ᒪᑎᔪᐤ 27:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐃᔅᐱ ᒪᒃ ᑲ ᒥᒪᒋᒂᐱᐧᑲᑕᒺᒡ ᐅᑎᒋᔪᐛ, ᐊᑯ ᒂ ᔅᑐᑕᐊᒡ᙮ ᐊᓐᑕ ᒪᒃ ᐊᓂᔭ ᕈᒻ ᒋᓴᐅᒋᒪᐤ ᐊᐱᒋᐊᑭᓇ ᑈᓚᑦ ᑲ ᐃᓯᓂᐧᑲᓱᔨᒋ ᐊ ᑕᔨᒋ ᐊᑯᑕ ᑲ ᐃᑐᑕᐊᒡ᙮

ᒪᑎᔪᐤ 27:2 Iomraidhean Croise

ᒐᓂᓯᔅ 22:9

ᐃᔅᐱ ᐛᑎᑕᒡ ᐃᑕᐅᓂᔪᐤ ᑲ ᐊᔨᒧᑎᒪᑯᑦ ᒋᓴᒪᓂᑐᐛ, ᒋ ᐅᓯᑕᐤ ᒪᒃ ᐊᑉᕋᐊᒻ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ᑕᐧᑯᑎᔅᑕᐤ ᐊᓐᑕ ᒥᑕ᙮ ᒋ ᒪᑯᐱᑕᐤ ᐅᑯᓴ ᐊᐃᓯᑲ ᑭᔭ ᐱᔅᑎᓂᒐᐅᓇᐱᔅᑯᒡ ᒂ ᑕᑯᒋᐱᔅᑎᓇᑦ ᒥᑎᒡ᙮

ᒪᑎᔪᐤ 20:19

ᐊᑯ ᒪᒃ ᒥᓐ ᐊᓐᑕ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ ᒐ ᐃᑐᑕᐊᒡ ᒐᒋ ᒪᔭᔨᒪᑭᓄᔨᒋ ᑭᔭ ᒐᒋ ᐸᐱᓯᔅᑕᐛᑭᓄᔨᒋ ᑭᔭ ᒐᒋ ᒋᔅᑕᔎᑕᑭᓄᔨᒋ᙮ ᒥᒄ ᒪᒃ ᒋ ᓂᔅᑐ ᒋᓯᑲᔨᒐ ᑲᐤ ᒋᑭ ᐅᓂᐤ᙮”

ᒪᑎᔪᐤ 28:14

ᐸᑕᒐ ᒪᒃ ᐅᔭ ᐊᓐ ᒋᓴᐅᒋᒪᐤ, ᓂᑭ ᓴᐧᑯᒋᒪᓇᓐ ᐊᑲ ᒋᔨᐛᐤ ᒐᒋ ᐊᑕᒪᔨᒥᑯᐅᔭᒄ, ᒋᑭ ᒥᔪᐱᔨᐃᑎᓇᓐ ᐊᑲ ᒐᒂᓐ ᒐᒋ ᐃᑐᑕᑯᐅᔭᒄ᙮”

ᓗᒃ 13:1

ᐊᓐᑕ ᒪᒃ ᒪᒂᒡ ᒋ ᑕᐅᒡ ᐊᓐᑕ ᐃᔪᒡ ᐊᒋ ᐎᑎᒧᐛᒡ ᒋᓴᓴ ᑕᓐ ᑲ ᐃᑐᑐᐛᑭᓄᔨᒋ ᐱᔅᒐ ᐃᔪᐛ ᑲᓕᓕ ᐊᔅᒋᒡ ᑲ ᐅᒋᔨᒋ᙮ ᒋᓴᐅᒋᒪᐅᑯᐸᓇᐛ ᑈᓚᑦ ᐊ ᐃᓯᓂᐧᑲᓱᔨᒋ ᐊᒋ ᓂᐸᐊᔨᒋ ᐊᓂᔭ ᐃᔪᐛ ᒪᒂᒡ ᐊᒋ ᐎ ᒥᑐᔅᑕᐊᒧᐛᒡ ᒋᓴᒪᓂᑐᐛ ᐊᓐᒡ ᐃᔪᒡ ᐊᓂᔭ ᐊᐛᓯᓴ ᑲ ᓂᐸᐊᒡ᙮

