ᒪᑎᔪᐤ 18:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᑯ ᒂ ᐃᔅᒋᔄᑦ, “ᑕᑈ ᒋ ᐎᑎᒪᑎᓇᐛᐤ, ᒧᔭᒻ ᐊᑲ ᒂᔅᑲᑎᓯᔭᒂ ᐊᑲ ᐃᑕᔨᑕᑯᓯᔭᒂ ᒧᔭᒻ ᐊᐛᔅ ᐊ ᐃᑕᔨᑕᑯᓯᑦ, ᓇᒪ ᓂᑕ ᒋᑭ ᒋ ᐱᒐᓇᐛᐤ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᒪᑎᔪᐤ 18:3 Iomraidhean Croise

ᑎᐱᑦ ᐅᓂᑭᒧᐅᓇ 131:2

ᒐᔅᑎᓇᔅ ᓂ ᐃᑈᐧᑲᐅ-ᐃᑎᓐ ᑭᔭ ᓂᒋ ᒋᔭᒪᐎᓯᓐ, ᒧᔭᒻ ᐊᐛᔅ ᑲ ᐳᓂ ᓄᓴᓂᐃᑯᑦ ᐅᑲᐎᔭ: ᓂᑦ ᐊᒐᐧᒄ ᒧᔭᒻ ᑲ ᐳᓂ ᓄᓴᓂᑦ ᐊᐛᔅ ᐃᓯᓇᑯᓱᐤ᙮

ᒪᑎᔪᐤ 13:15

ᐛᔅ ᓇᒪ ᐎ ᒪᒥᑐᓇᔨᑎᒥᐃᑯᐅᒡ ᑭᔭ ᓇᒪ ᐎ ᓂᑐᑎᒧᒡ ᑭᔭ ᓇᒪ ᐎ ᓂᔅᑐᑎᒧᒡ ᑭᔭ ᓇᒪ ᐎ ᐛᐸᑎᒧᒡ᙮ ᐊᑲ ᒪᒃ ᐅᒋ ᐃᑎᒡ ᐅᔭ ᒋᐸ ᐛᐸᑎᒧᒡ, ᒋᐸ ᐸᑎᒧᒡ ᑭᔭ ᒋᐸ ᓂᔅᑐᑎᒧᒡ, ᑭᔭ ᓂᐸ ᐸᒋ ᓂᑐᐛᐱᒥᑯᒡ, ᒋ ᐃᑕᐤ ᒋᓴᒪᓂᑐᐤ ᑭᔭ ᓂᐸ ᒥᓏᒋᐊᐅᒡ᙮”

ᒪᑎᔪᐤ 18:2

ᐊᑯ ᒋᓴᔅ ᒂ ᐎᓴᒪᑦ ᐊᐛᓴ, ᒂ ᐅᑎᔅᑯᑲᐳᐊᑦ ᐊᓐᑕ ᐊ ᑕᒡ᙮

ᒪᑎᔪᐤ 18:4

ᐊᓐ ᐊᐛᓐ ᒐ ᑎᐱᑕᔨᒥᓱᒂ ᑭᔭ ᒧᔭᒻ ᐊᐛᓴ ᒐ ᐃᑕᔨᑕᑯᓯᒂ ᐊᐅᒄ ᐊᓐ ᒪᐅᒡ ᒐ ᓂᑲᓇᔨᑕᑯᓯᑦ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᒪᑎᔪᐤ 19:14

ᐊᑯ ᒋᓴᔅ ᒂ ᐃᑕᑦ, “ᐱᔅᑎᓇᐧᑯᒡ ᐊᐛᓯᒡ ᒐᒋ ᐸᒋ ᓇᓯᒡ ᐊᑲᐎᔾ ᐅᒋ ᒋᑕᐊᒧᐛᐧᑯᒡ, ᐛᔅ ᐅᔭ ᑲ ᐃᑕᔨᑕᑯᓯᒡ ᐊᐛᓐᒋ ᒋᒋᒋᓯᒄ ᐅᒋᒪᐅᓂᒡ ᐃᓯ ᑎᐸᔨᑕᑯᓱᐅᒡ᙮”

ᒪᑎᔪᐤ 19:23

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᑕᑈ ᒋ ᐎᑎᒪᑎᓇᐛᐤ, ᐊᐛᓐ ᑲ ᐛᔪᑎᓯᑦ ᑕᑈ ᒋᑭ ᐊᔨᒥᓂᔪᐤ ᒐᒋ ᐱᒐᑦ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᒪᑎᔪᐤ 5:18

ᐎ ᒋᔅᒋᒄ, ᒐ ᐃᔅᐱᔅ ᑎᑯᓂᒂ ᒋᒋᒋᓯᒄ ᑭᔭ ᐊᔅᒋᔾ, ᓇᒪ ᐛᐛᒡ ᐊᓐ ᒪᐅᒡ ᐊ ᐊᐱᓴᓯᒡ ᐊ ᒥᓯᓇᑕᒡ ᐎᓱᐛᐅᓂᒡ ᒋᑭ ᐅᒋ ᐸᓯᑯᓇᑯᓐ, ᐸᑐᔅ ᒥᓯᐛ ᒋ ᐃᔅᐱᔨᒐ ᑕᓐ ᐊᑎᔅᑕᒡ ᒐ ᐃᔅᐱᔨᒡ᙮

ᒪᑎᔪᐤ 5:20

ᒋ ᐎᑎᒪᑎᓇᐛᐤ ᒪᒃ, ᐊᐅᒄ ᒥᒄ ᒐᒋ ᐅᒋ ᐱᒐᔭᒄ ᐊᓐ ᒋᒋᒋᓯᒄ ᒋᓴᐅᒋᒪᐅᓐ ᐊᑐᐎᔅ ᒋᔨᐛᐤ ᑯᐃᔅᑯᑕᑎᓯᔭᒂ ᐃᔅᐱᔅ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᐸᕆᓯᔨᒡ᙮”

ᒪᑎᔪᐤ 6:16

“ᒪᒃ ᐃᔅᐱ ᐊᑲ ᐅᑎᓂᒪᒂ ᒥᒋᒻ ᒥᒄ ᐊ ᐎ ᐊᔭᒥᐊᔭᒄ, ᐊᑲᐎᔾ ᓂᔅᐱᑕᐧᑯᒡ ᑲ ᐊᔭᒥᐊᐧᑲᓱᒡ᙮ ᐊᒪᒋᒂᔨᒡ ᒐᒋ ᐛᐱᒥᑯᒡ ᐃᔪᐛ ᐊ ᐊᑲ ᒥᒋᓱᒡ ᒥᒄ ᐅᓴ ᐊ ᐊᔭᒥᐊᒡ᙮ ᑕᑈ ᒋᑦ ᐃᑎᓇᐛᐤ ᓴᔅ ᒋ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 6:2

“ᑭᔭ ᐊ ᒥᔨᑦ ᐊᐛᓐ ᒐᒂᔪᐤ ᐊ ᐃᓯ ᓄᑕᐱᔨᑦ, ᐊᑲᐎᔾ ᐃᑐᑕ ᐅ ᒥᓯᐛ ᐊᐛᓐ ᒐᒋ ᒋᔅᒐᔨᑕᐧᒃ, ᐛᔅ ᐊᓐᒡ ᐎᔨᐛᐤ ᑲ ᐊᔭᒪᐊᐧᑲᓱᒡ ᓇᔅᒡ ᐎ ᑲ ᒐᔅᒐᔨᑕᑯᐅᒡ ᑕᓐ ᐊ ᐃᓯ ᒥᔪᑐᑕᒡ᙮ ᒥᒄ ᐊ ᐃᑕᔨᑎᒥᐃᑯᒡ ᒐᒋ ᒪᒥᒋᒥᑯᒡ ᐊᐛᔪᐛ᙮ ᑕᑈ ᒋ ᐎᑎᒪᑎᓇᐛᐤ, ᓴᔅ ᒋᓴᒡ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 6:5

“ᑭᔭ ᐊ ᐊᔭᒥᐊᔭᑯ, ᐊᑲᐎᔾ ᒋᑭ ᓂᔅᐱᑐᐛᐛᐅᒡ ᐊᓐᒡ ᑲ ᐊᔭᒥᐊᐧᑲᓱᒡ᙮ ᐛᔅ ᓇᔅᒡ ᒥᔽᔨᑎᒧᒡ ᐊ ᓇᓂᐳᐅᒡ ᐊ ᐊᔭᒥᐊᒡ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᐊᓐᑕ ᓴᓯᑲᓐ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᒋ ᐎᑎᒪᑎᓇᐛᐤ ᓴᔅ ᐅᒡ ᐊᔭᐅᒡ ᐅᑎᐸᐊᒪᑯᓯᐅᓄᐛᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:12

ᐊᑎ ᐊ ᐛᐸᑕᒡ ᓇᒪ ᒋ ᓂᔅᑐᓂᒧᒡ ᑭᔭ ᓱᒃ ᐊ ᓂᑐᑐᐛᒡ ᓇᒪ ᒋ ᓂᔅᑐᑎᒧᒡ᙮ ᐛᔅ ᒋ ᓂᔅᑐᓂᒧᐛᐛᒂ ᑭᔭ ᒋ ᓂᔅᑐᑎᒧᐛᐛᒂ, ᓂᐸ ᐸᒋ ᒋᐛ ᓇᑎᑯᒡ ᒐᒋ ᐛᐸᔨᑎᒧᐅᒂᐤ᙮”

