ᒪᑎᔪᐤ 20:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᓐᒡ ᒪᒃ ᓇᐸᐅᒡ ᐱᑕᑕᒡ ᑲ ᐃᔅᐱᔨᒋ ᑲ ᐅᑎᓇᑭᓄᐅᒡ ᐊᐅᑯᓐᒡ ᓂᔅᑎᒻ ᑲ ᒋᓯᐧᑯᐛᑭᓄᐅᐅᒡ᙮ ᐸᐃᒄ ᓱᓇᔭᐱᔎ ᒋ ᒥᔭᑭᓄᐎᒡ᙮ ᐊᐅᑯᓐ ᒪᒃ ᑲ ᐃᔅᐱᔅ ᒋᓯᐧᑯᐛᑭᓄᐅᒡ ᒥᓯᐛ ᐊᓐᒡ ᑲ ᐅᑎᓇᑭᓄᐅᒡ ᐊᓂᔭ ᒐᓯᑲᔨᒡ, ᑭᔭ ᐊᓐᒡ ᓂᔅᑎᒻ ᑲ ᐅᑎᓇᑭᓄᐅᒡ᙮

ᒪᑎᔪᐤ 20:9 Iomraidhean Croise

ᒪᑎᔪᐤ 20:10

ᐃᔅᐱ ᒪᒃ ᑲ ᒋᓯᐧᑯᐛᑭᓄᐅᒡ ᐊᓐᒡ ᓂᔅᑎᒻ ᑲ ᐅᑎᓇᑭᓄᐅᒡ, ᒋ ᐃᑕᔨᑎᒧᒡ ᐎᔨᐛᐤ ᐊᑐᐎᔅ ᒥᔅᑎ ᒐ ᒋᓯᐧᑯᐛᑭᓄᐅᒡ, ᒥᒄ ᒪᒃ ᐃᔭᐱᒡ ᐸᐃᒄ ᓱᓇᔭᐱᔎ ᒋ ᐃᔅᐱᔅ ᒋᓯᐧᑯᐛᑭᓄᐅᒡ᙮

ᒪᑎᔪᐤ 20:2

ᒋ ᐃᑕᐤ ᑭᑈ ᐊᓐ ᐅᒋᒪᐤ ᒐᒋ ᒋᓯᐧᑯᐛᑦ ᐊᓂᔭ ᑲ ᐅᑎᓇᑦ, ᐸᐃᒄ ᓱᓇᔭᐱᔎ ᒐ ᒋᓯᐧᑯᐛᑦ ᐸᐃᒄ ᒋᓯᑲᐛ ᒪᒃ ᐊᔅᐱᔅ ᐊᑐᔅᒐᔨᒋ᙮ ᒋ ᓂᔅᑯᒧᔪᐛ ᒪᒃ, ᐊᑯ ᒂ ᐃᑎᓴᐛᑦ ᒐᒋ ᐊᑐᔅᒐᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮”

ᒪᑎᔪᐤ 20:8

ᐃᔅᐱ ᒪᒃ ᐛᑕᑯᓯᔨᒡ, ᐅᒋᒪᐤ ᒋ ᐃᑕᐤ ᐊᓂᔭ ᑲ ᓂᓇᑭᑐᐛᔨᒪᔨᒋ ᐊᓂᔭ ᑲ ᐊᑐᔅᒐᓯᔨᒋ, “ᐎᓴᒥᒡ ᐊᓐᒡ ᑲ ᐊᐱᒋᐃᒂᐤ, ᒥᓯᐛ ᒐ ᒋᓯᐧᑯᐅᑥᐤ ᐊᓐᒡ ᑲ ᐊᑐᔅᒐᒡ᙮ ᒪᔅᑕᔾ ᐊᓐᒡ ᑲ ᐅᑎᓇᑭᓄᐅᒡ ᓂᔅᑎᒻ ᒐ ᒋᓯᐧᑯᐅᑥᐤ, ᐊᑯ ᒥᓐ ᐊᓐᒡ ᑯᑎᑭᒡ ᑕᓐ ᒥᒄ ᑲ ᐊᑎ ᐃᑎᔅᑲᑐᒡ ᐊ ᐅᑎᓇᑭᓄᐅᒡ, ᒐ ᐊᑎ ᐅᑎᑕᐅᑥᐤ ᐊᓐᒡ ᓂᔅᑎᒻ ᑲ ᐅᑎᓇᑭᓄᐅᒡ᙮ ᐊᐅᑯᓐᒡ ᐅᒡ ᓂᔅᑎᒻ ᑲ ᐅᑎᓇᑭᓄᐅᒡ ᒪᔅᑕᔾ ᒐ ᒋᓯᐧᑯᐅᑥᐤ᙮”