ᒪᑎᔪᐤ 11:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐃᔅᐱ ᒪᒃ ᑲᒋ ᐃᓯ ᐛᑎᓱᒪᑦ ᒋᓴᔅ ᐅᒋᔅᒋᓄᐊᒧᐛᑭᓇ, ᐊᑯ ᒐ ᔅᑐᑕᑦ, ᒐᒋ ᒋᔅᑯᑎᒪᒐᑦ ᑭᔭ ᒐᒋ ᑭᒐᔅᒋᒧᑦ ᐊᓐᑕ ᑯᑎᑲ ᐅᑕᓇᐛ ᐊᓐᑕ ᒥᒋᒪ ᑲ ᑎᑯᓂᔨᒋ᙮

ᒪᑎᔪᐤ 11:1 Iomraidhean Croise

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒪᑎᔪᐤ 7:28

ᐃᔅᐱ ᒪᒃ ᒋᓴᔅ ᑲᒋ ᐃᔅᒋᔄᑦ ᐅᔭ ᑕᓐ ᑲ ᐎ ᐃᔅᒋᔄᑦ, ᒥᓯᐛ ᐊᓂᔭ ᐊᐛᔪᐛ ᓇᔅᒡ ᒋ ᒥᔅᑲᑕᔨᑎᒥᑯᔪᐛ ᐊᓂᔭ ᑲ ᐃᓯ ᒋᔅᑯᑎᒪᒐᑦ᙮

ᒪᑎᔪᐤ 9:35

ᒋᓴᔅ ᒪᒃ ᒥᓯᐛ ᐊᓐᑕ ᐅᑕᓇᒡ ᑭᔭ ᐃᑕᐅᓂᓯᒡ ᒋ ᐃᑐᑕᐤ, ᐊᔅᑯᑎᒪᒐᑦ ᒍᐤ ᐊᔭᒥᐊᐅᒋᐛᐱᒡ, ᑭᔭ ᐊ ᑭᒐᔅᒋᒧᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᐊᔨᒧᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᐊ ᒥᓏᒋᑕᑦ ᒥᓯᐛ ᐃᓯ ᐊᐧᑯᓱᐅᓇ ᑭᔭ ᓂᓇᐧᑯᐤ ᐊ ᐃᑕᔅᐱᓇᔨᒋ ᐃᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:12

ᐊᑯ ᒪᒃ ᒂ ᔅᑐᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ᑭᒐᔅᒋᒪᒡ ᐊᐛᔪᐛ ᒐᒋ ᒂᔅᑲᑎᓯᔨᒋ᙮

ᓗᒃ 23:5

ᐊᑯᑕ ᐊᑐᐎᔅ ᓱᒃ ᑲ ᐎ ᑕᑈᒡ ᐊ ᐃᔅᒋᔄᒡ, “ᐅ ᓇᐸᐤ ᒥᒋᐱᔨᑕᐤ ᑕᓐ ᐊ ᐃᓯ ᒋᔅᑯᑎᒪᒐᑦ ᒥᓯᐛ ᐊ ᐃᔅᐱᓴᔨᒡ ᒍᑎᔭ ᐊᔅᒋᔪᐤ᙮ ᑲᓕᓕᒡ ᒋ ᐅᒋ ᒋᒋᐱᔨᑕᐤ ᐊ ᒋᔅᑯᑎᒪᒐᑦ ᐅᑕ ᒪᒃ ᒋ ᐃᓯ ᒋᔅᑯᑎᒪᒐᐤ ᒋᕈᓯᓕᒥᒡ᙮”

ᓗᒃ 8:1

ᐃᔅᐱ ᒪᒃ ᑲᒋ ᐃᔅᐱᔨᒡ ᐅᔭ ᐊᑯ ᒋᓴᔅ ᒂ ᐱᐸᔨᑐᑕᑦ ᐊᓐᑕ ᓂᓇᐧᑯᐤ ᐅᑕᓇᒡ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐ ᐅᑎᒋᐱᔨᒡ᙮ ᒋ ᐎᒐᐅᑯᐤ ᐊᓂᔭᔪᐛ ᓂᓱᓴᑉ ᐅᒋᔅᒋᓄᐊᒧᐛᑭᓇ᙮

