ᒪᑎᔪᐤ 24:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒪᒂᒡ ᒪᒃ ᒋᓴᔅ ᐊ ᐊᐱᑦ ᐊᓐᑕ ᐊ ᐃᔅᐸᑕᐅᐧᑲᔨᒡ ᐊᓂᔭ ᐱᔅᑯᑎᓇᔪᐤ ᐊᓕᐱᔅ ᑲ ᐃᓯᓂᐧᑲᑕᔨᒡ, ᐃᔅᐱ ᐊᑲ ᑕᔨᒋ ᐊᓂᔭ ᐃᔪᐛ, ᒋ ᐸᒋ ᓂᑐᐛᐱᒥᑯᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑎᑯᑦ, “ᐸᒋ ᐎᑎᒧᐅᓇᓐ ᒪ, ᑕᐃᔅᐱ ᒐ ᐃᔅᐱᔨᒋ ᐅᔭ ᒐᒂᔪᐛ᙮ ᑕᓐᑕ ᒐ ᐅᒋ ᒋᔅᒐᔨᑎᒪᒡ ᐅᑎᒋᐱᔨᒐ ᒥᓐ ᒐ ᑎᑯᓯᓂᔨᓐ ? ᐊᑯ ᒪᒃ ᑕᓐᑕ ᒐ ᐅᒋ ᒋᔅᒐᔨᑎᒪᒡ ᒐ ᐃᔎᐱᔨᒡ ᐊᔅᒋᔾ ?”

ᒪᑎᔪᐤ 24:3 Iomraidhean Croise

ᒪᑎᔪᐤ 13:36

ᐃᔅᐱ ᒪᒃ ᒋᓴᔅ ᑲ ᔅᑐᑕᑦ ᐊᓐᑕ ᐊ ᒥᒐᑎᓇᓄᐎᒡ ᐅᒋ, ᒂ ᐱᒐᑦ ᒪᒃ ᐊᓐᑕ ᒥᒋᐛᐱᒡ, ᐅᒋᔅᒋᓄᐊᒧᐛᑭᓇ ᒋ ᐸᒋ ᓂᑐᐛᐱᒥᑯᐤ ᐊᑯ ᒂ ᐃᑎᑯᑦ, “ᐸᒋ ᐎᑎᒧᐅᓇᓐ ᒪ ᑕᓐ ᐊ ᐃᓯ ᐎᑎᒪᒐᒥᑲᒡ ᐊᓐ ᒋᔅᑯᑎᒪᒐᐤ ᑎᐸᒋᒧᐅᓐ ᒥᒋ ᓂᑕᐅᒋᑕᑭᓐ ᑲ ᐊᔨᒧᑕᒡ᙮”

ᒪᑎᔪᐤ 13:49

ᐊᐅᑯᓐ ᒪᒃ ᒧᔭᒻ ᒐ ᐃᓯᓇᒂᒡ ᐃᔅᐱ ᐃᔎᐱᔨᒐ ᐊᔅᒋᔾ, ᐊᓐᒋᓐᒡ ᒋᑭ ᑎᐸᓇᐅᒡ ᐊᓂᔭ ᑲ ᒥᒐᑎᓯᔨᒋ ᐊᓐᑕ ᐅᒋ ᒪᒂᒡ ᐊᓂᔭ ᑲ ᑯᐃᔅᑯᑕᑎᓯᔨᒋ ᐊ ᑕᔨᒋ᙮

ᒪᑎᔪᐤ 15:12

ᐊᑯ ᐊᓂᔭ ᐅᒋᔅᒋᓄᐊᒧᐛᑭᓇ ᐱᔭᒋ ᓂᑐᐛᐱᒥᑯᑦ, ᑭᔭ ᐊ ᑎᑯᑦ, “ᒋ ᒋᔅᒐᔨᑕᓐ ᐊ ᐊᒋ ᒋᔄᑥᐤ ᐊᓐᒡ ᐸᕆᓯᔨᒡ ᐊᓂᔭ ᑲ ᐃᔅᒋᔄᐅᑦ ?”

