ᓗᒃ 9:48 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁸ “ᐊᐛᓐ ᐊ ᐅᑎᓇᑦ ᐸᐃᒄ ᐅᔭ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᔪᐤ ᓂᔾ ᑲ ᐅᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᒄ ᐊᓂᔭ ᐛᑎᓇᑦ᙮ ᐛᔅ ᐊᓐ ᐊᐛᓐ ᒪᐅᒡ ᔭᓯᒄ ᑲ ᐃᑕᔨᑕᑯᓯᑦ ᐊᓐᑕ ᐊ ᑎᓯᔭᒄ ᐊᐅᑯᓐ ᐊᓐ ᒪᐅᒡ ᒐᔅᑕᔨᑕᑯᓯᑦ᙮”

ᓗᒃ 9:48 Iomraidhean Croise

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒪᑎᔪᐤ 18:14

ᐊᐅᑯᓐ ᒪᒃ ᒧᔭᒻ ᑭᔭ ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊ ᐃᑎᑦ, ᓇᒪ ᓂᑐᐛᔨᒪᐤ ᐛᐛᒡ ᐸᐃᒄ ᐅᔭ ᐊᐛᓴ ᒐᒋ ᐅᓂᓯᓂᔨᒋ᙮”

ᒪᑎᔪᐤ 19:28

ᐊᑯ ᒋᓴᔅ ᒂ ᐃᑕᑦ, “ᒋᑭ ᒐᔅᑎᓇᐅᓇᐛᐤ, ᐃᔅᐱ ᐃᔪᐤ ᐅᑯᓯᓴᓐ ᐊᐱᒐ ᒋᓴᐅᒋᒪᐤ ᑕᑎᐳᐛᑭᓂᒡ ᒥᓐ ᐅᔅᑲᒐ ᐊᔅᒋᔾ, ᐊᑯ ᑭᔭ ᒋᔨᐛᐤ ᓂᒋᔅᒋᓄᐊᒧᐛᑭᓂᑎᒄ ᒐ ᐊᐱᔭᒄ ᓂᓱᓴᑉ ᐅᒋᒪᐤ ᑕᑎᐳᐛᑭᓇ, ᒐ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒪᑎᔪᐤ 25:45

ᐊᑯ ᒪᒃ ᒐ ᐃᑎᑯᒡ ᐅᑎᐸᔨᒋᒐᐛ, ‘ᑕᑈ ᒋ ᐎᑎᒪᑎᓇᐛᐤ ᐊᓐ ᐊᑲ ᐅᒋ ᐎᒋᐊᒄ ᐸᐃᒄ ᓂᐧᑲᓂᔅ ᐊᓐ ᐊᑲ ᓇᔅᒡ ᐊᐱᑕᔨᑕᑯᔅᑦ ᑲ ᐃᑕᔨᒪᑭᓄᐅᑦ, ᓂᔾ ᑭᔭ ᓇᒪ ᒋ ᐅᒋ ᐎᒋᐃᓇᐛᐤ᙮’

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:37

“ᐊᐛᓐ ᐊ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᐅᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᐤ ᓂᔾ ᐛᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᑯᓂ ᐊᓂᔭ ᐛᑎᓇᑦ᙮”

ᓗᒃ 10:16

ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”

ᓗᒃ 14:11

ᐛᔅ ᐊᐛᓐ ᒥᔅᑎ ᑲ ᐎ ᐃᑕᔨᒥᑯᓯᑦ ᒋᓴᒪᓂᑐᐛ ᒋᑭ ᑎᐱᑕᔨᒧᐃᑯᐤ᙮ ᐊᓐ ᒪᒃ ᑲ ᑎᐱᑕᔨᒥᑎᓱᑦ ᐊᐅᒄ ᐊᓐ ᒐ ᒋᔅᑕᔨᑕᑯᐃᑯᑦ ᒋᓴᒪᓂᑐᐛ᙮”

ᓗᒃ 22:26

ᒋᔨᐛᐤ ᒪᒃ ᐊᓐᑕ ᐊ ᑎᓯᔭᒄ ᐃᔭᒡ ᐛᔅ ᒋᐸ ᐃᑕᔨᑕᑯᓯᓇᐛᐤ᙮ ᐊᐛᓐ ᐛ ᐃᔅᐸᔨᑕᑯᓯᒂ ᐊᓐᑕ ᐊ ᑎᓯᔭᒄ, ᐊᑯᔅ ᐊᓐ ᐊᐛᓐ ᓇᔅᒡ ᐊᑲ ᐅᒋᒪᐛᔨᑕᑯᓯᑦ ᒋᐸ ᐃᑕᐃᓱᐤ᙮ ᐊᑯ ᐊᓐ ᑕᓐ ᐛ ᓂᑲᓂᔅᑲᒐᒂ ᐊᑯᔅ ᒋᑭ ᐎ ᑯᐸᓇᐛᔨᑕᑯᐃᓱᐤ᙮

ᓗᒃ 22:30

ᒐᒋ ᐎᒋᒥᒋᓱᒥᔭᒄ ᑭᔭ ᒐᒋ ᐎᒋᒥᓂᒥᔭᒄ ᓂᒥᒋᓱᐛᑭᓇᑎᑯᒡ ᐊᓐᑕ ᓄᒋᒪᐅᓂᒡ᙮ ