4 ᐊᑯ ᒂ ᐛᑕᔨᑕᒡ ᒋᒧᑦ ᒐᒋ ᒪᑯᓇᒡ ᒋᓴᓴ ᑭᔭ ᒐᒋ ᓂᐸᐊᒡ᙮
ᐊᑎᓯᑦ ᒥᓯᐛ ᐊᐛᓯᔅ ᒋᓴᒪᓂᑐᐤ ᑲ ᐅᓯᐊᑦ, ᒋᓇᐱᒄ ᒥᒄ ᒋ ᐅᒋ ᑭᔅᒋᑕᐤ ᐊ ᐎᔭᓯᒪᑦ ᐊᐛᔪᐛ, ᐃᔅᐱᔅ ᑯᑎᒂ ᐊᐛᓯᓴ, ᐸᐃᒂᐤ ᒋ ᓇᑕᐤ ᐃᔎᐛ ᐊᑯ ᐊᑕᑦ, “ᑕᑈ ᐊ ᒋ ᐃᔅᒋᔄᐤ ᒋᓴᒪᓂᑐᐤ ᒐ ᐊᑲ ᒋ ᒥᒋᔭᒄ ᒥᓂᓴ ᒥᔅᑎᑯᒡ ᐅᒡ ᐅᑕ ᓂᑕᐅᒋᑕᑭᓂᒡ ?”
ᒋᓴᐅᒋᒪᐅᒡ ᐊᔅᒋᒡ ᐊᔨᒋᑲᐳᐎᐃᑐᐅᒡ, ᑭᔭ ᐅᑎᐸᔨᒋᒐᐅᒡ ᓯᒋᒥᑐᐅᒡ ᐊ ᐎ ᓂᔅᑯᔅᑐᐛᒡ ᑎᐸᔨᒋᒐᓱᐛ, ᑭᔭ ᐅᑦ ᐊᐱᒋᐊᑭᓂᔪᐛ ᐊ ᐃᔅᒋᔄᒡ,
ᐊᑯ ᒂ ᔅᑐᑕᒡ ᐊᓐᒡ ᐸᕆᓯᔨᒡ, ᒂ ᐃᔭᔨᒺᐛᐃᑯᒡ ᑕᓐ ᒋᐸ ᒋ ᐃᑐᐅᒡ ᒐᒋ ᓂᐸᐊᒡ ᒋᓴᓴ᙮
“ᒋᔨᐛᐤ ᒋᓇᐱᑯᒡ ᑭᔭ ᑲ ᐅᑯᓯᑐᑕᑕᑯᒡ ᒋᓇᐱᑯᒡ ᓇᔅᒡ ᑲ ᑭᔅᒋᐅᔭᒄ ᓂᑎᒥᒄ ᐊ ᐃᓯ ᐎᔭᓯᒪᑯᒡ ᐊᐛᓐᒋ, ᑕᓐᑕ ᒐᒋ ᐅᒋ ᐎᐧᑯᒋᐅᔭᒄ ᒐ ᐊᑲ ᒋ ᐃᑐᑕᔭᒄ ᒥᒋ ᐃᔅᑯᑕᒡ ?”
ᓂᓱ ᒋᓯᑲᐛ ᒋ ᐃᔅᐱᓯᓇᑯᓐ ᒐ ᐎᒪᔅᑲᒐᐅ-ᒥᑯᓴᓄᐅᒡ ᑭᔭ ᒐ ᒋᒋᐱᔨᒡ ᐸᒂᓯᑭᓐ ᐊᑲ ᐅᐱᔨᑦ ᑲᒋ ᒧᐛᑭᓄᐅᑦ᙮ ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᓇᓂᑐᐤ ᒥᔅᑭᒧᒡ ᑕᓐᑕ ᒐᒋ ᐅᒋ ᒋᒧᑦ ᒪᑯᓇᒡ ᒋᓴᓴ ᒐᒋ ᓂᐸᐊᒡ᙮
ᐊᓂᔭ ᒪᒃ ᑲ ᒋᓯᑲᔨᒡ ᐊᑯᑕ ᑲ ᐅᒋ ᒋᒋᐱᔨᑕᒡ ᐊ ᓇᓂᑐ ᒋᔅᒐᔨᑕᒡ ᑕᓐ ᒐ ᐃᑎᒡ ᒐᒋ ᓂᐸᐊᒡ ᒋᓴᓴ᙮
ᐊᑯ ᒂ ᐃᑕᑦ, “ᒧᔭᒻ ᒥᒋᒥᓂᑐᐤ ᐅᑦ ᐊᐛᓯᒪ ᐊ ᐃᑕᔨᑕᑯᓯᔨᓐ, ᐊ ᐛᐧᑲᑎᒥᓐ ᒥᓯᐛ ᑯᐃᔅᑯᑕᑎᓯᐅᓐ᙮ ᐊᑯᓐ ᐊᑯ ᐃᔅᐱᔅ ᐎᔭᓯᐃᐛ ᑭᔭ ᐳᓂ ᐊᑯ ᐊ ᐎ ᓂᓱᐅᓇᒋᑕᐅᑦ ᐊᓂᔭ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ ᒐᒋ ᐃᑕᑎᓯᓇᓄᐎᒡ᙮
ᐅ ᒪᒃ ᒋᓴᐅᒋᒪᐤ ᓇᔅᒡ ᒋ ᒪᔭᔨᒪᐤ ᐊᓂᔭᐧᑲ ᒋᐧᑲᓂᓯᓄᐛ, ᒋ ᐃᑐᑐᐛᐤ ᒥᔅᑎ ᒐᒋ ᓂᓇᐧᑲᒋᐊᑭᓄᔨᒋ ᑭᔭ ᒋ ᐃᑎᓱᐛᐤ ᐎᐎᑎᒥᒡ ᒐᒋ ᓂᑭᑕᑭᓄᔨᒋ ᐅᑦ ᐊᐛᓯᒥᔪᐛ ᒐᒋ ᓂᐱᔨᒋ ᐊᓐᑕ᙮”
ᓂ ᑯᔅᐱᓇᑕᔨᑕᓐ ᒐᒋ ᐎᔭᓯᐃᑯᐅᔭᒄ, ᒧᔭᒻ ᑕᓐ ᑲ ᐃᓯ ᐎᔭᓯᐃᑯᑦ ᐃᑉ ᒋᓇᐱᒂ ᐊᒋ ᑭᑭᒋᔭᒥᑯᑦ, ᓂ ᑯᔅᐱᓇᑕᔨᑕᓐ ᒐᒃ ᒐ ᐊᑲ ᒋ ᐃᑕᔨᒪᒄ ᙭ ᑕᓐ ᐊ ᐃᑕᔨᒪᒄ ᐊᓄᒡ, ᓇᔅᒡ ᒋ ᐊᑎ ᐃᓯ ᓇᓴᐛᐛᐤ ᑭᔭ ᒥᒄ ᐎᔾ ᒋ ᓂᓇᑭᑐᐛᔨᒪᐛᐤ᙮