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᒪᑎᔪᐤ 16:28

ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”

ᒪᑎᔪᐤ 17:19

ᐊᑯ ᐊᓂᔭ ᐅᒋᔅᒋᓄᐊᒧᐛᑭᓇ ᑲ ᐸᒋ ᓂᑐᐛᐱᒥᑯᑦ ᑎᐸᓐ ᑲ ᐃᑐᑕᐃᑯᑦ ᐊᑯ ᒂ ᐃᑎᑯᑦ, “ᑕᓐᑕ ᐛᒋ ᐊᑲ ᐅᒋ ᐎᐎᑎᓴᐅᒋᑦ ᐊᓐ ᒥᒋ ᐊᒐᐧᒄ ?”

ᒪᑎᔪᐤ 21:1

ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐᑕ ᒋᕈᓯᓕᒥᒡ ᒋ ᐎ ᐃᑐᑕᐅᒡ᙮ ᐃᔅᐱ ᐊ ᐊᑎ ᐸᓱᐛᐸᑕᒡ ᒋ ᐅᑎᑎᒧᒡ ᐊᓂᔭ ᐅᑕᓇᔪᐤ ᐸᑦᐸᐃᒡ ᑲ ᐃᓯᓂᐧᑲᑕᔨᒡ᙮ ᐊᓐᑕ ᐱᔅᑯᑎᓇᐤ ᐊᓕᐱᔅ ᑲ ᐃᓯᓂᐧᑲᑕᒡ ᐊᑯᑕ ᐊ ᑎᒂᒡ ᐅ ᐅᑕᓇᐤ᙮ ᐊᑯᑕ ᒪᒃ ᐅᑕ ᒋᓴᔅ ᑲ ᓂᑲᓂᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊ ᐃᑕᑦ,

ᒪᑎᔪᐤ 24:27

ᐛᔅ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᒐ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ᙮ ᒧᔭᒻ ᐊ ᐃᔅᐱᔅ ᒋᐧᑲᓇᒂᒡ ᐊ ᐛᔅᑕᐱᔨᒡ ᐊᓐᑕ ᒋᓯᑯᒡ, ᐊᓐᑕ ᐛᐱᓄᑕᒡ ᐊ ᐅᒋ ᓄᒂᒡ ᐊᓐᑕ ᒪᒃ ᐊᑎᒪᐱᓯᒧᑕᒡ ᐊ ᐃᓯ ᐸᓯᑯᓇᒂᒡ, ᐊᑯᓐ ᒐ ᐃᓯᓇᑯᓂᔨᒡ ᑎᑯᓯᒐ ᐃᔪᐤ ᐅᑯᓯᓴᓐ᙮”

ᒪᑎᔪᐤ 24:30

“ᐊᑯ ᒪᒃ ᒐ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᒋᑭ ᒪᐅᒡ᙮ ᒋᑭ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒪᑎᔪᐤ 24:37

ᒧᔭᒻ ᒪᒃ ᑕᓐ ᑲ ᐃᑕᔨᑕᑯᓂᔨᒡ ᐊᓐᑕ ᒪᒂᒡ ᑲ ᐱᒪᑎᓯᑦ ᐊᓂᔭ ᓄᐛ, ᐊᐅᑯᓐ ᒐ ᐃᑕᔨᑕᒂᒡ ᒥᓐ ᑎᑯᓯᒐ ᐃᔪᐤ ᐅᑯᓯᓴᓐ᙮

ᒪᑎᔪᐤ 24:39

ᓇᒪ ᒪᒃ ᐅᒋ ᒋᔅᒐᔨᑎᒧᒡ ᑕᓐ ᒐ ᐃᔅᐱᔨᒡ ᐸᑐᔅ ᑲ ᐃᔅᒋᐳᑕᔨᒡ ᐊᔅᒋᔪᐤ, ᒥᓯᐛ ᒪᒃ ᒋ ᐅᓇᒋᔨᑯᐅᒡ᙮ ᐊᐅᑯᓐ ᒪᒃ ᒧᔭᒻ ᒐ ᐃᔅᐱᔨᒡ ᐃᔅᐱ ᐸᒋ ᓄᑯᓯᒐ ᐃᔪᐤ ᐅᑯᓯᓴᓐ᙮

