ᒪᑎᔪᐤ 26:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² “ᒋ ᒋᔅᒐᔨᑕᓇᐛᐤ ᓂᓱ ᒋᓯᑲᐛ ᐃᔅᐱᔅ ᐊᑯ ᒐ ᒋᒋᐱᔨᒡ ᐎᒪᔅᑲᒐᐅ-ᒥᑯᓴᐅᓐ᙮ ᐊᑯᑕ ᒪᒃ ᐊᓐ ᒪᒂᒡ ᐃᔅᐱᔨᒐ ᒐ ᐱᔅᑎᓇᑭᓄᐅᑦ ᐃᔪᐤ ᐅᑯᓯᓴᓐ ᒐᒋ ᒋᔅᑕᔎᑕᑭᓄᐅᑦ᙮”

ᒪᑎᔪᐤ 26:2 Iomraidhean Croise

ᐊᒃᓱᑕᔅ 34:25

ᐃᔅᐱ ᒪᑐᔅᑕᒧᐅᔭᑯᐤ ᐊᐛᓯᔅ ᒐ ᐊᑲ ᐊᓯᒡ ᒥᑐᔅᑕᐊᒧᐅᔭᒄ ᓯᐅᔅᑎᒪᑭᓐ᙮ ᒐ ᐊᑲ ᓇᔅᑎᔅ ᐃᔅᑯᓂᒪᒄ ᐎᔭᔅ ᑲ ᒥᑐᔅᑕᐊᒪᒐᓄᐅᒡ ᐎᒪᔅᑲᒐᐤ ᒥᔅᑯᓴᐅᓂᒡ ᒐᒋᓴᐸᔭᒐ᙮

ᒪᑎᔪᐤ 10:4

ᑭᔭ ᓴᐃᒥᓐ ᑲ ᐊᔭᒥᐊᐛᑎᓯᑦ ᑲ ᐃᓯᓂᐧᑲᑕᑭᓄᐅᑦ, ᑭᔭ ᒍᑎᔅ ᐃᔅᑲᕆᔭᑦ, ᐊᐅᑯᐤ ᑲ ᐎᔭᓯᐱᔅᑎᓇᑦ ᒋᓴᓴ᙮

ᒪᑎᔪᐤ 17:22

ᐃᔅᐱ ᒪᒃ ᒥᓯᐛ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ᐸᒋ ᒪᒧᐎᒡ ᐊᓐᑕ ᑲᓕᓕᒡ, ᒋᓴᔅ ᒋ ᐃᑕᐤ, “ᓴᔅ ᐎᐱᒡ ᒋᑭ ᐱᔅᑎᓇᑭᓄᐎᒡ ᐃᔪᒡ ᑕᓐ ᐛ ᐃᑐᑐᐛᒡ ᒐᒋ ᐃᑐᑐᐛᒡ ᐃᔪᐤ ᐅᑯᓯᓴᓇ᙮

ᒪᑎᔪᐤ 27:4

ᐊᑯ ᒂ ᐃᑕᑦ, “ᑕᑈ ᓇᔅᒡ ᓂ ᐅᓂᑐᑕᓐ ᑕᓐ ᑲ ᐃᓯ ᐎᔭᓯᐱᔅᑎᓂᒃ ᓇᐸᐤ ᐊᑲ ᐛᒡ ᒥᒋᑐᑕᐧᒃ᙮” ᐊᑯ ᒂ ᐃᑎᑯᑦ ᐊᓂᔭᔪᐛ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ, “ᑕᐸ ᒐᒂᓐ ᓂᑭ ᒋ ᐃᑎᓇᓐ ᓂᔭᓐ ? ᒋᔾ ᐊᓐ ᒋᑭ ᐎ ᒥᔪᐱᔨᑥᓱᓐ᙮”

