ᒪᑎᔪᐤ 11:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᑯ ᒋᓴᔅ ᐊᑕᑦ, “ᒋᐛᒄ, ᒐ ᐎᑎᒧᐛᒄ ᒠᓐ ᑕᓐ ᑲ ᐃᓯ ᐛᐱᒥᔭᒄ ᐊ ᐃᓯ ᐃᑐᑎᒪᓐ ᑭᔭ ᑕᓐ ᑲ ᐃᓯ ᐸᑎᒪᒄ᙮

ᒪᑎᔪᐤ 11:4 Iomraidhean Croise

ᒪᑎᔪᐤ 11:3

ᐊᑯ ᒂ ᑯᒂᒋᒪᒡ ᒋᓴᓴ, “ᐸᒋ ᐎᑎᒧᐅᓇᓐ ᒪ, ᐊᐅᒄ ᐊ ᒋᔾ ᙭ ᐊᓐ ᒐ ᑎᑯᓯᓂᑯᐱᓇ ᑭᔭ ᒪᒃ ᐊᔅᒄ ᐊ ᓂᑭ ᐸᓱᐛᔨᒪᓇᓐ ᑯᑎᒃ ᒐᒋ ᑎᑯᓯᐧᒃ ?”

ᒪᑎᔪᐤ 11:5

ᐎᑎᒧᐛᐧᒄ ᒪᒃ ᐊ ᐛᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭᔪᐛ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭᔪᐛ ᑲ ᐊᔭᔨᒋ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᒥᓏᒋᐊᑭᓄᔨᒋ᙮ ᑭᔭ ᐊ ᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐸᑎᒥᔨᒋ᙮ ᑭᔭ ᐊᒋ ᐅᓂᔅᑲᓇᑭᓄᔨᒋ ᐊᓂᔭᔪᐛ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᒪᑎᔪᐤ 15:30

ᒥᒐᑦ ᒪᒃ ᐊᐛᔪᐛ ᒋ ᐸᒋ ᓂᑐᐛᐱᒥᑯᐤ, ᐊ ᐸᓱᐛᔨᒋ ᐊᓂᔭ ᐊᐛᔪᐛ ᐊᑲ ᒋ ᐊᑎᓂᓱᔨᒋ, ᑭᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ᒪᔅᒋᓯᔨᒋ, ᑭᔭ ᐊᑲ ᓂᑕᐛᔨᒋ, ᑭᔭ ᒥᒐᑦ ᓂᓇᐧᑯᐤ ᑲ ᐃᑕᔅᐱᓇᔨᒋ᙮ ᒋ ᐊᔭᐅᒡ ᒪᒃ ᒥᓯᐛ ᐊᓂᔭ ᐊᓐᑕ ᒋᓴᓴ ᐅᓯᑎᔨᒡ᙮ ᐊᑯ ᒋᓴᔅ ᒂ ᒥᓏᒋᐊᑦ᙮

ᒪᑎᔪᐤ 21:14

ᒋ ᐸᒋ ᓂᑐᐛᐱᒥᑯᐤ ᒪᒃ ᐊᓂᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ᒪᔅᒋᓂᑕᐅᒋᔨᒋ ᐊᐛᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒪᒂᒡ ᐊ ᑕᑦ, ᒋ ᒥᓏᒋᐊᐤ ᒪᒃ᙮

ᒪᑎᔪᐤ 8:3

ᒋᓴᔅ ᒪᒃ ᒋ ᓱᐅᓂᔅᒐᔪᐤ, ᒋ ᑕᒋᓇᐤ ᐊ ᐃᑕᑦ, “ᒋ ᐎ ᐎᒋᐃᑎᓐ᙮ ᐸᔭᒋᓯ ᒪᒃ᙮” ᑎᐛᒡ ᒪᒃ ᒋ ᒥᓏᑎᓯᐤ ᐊᓐ ᓇᐸᐤ ᐊᓂᔭ ᑲ ᐃᑕᐧᑯᓯᑦ᙮

ᒠᓐ 14:11

ᐸᒋ ᑕᑈᑐᐅᒄ ᐅ ᐊ ᐃᑎᑎᑯᒡ ᐊ ᐱᒋᔅᑯᐅᒃ ᐅᑕᐎᒪᐤ ᑭᔭ ᐅᑕᐎᒪᐤ ᐊ ᐱᒋᔅᑯᐅᑦ᙮ ᐊᑲ ᒋ ᑕᑈᑎᒧᐛᒂ ᐅ ᐊ ᐃᑎᑎᑯᒡ, ᑕᑈᑐᐅᒄ ᐊᓐ ᐅᒋ ᑕᓐ ᑲ ᐃᓯ ᓂᓇᐧᑯᐤ ᒪᒥᔅᑲᒡ ᐃᑐᑎᒪᓐ᙮

ᒠᓐ 5:36

“ᒋ ᑕᑈᐤ ᒠᓐ ᑕᓐ ᑲ ᐃᑕᒋᒥᑦ, ᒥᒄ ᒪᒃ ᓂᔾ ᑕᓐ ᐊ ᐃᓯ ᒪᒥᔅᑲᒡ ᐃᑎᔭᓐ ᐊᔭᔅᒃ ᒋᐧᑲᓇᑯᓂᔪᐤ ᓄᑕᐎᔾ ᐊᒋ ᐸᒋ ᐃᑎᓴᐅᑦ᙮ ᐛᔅ ᓄᑕᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ ᒐᒋ ᒪᒥᔅᑲᒡ ᐃᑐᐅᒡ ᒐᒋ ᐅᒋ ᒋᔅᒐᔨᒥᑯᐅᔭᓐ ᓂᔾ ᐊ ᐊᐎᔭᓐ ᙭, ᐎᔾ ᓄᑕᐎᔾ ᐊᒋ ᐸᒋ ᐃᑎᓴᐅᑦ᙮