ᒪᑎᔪᐤ 3:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐛᔅ ᒧᔭᒻ ᓴᔅ ᐊ ᐊᔭᔅᑯᔅᑕᒡ ᐊᑭᑕᔅᒄ ᐊᐅᒄ ᒐ ᐃᓯᓇᒂᒡ ᒐ ᓇᑥᑲᐛᑭᓄᐅᑦ ᐊᓐ ᒥᔅᑎᒄ ᐊᓐᑕ ᐊ ᐅᑎᐱᔪᐅᑦ᙮ ᐛᔅ ᑕᑐᐤ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᑭᔭ ᒋᑭ ᒥᑐᔅᑕᐛᐱᓇᑭᓄᐤ ᐃᔅᑯᑕᒡ᙮”

ᒪᑎᔪᐤ 3:10 Iomraidhean Croise

ᑎᐱᑦ ᐅᓂᑭᒧᐅᓇ 1:3

ᒧᔭᒻ ᒪᒃ ᒥᔅᑎᒄ ᑲ ᓂᑕᐅᒋᑦ ᒋᒡ ᓯᐱᒡ ᒋᑭ ᐃᓯᓇᑯᓱᐤ: ᑲ ᒥᓂᓱᐅᑦ ᐛᑎᒋᐱᔨᒋ ᒐ ᒥᓂᓱᐅᑦ: ᐅᓂᐱᓯᒻ ᓇᒪᐎᔾ ᒋᑭ ᓂᓱᐅᓇᑎᓂᔪᐤ; ᑭᔭ ᒥᒄ ᒐᒂᔪᐤ ᒐ ᐃᑐᑕᐧᒃ ᒋᑭ ᒥᔪᐱᔪᐤ᙮

ᑎᐱᑦ ᐅᓂᑭᒧᐅᓇ 140:10

ᐊᑯᔅ ᐃᔅᑯᑕᐤ ᑭᔅᑕᔪᐤ ᒋᑭ ᐸᑎᑯᔅᑲᑯᐅᒡ: ᐊᑯᔅ ᒋᑭ ᒥᑐᔅᑕᐱᔪᐅᒡ; ᐊᔭᐅᓇᒂᑎᑲᓂᔨᒡ, ᐊᑲ ᒥᓐ ᒐᒋ ᐱᓯᑯᒡ᙮

ᑎᐱᑦ ᐅᓂᑭᒧᐅᓇ 92:12

ᐅᑯᐃᔅᑯᑕᑎᓯᐤ ᒋᑭ ᒥᔪ ᓂᑕᐅᒍᐤ ᒧᔭᒻ ᐸᒪᑎᒄ; ᒋᑭ ᓂᑕᐅᒍᐤ ᒧᔭᒻ ᒪᔅᒋᔅᑲᑎᒄ ᓚᐸᓇᓂᒡ᙮

ᒪᑎᔪᐤ 21:19

ᐊᑯ ᒂ ᐛᐱᒪᑦ ᒥᓯᓱᒥᓇᑎᒂ ᐊᓐᑕ ᐅᐱᒪᔅᑭᓇᒡ, ᒂ ᓂᑐᐛᐱᒪᑦ, ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒻ ᒐᒋ ᒥᒋᑦ ᐊᓐᑕ ᒥᔅᑎᑯᒡ ᒥᒄ ᓂᐱᔭ ᒋ ᓂᑕᐅᒋᓂᔪᐛ ᐊᓐᑕ᙮ ᐊᑯ ᒂ ᐃᑕᑦ ᐊᓂᔭ ᒥᔅᑎᒂ, “ᓇᒪ ᓂᑕ ᒥᓐ ᒋᑭ ᐅᒋ ᓂᑕᐅᒍᐅᒡ ᐛᐱᒥᓂᒡ ᐊᓐᑕ ᐊ ᑕᔨᓐ᙮” ᑎᐛᒡ ᒪᒃ ᒋ ᓂᐱᔪᐛ ᐊᓂᔭ ᒥᓯᓱᒥᓇᑎᒂ᙮

ᒪᑎᔪᐤ 7:19

ᐊᓐ ᒪᒃ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᐊᑯ ᒐ ᒥᑐᔅᑕᐛᐱᓇᑭᓄᐅᑦ ᐃᔅᑯᑕᒡ᙮

ᓗᒃ 23:31

ᐛᔅ ᐅ ᐊ ᐃᔅᐱᔅ ᑎᒂᒡ ᓂᓇᐧᑲᑕᔨᒧᐅᓐ ᒪᒂᒡ ᐊ ᐊᔅᑲᔅᑯᐅᑦ ᒥᔅᑎᒄ ᑕᓐ ᒐ ᐃᔅᐱᔅ ᑎᒂᒡ ᓂᓇᐧᑲᑕᔨᒧᐅᓐ ᐸᒂᑎᑯᐅᒐ ?” ᐊᐅᑯᓐ ᑲ ᐃᑕᑦ ᒋᓴᔅ ᐊᓂᔭᔪᐛ ᐃᔎᐛ ᑲ ᒧᔅᑯᐛᑎᑯᑦ᙮