ᓗᒃ 20:20

ᐊᑯ ᒥᒄ ᑲ ᓂᓇᑭᑐᐛᔨᑕᒡ ᒐ ᐃᔅᐱᔅ ᒥᔪᐱᔨᒡ ᒐᒋ ᒪᑯᓇᒡ᙮ ᒋ ᐃᑎᓴᐛᐅᒡ ᒪᒃ ᓇᐸᐛ ᐊᓐᑕ ᒋᓴᔅ ᐊ ᑕᔨᒋ ᒪᒪᒡ ᒐᒋ ᐃᓯ ᑯᒂᒋᒪᔨᒋ, ᐊ ᐎ ᓇᓂᑐᒥᔅᑯᒺᒡ ᒐᒋ ᐃᔅᒋᔄᔨᒋ ᒐᒂᔪᐤ ᒐᒋ ᐅᒋ ᒪᑯᓇᒡ᙮ ᐊᑯ ᒪᒃ ᒋ ᒪᑯᓇᑥᐛ ᐊᑯ ᐊᓐᑕ ᒋᐸ ᐃᑐᑕᐊᐅᒡ ᕈᒻ ᒋᓴᐅᒋᒪᐛ ᐊ ᑕᔨᒋ, ᐊᓂᔭ ᒋᐸ ᑎᐸᔅᑯᓂᑯᔪᐛ᙮

ᓗᒃ 23:1

ᒥᓯᐛ ᒪᒃ ᒪᒧᐤ ᐊ ᑎᓯᒡ ᒋ ᐃᑐᑕᐊᐅᒡ ᒋᓴᓴ ᐊᓐᑕ ᕈᒻ ᒋᓴᐅᒋᒪᐛ ᐊ ᑕᔨᒋ, ᑈᓚᑦ ᑲ ᐃᓯᓂᐧᑲᓱᔨᒋ᙮

ᓗᒃ 23:12

ᐊᑯᑕ ᒪᒃ ᐊᓐᑕ ᒂ ᐅᒋ ᐎᒐᐛᑭᓂᑐᑕᑐᒡ ᐊᕈᑦ ᑭᔭ ᑈᓚᑦ ᐛᔅ ᐊᓐᑕ ᐅᑕᒡ ᒋ ᐛᐧᑲᑎᑐᐅᒡ᙮

ᓗᒃ 3:1

ᐊᓂᔭ ᐸᐳᓂᔨᒡ ᐱᑕᑕᒡ ᑕᑐᓴᑉ ᐱᐳᓇ ᑲ ᐃᔅᐱᔅ ᒋᓴᐅᒋᒪᐅᑦ ᑕᐃᐱᕆᔭᔅ ᓯᓴᕐ ᑲ ᐃᓯᓂᐧᑲᓱᑦ, ᑈᓐᑎᔭᔅ ᑈᓚᑦ ᒪᒂᒡ ᒋ ᓂᑲᓂᔅᑲᒐᐤ ᐊᓐᑕ ᒍᑎᔭ ᐊᔅᒋᒡ ᐊᑯ ᐊᕈᑦ ᐊᓐᑕ ᑲᓕᓕ ᐊᔅᒋᒡ ᑲ ᓂᑲᓂᔅᑲᒐᑦ, ᐊᑯ ᐎᐧᑲᓂᓴ ᐊᕈᑦ, ᐱᓕᑉ ᑲ ᐃᓯᓂᐧᑲᓱᔨᒋ ᐊᓐᑕ ᒋ ᓂᑲᓂᔅᑲᒐᔪᐛ ᐃᑐᕆᔭ ᑭᔭ ᑐᕋᑯᓇᐃᑎᔅ ᑲ ᐃᓯᓂᐧᑲᑕᔨᒋ ᐊᔅᒋᔭ᙮ ᐊᑯ ᓚᐃᓴᓂᔭᔅ ᑲ ᓂᑲᓂᔅᑲᒐᑦ ᐊᓐᑕ ᐊᐱᓕᓐ ᑲ ᐃᓯᓂᐧᑲᑕᔨᒡ ᐊᔅᒋᔪᐤ᙮

