ᒪᑎᔪᐤ 2:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯ ᒂ ᐱᒐᒡ ᐊᓂᔭᔪᐤ ᒥᒋᐛᐱᔪᐤ ᐊᓐᑕ ᑲ ᑕᔨᒋ ᐊᐛᓴ ᐊᓯᒡ ᐅᑲᐎᔪᐛ ᒪᕆᔨᒋ᙮ ᐃᔅᐱ ᒪᒃ ᐎᔭᐱᒪᒡ ᐊᓂᔭᔪᐛ ᐊᐛᓴ ᒋ ᐅᒋᒋᐧᑯᓂᐱᔪᐅᒡ ᐊ ᐊᔭᒥᐊᔅᑐᐛᒡ᙮ ᐊᑯ ᒂ ᑯᐃᑯᓇᒡ ᐊᓂᔭ ᒥᔨᐛᐅᓇ ᑲ ᐎ ᒥᔭᒡ ᐊᓂᔭᔪᐛ ᐊᐛᓴ, ᐎᔄᐅᓱᓇᔭᐱᔎ ᒋ ᒥᔭᐅᒡ, ᑭᔭ ᑲᒋ ᐃᔎᓯᑭᓄᔨᒋ ᑲᐎᒋᒪᑯᓯᔨᒋ ᑭᔭ ᑲ ᓱᓇᔭᐎᒡ ᑐᒥᓂᑭᓂᔪᐤ ᑲᐎᒋᒪᑯᑉᓴᓯᔨᒡ᙮

ᒪᑎᔪᐤ 2:11 Iomraidhean Croise

ᒐᓂᓯᔅ 43:11

ᐊᑯ ᐊᑎᑯᒡ ᐅᑕᐎᐛᐛ, “ᐛᓴ ᐊᑯ ᒐ ᐃᓯᓇᑯᓂᒂ, ᐊᑯ ᐃᑐᑎᒥᒄ ᐅᒪ᙮ ᒐ ᐅᑎᓂᒪᒄ ᑲ ᒥᔽᓯᔨᒋ ᒐᒂᔪᐛ ᑲ ᓂᑕᐅᒋᒋ ᒋᑦ ᐊᔅᒋᓇᒡ᙮ ᐃᑐᑐᐛᐧᒄ ᐊᓐ ᐃᔪᐤ ᒧᔭᒻ ᒥᔨᐛᐅᓇ, ᒥᔭᐧᒄ ᓱᑈᒋᐅᓂᔪᐤ, ᑲᓯᐛᓯᐛᐳᔪᐤ, ᑲᐎᒋᒪᑯᓯᔨᒡ, ᑭᔭ ᐱᐧᑲᓇ᙮

ᑎᐱᑦ ᐅᓂᑭᒧᐅᓇ 2:12

ᓱᐛᔨᒥᐧᒄ ᐅᑯᓯᓯᒪᐤ, ᒐ ᐊᑲ ᒋ ᒋᔄᓯᑦ, ᒐ ᐊᑲ ᒋ ᓂᓱᐅᓇᑎᓯᔭᒄ ᒪᔅᑭᓇᒡ ᐅᒡ, ᐃᔅᐱ ᐊᐱᓯᔅ ᒥᒄ ᐊᐧᑯᔪᐛᓯᑦ᙮ ᓱᐛᔨᑕᑯᓱᐅᒡ ᒥᓯᐛ ᐊᓐᒡ ᑲ ᒪᒥᓯᑐᑐᐛᒡ᙮

ᑎᐱᑦ ᐅᓂᑭᒧᐅᓇ 45:8

ᒥᓯᐛ ᒋᑦ ᐊᐱᒋᑕᐅᓇ ᒥᔭᑯᓂᔪᐛ ᐎᒋᒪᑯᐱᒍᐤ, ᑭᔭ ᐊᓗᔅ, ᑭᔭ ᑲᓯᔭ, ᒥᐱᑕᐱᔅᑯᐤ ᒋᒋᓴᐅᒋᒪᐅᒋᐛᐸ ᐅᒡ, ᐊᓐᑕ ᑲᒋ ᐅᒋ ᓯᒋᔭᐃᔅᒡ᙮