ᓗᒃ 13:24

“ᒥᒐᑦ ᐊᐛᓐᒋ ᒋᑭ ᑯᒋᑕᐅᒡ ᒐᒋ ᐱᒐᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᓇᒪ ᒪᒃ ᒋᑭ ᒋ ᐃᑐᐅᒡ᙮ ᒋᔨᐛᐤ ᒪᒃ ᓱᒃ ᑯᒋᑕᒄ ᒐᒋ ᐱᒐᔭᒄ ᐊᓐᑕ ᐅᒋ ᐊᓐ ᑲ ᓴᑯᐛᒡ ᒋᐱᔎᐤ᙮

ᓗᒃ 22:32

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

ᒠᓐ 1:51

ᐊᑯ ᒥᓐ ᒂ ᐊᑎ ᐃᔅᒋᔄᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᒋᑭ ᐛᐸᑕᓇᐛᐤ ᒋᒋᒋᓯᒄ ᐊ ᔪᑕᐱᔨᒡ, ᑭᔭ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ᐅᐱᔨᒋ ᑭᔭ ᐊ ᐸᒋ ᔭᓯᑐᑐᐛᒡ ᐃᔪᐤ ᐅᑯᓯᓴᓇ᙮”

ᒠᓐ 3:3

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ᐛᐸᑎᒺᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐸᑐᔅ ᒥᓐ ᐱᒪᑎᓯᒐ᙮”

ᒠᓐ 3:5

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐸᑐᔅ ᓂᐱᒡ ᑭᔭ ᐊᒐᐧᑯᐅᓂᒡ ᐅᒋ ᐱᒪᑎᓯᒐ᙮

ᐊᑈᔅᑕᓇᒡ 14:22

ᐊᑯᑕ ᐊᓐᑕ ᑲ ᐃᔨᒪᐊᒡ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ᐃᑕᐅᒡ ᑭᔭ ᐊ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᐊᑈᔅᑕᓇᒡ 28:27

ᐛᔅ ᐊᓐᒡ ᐅᒡ ᐃᔪᒡ ᓇᔅᒡ ᑕᑈ ᓯᐱᑎᒧᒡ, ᓇᒪ ᐎ ᑕᑈᑎᒧᒡ, ᒧᔭᒻ ᐊ ᒋᐳᓇᒡ ᐎᑐᑭᐛᐛ ᑭᔭ ᐅᔅᒋᓯᑯᐛᐛ ᐊᐅᑯᓐ ᐊ ᐃᓯᓇᑯᓯᒡ᙮ ᐊᑲ ᒪᒃ ᐅᔭ ᐃᑎᒡ ᒋᐸ ᐛᐸᑎᒧᒡ ᑭᔭ ᒋᐸ ᐸᑎᒧᒡ ᑭᔭ ᒋᐸ ᓂᔅᑐᑎᒧᒡ ᐊᓂᔭ ᑕᓐ ᐊ ᐃᓯ ᓂᑐᐛᔨᒥᒂᐤ᙮ ᓂᐸ ᐸᒋ ᓂᑐᐛᐱᒥᑯᒡ ᒪᒃ ᑭᔭ ᓂᐸ ᐱᒪᒋᐊᐅᒡ᙮’ ”

ᐊᑈᔅᑕᓇᒡ 3:19

ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

1 ᑯᕆᓐᑎᔭᓇ 14:20

ᓂᐧᑲᓂᓯᑐᒄ, ᐊᑲᐎᔾ ᐊᐛᓯᐤ ᒪᒥᑐᓇᔨᑎᒧᒄ᙮ ᒧᔭᒻ ᐅᔅᒋᐛᓴᒡ ᐊ ᐃᑕᔨᑕᑯᓯᒡ ᐊᑲ ᒋᔅᒐᔨᑕᒡ ᐊ ᐃᑕᔨᑕᑯᓂᔨᒡ ᒥᒋᑐᑎᒧᐅᓂᔪᐤ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒋᐸ ᐃᑕᔨᑕᑯᓯᓇᐛᐤ᙮ ᒧᔭᒻ ᐊᐛᓐ ᓴᔅ ᐊᒋ ᐃᓯ ᓂᑕᐅᒋᑦ ᐊᐅᑯᓐ ᒋᐸ ᐃᓯ ᒪᒥᑐᓇᔨᑕᓇᐛᐤ᙮

1 ᐱᑕᕐ 2:2

ᒧᔅ ᐊᑐᐎᔅ ᒋᐸ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᐅᑯᓐ ᒐ ᑭᓄᐛᔨᒥᑯᔭᒄ ᐊ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ᐅᔅᒋᓂᑕᐅᒋᑦ ᒧᔅ ᐊ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ᓂᑕᐅᒋᑦ, ᐊᐅᑯᓐ ᒋᐸ ᐃᓯᓇᑯᓯᓇᐛᐤ ᐊ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮

2 ᐱᑕᕐ 1:11

ᐊᑯᑕ ᑭᔭ ᒐᒋ ᐅᒋ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ᑎᑯᓂᔨᒡ᙮