ᒠᓐ 18:12

ᐊᓐᒡ ᒪᒃ ᐊᓯᒪᑭᓂᓯᒡ ᑭᔭ ᐊᓂᔭ ᐅᒋᒪᒧᐛᐛ ᑭᔭ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᑲᒪᑯᓄᐛᓯᒡ ᒋᓴᐊᔭᒥᐊᐅᒋᐛᐱᒡ, ᒋ ᒪᑯᓇᐅᒡ ᐊᓂᔭᔪᐛ ᒋᓴᓴ ᑭᔭ ᒋ ᒪᑯᐱᑕᐅᒡ᙮

ᒠᓐ 18:24

ᐊᑯ ᐊᓇᔅ ᒂ ᐃᑎᓴᐛᑦ ᐊᓂᔭᔪᐛ ᒋᓴᓴ ᐊᓐᑕ ᑲᔭᐸᔅ ᒋᓴᐊᔭᒥᐊᐅᒋᒪᐤ ᐊ ᑕᔨᒋ ᐊᔅᒄ ᐊ ᒪᑯᐱᓱᔨᒋ᙮

ᒠᓐ 18:28

ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮

ᐊᑈᔅᑕᓇᒡ 12:6

ᐊᓂᔭ ᒪᒃ ᒪᔅᑕᔾ ᑕᐱᔅᑲᔨᒡ ᒐ ᑕᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑎᔅᑐᐎᒡ ᓂᓱ ᐊᓯᒪᑭᓂᓴ ᐊ ᑕᔨᒋ ᒋ ᓂᐸᐤ᙮ ᐊᓂᔭ ᒪᒃ ᐛᐸᓂᔨᒐ ᐊᑯ ᒋᐸ ᑎᐸᔅᑯᓇᑭᓄᐤ᙮ ᓂᔄᐸᒡ ᒪᒃ ᐃᓴᒂᔭᐱᔭ ᒋ ᒪᑯᐱᑕᑭᓄᐤ᙮ ᑭᔭ ᒋ ᑕᔪᐛ ᐊᓯᒪᑭᓂᓴ ᐊ ᑭᓄᔅᑯᐛᑐᐛᔨᒋ᙮

ᐊᑈᔅᑕᓇᒡ 21:33

ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᓂᑐᐛᐱᒪᑦ ᐊᓂᔭ ᑈᓚ, ᐊᑯ ᒂ ᒪᑯᓇᑦ᙮ ᒂ ᐃᑎᓱᐛᑦ ᒐᒋ ᒪᒋᒂᐱᐧᑲᑕᑭᓄᔨᒋ, ᓂᓱ ᐃᓴᒂᔭᐱᔭ ᐊ ᐊᐱᑎᓂᔨᒋ᙮ ᐊᑯ ᒂ ᐃᔅᒋᔄᑦ, “ᒐᒄ ᓇᐸᐤ ᐅ, ᑕᓐ ᑲ ᐃᑎᑦ ?”

ᐊᑈᔅᑕᓇᒡ 22:25

ᐃᔅᐱ ᒪᒃ ᑲ ᐎᔭᐱᐧᑲᑕᒡ ᒐ ᐸᐱᓯᔅᑕᐛᒡ, ᐊᓐ ᐊᓯᒪᑭᓂᓯᐤ ᐅᒋᒪᐤ ᒋ ᐃᓯ ᑯᒂᒋᒥᑯᐤ ᐊᓂᔭ ᑈᓚ, “ᑯᐃᔅᑯᓇᑯᓐ ᐊ ᒐᒋ ᐸᐱᓯᔅᑕᐛᒄ ᐊᐛᓐ ᕈᒻ ᐊ ᐃᓯ ᒥᓯᓇᓱᑦ ᑭᔭ ᐊᑲ ᐊᔅᒄ ᐅᒋ ᑎᐸᔅᑯᓇᑭᓄᐅᑦ ?”

