ᒪᑎᔪᐤ 13:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᓇᔅᒡ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᐊ ᐸᒋ ᒪᒧᐎᔨᒋ ᐊᓐᑕ ᐊ ᑕᑦ, ᐊᑯᑕ ᒂ ᐳᓯᑦ ᐅᐤᑎᔪᐤ ᐊᑯᑕ ᒪᒃ ᐊᓐᑕ ᑲ ᐊᐱᑦ, ᐊᑯ ᐊᓂᔭ ᐊᐛᔪᐛ ᐊᓐᑕ ᓯᓱᒡ ᒋ ᓂᐳᔪᐛ᙮

ᒪᑎᔪᐤ 13:2 Iomraidhean Croise

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᒪᑎᔪᐤ 15:30

ᒥᒐᑦ ᒪᒃ ᐊᐛᔪᐛ ᒋ ᐸᒋ ᓂᑐᐛᐱᒥᑯᐤ, ᐊ ᐸᓱᐛᔨᒋ ᐊᓂᔭ ᐊᐛᔪᐛ ᐊᑲ ᒋ ᐊᑎᓂᓱᔨᒋ, ᑭᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ᒪᔅᒋᓯᔨᒋ, ᑭᔭ ᐊᑲ ᓂᑕᐛᔨᒋ, ᑭᔭ ᒥᒐᑦ ᓂᓇᐧᑯᐤ ᑲ ᐃᑕᔅᐱᓇᔨᒋ᙮ ᒋ ᐊᔭᐅᒡ ᒪᒃ ᒥᓯᐛ ᐊᓂᔭ ᐊᓐᑕ ᒋᓴᓴ ᐅᓯᑎᔨᒡ᙮ ᐊᑯ ᒋᓴᔅ ᒂ ᒥᓏᒋᐊᑦ᙮

ᒪᑎᔪᐤ 4:25

ᒥᒐᑦ ᒪᒃ ᐊᐛᔪᐛ ᒋ ᐱᐸᒥᐎᒐᐅᑯᐤ ᒋᓴᔅ, ᐊᓐᑕ ᑲᓕᓕᒡ ᑲ ᐅᒋᔨᒋ ᑭᔭ ᐊᓐᑕ ᐊᔅᒋᔪᐤ ᐸᐃᑯᔪᐤ ᐅᑕᓇᐛ ᑲ ᐃᓯᓂᐧᑲᑕᔨᒋ, ᑭᔭ ᐊᓐᑕ ᒋᕈᓯᓕᒥᒡ, ᒍᑎᔭᒡ ᑭᔭ ᐊᓐᑕ ᒂᔅᑕᒐᑲᒻ ᒠᕐᑕᓐ ᓯᐱᒡ ᑲ ᑕᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:1

ᐸᐃᒂᐤ ᒥᓐ ᐊ ᒋᔅᑯᑎᒪᒐᑦ ᒋᓴᔅ ᓯᓱᒡ ᑲᓕᓕ ᓴᑲᐃᑭᓂᒡ, ᒐᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᐊ ᐸᒋ ᓂᑐᑕᑯᑦ᙮ ᐊᑯ ᒂ ᐳᓯᑦ ᐅᐤᑎᔪᐤ, ᑲ ᐊᑯᒧᑦ ᐊᓐᑕ ᓴᑲᐃᑭᓂᒡ᙮ ᐊᑯ ᐊᓂᔭ ᒥᒐᑦ ᐊᐛᔪᐛ ᒂ ᐸᒋ ᑎᑯᓯᓂᔨᒋ ᐊ ᐎ ᓂᑐᑕᑯᑦ ᐊᓐᑕ ᓯᓱᒡ ᒋ ᑕᔪᐛ᙮

ᓗᒃ 5:3

ᒋ ᐳᓱᐤ ᒪᒃ ᒋᓴᔅ ᐸᐃᒄ ᐅᐤᑎᔪᐤ, ᐊᓂᔭ ᓴᐃᒥᓐ ᐱᑕᕋ ᑲ ᑎᐱᔨᐛᐅᓯᔨᒋ᙮ ᒂ ᑯᒂᒋᒪᑦ ᓴᐃᒥᓐ ᐱᑕᕋ ᒐᒋ ᐊᐱᓯᔅ ᒧᓴᐅᐊᒥᔨᒋ᙮ ᐊᑯ ᒪᒃ ᒂ ᐛᐛᔨᐱᑦ ᒋᓴᔅ ᑲ ᒋᔅᑯᑎᒪᒐᑦ ᐊᓐᑕ ᐊ ᒥᓴᔨᒡ ᐅᐤᑎᒡ ᐅᒡ᙮