ᒪᑎᔪᐤ 11:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐎᑎᒧᐛᐧᒄ ᒪᒃ ᐊ ᐛᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭᔪᐛ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭᔪᐛ ᑲ ᐊᔭᔨᒋ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᒥᓏᒋᐊᑭᓄᔨᒋ᙮ ᑭᔭ ᐊ ᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐸᑎᒥᔨᒋ᙮ ᑭᔭ ᐊᒋ ᐅᓂᔅᑲᓇᑭᓄᔨᒋ ᐊᓂᔭᔪᐛ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᒪᑎᔪᐤ 11:5 Iomraidhean Croise

ᑎᐱᑦ ᐅᓂᑭᒧᐅᓇ 146:8

ᑎᐸᔨᒋᒐᓱᐤ ᑐᑐᐛᐤ ᒐᒋ ᐛᐸᑎᒥᔨᒋ ᐊᑲ ᐛᐸᑎᒥᔨᒋ: ᑎᐸᔨᒋᒐᓱᐤ ᐱᓯᑯᓇᐤ ᐊᓂᔭᔪᐛ ᑲ ᒪᒥᓴᒪᔨᑎᒥᔨᒋ: ᑎᐸᔨᒋᒐᓱᐤ ᓴᒋᐊᐤ ᐅᑯᐃᔅᑯᑕᑎᓯᐛ:

ᑎᐱᑦ ᐅᓂᑭᒧᐅᓇ 22:26

ᐅᔪᔅᑲᑎᓯᐅᒡ ᒋᑭ ᒥᒋᓱᐅᒡ ᑭᔭ ᒋᑭ ᒋᔅᐳᐅᒡ: ᒋᑭ ᒪᒥᒋᒪᐅᒡ ᑎᐸᔨᒋᒐᓱᐛ ᐊᓐᒡ ᑲ ᓇᓂᑐᐛᔨᒪᒡ: ᒋᑕᐃᐛᐛ ᓇᓂᑎᒻ ᒋᑭ ᐱᒪᑎᓯᒪᑭᓂᔨᐛ᙮

ᐊᒃᓱᑕᔅ 4:11

ᒥᒄ ᑎᐸᔨᒋᒐᓱᐛ ᐃᑎᑯᐤ “ᐊᐛᓐ ᑲ ᐅᓯᑕᐛᑦ ᓇᐸᐛ ᐅᑐᓂᔪᐤ ? ᐊᐛᓐ ᑲ ᒥᔭᑦ ᒐᒋ ᐃᔨᒥᔨᒋ ᑭᔭ ᒐ ᐊᑲ ᒋ ᐃᔨᒥᔨᒋ ? ᑭᔭ ᐊᐛᓐ ᑲ ᒥᔭᑦ ᒐᒋ ᐛᐸᑎᒥᔨᒋ ᑭᔭ ᒐ ᐊᑲ ᐛᐸᑎᒥᔨᒋ ? ᓇᒪᔭᐤ ᐊ ᓂᔾ, ᑎᐸᔨᒋᒐᓱᐤ ?

ᒪᑎᔪᐤ 10:8

ᒥᓏᒋᐊᐧᑯᒡ ᑲ ᐊᐧᑯᓯᒡ, ᑭᔭ ᐅᓂᔅᑲᓇᐧᑯᒡ ᐊᓐᒡ ᑲ ᓂᐱᒡ, ᒥᓏᒋᐊᐧᑯᒡ ᒐᒋ ᐸᔭᒋᓯᒡ ᐊᓐᒡ ᑲ ᒪᔭᑎᓂᔨᒡ ᐅᒥᒋᐅᓂᔪᐤ ᑲ ᐊᔭᒡ ᑭᔭ ᐎᐎᑎᓴᐛᐧᑯᒡ ᒥᒋ ᐊᒐᐧᑯᒡ᙮ ᓴᒐᔾ ᔅᒋ ᒥᔨᑯᐅᓇᐛᐤ ᐅ ᓱᐧᑲᑎᓯᐅᓐ, ᓇᒪ ᒪᒃ ᒋᐸ ᐅᒋ ᒋᓯᐧᑲᑯᐅᓇᐛᐤ ᐅ ᐊ ᐃᑐᑎᒪᒄ᙮