ᐊᑈᔅᑕᓇᒡ 22:29

ᐱᔭᑕᒡ ᒪᒃ ᐅᔭ ᐊ ᐃᔅᒋᔄᔨᒋ ᑈᓚ ᐊᓐᒡ ᑲ ᐎ ᓂᑐ ᒋᔅᒐᔨᒪᒡ ᑕᓐ ᑲ ᐃᓯ ᐅᓂᑐᑎᒥᔨᒋ ᒋ ᐊᑎ ᐊᓴᑲᐳᐎᒡ᙮ ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᓯᓴᒋᓯᑦ ᐃᔅᐱᔅ ᑲ ᒋᔅᒐᔨᒪᑦ ᑈᓚ ᑕᑈ ᕈᒻ ᐊ ᐃᑎᓯᓇᓱᔨᒋ, ᑭᔭ ᐊᓂᔭ ᐊᒋ ᒪᑯᐱᑕᑦ ᐃᓴᒂᔭᐱᔪᐤ ᐊ ᐊᐱᒋᑕᑦ᙮

ᐊᑈᔅᑕᓇᒡ 24:27

ᓂᓱ ᐱᐳᓇ ᒪᒃ ᐃᔅᐱᔅ ᐊᑯ ᑯᑎᑲ ᐊᐛᔪᐛ ᑲ ᒥᔅᑯᑎᔅᑲᑯᑦ ᐊᓐ ᒋᓴᐅᒋᒪᐤ ᐱᓕᑭᔅ᙮ ᐳᕐᑭᔭᔅ ᐸᔅᑕᔅ ᒋ ᐃᓯᓂᐧᑲᓱᔪᐛ ᐊᓂᔭ ᑲ ᒥᔅᑯᑎᔅᑲᑯᑦ᙮ ᐊᑯ ᒪᒃ ᐱᓕᑭᔅ ᒥᒄ ᐊ ᐎ ᓂᓇᐃᑎᒪᐊᑦ ᐊᓂᔭ ᒍᐤ ᐃᔪᐛ ᐊᑯᑕ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑲ ᓂᑭᑕᑦ ᐊᓂᔭᔪᐛ ᑈᓚ᙮

ᐊᑈᔅᑕᓇᒡ 28:20

ᐊᐅᒄ ᐅ ᐛᒋ ᐎᓴᒥᑎᑯᒡ᙮ ᔅᒋ ᐎ ᐎᑎᒪᑎᓇᐛᐤ ᒐᒂᓐ ᐛᒋ ᒪᑯᓂᑯᐅᔭᓐ, ᐊᐅᒄ ᐅ ᐊ ᐊᑐᔅᑯᐅᒃ ᙭ ᐊᓂᔭ ᐃᔅᕋᐃᓪ ᐃᔪᒡ ᑲ ᐊᔅᐸᔨᒧᑐᑐᐛᒡ᙮”

ᐊᑈᔅᑕᓇᒡ 3:13

ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᒡ ᐊᓂᔭᐧᑲ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᑭᔭ ᐅᑕᒡ ᒍᑕᐎᓄᒡ ᒋᔅᑕᔨᑕᑯᐊᐤ ᐊᓂᔭᔪᐛ ᐅᑦ ᐊᐱᒋᐊᑭᓇ, ᐊᐅᒄ ᐅᔭ ᒋᓴᓴ᙮ ᒋᔨᐛᐤ ᒪᒃ ᔅᒋ ᐃᑐᑐᐛᐛᐤ ᒐᒋ ᐱᔅᑎᓇᑭᓄᐅᑦ ᐊᓐᑕ ᕈᒻ ᒋᓴᐅᒋᒪᐤ ᐊ ᑕᔨᒋ᙮ ᐊᒋ ᐊᑐᐛᔨᒪᒄ ᐅᑎᔅᑯᐤ ᑈᓚᑕ ᐊ ᑕᔨᒋ, ᐊᑎ ᐃᔅᐱᔅ ᑈᓚᑦ ᑲ ᐎ ᐱᔅᑎᓇᑦ᙮

ᐊᑈᔅᑕᓇᒡ 4:27

ᐊᐅᑯᓐ ᒪᒃ ᑕᑈ ᐊ ᐃᔅᐱᔨᒡ ᐊᓄᒡ ᐛᔅ ᒋᓴᐅᒋᒪᐤ ᐊᕈᑦ, ᑭᔭ ᐊᓐ ᐅᒋᒪᐤ ᑈᓐᑎᔭᔅ ᑈᓚᑦ, ᑭᔭ ᐊᓐᒡ ᒍᐤ ᐃᔪᒡ, ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒪᒧᐎᐅᒡ ᐊ ᓂᔅᑯᔅᑐᐛᒡ ᒋᓴᓴ, ᐊᓂᔭᔪᐛ ᑲ ᐛᔭᐱᒥᑎ ᑲ ᐸᔭᒋᓯᔨᒋ ᒋᑦ ᐊᐱᒋᐊᑭᓇ᙮

