒃ 3:16

ᐊᑯ ᒠᓐ ᒂ ᐎᑎᒧᐛᑦ ᐊ ᐃᑕᑦ, “ᒥᓯᐛ ᐊ ᑎᓯᔭᒄ ᓂᐱᒡ ᓂᔾ ᒋ ᓯᑲᐃᑕᑎᓇᐛᐤ, ᒥᒄ ᒪᒃ ᑯᑎᒃ ᐊᐛᓐ ᒋᑭ ᑎᑯᓯᓐ ᐃᐛᒃ ᐊ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᐎᔾ ᒪᒃ ᒋᑭ ᓯᑲᐃᑕᑯᐛᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇ᙮

ᓗᒃ 3:3

ᒠᓐ ᒪᒃ ᒥᓯᐛ ᒋ ᐃᑐᑕᐤ ᐊᓂᔭ ᐊᔅᒋᔪᐤ ᒥᒋᒪ ᒠᕐᑕᓐ ᓯᐱᒡ ᑲ ᑎᑯᓂᔨᒡ ᐊ ᑭᒐᔅᒋᒪᑦ ᐊᐛᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᓯᑲᐃᑐᐛᑭᓄᔨᒋ ᒋᓴᒪᓂᑐᐛ ᒐᒋ ᐛᐸᔨᑎᒪᑯᒡ ᐅᒥᒋᑥᐅᓄᐛᐛ᙮

ᒠᓐ 1:15

ᒠᓐ ᒋ ᐎᑎᒻ ᐊᐛᔪᐛ ᐊᓂᔭ ᒋᓴᓴ ᐊ ᐊᐎᔨᒋ᙮ ᐊᔪᐤ ᒪᒃ ᒋ ᐎᑎᒻ ᐊ ᐃᔅᒋᔄᑦ, “ᒋ ᒋᔅᒋᓯᓇᐛᐤ ᐊᓐ ᑲ ᐊᔨᒧᒥᒃ ᐊᐛᓐ ᑲ ᐃᔅᒋᔄᔭᓐ, ‘ᒋᑭ ᐸᒋ ᑎᑯᓯᓄᐤ ᐊᔅᒄ ᐊᐛᓐ ᐊᑐᐎᔅ ᐊ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᐊᐅᒄ ᐅ ᒋᓴᔅ ᑲ ᐊᔨᒧᒥᒃ ᐊᓐ ᑲ ᑕᑦ ᐊᔅᒄ ᐊᑲ ᐅᒋ ᐱᒪᑎᓯᔭᓐ ᓂᔾ᙮’ ”

ᒠᓐ 1:30

ᐊᐅᒄ ᒪᒃ ᐅ ᑲ ᐊᔨᒧᑎᒪᑎᑯᒡ ᑲ ᐃᑎᑎᑯᒡ, ‘ᒋᑭ ᑎᑯᓯᓄᐤ ᓇᐸᐤ, ᐎᔾ ᒪᒃ ᐊᑐᐎᔅ ᒋᑭ ᒋᔅᑕᔨᑕᑯᓱᐤ ᐃᔅᐱᔅ ᓂᔾ ᐛᔅ ᐊᔅᒄ ᓇᒪ ᓂ ᐅᒋ ᐱᒪᑎᓯᐛᓐ ᓴᔅ ᒋ ᑕᐤ ᐎᔾ᙮’

ᐊᑈᔅᑕᓇᒡ 1:5

ᐛᔅ ᒠᓐ ᒋ ᓯᑲᐃᑕᒐᐤ ᓂᐱᔪᐤ ᐊ ᐊᐱᒋᑕᑦ᙮ ᐊᑯ ᒪᒃ ᓴᔅ ᐎᐱᒡ ᒋᑭ ᓯᑲᐃᑕᑯᓇᐛᐤ ᑲ ᐸᔭᒋᓯᑦ ᐊᒐᐧᒄ᙮”

ᐊᑈᔅᑕᓇᒡ 19:4

ᐊᑯ ᑈᓪ ᒂ ᐃᑕᑦ, “ᒠᓐ ᒋ ᓯᑲᐃᑐᐛᐤ ᐊᓂᔭ ᐊᐛᔪᐛ ᑲ ᐎ ᒂᔅᑲᑎᓯᔨᒋ ᑭᔭ ᒋ ᐃᑕᑯᐱᓇ ᐊᓂᔭᔪᐛ ᐃᔪᐛ ᑲ ᓯᑲᐃᑐᐛᑦ, ᒐ ᑎᑯᓯᓂᔨᒋ ᑯᑎᑲ ᐊᐛᔪᐛ᙮ ᐊᐅᒄ ᒪᒃ ᐊᓐ ᐃᔭᒄ ᒋᐸ ᑕᑈᔭᔨᒪᐛᐤ᙮ ᐊᐅᑯᓂ ᐅᔭ ᒋᓴᓴ ᒠᓐ ᑲ ᐊᔨᒧᒪᒂ᙮”