ᓗᒃ 3:9

ᐛᔅ ᒧᔭᒻ ᓴᔅ ᐊ ᐊᔭᔅᑯᔅᑕᒡ ᐊᑭᑕᔅᒄ ᐊᐅᒄ ᒐ ᐃᓯᓇᒂᒡ ᒐ ᓇᑥᑲᐛᑭᓄᐅᑦ ᐊᓐ ᒥᔅᑎᒄ ᐊᓐᑕ ᐊ ᐅᑎᐱᐅᑦ᙮ ᐛᔅ ᑕᑐᐤ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᑭᔭ ᒋᑭ ᒥᑐᔅᑕᐛᐱᓇᑭᓄᐤ ᐃᔅᑯᑕᒡ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᒠᓐ᙮

ᒠᓐ 15:2

ᒥᓯᐛ ᐅᑎᐧᑯᓇ ᓂᔾ ᐊ ᑕᔭᓐ ᑲ ᑎᒂᒋ ᐊᑲ ᒥᓂᓱᔨᒋ ᓄᑕᐎᔾ ᒪᓂᓯᒻ᙮ ᐊᑯ ᐊᓂᔭᔪᐛ ᐅᑎᐧᑯᓇ ᑲ ᒥᓂᓱᔨᒋ ᒥᓯᐛ ᐛᐛᓯᑕᐤ ᐊᑐᐎᔅ ᒐᒋ ᒥᓂᓱᔨᒋ᙮

ᒠᓐ 15:6

ᐊᐛᓐ ᐊᑲ ᓂᔾ ᐊ ᑕᔭᓐ ᑲ ᐃᓯ ᐱᒪᑎᓯᑦ ᐛᐱᓇᑭᓄᐤ ᒧᔭᒻ ᑕᓐ ᐊ ᐃᑐᑕᑭᓄᐅᒡ ᐅᑎᐧᑯᓐ, ᒐᒃ ᓂᐳᐤ ᒪᒃ᙮ ᐊᓂᔭ ᒪᒃ ᐅᑎᐧᑯᓇ ᑲ ᐛᐱᓇᑭᓄᐅᒋ ᒪᒧᓴᒋᓂᑭᓄᐛ ᐊᑯ ᒪᑐᔅᑕᐛᐱᓇᑭᓄᐅᒋ ᑭᔭ ᐊ ᐊᑎ ᐃᔎᑕᒋ᙮

ᐃᑉᕈᐛ 12:25

ᐊᑯ ᒪᒃ ᐃᔭᒂᒥᒄ ᒐᒋ ᓂᑐᑐᐛᒄ ᒋᓴᒪᓂᑐᐤ ᐊ ᐃᔨᒥᐃᑕᒄ᙮ ᐊᓐᒡ ᐃᔅᕋᐃᓪ ᐃᔪᒡ ᓇᒪ ᐅᒋ ᐎ ᓂᓇᐃᑐᐛᐅᒡ ᐊᓂᔭ ᐅᑕ ᐊᔅᒋᒡ ᑲ ᑕᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑲ ᐛᐎᑎᒥᔨᒋ, ᑭᔭ ᓇᒪ ᐅᒋ ᐱᒪᒋᐊᑭᓄᐅᒡ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒐ ᐱᒪᒋᐃᑯᔭᐧᒄ ᒋᔭᓄᐤ ᐊᑲ ᓂᑐᑐᐛᒂ ᒋᓴᒪᓂᑐᐤ ᒋᒋᒋᓯᑯᒡ ᐊ ᐅᒋ ᐃᔨᒥᐃᑕᐧᒄ ? ᓇᒪ ᑭᔭ ᒋᔭᓄᐤ ᒋᑭ ᒋ ᒋᑎᓯᒧᑕᓇᓄᐤ ᐛᐛᓯᐃᑯᓯᐅᓐ᙮

ᐃᑉᕈᐛ 6:8

ᑎᒂᒡ ᒪᒃ ᐊᔅᒋᔾ ᐊᓐᑕ ᓇᑕᐅᒋᒡ ᒐᒂᓐ ᐊᑲ ᐅᔭᔅ ᐃᑕᐱᑎᒡ, ᓇᒪ ᒐᒂᓐ ᒋᑭ ᒋ ᐃᑕᐱᑎᓐ ᐊᓐ ᐊᔅᒋᔾ᙮ ᓇᒪ ᒋᑭ ᐅᒋ ᓱᐛᔨᑎᒻ ᒋᓴᒪᓂᑐᐤ ᐊᓂᔭ ᐊᔅᒋᔪᐤ᙮ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᔎᓴᐧᒃ ᐊᓂᔭ ᐊᔅᒋᔪᐤ᙮