9 ᒪᒋᒄ ᒪᒃ ᐃᑐᑕᒄ ᐊᓐᑕ ᒪᔅᑭᓇᒡ ᐊᓐᑕ ᐊ ᐛᔪᑎᓯᒡ ᐃᔪᒡ ᒥᒄ ᑕᑐᐤ ᐊᐛᓐᒋ ᒐ ᐛᐱᒪᑯᒡ ᒐ ᐎᓴᒪᑯᒡ ᒐᒋ ᐸᒋ ᓇᒋ ᒥᑯᓴᒡ᙮’
ᐊᑯ ᐊᑎᑯᑦ, “ᓇᒪ ᐊᐛᓐ ᐊᔅᒄ ᓂ ᐅᒋ ᐅᑎᓂᑯᓇᓐ᙮” ᐊᑯ ᐊᑕᑦ, “ᑭᔭ ᒋᔨᐛᐤ ᒪ ᐊᑐᔅᒐᒄ ᐊᓐᑕ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮”
ᐊᑯ ᐊᓐᒡ ᐊᐱᒋᐊᑭᓐᒡ ᒂ ᐃᑐᑕᒡ ᐊᓐᑕ ᒪᔅᑭᓇᒡ, ᐊᑯᑕ ᒪᒃ ᑲ ᐛᐱᒪᒡ ᒥᓯᐛ ᐊ ᐃᑕᔨᑕᑯᓯᔨᒋ ᐊᐛᔪᐛ, ᑲ ᒥᒋᑥᔨᒋ ᑭᔭ ᑲ ᑯᐃᔅᑯᑕᑎᓯᔨᒋ᙮ ᐊᔪᐅᒄ ᐅᔭ ᑲ ᐛᐎᓴᒪᒡ᙮ ᐊᑯ ᒪᒃ ᓇᔅᒡ ᑲ ᐊᑎ ᓴᑭᔅᒋᓇᓄᐎᒡ ᐊᓐᑕ ᐊᓂᔭ ᑲ ᒥᑯᓴᓄᐎᒡ᙮”
“ᐊᑯ ᒥᓐ ᒂ ᐎᓴᒪᑦ ᑯᑎᑲ ᐅᑦ ᐊᐱᒋᐊᑭᓇ, ᒂ ᐃᑕᑦ, ‘ᓴᔅ ᐛᔅ ᐊᔭᔅᑯᔅᑕᐤ ᐊᓐ ᓂᐳᐅᐤ ᒥᑯᓴᓐ᙮ ᐊᓐᒡ ᒪᒃ ᑲ ᐎᓴᒥᒂᐤ ᓇᒪ ᐅᒋ ᐎ ᑎᑯᓯᓄᐅᒡ ᑭᔭ ᓇᒪ ᒋᔅᑕᔨᑕᑯᓱᐅᒡ ᐊᓐᑕ ᒐᒋ ᑕᒡ᙮
ᐊᑯ ᒪᒃ ᒋᐸ ᐛᐎᑎᒧᐛᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᓂᔾ ᐸᒋ ᓇᓯᑥᐛ᙮ ᒋᕈᓯᓕᒥᒡ ᒪᒃ ᓂᔅᑎᒻ ᒋᑭ ᐅᒋ ᒥᓯᑕᐱᔪᐤ ᐅ ᒐ ᐃᓯ ᐛᐎᑕᑭᓄᐅᒡ᙮
ᐊᔪᐅᒄ ᐅᔭ ᐅᑎᐸᔨᒋᒐᐤ ᑲ ᐃᑎᓱᒥᔨᒥᑦ ᒐᒋ ᑎᔭᒡ ᑲ ᐃᔅᒋᔄᑦ, ᔅᒋ ᐅᑎᓂᑎᓐ ᒐᒋ ᐛᔅᑐᐛᔨᓐ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᒡ ᐊᐛᓐᒋ ᐊ ᑕᒡ, ᒐᒋ ᐅᒋ ᒋᔅᒐᔨᑕᒡ ᑕᓐᑕ ᐊ ᐅᒋ ᐱᒪᒋᐃᐛᑦ ᒋᓴᒪᓂᑐᐤ᙮ ᒥᓯᐛ ᒪᒃ ᐊ ᐃᔅᐱᑎᔅᑭᒥᑲᒡ ᐅᑕ ᐊᔅᒋᔾ ᒋᑭ ᐸᑕᑯᓐ᙮”
ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮
ᑲ ᐸᔭᒋᓯᑦ ᐊᒐᐧᒄ ᑭᔭ ᐊᓐ ᐅᔅᒋᓂᒋᔎᐤ ᐃᔅᒋᔄᐅᒡ, “ᐊᔅᑎᒻ !” ᑭᔭ ᐊᓐ ᐊᐛᓐ ᑲ ᐸᑕᐧᒃ ᐊᑯᔅ ᑭᔭ ᐎᔾ ᒋᑭ ᐃᔅᒋᔄᐤ, “ᐊᔅᑎᒻ !” ᒥᓯᐛ ᒋᔨᐛᐤ ᑲ ᓄᑕᔭᐸᒂᔭᒄ, “ᐊᔅᑎᒧᒄ, ᓴᒐᔾ ᐸᒋ ᒥᓂᒄ ᐊᓐ ᓂᐱᔾ ᐊᓐᑕ ᐛᒋ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮”