ᒪᑎᔪᐤ 27:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐎᐱᒡ ᒪᒃ ᒋᔭᒋᓴᐸᔭᔨᒡ ᒥᓯᐛ ᐊᓐᒡ ᑲ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᒋ ᒪᒧᐎᔪᐅᒡ ᒐᒋ ᐎᔭᔨᑕᒡ ᑕᓐᑕ ᒐᒋ ᐅᒋ ᓂᐸᐊᑭᓄᔨᒋ ᒋᓴᓴ᙮

ᒪᑎᔪᐤ 27:1 Iomraidhean Croise

ᑎᐱᑦ ᐅᓂᑭᒧᐅᓇ 2:2

ᒋᓴᐅᒋᒪᐅᒡ ᐊᔅᒋᒡ ᐊᔨᒋᑲᐳᐎᐃᑐᐅᒡ, ᑭᔭ ᐅᑎᐸᔨᒋᒐᐅᒡ ᓯᒋᒥᑐᐅᒡ ᐊ ᐎ ᓂᔅᑯᔅᑐᐛᒡ ᑎᐸᔨᒋᒐᓱᐛ, ᑭᔭ ᐅᑦ ᐊᐱᒋᐊᑭᓂᔪᐛ ᐊ ᐃᔅᒋᔄᒡ,

ᑎᐱᑦ ᐅᓂᑭᒧᐅᓇ 31:13

ᐛᔅ ᓂᒋ ᐸᑕᓐ ᒥᒐᑦ ᐊ ᒥᒋ ᐃᓯᒡ: ᑯᔅᑕᒋᐅᓐ ᒋ ᑎᑯᓐ ᒥᓯᐛ ᐊᔨᑐᐤ: ᒪᒂᒡ ᐊ ᒪᒧᐎ ᑭᒐᔅᒋᒥᑐᒡ, ᒋ ᐃᑕᔨᑎᒧᒡ ᒐᒋ ᐅᑎᓇᒡ ᓂᐱᒪᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 71:10

ᐛᔅ ᑲ ᐛᐧᑲᓯᒡ ᓂ ᐸᒂᓄᒥᑯᒡ; ᐊᓐᒡ ᑭᔭ ᑲ ᐊᔅᑲᒪᐛᒡ ᓂᑦ ᐊᒐᒂ ᓯᒋᒥᑐᐅᒡ᙮

ᒪᑎᔪᐤ 23:13

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ᐱᔅᑎᓇᐛᐅᒡ ᐊᓐᒡ ᑲ ᐎ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:1

ᑎᐛᒡ ᒪᒃ ᒋᔭᒋᓴᐸᔭᔨᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ᓂᔅᑐᐅᓇᐅᒡ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᑭᔭ ᒥᓯᐛ ᐊᓂᔭ ᑲ ᒪᒧᐱᔅᑎᒥᔨᒋ ᐊ ᐎᔭᔨᑕᑭᓄᐎᒡ ᒐᒂᔪᐤ, ᐊᑯ ᒂ ᐎᔭᔨᑕᒡ ᑕᓐ ᒐ ᐃᑎᒡ᙮ ᒋ ᒪᑯᐱᑕᐅᒡ ᒋᓴᓴ ᑭᔭ ᒋ ᔅᑐᑕᐅᒡ᙮ ᑈᓚᑕ ᒪᒃ ᒋ ᐱᔅᑎᓂᒧᐛᐅᒡ᙮

ᓗᒃ 13:1

ᐊᓐᑕ ᒪᒃ ᒪᒂᒡ ᒋ ᑕᐅᒡ ᐊᓐᑕ ᐃᔪᒡ ᐊᒋ ᐎᑎᒧᐛᒡ ᒋᓴᓴ ᑕᓐ ᑲ ᐃᑐᑐᐛᑭᓄᔨᒋ ᐱᔅᒐ ᐃᔪᐛ ᑲᓕᓕ ᐊᔅᒋᒡ ᑲ ᐅᒋᔨᒋ᙮ ᒋᓴᐅᒋᒪᐅᑯᐸᓇᐛ ᑈᓚᑦ ᐊ ᐃᓯᓂᐧᑲᓱᔨᒋ ᐊᒋ ᓂᐸᐊᔨᒋ ᐊᓂᔭ ᐃᔪᐛ ᒪᒂᒡ ᐊᒋ ᐎ ᒥᑐᔅᑕᐊᒧᐛᒡ ᒋᓴᒪᓂᑐᐛ ᐊᓐᒡ ᐃᔪᒡ ᐊᓂᔭ ᐊᐛᓯᓴ ᑲ ᓂᐸᐊᒡ᙮

ᓗᒃ 22:66

ᐃᔅᐱ ᒪᒃ ᐱᔭᑕᐱᓂᔨᒡ ᐊᓐᒡ ᑲ ᓂᑲᓂᔅᑯᐛᒡ ᐃᔪᐛ ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᒪᒧᐎᐅᒡ᙮ ᐊᑯᑕ ᒪᒃ ᐊᓐᑕ ᑲ ᐃᑐᑕᐊᑭᓄᐅᑦ ᒋᓴᔅ ᒐ ᓂᑐ ᒋᔅᒐᔨᒪᑭᓄᐅᑦ ᑕᓐ ᒐᒋ ᐃᓯ ᑎᐸᔅᑯᓇᑭᓄᐅᑦ᙮

ᒠᓐ 18:28

ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮

ᐊᑈᔅᑕᓇᒡ 5:21

ᐊᓐᒡ ᒪᒃ ᐊᑈᔅᑕᓇᒡ ᒋ ᓇᐃᑐᐛᐅᒡ ᐅᔭ ᑲ ᐃᑎᑯᒡ᙮ ᐃᔅᐱ ᒪᒃ ᐊ ᐊᑎ ᐸᑕᐱᓂᔨᒡ ᒋ ᐱᒐᐅᒡ ᒋᓴᐊᔭᒥᐊᐅᒋᐛᐱᒡ, ᐊᑯ ᒂ ᒋᒋ ᒋᔅᑯᑎᒪᒐᒡ᙮ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᐎᓴᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒥᓯᐛ ᒪᒧᐤ ᒐᒋ ᒪᒧᐎᒡ᙮ ᐊᑯ ᒂ ᐃᑎᓴᐛᒡ ᐊᐛᔪᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒐᒋ ᐸᓱᐛᑭᓄᔨᒋ ᐊᓂᔭᔪᐛ ᐊᑈᔅᑕᓇ ᐊᓐᑕ ᐊ ᑕᒡ᙮