ᒪᑎᔪᐤ 22:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ “ᐊᑯ ᒥᓐ ᑯᑎᑲ ᐊᐱᒋᐊᑭᓇ ᒂ ᐃᑎᓴᐛᑦ ᐃᔭᐱᒡ ᒐᒋ ᐎᓴᒪᔨᒋ ᐊᐛᔪᐛ᙮ ᒪᐅᔭᔪᐤ ᑲ ᐃᑎᓱᒪᑦ ᒐᒋ ᐃᔅᒋᔄᔨᒋ, ‘ᓴᔅ ᓂᒋ ᐃᓯ ᐃᑎᓐ ᒐ ᒥᑯᓴᔭᓐ᙮ ᓴᔅ ᒋ ᓂᐸᐊᑭᓄᐎᒡ ᒥᔅᑐᓯᒡ ᑭᔭ ᒥᔅᑐᓯᓯᒡ ᒐ ᒥᑯᓴᓄᐅᒡ ᑭᔭ ᓴᔅ ᒋ ᐃᓯ ᐎᔅᑕᓱᓇᓄᐤ᙮ ᐸᒋ ᑎᑯᓯᓂᒄ ᒪᒃ᙮’ ”

ᒪᑎᔪᐤ 22:4 Iomraidhean Croise

ᑎᐱᑦ ᐅᓂᑭᒧᐅᓇ 86:5

ᐛᔅ ᒋᔾ, ᑎᐸᔨᒋᒐᓱᐤ, ᒋ ᒥᔽᑎᓯᓐ, ᑭᔭ ᒋ ᐎ ᐛᐸᔨᑎᒪᒐᓐ; ᑭᔭ ᒋ ᐛᔪᒡ ᒋᔅᑎᒪᒐᔨᒪᐅᒡ ᒥᓯᐛ ᑲ ᓇᓂᑐᒥᔅᒡ᙮

ᒪᑎᔪᐤ 21:36

ᐊᑯ ᒪᒃ ᐊᓐ ᐅᒋᒪᐤ ᒥᓐ ᒋ ᐃᑎᓴᐛᐤ ᑯᑎᑲ ᐊᐱᒋᐊᑭᓇ, ᐊᑐᐎᔅ ᐊ ᒥᒐᑎᔨᒋ᙮ ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᐃᔭᐱᒡ ᐊᐅᑯᓐ ᑲ ᐃᑐᑐᐛᒡ ᐊᓂᔭ ᐊᐱᒋᐊᑭᓇ᙮

ᒪᑎᔪᐤ 22:5

“ᒥᒄ ᒪᒃ ᐊᓐᒡ ᑲ ᐎᓴᒪᑭᓄᐎᒡ ᓇᒪ ᐅᒋ ᐊᔭᐱᓯᑎᒧᒡ, ᐃᔭᒡ ᒋ ᐃᓯ ᔅᑐᑕᐅᒡ᙮ ᐸᐃᒄ ᐊᓐ ᐊᓐᑕ ᐅᓂᑕᐅᒋᑕᑭᓐ ᐊ ᑎᑯᓂᔨᒡ ᒋ ᐃᑐᑕᐤ᙮ ᐊᑯ ᒥᓐ ᑯᑎᒃ ᒋ ᐃᔭᑯᐱᓇ ᑕᓐ ᐊ ᐃᓯ ᐊᑕᐛᑦ᙮ ᐊᑯᑕ ᑲ ᐃᑐᑕᑦ ᐎᔾ᙮

ᒪᑎᔪᐤ 22:8

“ᐊᑯ ᒥᓐ ᒂ ᐎᓴᒪᑦ ᑯᑎᑲ ᐅᑦ ᐊᐱᒋᐊᑭᓇ, ᒂ ᐃᑕᑦ, ‘ᓴᔅ ᐛᔅ ᐊᔭᔅᑯᔅᑕᐤ ᐊᓐ ᓂᐳᐅᐤ ᒥᑯᓴᓐ᙮ ᐊᓐᒡ ᒪᒃ ᑲ ᐎᓴᒥᒂᐤ ᓇᒪ ᐅᒋ ᐎ ᑎᑯᓯᓄᐅᒡ ᑭᔭ ᓇᒪ ᒋᔅᑕᔨᑕᑯᓱᐅᒡ ᐊᓐᑕ ᒐᒋ ᑕᒡ᙮

ᓗᒃ 14:17

ᐃᔅᐱ ᒪᒃ ᐛᑎᒋᐱᔨᒡ ᒐ ᒥᒋᓱᓇᓄᐎᒡ ᒋ ᐃᑎᓴᐛᐤ ᐊᓂᔭ ᐅᑦ ᐊᐱᒋᐊᑭᓇ ᒐᒋ ᐃᑕᔨᒋ ᐊᓂᔭ ᑲ ᐎᓴᒪᑭᓄᔨᒋ, ‘ᐸᒋ ᑎᑯᓯᓂᒄ ᔅᑎᑯᓇᐛᐤ, ᓴᔅ ᒥᓯᐛ ᒐᒂᓐ ᐊᔭᔅᑯᔅᑕᐤ᙮’ ”

ᐊᑈᔅᑕᓇᒡ 1:8

ᒋᑭ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ᐸᔭᒋᓯᑦ ᐊᒐᐧᒄ ᒋ ᐅᑎᑎᑕᒂ᙮ ᐊᑯ ᒪᒃ ᒐ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐊᔅᒋᔾ᙮”

ᐊᑈᔅᑕᓇᒡ 13:46

ᒥᒄ ᒪᒃ ᑈᓪ ᑭᔭ ᐸᕐᓇᐸᔅ ᒋ ᓱᒐᔨᒧᐅᒡ ᐊ ᐃᔅᒋᔄᒡ, “ᒋᓴᒪᓂᑐᐤ ᓂᒋ ᓂᑐᐛᔨᒥᑯᓇᓐ ᒋᔨᐛᐤ ᒍᐤ ᐃᔪᒡ ᓂᔅᑎᒻ ᒐᒋ ᐎᑎᒪᑕᒡ ᐅᑦ ᐃᔨᒧᐅᓐ᙮ ᒥᒄ ᒪᒃ ᐊ ᐊᓏᑎᒪᒄ ᐊᑯᑕ ᐛᒋ ᓄᒂᒡ ᐊᑲ ᒋᔅᑕᔨᑕᑯᓯᔭᒄ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᐊᑯ ᒪᒃ ᒐ ᓂᑭᑎᑕᒡ, ᒐ ᐎᑎᒧᐅᒋᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