ᒪᑎᔪᐤ 27:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒍᑎᔅ ᒪᒃ ᐊᓐ ᑲ ᐎᔭᓯᐱᔅᑎᓇᑦ ᒋᓴᓴ; ᐃᔅᐱ ᒐ ᒋᔅᒐᔨᑕᐧᒃ ᑕᑈ ᒐ ᓂᐸᐊᑭᓄᔨᒋ ᒋᓴᓴ ᓇᔅᒡ ᒋ ᒥᑕᒋᔨᐛᓱᐤ ᐊᑯ ᑲᐤ ᑲ ᐃᑐᑐᐛᑦ ᐊᓂᔭ ᒋᓴᐊᔭᒥᐊᐅᒋᒪᓴ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᐊᓂᔭᔪᐛ ᓂᔅᑐᔪᐤ ᓱᓇᔭᐱᔅᑯᓴ ᑲ ᒥᔭᑭᓄᐅᑦ,

ᒪᑎᔪᐤ 27:3 Iomraidhean Croise

ᐊᒃᓱᑕᔅ 21:32

ᐊᑯ ᐊᐱᒋᐊᑭᓐ ᑭᔭ ᒪᒃ ᐊᐱᒋᐊᑭᓂᔎᐤ ᓂᐸᐃᑯᒐ ᐊᓂᔭ ᓇᐸ ᒥᔅᑐᓴ, ᐊᓐ ᑕᐸᔨᒪᑦ ᓇᐸ ᒥᔅᑐᓴ, ᒋᑭ ᐎ ᒋᓯᐧᑯᐛᐤ ᐊᓂᔭ ᑕᐸᔨᒪᔨᒋ ᐊᐱᒋᐊᑭᓇ ᑭᔭ ᒪᒃ ᐊᐱᒋᐊᑭᓂᔎᐛ ᓂᔅᑐᐎᔪᐤ ᓱᓇᔭᐱᔎ ᑭᔭ ᒋᑭ ᐎ ᓂᐸᐊᑭᓄᐤ ᓇᐸ ᒥᔅᑐᔅ ᐊ ᐸᐱᐳᒧᓯᓇᑕᐛᑭᓄᐅᑦ ᐊᓯᓂᔭ᙮

ᒠᓐ 13:2

ᒪᒂᒡ ᒪᒃ ᒋ ᐅᑕᑯᓯᐅᒥᒋᓱᐅᒡ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ᙮ ᐸᐃᒄ ᒪᒃ ᐊᓐ ᒋᔅᒋᓄᐊᒧᐛᑭᓐ ᒍᑎᔅ ᑲ ᐃᓯᓂᐧᑲᓱᑦ, ᓴᐃᒥᓐ ᐃᔅᑲᕆᔭᑦ ᐅᑯᓴ, ᓴᔅ ᐊᓐᑕ ᒋ ᐃᑐᑕᑯ ᒥᒋᒥᓂᑐᐛ ᒐᒋ ᐃᑕᔨᑕᐧᒃ ᒐᒋ ᐎᔭᓯᐱᔅᑎᓇᑦ ᒋᓴᓴ ᐊᓂᔭ ᒐ ᑎᐱᔅᑲᔨᒡ᙮

ᒠᓐ 13:27

ᒍᑎᔅ ᐛᑎᓇᑦ ᐊᓂᔭ ᐸᒂᓯᑭᓇ ᑲ ᒥᔨᑯᑦ ᒋᓴᓴ, ᐊᑯ ᑎᐛᒡ ᑲ ᐊᑎ ᐱᒋᔅᑲᑯᑦ ᒥᒋᒥᓂᑐᐛ᙮ ᐊᑯ ᒋᓴᓴ ᒂ ᐃᑎᑯᑦ, “ᒋᐱᔾ ᑐᑕ ᐊᓐ ᑕᓐ ᒋᐸ ᑐᑕᓐ᙮”

ᒠᓐ 18:3

ᒍᑎᔅ ᒪᒃ ᒋ ᐃᑐᑕᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ᐎᒐᐅᑯᑦ ᕈᒻ ᐊᓯᒪᑭᓂᓴ ᑭᔭ ᐊᓂᔭᔪᐛ ᑲᒪᑯᓄᐛᓯᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᐊᑐᔅᒐᔨᒋ᙮ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᒋ ᐃᑎᓴᐅᑯᒡ ᒐᒋ ᓇᓂᑐᐛᐱᒪᒡ ᒋᓴᓴ᙮ ᒋ ᐸᒋ ᑕᐧᑯᓇᐅᒡ ᒪᒃ ᐛᔅᑕᓂᐱᒪᑭᓇ ᑭᔭ ᐃᔅᑯᑕᐤ ᐛᔅᑕᓂᐱᒪᑭᓇ ᑭᔭ ᓂᑐᐱᔪᐅ-ᒧᐧᑯᒪᓇ᙮

ᐊᑈᔅᑕᓇᒡ 1:18

(ᐊᓂᔭᔪᐤ ᒪᒃ ᑲ ᐃᓯ ᒥᒋᑐᑕᐧᒃ ᒍᑎᔅ ᒋ ᒋᓯᐧᑯᐛᑭᓄᐤ ᓱᓇᔭᔪᐤ᙮ ᐊᑯ ᒂ ᐅᑎᓇᐧᒃ ᓂᑕᐅᒋᑕᑭᓐ ᐊᔅᒋᔪᐤ᙮ ᐊᑯᑕ ᐅᑕ ᑲ ᓂᐱᑦ, ᒋ ᐳᑯᒐᓯᓄᐤ ᐊ ᐸᒋᓯᓂᑦ ᓇᔅᒡ ᐊᒋ ᑯᐃᑯᑎᓂᔨᒋ ᐅᑎᓯᔭ᙮

2 ᑯᕆᓐᑎᔭᓇ 7:10

ᐛᔅ ᒧᔭᒻ ᐊ ᐃᑐᑕᑕᐧᒄ ᒋᓴᒪᓂᑐᐤ ᒐᒋ ᒥᓯᒪᔨᑎᒥᐃᑯᔭᐧᒄ ᒋᒥᒋᑐᑎᒧᐅᓄᐛ ᐊᑯᑕ ᐛᒋ ᒂᔅᒋᓂᑭᓄᐅᒋ ᒋᑕᐃᓄᐛ ᑭᔭ ᐊ ᐊᑎ ᐱᒪᒋᐅᔭᐧᒄ, ᓇᒪ ᒪᒃ ᑕᐤ ᐊᐛᓐ ᒐᒋ ᒥᑕᒋᔨᐛᔨᑕᐧᒃ ᐊᒋ ᐱᒪᒋᐊᑭᓄᐅᑦ᙮ ᐊᔅᒋᔪᐤ ᒥᓯᒪᔨᑎᒧᐅᓐ ᒪᒃ ᓂᐳᐅᓂᒡ ᐃᑐᑕᐃᐛᒥᑭᓐ᙮