ᒪᑎᔪᐤ 2:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐃᔅᐱ ᒪᒃ ᑲ ᔅᑐᑕᒡ ᐊᓐᒡ ᑲ ᑭᒐᑕᐛᔨᑕᑯᓯᒡ ᓇᐸᐅᒡ, ᐊᑯ ᐅᑎᐸᔨᒋᒐᐤ ᐅᑦ ᐊᓐᒋᓂᒪ ᒂ ᓄᑯᓯᔅᑕᑯᑦ ᒍᓯᑉ ᐅᐳᐛᒧᐅᓂᒡ ᐊ ᐃᑎᑯᑦ, “ᐊᕈᑦ ᒋᑭ ᐃᑎᓱᐛᐤ ᒐᒋ ᓇᓂᑐᐛᐱᒪᑭᓄᔨᒋ ᐊᓂᔭ ᐊᐛᓴ ᐊ ᐎ ᓂᐸᐊᑦ᙮ ᐅᓂ, ᒐ ᔅᑐᑕᐃᑥᐤ ᐊᓐ ᐊᐛᔅ ᑭᔭ ᐊᓂᔭᔪᐛ ᐅᑲᐎᔭ ᑭᔭ ᐃᒋᑉᑎᒡ ᒪᒃ ᐃᑎᓯᒧᒄ, ᐊᑯᑕ ᒐ ᑕᔭᒄ ᐸᑐᔅ ᐃᑎᑎᑯᒐ ᒐᒋ ᔅᑐᑕᔭᒄ᙮”

ᒪᑎᔪᐤ 2:13 Iomraidhean Croise

ᐊᒃᓱᑕᔅ 1:22

ᐊᑯ ᒋᓴᐅᒋᒪᐤ ᒂ ᐃᑎᓱᒪᑦ ᐅᑦ ᐃᔨᒪ, “ᒥᓯᐛ ᑕᑐᐤ ᐃᑉᕈᐤ ᓇᐸᓯᒡ ᐊ ᐃᔪᑥᐎ, ᓇᐃᔭᓪ ᓯᐱᒡ ᐊᓐᑕ ᒐ ᐱᑭᔅᑐᐛᐱᓇᑯᒡ, ᐊᑯ ᐊᓐᒡ ᐊ ᐃᔎᓯᐅᒡ ᒐ ᐊᑲ ᓂᐸᐊᑯᒡ᙮”

ᒪᑎᔪᐤ 1:20

ᒪᒂᒡ ᐅᔭ ᐊ ᒪᒥᑐᓇᔨᑕᐧᒃ, ᐃᔅᐱ ᒪᒃ ᓇᐸᑦ, ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ᓄᑯᓯᔅᑕᑯᐤ ᐅᐳᐛᒧᐅᓂᒡ ᐊ ᐃᑎᑯᑦ, “ᒍᓯᑉ, ᒋᔾ ᐊᓂᔭ ᑎᐱᑦ ᐊᓂᔅᒐ ᐅᑯᓯᓴ, ᐊᑲᐎᔾ ᑯᔅᑕᒋ ᒐᒋ ᐎᒋᒥᑦ ᒪᕆ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᒐᒋ ᐊᔭᐛᑦ ᐊᓂᔭᔪᐛ ᐊᐛᓴ᙮

ᒪᑎᔪᐤ 10:23

ᓂᓇᐧᑲᒋᐃᑯᔭᒂ ᐸᐃᒄ ᐅᑕᓇᐤ, ᒋᑎᓯᒧᒄ ᐊᑯ ᐊᓐᑕ ᑯᑎᒃ ᐅᑕᓇᐤ ᒐ ᐃᑐᑕᔭᒄ᙮ ᑕᑈ ᒋᑦ ᐃᑎᓇᐛᐤ, ᓇᒪ ᐊᔅᒄ ᒥᓯᐛ ᒋᑭ ᐅᒋ ᐃᓯ ᐛᐎᑕᓇᐛᐤ ᒥᔽᒋᒧᐅᓐ ᐊᓐᑕ ᐅᑕᓇᐛ ᐃᔅᕋᐃᓕᒡ ᑲ ᑎᒂᒋ, ᓴᔅ ᒐ ᑎᑯᓯᐧᒃ ᐃᔪᐤ ᐅᑯᓯᓴᓐ᙮”