ᒪᑎᔪᐤ 24:43

ᐎ ᓂᔅᑐᑎᒧᒄ ᒪᒃ ᐅ᙮ ᒧᔭᒻ ᐊᐛᓐ ᐎᒋᒡ ᐊ ᑕᑦ ᒋᔅᒐᔨᒪᑦ ᑲᓂᑕᐅᒋᒧᑎᔨᒋ ᒐ ᐸᒋ ᑎᑯᓯᓂᔨᒋ, ᒋᐸ ᐊᔭᔅᑯᐎᔅᑐᐛᐤ᙮ ᐊᑐᒡ ᐎ ᒋᐸ ᐅᒋ ᐱᔅᑎᓇᐤ ᒥᒄ ᒐᒋ ᐃᓯ ᑭᒐᒧᑎᔨᒋ ᐊᓐᑕ ᐎᒋᒡ᙮

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᓗᒃ 21:7

ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᑯᒂᒋᒪᐅᒡ ᒋᓴᓴ ᐊ ᐃᑕᒡ, “ᒋᔅᑯᑎᒪᒐᓱᐤ, ᑕᐃᔅᐱ ᒐ ᐃᔅᐱᔨᒡ ᐅ᙮ ᑕᓐᑕ ᒐᒋ ᐅᒋ ᒋᔅᒐᔨᑎᒪᒡ ᓴᔅ ᐊ ᐅᑎᒋᐱᔨᒡ ᐊ ᐃᔅᐱᔨᒡ ᐅ ?”

ᐊᑈᔅᑕᓇᒡ 1:7

ᒋᓴᔅ ᒪᒃ ᒋ ᐃᑕᐤ, “ᓇᒪ ᒋᔨᐛᐤ ᒋᐸ ᐅᒋ ᓇᓂᑐ ᑭᒐᔅᒐᔨᑕᓇᐛᐤ ᑕᓐ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᐊᓂᔭᔪᐤ ᐊ ᑎᐸᔨᒋᒐᑦ ᓄᑕᐎᔾ ᓴᔅ ᒋ ᐎᔭᔨᑎᒻ ᑕᓐ ᒐ ᐃᔅᐱᔅ ᐅᑎᒋᐱᔨᒡ ᐅᔭ᙮

ᐃᑉᕈᐛ 9:26

ᐛᔅ ᒧᔭᒻ ᒪᒃ ᐸᐃᒂᐤ ᐊᒋ ᐱᔅᑕᔨᒥᑎᓱᑦ ᓇᒪ ᐅᒋ ᓂᑐᐛᔨᑕᑯᓂᔪᐤ ᒧᓯᓇᐤ ᒐᒋ ᐱᔅᑎᓂᓱᑦ ᒐᒋ ᓂᓇᐧᑲᒋᐊᑭᓄᐅᑦ᙮ ᒋ ᓂᑐᐛᔨᑕᑯᓂᑯᐱᓇ ᒪᒃ ᐅᔭ ᒐᒋ ᐃᑎᑦ ᒧᓯᓇᐤ ᐊᐅᑯᓐ ᒋᐸ ᐸᒋ ᐃᑐᐤ ᑲ ᐃᔅᐱᔅ ᑎᒂᒡ ᐅ ᐊᔅᒋᔾ᙮ ᐃᔅᐱ ᒪᒃ ᐛᑎᒋᐱᔨᒋ ᐅᔭ ᐊ ᐸᒋ ᒋᓯᑲᒋ ᐸᐃᒂᐤ ᒥᒄ ᒋ ᐱᔅᑎᓂᒻ ᐅᐱᒪᑎᓯᐅᓐ ᒐᒋ ᐅᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