ᒪᑎᔪᐤ 2:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒋᔨᐛᐤ ᐸᑦᓕᔭᒻ ᐃᔪᒡ ᐊᓐᑕ ᒍᑕ ᐊᔅᒋᒡ, ᓇᒪ ᐊᑲ ᒋᑭ ᐅᒋ ᒋᐧᑲᔭᔨᑕᑯᓐ ᒋᑦ ᐅᑕᓇᒧᐛᐤ ᐊ ᑕᑎᒋ ᐅᑕᓇᐛ ᐊᓐᑕ ᒍᑕ, ᐛᔅ ᐊᑯᑕ ᒐ ᐅᒋᑦ ᐊᓐ ᒐ ᓂᑲᓂᔅᑯᐛᑦ ᑭᔭ ᒐ ᒋᔅᒋᓄᑕᐊᑦ ᐃᔅᕋᐃᓪ ᓂᑦ ᐃᔨᒪ᙮”

ᒪᑎᔪᐤ 2:6 Iomraidhean Croise

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᒪᑎᔪᐤ 2:1

ᐸᑦᓕᔭᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᒍᑎᔭ ᐊᔅᒋᒡ ᑲ ᑎᑯᓂᔨᒡ ᐊᑯᑕ ᑲ ᐃᔪᑦ ᒋᓴᔅ᙮ ᐊᕈᑦ ᒪᒂᒡ ᒋ ᒋᓴᐅᒋᒪᐤ᙮ ᒋᕈᓯᓕᒥᒡ ᒪᒃ ᒋ ᑎᑯᓯᓄᐅᒡ ᑲ ᑭᒐᑕᐛᔨᑕᒡ ᓇᐸᐅᒡ ᐛᐱᓄᑕᒡ ᐊ ᐅᑐᑕᒡ᙮

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᒠᓐ 21:16

ᓂᔄᐤ ᒪᒃ ᒥᓐ ᒋᓴᔅ ᒋ ᐃᑕᐤ ᐊᓂᔭ ᓴᐃᒥᓐ ᐱᑕᕋ, “ᓴᐃᒥᓐ, ᒠᓐ ᑲ ᐅᑯᓯᑐᑕᔅᒃ, ᒋ ᓴᒋᐃᓐ ᐊ ?” ᐊᑯ ᑲ ᐃᓯ ᐎᑎᒧᐛᑦ, “ᓂᐦᐃ, ᐅᑎᐸᔨᒋᒐᐤ, ᒋ ᒋᔅᒐᔨᑕᓐ ᐊ ᓴᒋᐃᑎᓐ᙮” ᒋᓴᔅ ᒪᒃ ᒋ ᐃᑕᐤ, “ᓂᓇᑭᑐᐛᔨᒥᒡ ᓂᒪᔭᑕᓂᓯᒥᒡ᙮”

ᒠᓐ 7:42

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᓐᑕ ᑎᐱᑕ ᐊ ᑕᔨᒋ ᒋᑭ ᐅᒋ ᐊᓂᔅᒐ ᐱᒪᑎᓯᐤ ᐊᓐ ᙭, ᐊᓐᑕ ᒪᒃ ᐸᑦᓕᔭᒥᒡ ᐊᓂᔭᐧᑲ ᑎᐱᑦ ᑲ ᐅᒋᑦ ᐊᑯᑕ ᒋᐸ ᐱᒪᑎᓯᐤ᙮’ ”

ᐃᐱᓯᔭᓇ 1:22

ᒋᓴᒪᓂᑐᐤ ᒋ ᒥᔭᐤ ᙭ᑕ ᒥᓯᐛ ᒐᒂᔪᐤ ᒐᒋ ᐅᒋᒪᐅᔨᒋ ᑭᔭ ᐊᓐᑕ ᒋ ᐃᓯ ᐱᔅᑎᓇᐤ ᐅᒪᒧᐊᔭᒥᐊᐛ ᐊ ᑕᔨᒋ ᐎᔾ ᒥᓯᐛ ᒐᒂᔪᐤ ᒐᒋ ᓂᑲᓂᔅᑭᒥᔨᒋ᙮

ᑯᓚᓯᔭᓇ 1:18

ᐎᔾ ᓂᑲᓂᔅᑭᒻ ᐎᔪᐤ, ᐊᐅᑯᓂ ᐅᔭ ᐅᒪᒧᐊᔭᒥᐊᐛ᙮ ᐎᔾ ᓇᔅᒡ ᓂᔅᑎᒻ ᒋ ᑕᐤ ᙭ ᑭᔭ ᐎᔾ ᓇᔅᒡ ᓂᔅᑎᒻ ᑲ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ, ᑭᔭ ᒥᓯᐛ ᒐᒂᓐ ᑕᓐ ᐊ ᐃᓯ ᑎᒂᒡ ᐎᔾ ᓇᔅᒡ ᓂᑲᓐ ᐃᑕᔨᑕᑯᓱᐤ᙮

ᐃᑉᕈᐛ 7:14

ᒥᓯᐛ ᐊᐛᓐ ᒋᔅᒐᔨᑎᒻ ᐅᔭ᙮ ᒋᓴᔅ ᒍᑕᐃᒡ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮ ᑭᔭ ᒋ ᒋᔅᒐᔨᑕᓇᓄᐤ ᒧᓱᔅ ᐊᑲ ᐅᒋ ᐎᔭᑦ ᒍᑕᐃᒡ ᐊ ᑕᔨᒋ ᐊ ᐅᒋᔨᒋ ᐊᐛᔪᐛ ᒐᒋ ᐊᔭᒥᐊᐅᒋᒪᐎᔨᒋ᙮

ᒋᔅᒐᔨᑕᑯᑕᒐᐅᓐ 11:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ᑕᑦ ᐊᓐᒋᓐ᙮ ᓂᒋ ᐸᑐᐛᐅᒡ ᒪᒃ ᐊᐛᓐᒋ ᐊ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ᐃᔨᒥᒡ ᐊ ᐃᔅᒋᔄᒡ, “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮ ᐎᔾ ᒪᒃ ᐅᑎᐸᔨᒋᒐᐤ ᒋᑭ ᐅᒋᒪᐤ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 2:27

ᐊᓂᔭ ᑎᐸᔨᒐᐅᓂᔪᐤ ᑲ ᐸᒋ ᒥᔨᑦ ᓄᑕᐎᔭ, ᐊᐅᒄ ᐊᓂᔭ ᒐ ᒥᔨᒂᐤ ᑭᔭ ᐎᔨᐛᐤ᙮ ᐊᓐᑕ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᔨᒡ, ᓇᔅᒡ ᒋᑭ ᐅᒋᒪᐧᑲᑐᐛᐤ᙮ ᐊᓂᔭᔪᐛ ᒪᒃ ᒐ ᐊᑲ ᓂᑐᑕᑯᒂ ᒋᑭ ᐱᒂᐛᐤ ᒧᔭᒻ ᐎᔭᑭᓐ ᓇᔅᒡ ᐊ ᐱᒂᐃᑭᓄᐅᒡ, ᐊᑯᓐ ᒐ ᐃᑐᑐᐛᑦ᙮

ᒋᔅᒐᔨᑕᑯᑕᒐᐅᓐ 7:17

ᐛᔅ ᐊᓐ ᒪᔭᑕᓂᔅ ᑕᑕᐅᒡ ᐊᓐᑕ ᐊ ᑎᑯᓂᔨᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ, ᐊᐅᒄ ᒪᔭᑕᓂᓯᐅ-ᐃᔪᐤ ᒐ ᒥᔪ ᑭᓄᐛᔨᒪᑦ ᐅᔭ᙮ ᑭᔭ ᒋᑭ ᐃᑐᑕᐊᐤ ᐊᓐᑕ ᐊ ᑎᑯᓂᔨᒡ ᐊ ᒧᔅᒋᒍᐅᓂᔨᒡ ᐱᒪᑎᓯᐤ ᓂᐱᔪᐤ᙮ ᐊᑯ ᒪᒃ ᒋᓴᒪᓂᑐᐤ ᒐ ᑲᓯᐊᒧᐛᑦ ᐅᔅᒋᓯᑯᔪᐛ ᒥᓯᐛ ᐊᓂᔭᔪᐛ ᑲ ᐅᒋᐧᑯᐛᐱᔨᒋ᙮”