ᒪᑎᔪᐤ 2:12

ᐃᔅᐱ ᒪᒃ ᒐ ᒋᐛᒡ ᓇᒪ ᐊᓐᑕ ᒋᕈᓯᓕᒥᒡ ᐃᑕᒐ ᐅᒋ ᐃᓯ ᒋᐛᐅᒡ ᒐᒋ ᐎᑎᒧᐛᒡ ᐊᕈᑕ ᑕᓐᑕ ᐊ ᑕᔨᒋ ᐊᓂᔭᔪᐛ ᐊᐛᓴ᙮ ᐛᔅ ᒋᓴᒪᓂᑐᐛ ᒋ ᐃᔭᒂᒥᒥᑯᐅᒡ ᐅᐳᐛᒧᐅᓄᐛᒡ ᒐ ᐊᑲ ᑲᐤ ᓂᑐᐛᐱᒪᒡ ᐊᕈᑕ ᐊᑯ ᒪᒃ ᐃᔭᒡ ᑲ ᐃᓯ ᒋᐛᒡ᙮

ᒪᑎᔪᐤ 2:14

ᒂ ᐅᓂᑦ ᒍᓯᑉ, ᒂ ᔅᑐᑕᐊᑦ ᐊᓂᔭᔪᐛ ᐊᐛᓴ ᑭᔭ ᐊᓂᔭ ᐅᑲᐎᔪᐛ ᐊ ᒪᒂᑎᐱᔅᑲᔨᒡ᙮ ᐃᒋᑉᑎᒡ ᐊᑯᑕ ᑲ ᐃᑐᑕᐊᑦ᙮

ᒪᑎᔪᐤ 2:16

ᐊᔅᒄ ᒪᒃ ᒪᒂᒡ ᐊᒋ ᐱᒪᑎᓯᑦ ᐊᕈᑦ ᐃᔅᐱ ᒐᔅᒐᔨᑕᐧᒃ ᐊ ᒋᐎᔭᓯᒥᑯᑦ ᐊᓂᔭ ᑲ ᑭᒐᑕᐛᔨᑎᒥᔨᒋ ᓇᐸᐛ ᒋ ᒥᔅᑎ ᒋᔄᓱᐤ᙮ ᐊᑯ ᒂ ᐃᑎᓱᐛᑦ ᒐᒋ ᓂᐸᐊᑭᓄᔨᒋ ᒥᓯᐛ ᑲ ᓂᓱᐳᓇᓯᔨᒋ ᑭᔭ ᐊᐛᓯᐎᔨᒋ ᐊ ᓇᐸᓯᐎᔨᒋ ᐊᐛᓴ ᐊᓐᑕ ᐸᑦᓕᔭᒥᒡ ᑲ ᑕᔨᒋ ᑭᔭ ᐛᔅᑲ ᐊᓐᑕ ᑲ ᑕᔨᒋ, ᐊᐅᒄ ᐅᔭ ᐛᒋ ᐃᑐᑐᐛᑦ ᐛᔅ ᐊᐅᑯᓐ ᒂᔄᓐ ᑲ ᐃᔅᐱᔅ ᐎᑎᒪᑯᑦ ᐊᓂᔭᔪᐛ ᑲ ᑭᒐᑕᐛᔨᑎᒥᔨᒋ ᓇᐸᐛ ᓂᓱ ᐱᐳᓇ ᐊᓐᑕ ᐅᑕᒡ ᐊᑯᑕ ᓂᔅᑎᒻ ᑲ ᐛᐱᒪᔨᒂᓂ ᐊᓂᔭ ᐅᒐᑭᑕᒂ᙮