ᓗᒃ 22:15

ᒋ ᐃᑕᐤ ᒪᒃ ᒋᓴᔅ, “ᓇᔅᒡ ᑕᑈ ᓂᒋ ᐱᑯᓴᔨᑎᒥᐃᑯᓐ ᒐᒋ ᐎᒋᒥᒋᓱᒥᑎᑯᒡ ᐎᒪᔅᑲᒐᐅ-ᒥᑯᓴᓐ ᐊᔅᒄ ᐊᑲ ᐅᑎᒋᐱᔨᒡ ᒐ ᐃᓯ ᐛᐎᓯᒐᔨᑎᒥᐃᑯᔭᓐ᙮

ᒠᓐ 11:55

ᒋ ᐸᓱᓇᑯᓐ ᒪᒃ ᐊᓐ ᒍᐤ ᐎᒪᔅᑲᒐᐅ-ᒥᑯᓴᐅᓐ᙮ ᒥᒐᑦ ᐊᐛᓐᒋ ᒋ ᐸᒋ ᐃᑐᑕᐅᒡ ᒋᕈᓯᓕᒥᒡ ᓂᓇᐧᑯᐤ ᐅᑕᓇᒡ ᐊ ᐅᑐᑕᒡ ᐊ ᐸᒋ ᑎᑯᓯᒡ ᒐᒋ ᐃᑐᑕᒡ ᑕᓐ ᑲ ᐃᓯ ᐎᔅᑕᔨᒡ ᐊᔭᒥᐊᐅ ᐎᓱᐛᐅᓂᒡ ᒋᐸ ᐃᑐᐅᒡ ᒐᒋ ᐸᔭᒋᓯᒡ᙮

ᒠᓐ 12:1

ᐊᓱᑕᒡ ᑕᑐᐤ ᒋᓯᑲᐛ ᒋ ᐃᔅᐱᓯᓇᑯᓂᔪᐤ ᐎᒪᔅᑲᒐᐅ-ᒥᑯᓴᐅᓂᔪᐤ, ᒋᓴᔅ ᑲ ᑎᑯᓯᐧᒃ ᐊᓐᑕ ᐸᑕᓂᒡ ᐊᓐᑕ ᓚᓴᕋᓴ ᐎᒋᔨᒡ᙮ ᐊᑯᑕ ᐅᔭ ᑲ ᐅᓂᔅᑲᓇᑦ ᓂᐳᐅᓂᒡ ᐅᒡ᙮

ᒠᓐ 18:2

ᒍᑎᔅ ᒪᒃ ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ ᒋ ᒋᔅᒐᔨᑎᒻ ᑕᓐᑕ ᑲ ᑎᑯᓂᔨᒡ ᐊᓂᔭᔪᐤ ᐛᔅ ᒥᒐᑥᐤ ᒋ ᒪᒧᐎᐅᒡ ᐊᓐᑕ ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ᙮

ᒠᓐ 18:32

ᐊᐅᒄ ᒪᒃ ᐅ ᐛᒋ ᐃᔅᐱᔨᒡ ᐅ ᒐᒋ ᑎᐱᐱᔨᒡ ᑕᓐ ᐊᓐ ᑲ ᐃᓯ ᓂᑲᓐ ᐎᑕᐧᒃ ᒋᓴᔅ ᒐ ᐃᓯ ᓂᐱᑦ᙮

ᒠᓐ 2:13

ᓴᔅ ᒪᒃ ᒋ ᐸᓱᓇᑯᓂᔪᐤ ᒍᐤ ᐃᔪᒡ ᑲᒋ ᒥᑯᓴᒡ, ᐎᒪᔅᑲᒐᐅ-ᒥᑯᓴᐅᓐ ᑲ ᐃᓯᓂᐧᑲᑕᔨᒡ, ᐊᑯ ᐊᓐᑕ ᒋᕈᓯᓕᒥᒡ ᒂ ᐃᑐᑕᑦ ᒋᓴᔅ᙮