ᓗᒃ 9:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐅᑎᑎᒪᒂ ᒪᒃ ᐅᑕᓇᐤ ᐊᑲ ᒪᒃ ᐎ ᐱᑎᑲᐃᑯᔭᒂ, ᓂᑭᑎᒥᒄ ᐊᓐ ᐅᑕᓇᐤ᙮ ᒐ ᐸᐳᓯᑕᓯᒧᔭᒄ, ᐊ ᓄᑯᑕᔭᒄ ᐊ ᐃᔭᒂᒥᒪᑯᒡ ᐊᑲ ᐅᒋ ᐎ ᐅᑎᓇᒡ ᒥᔽᒋᒧᐅᓂᔪᐤ᙮”

ᓗᒃ 9:5 Iomraidhean Croise

ᒪᑎᔪᐤ 10:18

ᒋᑭ ᐃᑐᑕᐃᑯᐅᓇᐛᐤ ᑎᐸᔨᒋᒐᓱᐅᒡ ᑭᔭ ᒋᓴᐅᒋᒪᐅᒡ ᐊᑕᒡ ᒐᒋ ᐅᑎᔅᑯᑲᐳᔅᑎᐛᑯᒡ ᓂᔾ ᐅᒡ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ ᐊᓐᑕ ᐅᑎᔅᑯᐤ ᐊᑕᒡ ᑭᔭ ᐅᑎᔅᑯᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:11

ᐊᑲ ᒪᒃ ᐎ ᐱᑎᑲᐃᑯᔭᒂ ᒪᒃ ᐊᑲ ᐎ ᓂᑐᑕᑯᐅᔭᒂ, ᓂᑭᑎᒪᒂ ᐊᓐ ᐅᑕᓇᐤ ᒐ ᐸᐳᓯᑕᓯᒧᔭᒄ᙮ ᐊᐅᒄ ᒐ ᐃᑎᔭᒄ ᐊ ᓄᑯᑕᔭᒄ ᐊ ᐃᔭᒂᒥᒪᑯᒡ ᐊᓐᒡ ᐃᔪᒡ ᐊᓐᑕ ᑲ ᑕᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:37

“ᐊᐛᓐ ᐊ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᐅᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᐤ ᓂᔾ ᐛᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᑯᓂ ᐊᓂᔭ ᐛᑎᓇᑦ᙮”

ᓗᒃ 10:16

ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”

ᓗᒃ 5:14

ᒋᓴᔅ ᒪᒃ ᒋ ᐃᑎᓱᒪᐤ ᐊ ᐃᑕᑦ, “ᐊᑲᐎᔾ ᐎᑎᒧᐤ ᐊᐛᓐ ᑕᓐ ᑲ ᐃᔅᐱᔨᓐ᙮ ᒪᒋ, ᓄᑯᐃᓱᐤ ᐊᓄᒡ ᒍᐤ ᐊᔭᒥᐊᐅᒋᒪᐤ ᐊ ᑕᑦ ᒐ ᐛᐱᒥᔅᒃ ᐊᒋ ᒥᓏᒋᐃᑯᔨᓐ᙮ ᑭᔭ ᒐ ᐱᔅᑎᓂᒐᔨᓐ ᐊᓐ ᒐᒂᓐ ᐊᓂᔭ ᒧᓱᔅ ᑲ ᐃᑎᓱᐛᑦ ᒐ ᐱᔅᑎᓂᑲᓄᐎᒡ᙮ ᐅ ᒪᒃ ᐃᑎᔨᓇ ᒥᓯᐛ ᐊᐛᓐ ᒋᑭ ᒋᔅᒐᔨᑎᒻ ᑕᑈ ᓇᔅᒡ ᐊᒋ ᐸᔭᒋᐃᑯᔨᓐ᙮”

ᓗᒃ 9:4

ᑭᔭ ᐊᓐ ᒥᒋᐛᑉ ᑕᓐᑕ ᒐ ᐱᑎᑲᐃᑯᐛᒂ, ᐊᑯᑕ ᐊᓐᑕ ᒐ ᑕᔭᒄ ᐸᑐᔅ ᓂᑭᑎᒪᒂ ᐊᓐ ᐅᑕᓇᐤ᙮

ᓗᒃ 9:48

“ᐊᐛᓐ ᐊ ᐅᑎᓇᑦ ᐸᐃᒄ ᐅᔭ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᔪᐤ ᓂᔾ ᑲ ᐅᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᒄ ᐊᓂᔭ ᐛᑎᓇᑦ᙮ ᐛᔅ ᐊᓐ ᐊᐛᓐ ᒪᐅᒡ ᔭᓯᒄ ᑲ ᐃᑕᔨᑕᑯᓯᑦ ᐊᓐᑕ ᐊ ᑎᓯᔭᒄ ᐊᐅᑯᓐ ᐊᓐ ᒪᐅᒡ ᒐᔅᑕᔨᑕᑯᓯᑦ᙮”

ᐊᑈᔅᑕᓇᒡ 13:51

ᒋ ᐸᐳᓯᑕᓯᒧᒡ ᒪᒃ ᑈᓪ ᑭᔭ ᐸᕐᓇᐸᔅ᙮ ᐊᐅᒄ ᐅᔭ ᐊ ᐛᐸᑎᔨᐛᒡ ᐊᑲ ᒥᓐ ᒐ ᐅᒋ ᐊᐱᑕᔨᒪᒡ ᐊᓂᔭᔪᐛ ᐃᔪᐛ ᐊᓂᔭ ᐊᑲ ᐅᒋ ᐎ ᑕᑈᑎᒥᔨᒋ ᒥᔽᒋᒧᐅᓂᔪᐤ᙮ ᐊᑯ ᐊᓐᑕ ᐊᐃᑯᓂᔭᒥᒡ ᒂ ᐃᑐᑕᒡ᙮

ᐊᑈᔅᑕᓇᒡ 18:6

ᒋ ᐊᓏᑕᑯᐤ ᒪᒃ ᑭᔭ ᒋ ᒪᔭᔨᒥᑯᐤ ᐊᑯ ᑈᓪ ᒂ ᐸᐳᐛᒄ ᐅᑦ ᐊᐱᒋᑕᐅᓇ ᐊ ᓄᑯᑕᑦ ᐊᑲ ᓂᐃᔅᑲᑯᑦ ᐊᓂᔭ ᐊ ᐃᑎᔨᒋ᙮ ᐊᑯ ᒂ ᐃᑕᑦ, “ᒋᔨᐛᐤ ᒋᑭ ᐃᑐᑕᓱᓇᐛᐤ ᓂᓱᐅᓇᑎᓯᔭᒂ, ᓇᒪᔭᐤ ᓂᔾ ᒐ ᑐᑕᑎᑯᒡ᙮ ᐛᔅ ᐊᐅᑯᐤ ᒐ ᒋᒋᐱᔭᓐ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ᙮”