ᒪᑎᔪᐤ 2:22

ᒥᒄ ᐃᔅᐱ ᒍᓯᑉ ᐱᔭᑕᐧᒃ ᐊᕐᑭᓚᔭᓴ ᐊᒋ ᒥᔅᑯᑎᔅᑯᐛᔨᒋ ᐊᓂᔭ ᐅᑕᐎᔪᐛ ᐊᕈᑕ ᐊ ᒋᓴᐅᒋᒪᐅᓇᓄᐎᒋ ᐊᓐᑕ ᒍᑎᔭ ᐊᔅᒋᒡ, ᐊᑯ ᑲ ᑯᔅᑕᒋᑦ ᒐᒋ ᐎᒋᑦ ᐊᓐᑕ᙮ ᐊᑯ ᒥᓐ ᑲ ᐎᑎᒧᐛᑭᓄᐅᑦ ᐅᐳᐛᒧᐅᓂᒡ ᑕᓐ ᒐ ᐃᑎᑦ, ᐊᑯ ᐊᓐᑕ ᑲᓕᓕ ᐊᑯᑕ ᑲ ᐃᑐᑕᒡ᙮

ᐊᑈᔅᑕᓇᒡ 10:22

ᒋ ᐃᑕᐅᒡ ᒪᒃ ᐊᓐᒡ ᓇᐸᐅᒡ, “ᓄᒋᒪᒥᓇᓐ ᑯᕐᓂᓕᔭᔅ ᑲ ᓂᑲᓂᔅᑯᐛᑦ ᕈᒻ ᐊᓯᒪᑭᓂᓴ ᓂᒋ ᐸᒋ ᐃᑎᓴᐅᑯᓇᓐ᙮ ᒥᔽᔨᑕᑯᓱᐤ ᐅ ᓇᐸᐤ, ᑭᔭ ᒋᔅᑕᔨᒪᐤ ᒋᓴᒪᓂᑐᐛ, ᒥᓯᐛ ᑭᔭ ᒍᐤ ᐃᔪᐛ ᐃᑕᔨᒥᑯᐤ ᐊ ᒥᔽᔨᑕᑯᓯᑦ᙮ ᐸᐃᒄ ᒋᓴᒪᓂᑐᐤ ᑲ ᐸᔭᒋᓯᔨᒋ ᐅᑦ ᐊᓐᒋᓂᒥᔪᐛ ᒋ ᐃᑎᑯᐤ ᒐᒋ ᐎᓴᒥᔅᒃ ᐊᓐᑕ ᐎᒋᒡ ᐊᑯ ᒪᒃ ᒐᒋ ᐸᑕᐧᒃ ᑕᓐ ᐛ ᐃᓯ ᐎᑎᒥᓐ᙮”

ᐊᑈᔅᑕᓇᒡ 10:7

ᐃᔅᐱ ᒪᒃ ᑲᒋ ᔅᑐᑕᔨᒋ ᐊᓂᔭ ᐊᓐᒋᓇ ᑲ ᐃᔨᒥᐃᑯᑦ, ᐊᑯ ᑯᕐᓂᓕᔭᔅ ᒂ ᐎᓴᒪᑦ ᓂᓱ ᐅᑦ ᐊᐸᒐᐊᑭᓐ, ᑭᔭ ᐸᐃᒄ ᐊᓯᒪᑭᓂᓴ ᐊ ᐊᔭᒥᐊᐛᑎᓯᔨᒋ, ᐊᓂᔭ ᒧᔅ ᑲᒋ ᓂᓇᑭᑐᐛᔨᒥᑯᑦ᙮

