ᒪᑎᔪᐤ 15:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² “ᑕᓐ ᐊ ᐃᑎᒡ ᐊᓐᒡ ᒋᒋᔅᒋᓄᐊᒧᐛᑭᓐᒡ ᐛᒋ ᐊᑲ ᓂᓇᐃᑕᒡ ᐊᓂᔭ ᐃᑐᐅᓂᔪᐤ ᐊᓂᔭᐧᑲ ᒍᑕᐎᓄᐅᒡ ᑲ ᐊᓱᐤ ᒥᔨᑕᐧᑯᒡ ? ᐛᔅ ᓇᒪ ᐃᑐᑎᒧᒡ ᐎᔨᐛᐤ ᒐᒋ ᒋᔅᑕᐸᐅᑕᒡ ᐅᑎᒋᐛᐛ ᐊᔅᒄ ᐊ ᐊᑲ ᒥᒋᓱᒡ᙮”

ᒪᑎᔪᐤ 15:2 Iomraidhean Croise

ᒐᓂᓯᔅ 1:14

ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᐛᔅᑕᐅᓇ ᐊᓐᑕ ᒋᓯᑯᒡ ᒐ ᑎᐸᓇᐱᔨᒡ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᒐᒋ ᒋᔅᒐᔨᑕᒂᒋ ᒋᓯᒂ ᑭᔭ ᐱᐳᓇ᙮

ᒪᑎᔪᐤ 15:3

ᐊᑯ ᒋᓴᔅ ᐊ ᐎᑎᒧᐛᑦ ᒂ ᐃᑕᑦ, “ᑕᓐ ᐊ ᐃᑎᔭᒄ ᒪᒃ ᐎ ᒋᔨᐛᐤ ᐛᒋ ᐊᑲ ᓂᓇᐃᑎᒪᒄ ᒋᓴᒪᓂᑐᐤ ᐅᑭᒐᔅᒋᒧᐅᓐ ᐃᔭᐱᒡ ᐊᓂᔭ ᐃᑐᐅᓇ ᑲ ᒋᔅᑯᑎᒪᑯᔭᒄ ᐊ ᓂᓇᐃᑎᒪᒄ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:2

ᓇᔅᒡ ᒋ ᒋᐧᑲᔭᐱᒪᐅᒡ ᐊᓂᔭ ᒋᔅᒋᓄᐊᒧᐛᑭᓇ ᐊᓂᔭ ᐊᑲ ᐅᒋ ᑲᓯᑎᒐᔨᒋ ᐊᔅᒄ ᐊᑲ ᒥᒋᓱᔨᒋ᙮ ᐊᒋ ᒪᒃ ᐃᑎᓱᐛᔨᒋ ᐸᕆᓯᐊ ᒐᒋ ᑲᓯᑎᒐᔨᒋ ᐊᐛᔪᐛ ᐊᔅᒄ ᐊᑲ ᒥᒋᓱᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:5

ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒂ ᑯᒂᒋᒪᒡ ᒋᓴᓴ ᐊ ᐃᑕᒡ, “ᐅᒡ ᒪ ᒋᒋᔅᒋᓄᐊᒧᐛᑭᓐᒡ, ᒐᒂᔪᐤ ᐛᒋ ᐊᑲ ᐃᑐᑕᒡ ᑕᓐ ᑲ ᐃᓯ ᐸᒋ ᐊᓱᐤ ᓂᓇᑭᑐᐛᔨᑕᒡ ᒍᑕᐎᓄᐅᒡ ᒐᒋ ᐃᓯ ᓂᓇᑭᑐᐛᔨᑕᑭᓄᔨᒋ᙮ ᒥᒄ ᐃᓯ ᒥᒋᓱᐅᒡ ᐊᑲ ᐛᐛᒡ ᐃᑐᑕᒡ ᐊᓂᔭ ᒋᐸ ᐃᑐᐅᒡ ᐊ ᒋᔅᑕᐸᐅᑕᒡ ᐅᑎᒋᐛᐛ ?”