ᒪᑎᔪᐤ 11:4

ᐊᑯ ᒋᓴᔅ ᐊᑕᑦ, “ᒋᐛᒄ, ᒐ ᐎᑎᒧᐛᒄ ᒠᓐ ᑕᓐ ᑲ ᐃᓯ ᐛᐱᒥᔭᒄ ᐊ ᐃᓯ ᐃᑐᑎᒪᓐ ᑭᔭ ᑕᓐ ᑲ ᐃᓯ ᐸᑎᒪᒄ᙮

ᒪᑎᔪᐤ 12:13

ᐊᑯ ᐊᑕᑦ ᐊᓂᔭ ᓇᐸᐛ ᐅᑎᒋᔪᐤ ᑲ ᒪᔅᑲᔨᒡ, “ᓴᑐᐱᔨᑕ ᔅᑎᒋᔾ᙮” ᒋ ᓴᑐᐱᔨᑕᐤ ᒪᒃ ᐊᓐ ᓇᐸᐤ ᐊᓂᔭ ᐅᑎᒋᔾ, ᐊᑯ ᒪᒃ ᑲ ᒥᓏᒋᑕᑭᓄᐎᒡ ᐊᓂᔭ ᐅᑎᒋᔾ᙮ ᒧᔭᒻ ᐊᓂᔭ ᑯᑎᒋᔪᐤ ᐅᑎᒋᔾ ᑲ ᐃᓯ ᒥᔽᔨᒡ, ᐊᐅᑯᓐ ᑲ ᐃᓯᓇᑯᓂᔨᒡ ᐊᓂᔭ ᐅᑎᒋᔾ ᑲ ᒪᔅᑲᔨᒡ᙮

ᒪᑎᔪᐤ 21:14

ᒋ ᐸᒋ ᓂᑐᐛᐱᒥᑯᐤ ᒪᒃ ᐊᓂᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ᒪᔅᒋᓂᑕᐅᒋᔨᒋ ᐊᐛᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒪᒂᒡ ᐊ ᑕᑦ, ᒋ ᒥᓏᒋᐊᐤ ᒪᒃ᙮

ᒪᑎᔪᐤ 5:3

“ᓱᐛᔨᑕᑯᓱᐅᒡ ᐊᓐᒡ ᑲ ᒋᔅᑎᒪᑎᓯᒡ ᐅᑦ ᐊᒐᐧᑯᐛᒡ, ᐛᔅ ᐎᔨᐛᐤ ᑎᐱᔨᐛᐅᓯᐅᒡ ᒋᒋᒋᓯᒄ ᒋᓴᐅᒋᒪᐅᓂᔪᐤ᙮

ᒪᑎᔪᐤ 9:30

ᒋ ᒥᓏᒋᐊᑭᓄᐅᒡ ᒪᒃ ᐊᑯ ᒂ ᐛᐸᑕᒡ᙮ ᐊᑯ ᒋᓴᔅ ᐊᑎᓱᒪᑦ ᒐ ᐊᑲ ᐎᑎᒧᐛᔨᒋ ᐊᐛᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:37

ᒥᓯᐛ ᒪᒃ ᐊᐛᔪᐛ ᑲ ᐸᑎᒥᔨᒋ ᐅᔭ ᓇᔅᒡ ᒋ ᒥᔅᑲᑕᔨᑎᒥᐃᑯᔪᐛ᙮ ᒋ ᐃᔅᒋᔄᔪᐛ ᒪᒃ, “ᒥᓯᐛ ᒐᒂᔪᐤ ᒋ ᒥᔪᑐᑎᒻ᙮ ᐛᐛᒡ ᒋ ᐃᑐᑎᒧᐛᐤ ᐊᑲ ᐸᑎᒥᔨᒋ ᒐᒋ ᐸᑎᒥᔨᒋ ᑭᔭ ᐊᓂᔭᔪᐛ ᐊᑲ ᓂᑕᐛᔨᒋ ᒐᒋ ᓂᑕᐛᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:25

ᒋᓴᔅ ᒪᒃ ᒋ ᐛᐱᒪᐤ ᐊᓂᔭ ᐃᔪᐛ ᑲ ᐸᒋ ᒪᒧᑲᐳᔨᒋ ᐊ ᐊᑎ ᓯᑎᔅᑲᑐᔨᒋ ᐊᑯ ᒂ ᒋᑕᐊᒧᐛᑦ ᐊᓂᔭ ᒥᒋ ᐊᒐᒂ ᐊ ᐃᑕᑦ, “ᒋᔾ ᐊᒐᐧᒄ ᐊᑲ ᐸᑎᒥᓐ ᑭᔭ ᐊᑲ ᓂᑕᐛᔨᓐ, ᒪᒋ ᐎᐎᔾ ᐊᓐᑕ ᐅ ᓇᐸᔅ ᐊ ᑕᑦ ᐅᒡ᙮ ᐊᑲᐎᔾ ᒥᓐ ᒋᑭ ᐅᒋ ᐱᒋᔅᑯᐛᐤ᙮”

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

ᒠᓐ 10:25

ᐊᑯ ᒋᓴᔅ ᓇᔎᐅᓯᐊᑦ, “ᓴᔅ ᑯᐃᔅᒄ ᔅᒋ ᐎᑎᒪᑎᓇᐛᐤ ᓇᒪ ᒪᒃ ᒋ ᐅᒋ ᐎ ᑕᑈᑐᐅᓇᐛᐤ᙮ ᐊᓂᔭ ᒥᓯᐛ ᑲ ᐃᓯ ᐸᒋ ᒥᔨᑦ ᓄᑕᐎᔾ ᒐᒋ ᐃᓯ ᒪᒥᔅᑲᒡ ᐃᑐᒡ ᓇᓂᑎᒻ ᐅᑕ ᐊ ᑕᔭᒄ ᐊᑯᑕ ᐊ ᓄᒂᒡ ᐊᐛᓐ ᐊ ᐊᐎᔭᓐ᙮