ᑎᐱᑦ ᐅᓂᑭᒧᐅᓇ 72:10

ᒋᓴᐅᒋᒪᐅᒡ ᑲ ᑎᐸᔨᒋᒐᒡ ᑕᕐᓯᓯᒡ ᑭᔭ ᐊ ᒥᓂᔅᑎᑯᔅᑲᔨᒡ ᒋᑭ ᐸᑕᐅᒡ ᒥᔨᐛᐅᓇ: ᓯᐸ ᑭᔭ ᓯᐸ ᒋᓴᐅᒋᒪᐅᒡ ᒋᑭ ᐱᔅᑎᓂᒐᐅᒡ ᒥᔨᐛᐅᓇ᙮

ᑎᐱᑦ ᐅᓂᑭᒧᐅᓇ 72:15

ᒋᑭ ᐱᒪᑎᓯᐤ ᒪᒃ, ᑭᔭ ᒋᑭ ᒥᔭᑭᓄᐤ ᓯᐸ ᐎᔄᐅᓱᓇᔭᐱᔅᑯᔪᐤ: ᒧᓯᓇᐤ ᑭᔭ ᒋᑭ ᐊᔭᒥᐊᔅᑐᐛᑭᓄᐤ; ᑭᔭ ᐊᓯᒡ ᒋᑭ ᒪᒥᒋᒪᑭᓄᐤ᙮

ᑎᐱᑦ ᐅᓂᑭᒧᐅᓇ 95:6

ᐅ ᐊᔅᑎᒧᒄ ᐊᔭᒥᐊᔅᑐᐛᑕᐤ ᑭᔭ ᓇᐛᑲᐳᔅᑐᐛᑕᐤ, ᐅᒋᒋᐧᑯᓇᐱᔅᑐᐛᑕᐤ ᑎᐸᔨᒋᒐᓱᐤ ᑲ ᐅᓯᐃᑕᐧᒄ᙮

ᐊᒃᓱᑕᔅ 30:23

“ᒐ ᐎᑎᒧᐅᑥᐤ ᑲ ᑭᔅᒋᑕᒡ ᐊᑐᔅᒐᒡ ᒐᒋ ᒪᒧᓴᒋᓇᒡ ᓂᐱᓯᔭ ᑲ ᐎᒋᒪᑯᓂᔨᒋ: ᓂᓴᑉ ᑎᐸᐸᑲᐃᑭᓇ ᑲ ᐎᒋᒪᑯᓯᔨᒋ ᑐᒥᓂᑭᓇ ᑭᔭ ᐊᓱᑕᒡ ᑎᐸᐸᑲᐃᑭᓇ ᑲ ᐎᒋᒪᓱᔨᒋ ᐱᒍᐛ᙮

ᐊᒃᓱᑕᔅ 30:34

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᐎᑎᒧᐅᑥᐤ ᑲ ᑭᔅᒋᑕᒡ ᐊᑐᔅᒐᒡ ᒐᒋ ᐅᑎᓇᒡ ᓂᔅᑐ ᐸᐃᑯᑕᐤ ᐊᔅᐱᓴᔨᒋ ᑲ ᐎᒋᒪᑯᓯᔨᒋ᙮

ᒪᑎᔪᐤ 1:18

ᒪᐅ ᒪᒃ ᑲ ᐃᔅᐱᔨᒡ ᐃᔅᐱ ᒐ ᐱᒪᑎᓯᑦ ᒋᓴᔅ ᙭᙮ ᒪᕆ, ᐊᓂᔭᔪᐛ ᒋᓴᔅ ᒐ ᐅᑲᐎᑦ ᒋᐸ ᓂᐳᐅᒡ ᐊᓂᔭᔪᐛ ᒍᓯᐸ, ᒥᒄ ᒪᒃ ᐊᔅᒄ ᐊᑲ ᐅᒋ ᓂᐳᐅᒡ ᒋᔅᒐᔨᑎᒻ ᒪᕆ ᐊ ᑭᓄᐛᔨᒪᐅᓱᑦ᙮ ᐊᓂᔭ ᒪᒃ ᐊᐛᓴ ᑲ ᐊᔭᐛᑦ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᒐᒋ ᐊᔭᐛᑦ᙮