ᐊᑈᔅᑕᓇᒡ 12:11

ᐃᔅᐱ ᒪᒃ ᐱᑕᕐ ᒥᔭᒥᑐᓇᔨᑕᐧᒃ ᐅᔭ ᑲ ᐃᔅᐱᔨᑦ, ᐊᑯ ᒂ ᐃᔅᒋᔄᑦ, “ᓂ ᒐᔅᑎᓇᐅᓐ ᐅᑎᐸᔨᒋᒐᐤ ᐊᒋ ᐸᒋ ᐃᑎᓴᐛᑦ ᐅᑦ ᐊᓐᒋᓇᒪ ᒐ ᐸᒋ ᐎᐧᑯᒋᐃᔨᒋ, ᒐ ᐊᑲ ᒋ ᓴᓯᑲᓐ ᐸᒋ ᐃᑐᑐᐅᑦ ᐊᕈᑦ ᑭᔭ ᐊᓐᒡ ᒍᐤ ᐃᔪᒡ ᒐ ᐊᑲ ᒋ ᐃᑐᑐᐅᒡ ᑕᓐ ᑲ ᐎ ᐃᑐᑐᐅᒡ᙮”

ᐊᑈᔅᑕᓇᒡ 12:7

ᒐᒃ ᓯᔅᒋᑯᒡ ᑲ ᐅᒋ ᐛᔅᑕᔨᒡ ᐊᓐᑕ ᐱᑕᕐ ᑲ ᒋᐸᐛᑭᓄᐅᑦ, ᐊᐅᑯᔪᐛ ᐅᑎᐸᔨᒋᒐᐤ ᐅᑦ ᐊᓐᒋᓂᒥᔪᐛ ᐛᒋ ᓂᐳᔨᒋ ᐊᓐᑕ ᐊ ᑕᑦ᙮ ᑲ ᔭᔭᒋᐱᑎᑯᑦ ᐊ ᐎ ᑯᔅᑯᓂᑯᑦ ᐊᑯ ᒂ ᐃᑎᑯᑦ, “ᒋᐱ ᐅᓂᔾ !” ᑎᐛᒡ ᒪᒃ ᒋ ᐊᔭᐱᐧᑯᐸᔪᐛ ᐊᓂᔭ ᐃᓴᒂᔭᐱᔭ ᑲ ᒪᑯᐱᑕᑭᓄᐅᑦ ᐱᑕᕐ ᐅᐧᑯᓂᑎᒋᒡ᙮

ᐊᑈᔅᑕᓇᒡ 16:36

ᐊᑯ ᐊᓐ ᑲ ᓂᓇᑭᑐᐛᔨᑕᐧᒃ ᑲᒪᑯᓄᐛᓯᐅᒋᐛᐱᔪᐤ ᒋ ᐃᑕᐤ ᐊᓂᔭ ᑈᓚ, “ᐊᓐᒡ ᐅᒋᒪᐅᒡ ᐃᔅᒋᔄᐅᒡ ᒐᒋ ᐱᔅᑎᓂᑕᒡ, ᒪᒋᒄ ᒪᒃ ᒋᔭᒻ ᔅᑐᑕᒄ, ᓇᒪ ᐊᐛᓐ ᒋᑭ ᐅᒋ ᐎᔭᔅᑐᑕᑯᐛᐤ᙮”

ᐊᑈᔅᑕᓇᒡ 5:19

ᒥᒄ ᒪᒃ ᐊᓂᔭᔪᐤ ᐊ ᐊᑎ ᑎᐱᔅᑲᔨᒡ, ᐅᑎᐸᔨᒋᒐᐤ ᐅᑦ ᐊᓐᒋᓂᒪ, ᒋ ᓴᓇᔪᐛ ᔅᑐᐧᑭᓇ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᐊᑯ ᒂ ᐎᐎᑕᐊᑦ ᐊᓂᔭᔪᐛ ᐊᑈᔅᑕᓇ ᒂ ᐃᑕᑦ,