ᒠᓐ 10:38

ᐊᑎ ᐊᑲ ᐎ ᑕᑈᔭᔨᒥᔭᒄ ᐊ ᐃᔅᒋᔄᔭᓐ ᒋᓴᒪᓂᑐᐤ ᐅᑯᓴ ᐊ ᐊᐎᔭᓐ ᓇᔅᒡ ᒋᐸ ᒐᔅᑎᓇᑕᔨᑎᒥᐃᑯᓇᐛᐤ ᐊ ᐱᒋᔅᑯᐅᑦ ᐅᑕᐎᒪᐤ ᑭᔭ ᓂᔾ ᒪᒃ ᐊ ᐱᒋᔅᑯᐅᒃ ᐊᓐ ᐅᒋ ᐊ ᒪᒥᔅᑲᒡ ᐃᑎᔭᓐ᙮”

ᒠᓐ 2:23

ᒪᒂᒡ ᒪᒃ ᒋᓴᔅ ᑲ ᑕᑦ ᐊᓐᑕ ᒋᕈᓯᓕᒥᒡ ᐊᓂᔭ ᒪᒂᒡ ᑲ ᒥᑯᓴᓄᐎᒡ ᐎᒪᔅᑲᒐᐅ-ᒥᑯᓴᓂᔪᐤ, ᒥᒐᑦ ᐊᐛᔪᐛ ᒋ ᑕᑈᔭᔨᒥᑯᐤ ᐎᔾ ᑕᑈ ᐊ ᐊᐎᑦ ᙭ ᐃᔅᐱ ᑲ ᐛᐱᒥᑯᑦ ᐊ ᒪᒥᔅᑲᒡ ᐃᑎᑦ᙮

ᒠᓐ 3:2

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒋ ᓂᑐᐛᐱᒪᐤ ᒋᓴᓴ ᐊᑯ ᒂ ᐃᑕᑦ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒋᔾ ᒋᔅᑯᑎᒪᒐᓱᐤ ᐊᒋ ᐸᒋ ᐃᑎᓴᐅᔅᒃ ᒋᓴᒪᓂᑐᐤ᙮ ᐛᔅ ᓇᒪ ᐊᐛᓐ ᒋᑭ ᒋ ᐃᑐᑎᒻ ᐊᓂᔭ ᒪᒥᔅᑲᒡ ᐃᑐᐅᓇ ᒋᔾ ᑲ ᐃᑐᑎᒥᓐ ᐊᑲ ᐎᒋᐃᑯᒐ ᒋᓴᒪᓂᑐᐛ᙮”

ᒠᓐ 5:36

“ᒋ ᑕᑈᐤ ᒠᓐ ᑕᓐ ᑲ ᐃᑕᒋᒥᑦ, ᒥᒄ ᒪᒃ ᓂᔾ ᑕᓐ ᐊ ᐃᓯ ᒪᒥᔅᑲᒡ ᐃᑎᔭᓐ ᐊᔭᔅᒃ ᒋᐧᑲᓇᑯᓂᔪᐤ ᓄᑕᐎᔾ ᐊᒋ ᐸᒋ ᐃᑎᓴᐅᑦ᙮ ᐛᔅ ᓄᑕᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ ᒐᒋ ᒪᒥᔅᑲᒡ ᐃᑐᐅᒡ ᒐᒋ ᐅᒋ ᒋᔅᒐᔨᒥᑯᐅᔭᓐ ᓂᔾ ᐊ ᐊᐎᔭᓐ ᙭, ᐎᔾ ᓄᑕᐎᔾ ᐊᒋ ᐸᒋ ᐃᑎᓴᐅᑦ᙮

ᒠᓐ 9:7

ᐊᑯ ᒂ ᐃᑕᑦ ᐊᓂᔭᔪᐛ ᓇᐸᐛ, “ᒪᒋ ᒋᔅᑕᐸᐅᑕᒪ ᓇᑕ ᑲᐱᑲᓯᒧᓇᓄᐅᒡ ᓴᐃᓗᐊᒻ ᑲ ᐃᓯᓂᐧᑲᑕᒡ᙮” ᐊᓐ ᓴᐃᓗᐊᒻ ᐊ ᐃᓇᓄᐅᒡ “ᑲ ᐃᑎᓴᐛᑭᓄᐅᑦ” ᐅ ᐃᔅᒋᔄᒥᑭᓐ᙮ ᐊᑯ ᒂ ᒋᔅᑕᐸᐅᑕᑦ ᐊᓐ ᓇᐸᐤ ᐊᑲ ᐛᐸᑕᐧᒃ, ᒋ ᐛᐸᑎᒻ ᒪᒃ ᐃᔅᐱ ᒥᓐ ᑕᑯᓯᓂᑦ᙮

ᐊᑈᔅᑕᓇᒡ 2:22

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ᐅᒋᑦ᙮ ᓇᔅᒡ ᒋ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᐊᓂᔭ ᐊᒋ ᒪᒥᔅᑲᒡ ᐃᑎᑦ ᑭᔭ ᐊᒋ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ᑕᔭᒄ ᑲ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ᒥᔨᑯᑦ ᑭᔅᒋᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?