ᓗᒃ 11:38

ᒋ ᒥᔅᑲᑕᔨᑎᒻ ᐊᓐ ᐸᕆᓯ ᐊᑲ ᐅᒋ ᑲᓯᑎᒐᔨᒋ ᒋᓴᓴ ᐊᔅᒄ ᐊᑲ ᒥᒋᓱᔨᒋ᙮ ᐛᔅ ᐊᐅᑯᓐ ᑲᒋ ᐃᑎᓇᓄᐎᒡ ᒪᓐ᙮

ᑲᓚᓯᔭᓇ 1:14

ᐅᔅᑕ ᓂᔾ ᒥᒄ ᓂᒋ ᐃᑎᓐ ᒐᒋ ᒥᔪᑐᑎᒪᓐ ᑕᓐ ᑲ ᐃᑎᓱᒥᑯᔭᒡ ᒍᐤ ᐃᔪᒡ ᐅᑦ ᐊᔭᒥᐊᐅᓄᐛᐤ ᐃᔅᐱ ᒥᒐᑦ ᓂᒡ ᒍᐤ ᐃᔪᒡ ᐊ ᐎᒋ ᐃᔅᐱᑕᑎᓯᒥᒂᐤ᙮ ᒥᒄ ᐊᔅᐱᔅ ᒋ ᐃᑐᑎᒪᓐ ᓂᒋ ᐎ ᓂᓇᐃᑎᒺᓐ ᐅᒋᔅᑯᑎᒪᒐᐅᓄᐛᐤ ᐊᓂᔭᐧᑲ ᒋᑦ ᐊᓂᔅᑯᑕᐸᓄᐎᒡ᙮

ᑯᓚᓯᔭᓇ 2:8

ᐊᑲᐎᔾ ᒪᒃ ᐊᐛᓐ ᒋᑭ ᐅᒋ ᐎᔭᓯᒥᑯᐛᐤ ᐊᓂᔭ ᐅᒋ ᑕᓐ ᐊ ᐃᓯ ᓂᑎᒥᒄ ᒋᔅᑯᑎᒪᒐᑦ, ᐛᔅ ᐊᓂᔭ ᑕᓐ ᐊ ᐃᓯ ᑕᑈᑕᐧᒃ ᓇᐸᐛ ᒋ ᐊᓱᐤ ᒋᔅᑯᑎᒪᒐᔪᐛ᙮ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ ᐎᔨᐛᐤ ᐊ ᑕᒡ ᐅᒋᐱᔪᐤ᙮ ᓇᒪ ᙭ᑕ ᐊ ᑕᔨᒋ ᐅᒋᐱᔨᔪᐤ᙮

1 ᐱᑕᕐ 1:18

ᐛᔅ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐎᐧᑯᒋᐃᑯᔭᒄ ᐊᓐᑕ ᐅᒋ ᐸᑯᓂᑐᐤ ᐊ ᐃᑕᔨᑕᑯᓂᔨᒡ ᐊ ᐃᓯ ᐱᒪᑎᓯᓇᓄᐎᒡ ᐊᓂᔭ ᑕᓐ ᑲ ᐃᓯ ᐸᒋ ᐊᓂᔅᒐ ᒥᔨᑕᑯᒡ ᐊᓂᔭᐧᑲ ᒋᐧᑲᓂᓱᐛᐅᒡ᙮ ᓇᒪ ᒪᒃ ᐎ ᑲ ᐛᐸᐱᔅᒋᓯᑦ ᓱᓇᔭᐱᔅᒄ ᑭᔭ ᒪᒃ ᐎᔄᐅᓱᓇᔭᐱᔅᒄ ᐅᒋ ᐊᐱᑎᓱᐤ ᑲ ᐎᐧᑯᒋᐃᑯᔭᒄ,