ᐊᑈᔅᑕᓇᒡ 8:36

ᒪᒂᒡ ᒪᒃ ᐊ ᐊᑎ ᐱᒥᐱᔨᒡ ᑎᑎᐱᑕᐸᓇᔅᑯᒡ, ᒋ ᐅᑎᑎᒧᒡ ᐊᓐᑕ ᐊ ᑎᑯᓂᔨᒡ ᓂᐱᔪᐤ, ᐊᓐ ᓇᐸᐤ ᒪᒃ ᒋ ᐃᑕᐤ, “ᐛᐸᑕ, ᒪᐅ ᓂᐱᔾ, ᒐᒂᓐ ᒐ ᓂᑲᓂᑯᔭᓐ ᐊ ᓂᑐᐛᔨᑎᒪᓐ ᒐᒋ ᓯᑲᐃᑐᐛᑯᐅᔭᓐ ?”

ᐊᑈᔅᑕᓇᒡ 8:38

ᒋ ᐃᔅᒋᔄᐤ ᒐᒋ ᒋᒥᐱᔨᒋ ᑎᑎᐱᑕᐸᓇᔎ, ᑭᔭ ᑕᐱᔅᑯᓐ ᓂᔭᓯᐸᒡ ᒂ ᐊᑎ ᐱᑭᔅᑐᐛᑕᒡ᙮ ᐊᑯ ᐱᓕᑉ ᓴᑲᐃᑐᐛᑦ ᐊᓂᔭ ᓇᐸᐛ᙮

1 ᑯᕆᓐᑎᔭᓇ 12:13

ᐸᐃᑯᓱᐤ ᐊᓐ ᐊᒐᐧᒄ ᐊᑎ ᒥᓯᐛ ᐸᐃᒄ ᒥᔪᐤ ᑲ ᐅᒋ ᐃᓯᐃᑯᐅᔭᐧᒄ ᑲ ᓯᑲᐃᑕᑯᐅᔭᐧᒄ᙮ ᓇᒪ ᐎᔭᓯᓐ ᒍᐤ ᐊ ᐃᑎᔅᑲᓇᓯᒂ ᐊᐛᓐ ᒪᒃ ᐊᑲ ᒍᐤ ᐃᑎᔅᑲᓇᓯᒂ, ᑭᔭ ᒪᒃ ᐊᐱᒋᐊᑭᓐ ᐊ ᐃᑕᐱᒋᐊᑭᓄᒂ ᑭᔭ ᒪᒃ ᐊᑲ ᐊᐱᒋᐊᑭᓐ ᐃᑕᐱᒋᐊᑭᓄᒂ᙮ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᐸᐃᒄ ᐊᒐᐧᒄ ᒋᐱᒋᔅᑲᑭᓄᐤ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

ᑕᐃᑕᔅ 3:5

ᔅᒋ ᐱᒪᒋᐃᑯᓄᐤ᙮ ᓇᒪ ᐎ ᑕᓐ ᑲ ᐃᓯ ᒋᒥᔪᑐᑎᒪᐧᒄ ᒋ ᐅᒋ ᐱᒪᒋᐃᑯᓄᐤ ᒥᒄ ᐊᓂᔭ ᒋᓴᒪᓂᑐᐤ ᐊᒋ ᒋᔅᑎᒪᒐᔨᒥᑕᐧᒄ ᐊᑯᑕ ᑲ ᐅᒋ ᐱᒪᒋᐃᑕᐧᒄ᙮ ᑲ ᐸᔭᒋᓯᑦ ᐊᒐᐧᒄ ᔅᒋ ᐸᔭᒋᐃᑯᓄᐤ ᑭᔭ ᒥᓐ ᔅᒋ ᐅᔅᒋᐃᑯᓄᐤ᙮

1 ᐱᑕᕐ 5:5

ᐊᑯ ᒪᒃ ᒋᔨᐛᐤ ᑲ ᐅᔅᒋᐱᒪᑎᓯᔭᒄ ᒋᐸ ᓂᓇᐃᑐᐛᐛᐅᒡ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᒪᒃ ᐊ ᑎᓯᔭᒄ, ᒋᐸ ᐊᑐᔅᑲᑐᓇᐛᐤ ᐊ ᑎᐱᑕᔨᒥᑎᓱᔭᒄ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒋᓴᒪᓂᑐᐤ ᓇᒪ ᓇᐃᐱᒪᐤ ᐊᓂᔭ ᒋᒋᐛ ᑲ ᐃᑕᔨᒥᓱᔨᒋ, ᐊᑯ ᐊᓂᔭ ᑲ ᑎᐱᑕᔨᒥᓱᔨᒋ ᒋᓴᐛᑐᑐᐛᐤ᙮