ᒠᓐ 15:10

ᐛᔅ ᓂᓇᐃᑎᒪᒂ ᓂᑦ ᐃᑎᓱᐛᐅᓇ ᒧᔅ ᒋᑭ ᒋᔅᒐᔨᑕᓇᐛᐤ ᐊ ᓴᒋᐃᑎᑯᒡ ᒧᔭᒻ ᓂᔾ ᑲ ᐃᓯ ᓂᓇᐃᑐᐅᒃ ᓄᑕᐎᔾ ᑕᓐ ᑲ ᐃᑎᓱᒥᑦ ᓂ ᒋᔅᒐᔨᑎᒺᓐ ᐊ ᓴᒋᐃᑦ᙮”

ᒠᓐ 15:14

ᒋᔨᐛᐤ ᒪᒃ ᒋᑭ ᐎᒐᐛᑭᓂᑕᑎᓇᐛᐤ ᐃᑐᑎᒪᒂ ᑕᓐ ᐊ ᐃᑎᓱᒥᑎᑯᒡ᙮

ᐊᑈᔅᑕᓇᒡ 1:2

ᐊᔅᒄ ᒪᒃ ᐊᑲ ᐅᒋ ᓂᑭᑕᐧᒃ ᐅᔭ ᐊᔅᒋᔪᐤ ᒋᓴᔅ ᑲ ᐸᔭᒋᓯᔨᒋ ᐊᒐᒂ ᐅᒋ ᒋ ᐛᑎᓱᒪᐤ ᐊᑈᔅᑕᓇ ᐊ ᐎᑎᒧᐛᑦ ᑕᓐ ᒐ ᐃᑎᔨᒋ᙮

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 10:42

ᓂᒋ ᐃᑎᓱᒥᑯᓇᓐ ᒋᓴᔅ ᒐᒋ ᐛᐎᑎᒧᒥᒋᒋ ᐃᔪᐛ ᒥᔽᒋᒧᐅᓂᔪᐤ ᑭᔭ ᒐᒋ ᐎᑎᒧᒥᒋᒋ ᐎᔾ ᒋᓴᔅ ᐊᒋ ᐅᑎᓂᑯᑦ ᒋᓴᒪᓂᑐᐛ ᒐᒋ ᑎᐸᔅᑯᓇᑦ ᑲ ᐱᒪᑎᓯᔨᒋ ᑭᔭ ᐊᓂᔭ ᑲ ᓂᐱᔨᒋ᙮

1 ᑕᓴᓗᓂᔭᓇ 4:2

ᐛᔅ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᑎᓱᒥᑕᒡ ᒐ ᐃᓯ ᐱᒪᑎᓯᔭᒄ, ᐅᑎᐸᔨᒋᒐᐤ ᒋᓴᔅ ᙭ ᐊᒋ ᐎᑎᒧᔨᒥᑦ ᑕᓐ ᒐ ᐃᑎᑕᒡ᙮

2 ᑕᓴᓗᓂᔭᓇ 3:10

ᐊᓐᑕ ᐊ ᑕᔭᒄ ᑲᒋ ᑕᔭᒡ ᐊᐅᑯᓐ ᑲᒋ ᐃᑎᑕᒡ ᒪᓐ, “ᐊᐛᓐ ᐊᑲ ᐎ ᐊᑐᔅᒐᑦ ᓇᒪ ᒋᐸ ᐅᒋ ᒥᔭᑭᓄᐤ ᒐᒋ ᒥᒋᓱᐅᑦ᙮”

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

1 ᑎᒧᑎ 6:14

ᐃᔭᒂ ᐃᓯ ᓂᓇᐃᑕ ᑕᓐ ᑲ ᐃᑎᓱᒥᔅᒃ ᒋᓴᒪᓂᑐᐤ, ᑯᐃᔅᒄ ᐎ ᐃᑐᑕ ᑭᔭ ᓇᒪ ᓂᑐᐎᔾ ᒋᑭ ᐅᒋ ᐃᓯ ᐊᑕᒪᔨᑕᑯᓯᓐ ᒐ ᐃᔅᐱᔅ ᐊᑲ ᒥᓐ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