ᒪᑎᔪᐤ 26:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᑯ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐃᔪᐛ ᑲ ᒪᒧᐎᒡ ᐊᓐᑕ ᒋᓴᐊᔭᒥᐊᐅᒋᒪᐛ ᑲᔭᐸᓴ ᐅᒋᓴᐅᒋᒪᐅᒋᐛᐱᒡ᙮

ᒪᑎᔪᐤ 26:3 Iomraidhean Croise

ᑎᐱᑦ ᐅᓂᑭᒧᐅᓇ 56:6

ᒪᒧᐤ ᒪᐅᒋᐃᑐᐅᒡ, ᑲᓱᐅᒡ, ᓇᑭᑐᐛᔨᑎᒧᒡ ᓂᑕᑯᔅᒐᐅᓇ, ᐃᔅᐱ ᐊᔅᑲᒧᐛᒡ ᓂᑦ ᐊᒐᒂ᙮

ᒪᑎᔪᐤ 26:69

ᒪᒂᒡ ᒪᒃ ᐊ ᒪᔭᔨᒪᑭᓄᔨᒋ ᒋᓴᓴ, ᐱᑕᕐ ᒋ ᐊᐳᐤ ᐊᓐᑕ ᐊ ᐅᒋ ᐱᒐᓄᐎᒡ ᐊᓂᔭᔪᐛ ᒋᓴᐊᔭᒥᐊᐅᒋᒪᐛ ᐎᒋᔪᐤ, ᐸᐃᒄ ᒪᒃ ᐊᓂᔭ ᒋᓴᐊᔭᒥᐊᐅᒋᒪᐛ ᐅᑯᐸᓇᔎᒥᔪᐛ ᒋ ᐸᒋ ᓂᑐᐛᐱᒥᑯᐤ ᒂ ᐃᑎᑯᑦ, “ᒋᔾ ᑭᔭ ᔅᒋ ᐱᐸᐎᒐᐛᐤ ᒋᓴᔅ ᐊᓐ ᓇᐸᐤ ᑲᓕᓕ ᐊᔅᒋᒡ ᑲ ᐅᒋᑦ᙮”

ᒪᑎᔪᐤ 27:27

ᐊᑯ ᑈᓚᑦ ᐅᑦ ᐊᓯᒪᑭᓂᓯᒪ ᒂ ᐃᑐᑕᐊᔨᒋ ᒋᓴᓴ ᐊᓐᑕ ᐊᓂᔭᔪᐛ ᒋᓴᐅᒋᒪᐤ ᐊᐱᒋᐊᑭᓇ ᐎᒋᔨᒡ᙮ ᒥᓯᐛ ᒪᒃ ᐊᓐᒡ ᐊᓯᒪᑭᓂᓯᒡ ᐊᓐᑕ ᑲ ᑕᒡ ᒋ ᐛᔅᑲᑲᐳᔅᑐᐛᐅᒡ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:54

ᐱᑕᕐ ᒪᒃ ᐛᔪᐎᔅ ᐊᓐᑕ ᒋ ᐅᒋ ᐱᒧᑕᐤ᙮ ᑲ ᐊᑎ ᐃᑐᑕᑦ ᐊᓐᑕ ᒋᓴᐊᔭᒥᐊᐅᒋᒪᐛ ᐎᒋᔪᐤ ᐊ ᑎᑯᓂᔨᒡ᙮ ᒋ ᐎᑎᐱᒪᐤ ᐊᐱᒋᐊᑭᓇ ᑭᔭ ᒋ ᑎᐅᓱᐤ ᐃᔅᑯᑕᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:66

ᒪᒂᒡ ᐱᑕᕐ ᐊ ᑕᑦ ᐊᓐᑕ ᐎᐎᑎᒥᒡ, ᒂ ᐅᒋ ᐱᒧᑕᔨᒋ ᐸᐃᒄ ᐊᓂᔭ ᒋᓴᐊᔭᒥᐊᐅᒋᒪᐤ ᐅᑯᐸᓇᔎᒪ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:16

ᐊᓯᒪᑭᓂᓯᒡ ᒪᒃ ᒋ ᐃᑐᑕᐅᒡ ᒋᓴᓴ ᐊᓐᑕ ᒋᓴᐅᒋᒪᐅᒋᐛᐱᒡ᙮ ᐊᑯ ᐛᓴᒪᒡ ᒥᓯᐛ ᑯᑎᑲ ᐊᓯᒪᑭᓂᓴ᙮

ᓗᒃ 22:55

ᒋ ᑯᑐᐛᓄᔪᐤ ᒪᒃ ᐊᓐᑕ ᐎᐎᑎᒥᒡ ᐊᓂᔭ ᒥᒋᐛᐱᔪᐤ, ᐊᑯᑕ ᑲ ᓇᐃᐱᒡ ᐊᓐᒡ ᑲ ᐎᒐᒐᒡ᙮ ᐱᑕᕐ ᒪᒃ ᒋ ᓇᑕᐤ ᐊᓂᔭᔪᐛ ᐊᑯ ᒂ ᐎᑎᐱᒪᑦ᙮

ᓗᒃ 3:2

ᒪᒂᒡ ᒪᒃ ᑭᔭ ᐊᓇᔅ ᑭᔭ ᑲᔭᐸᔅ ᒋ ᒋᓴᐊᔭᒥᐊᐅᒋᒪᐅᒡ᙮ ᐊᐅᒄ ᒪᒃ ᐅᔭᔪᐤ ᒪᒂᒡ ᒠᓐ, ᓴᑲᕋᔭ ᐅᑯᓴ ᐊᓐᑕ ᐸᐧᑯᑎᔅᑭᒥᑲᒡ ᒋ ᑕᐤ᙮ ᐊᑯᑕ ᒪᒃ ᐊᓐᑕ ᑲ ᐎᑎᒪᑯᑦ ᒋᓴᒪᓂᑐᐛ ᑕᓐ ᒋᐸ ᐃᓯ ᑭᒐᔅᒋᒧᐤ᙮

ᒠᓐ 11:57

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ᐃᑎᓱᐛᐅᒡ ᔭᐃᑕᔾ ᐊᐛᔪᐛ ᒐ ᐎᑎᒥᔨᒋ ᒋᔅᒐᔨᒪᔨᒐ ᑕᓐᑕ ᐊ ᑕᔨᒋ ᒋᓴᓴ ᒐᒋ ᒪᑯᓇᑭᓄᔨᒋ᙮

ᒠᓐ 18:24

ᐊᑯ ᐊᓇᔅ ᒂ ᐃᑎᓴᐛᑦ ᐊᓂᔭᔪᐛ ᒋᓴᓴ ᐊᓐᑕ ᑲᔭᐸᔅ ᒋᓴᐊᔭᒥᐊᐅᒋᒪᐤ ᐊ ᑕᔨᒋ ᐊᔅᒄ ᐊ ᒪᑯᐱᓱᔨᒋ᙮

ᒠᓐ 18:28

ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