ᒪᑎᔪᐤ 12:46

ᐊᔅᒄ ᒪᒂᒡ ᒋᓴᔅ ᒋ ᐃᔨᒪᐊᐤ ᐊᓂᔭ ᐃᔪᐛ, ᒂ ᐅᒋ ᑎᑯᓯᓂᔨᒋ ᐅᑲᐎᔭ ᑭᔭ ᐎᐧᑲᓂᓴ᙮ ᐎᐎᑎᒥᒡ ᐊᓐᑕ ᒋ ᓂᐳᐅᔪᐛ ᐊ ᐎ ᐃᔨᒥᐃᑯᑦ᙮

ᒪᑎᔪᐤ 14:33

ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᓐᑕ ᐅᐤᑎᒡ ᑲ ᑕᒡ ᒋ ᐊᔭᒥᐊᔅᑐᐛᐅᒡ ᒋᓴᓴ ᐊ ᐃᑕᒡ, “ᑕᑈ ᒋᔾ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 2:10

ᓇᔅᒡ ᒪᒃ ᒋ ᒥᔽᔨᑎᒧᒡ ᐃᔅᐱ ᐎᔭᐱᒪᒡ ᐊᓂᔭᔪᐛ ᐅᒐᑭᑕᒂ᙮

ᒪᑎᔪᐤ 2:2

ᐊᑯ ᑲ ᓇᓂᑐᐤ ᑯᒂᒋᒐᒧᒡ ᐊ ᐃᔅᒋᔄᒡ, “ᑕᓐᑕ ᐊ ᑕᑦ ᐊᓐ ᐊᐛᔅ ᑲ ᐃᔪᐅᑦ ᐊᓂᔭᔪᐛ ᒍᐤ ᐃᔪᒡ ᒐ ᐅᒋᓴᐅᒋᒪᒥᒡ ? ᐛᔅ ᐊᓐ ᓂᒋ ᐛᐱᒪᓇᓐ ᐅᑦ ᐅᒐᑭᑕᐧᑯᒪ ᐊᓐᑕ ᐛᐱᓄᑕᒡ᙮ ᐊᐅᒄ ᒪᒃ ᐊᓂᔭ ᒋᐸ ᓄᑯᓯᔪᐛ ᐃᔅᐱ ᐃᔪᒐ᙮ ᐊᑯ ᑲ ᐸᒋ ᑎᑯᓯᓂᔭᒡ ᒐᒋ ᐸᒋ ᐊᔭᒥᐊᔅᑐᐅᒋᒡ᙮”

ᓗᒃ 2:16

ᒋ ᐎ ᒋᓯᐱᔪᐅᒡ ᐸᑦᓕᔭᒥᒡ ᐊ ᐃᑐᑕᒡ, ᐊᑯᑕ ᒪᒃ ᑲ ᒥᔅᑯᐛᒡ ᒪᕆᔨᒋ ᑭᔭ ᒍᓯᐸ ᑭᔭ ᐊᓂᔭ ᐅᔅᒋᐛᓴ᙮ ᐊᓐ ᒪᒃ ᐅᔅᒋᐛᔅ ᒋ ᐱᒥᓯᓐ ᐊᓐᑕ ᐊᐛᓯᓴ ᑲᒋ ᐅᒋ ᒥᒋᓱᔨᒋ᙮