ᐊᑈᔅᑕᓇᒡ 9:2

ᒂ ᓂᑐᑎᒧᐛᑦ ᒐᒋ ᒥᔨᑯᑦ ᒥᓯᓇᐃᑭᓂᔪᐤ ᒐᒋ ᐛᐸᑎᔭᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᒍᐤ ᐊᔭᒥᐊᐅᒋᒪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ ᐊ ᐎᑕᑭᓄᐎᒡ ᐊᓐᑕ ᐊ ᒥᔭᑭᓄᐅᑦ ᒐᒋ ᒪᑯᓇᑦ ᐃᔎᐛ ᑭᔭ ᓇᐸᐛ ᑲ ᑕᑈᔭᔨᒪᔨᒋ ᒋᓴᓴ, ᑭᔭ ᑲᐤ ᒐᒋ ᒋᐛᑕᐊᑦ ᐊᓐᑕ ᒋᕈᓯᓕᒥᒡ᙮

1 ᑎᒧᑎ 6:13

ᒋᓴᒪᓂᑐᐤ ᒋ ᐱᔅᑎᓂᒻ ᒥᓯᐛ ᒐᒂᔪᐤ ᑲ ᐱᒪᑎᓯᒥᑭᓂᔨᒡ᙮ ᙭ ᒋᓴᓴ ᓇᔅᒡ ᒋ ᒋᔅᒐᔨᑕᑯᐅᐤ ᐊᐛᓐ ᐎᔾ ᐊᓐᑕ ᑲ ᐅᑎᔅᑯᑲᐳᔅᑐᐛᑦ ᑈᓐᑎᔭᔅ ᑈᓚᑕ᙮ ᑕᐱᔅᑯᓐ ᒋᓴᒪᓂᑐᐤ ᑭᔭ ᙭ ᒋᓴᔅ ᐊ ᐸᑐᐅᒡ, ᐅ ᒋ ᐎ ᐃᓯ ᓯᒋᒥᑎᓐ,

2 ᑎᒧᑎ 2:9

ᐛᔅ ᐊ ᐛᐎᑎᒪᓐ ᐅ ᒥᔽᒋᒧᐅᓐ ᐊᐅᒄ ᐛᒋ ᓂᓇᐧᑲᑕᔨᒧᔭᓐ, ᑭᔭ ᒧᔭᒻ ᐊᐛᓐ ᐊᒋ ᒥᒋᑐᑕᐧᒃ ᑲᒋ ᒪᒪᒋᒂᐱᔅᑲᐛᑭᓄᐅᑦ ᐊᐅᑯᓐ ᐊ ᐃᑐᑕᑯᐅᔭᓐ, ᒥᒄ ᒪᒃ ᓇᒪ ᒋᑭ ᒋ ᒪᒪᒋᒂᐱᔅᑲᐃᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮

ᐃᑉᕈᐛ 13:3

ᒪᒥᑐᓇᔨᒪᐧᑯᒡ ᐊᓐᒡ ᐊᐛᓐᒋ ᑲᒪᑯᓄᐛᓯᐅᒋᐛᐱᒡ ᐊ ᑕᒡ᙮ ᒧᔭᒻ ᑭᔭ ᒋᔨᐛᐤ ᐊ ᑕᔭᒄ ᐊᓐᑕ ᐊᓂᔭ ᐊ ᑕᒡ ᒐᒋ ᐃᓯ ᒪᒥᑐᓇᔨᑎᒪᒄ᙮ ᒪᒥᑐᓇᔨᒪᐧᑯᒡ ᑭᔭ ᐊᓐᒡ ᑲ ᓂᓇᐧᑲᒋᐊᑭᓄᐎᒡ ᒧᔭᒻ ᑭᔭ ᒋᔨᐛᐤ ᐊ ᓂᓇᐧᑲᒋᐃᑯᔭᒄ ᒧᔭᒻ ᐎᔨᐛᐤ ᐊ ᐃᓯ ᓂᓇᐧᑲᒋᐊᑭᓄᐎᒡ ᒐᒋ ᐃᑕᔨᑎᒪᒄ᙮