ᐊᑈᔅᑕᓇᒡ 7:19

ᐅ ᒪᒃ ᒋᓴᐅᒋᒪᐤ ᓇᔅᒡ ᒋ ᒪᔭᔨᒪᐤ ᐊᓂᔭᐧᑲ ᒋᐧᑲᓂᓯᓄᐛ, ᒋ ᐃᑐᑐᐛᐤ ᒥᔅᑎ ᒐᒋ ᓂᓇᐧᑲᒋᐊᑭᓄᔨᒋ ᑭᔭ ᒋ ᐃᑎᓱᐛᐤ ᐎᐎᑎᒥᒡ ᒐᒋ ᓂᑭᑕᑭᓄᔨᒋ ᐅᑦ ᐊᐛᓯᒥᔪᐛ ᒐᒋ ᓂᐱᔨᒋ ᐊᓐᑕ᙮”

ᒋᔅᒐᔨᑕᑯᑕᒐᐅᓐ 12:14

ᒥᒄ ᒪᒃ ᐊᓐ ᐃᔎᐤ ᒋ ᒥᔭᑭᓄᐤ ᓂᓱ ᒥᑎᑎᑭᓇ ᒧᔭᒻ ᒥᔅᑎ ᐱᔭᓱᐤ ᐅᑎᑎᑭᓇ ᐊ ᐃᓯᓇᑯᓂᔨᒋ ᒐᒋ ᐃᔅᐸᔭᑦ ᐊᓐᑕ ᐸᐧᑯᑎᔅᑭᒥᑲᒡ ᐊᓐᑕ ᒐ ᑭᓄᐛᔨᒥᑯᑦ ᒋᓴᒪᓂᑐᐛ᙮ ᐊᑯᑕ ᒪᒃ ᐊᓐᑕ ᒐ ᑕᑦ ᓂᔅᑐ ᐱᐳᓇ ᒪᒃ ᐳᔅᒄ ᐃᔅᐱᔅ ᒐ ᐊᑲ ᒋ ᐱᔅᒐᔨᒥᑯᑦ ᐊᓂᔭ ᒥᔅᑎ ᒥᓐᑐᓴ᙮

ᒋᔅᒐᔨᑕᑯᑕᒐᐅᓐ 12:4

ᒋ ᐱᐧᑯᒋᐱᑕᐤ ᐸᐃᒄ ᐊᓂᔭᔪᐛ ᐊ ᓇᓂᔅᑎᔨᒋ ᐅᒐᑭᑕᒂ ᐊᓐᑕ ᒋᓯᑯᒡ ᐅᒡ ᐅᓱᔾ ᐊ ᐊᐱᒋᑕᑦ, ᐊᑯ ᐊᓐᑕ ᐊᔅᒋᒡ ᑲ ᐃᓯ ᐛᐱᓇᑦ᙮ ᒋ ᓂᐳᐅᐤ ᐅᑎᔅᑯᐤ ᐊᓂᔭ ᐃᔎᐛ ᐊ ᑕᔨᒋ ᒪᒂᒡ ᐊ ᐊᐧᑯᓯᔨᒋ ᐊ ᐊᓱᐛᐱᒪᑦ ᒐ ᐃᔅᐱᔅ ᐱᒪᑎᓯᔨᒋ ᐊᓂᔭᔪᐛ ᐊᐛᓴ ᒐᒋ ᒧᐛᑦ ᐃᔅᐱ ᐱᒪᑎᓯᒐᓂ᙮

ᒋᔅᒐᔨᑕᑯᑕᒐᐅᓐ 12:6

ᐊᑯ ᐊᓐ ᐃᔎᐤ ᐊᓐᑕ ᐸᐧᑯᑎᔅᑭᒥᑲᒡ ᐊᑯᑕ ᑲ ᐃᑎᓯᒧᑦ, ᐊᓐᑕ ᑲ ᐊᔭᔅᑯᔅᑎᒪᑯᑦ ᒋᓴᒪᓂᑐᐛ ᒐ ᑕᑦ᙮ ᐊᑯᑕ ᒪᒃ ᐊᓐᑕ ᒐ ᑭᓄᐛᔨᒪᑭᓄᐅᑦ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐛ ᒋᓯᑲᐛ ᐃᔅᐱᔅ᙮