ᓗᒃ 2:38

ᒪᒂᒡ ᒪᒃ ᐊᓐᑕ ᐊ ᑕᔨᒋ ᒋᓴᓴ ᐅᓂᒋᐃᑯᔪᐛ ᒋ ᐅᒋ ᐱᒐᐤ ᐅ ᒋᓴᐃᔎᔅ᙮ ᒋ ᓂᓇᔅᑯᒪᐤ ᒋᓴᒪᓂᑐᐛ ᐃᔅᐱ ᐎᔭᐱᒪᑦ ᐊᓂᔭ ᐊᐛᓴ᙮ ᐊᑯ ᒂ ᐊᔨᒧᑎᒧᐛᑦ ᐊᓂᔭ ᐊᐛᓴ ᐊᓂᔭᔪᐛ ᐃᔪᐛ ᐊᓐᑕ ᒋᕈᓯᓕᒥᒡ ᑲ ᑕᔨᒋ, ᐊᓂᔭ ᑲ ᐊᓱᐛᐱᒪᔨᒋ ᐅᐱᒪᒋᐃᐛᐤ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮

ᒠᓐ 19:39

ᓂᑯᑎᒪᓴ ᒪᒃ ᒋ ᐎᒐᐅᑯᐤ᙮ ᐊᐅᒄ ᓂᑯᑎᒪᔅ ᐊ ᑎᐱᔅᑲᔨᒡ ᒪᐅᒡ ᓂᔅᑎᒻ ᑲ ᐸᒋ ᓇᑕᑦ ᒋᓴᓴ᙮ ᒋ ᐊᔭᐤ ᒪᒃ ᑐᒥᓂᑭᓂᔪᐤ ᓂᐱᓯᔭ ᑐᒥᓂᑭᓂᔪᐤ ᑲᐎᒋᒪᑯᓯᔨᒡ ᑭᔭ ᐊᓗ ᑲ ᐃᓯᓂᐧᑲᑕᔨᒋ ᐊᒋ ᐅᒋ ᐅᓯᑕᑭᓄᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᑎᐸᐸᑲᐃᑭᓇ ᒋ ᐃᔅᐱᑎᓂᑯᓂᔪᐤ ᐅᔭ ᑐᒥᓂᑭᓂᔪᐤ᙮

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮

ᒋᔅᒐᔨᑕᑯᑕᒐᐅᓐ 5:8

ᐃᔅᐱ ᒪᒃ ᑲ ᐅᑎᓂᒺᑦ ᐊᓂᔭ ᒥᓯᓇᐃᑭᓂᔪᐤ, ᐊᓐᒡ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐅᒋᒋᐧᑯᓂᐱᔪᐅᒡ ᐊᓐᑕ ᐊᓂᔭᔪᐛ ᒪᔭᑕᓂᓴ ᐊ ᑕᔨᒋ᙮ ᒥᓯᐛ ᐸᐸᐃᒄ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᒋᓴᐃᔪᒡ ᒋ ᐊᔭᐅᒡ ᐊᔭᒥᐊᐤ ᒋᔍᐛᐱᒋᑭᓂᓴ ᑲ ᒥᔪᑕᑯᓂᔨᒋ ᑭᔭ ᐊ ᒧᑕᔭᐱᔅᑲᔨᒋ ᐎᔭᑭᓇ ᐊ ᐎᔄᐅᓱᓇᔭᐱᔅᑯᔨᒋ᙮ ᒐᒂᔪᐛ ᐊ ᐎᒋᒪᑯᓯᔨᒋ ᒋ ᐊᔅᑕᔪᐛ ᐊᓐᑕ ᐊᓂᔭᔪᐛ ᐎᔭᑭᓇ᙮ ᐊᓂᔭ ᒪᒃ ᒐᒂᔪᐛ ᑲ ᐎᒋᒪᑯᓯᔨᒋ, ᐊᐅᒄ ᐅᔭ ᐅᑦ ᐊᔭᒥᐊᐅᓄᐛᐛ ᐊᓐᒡ ᑲ ᑕᑈᑕᒡ᙮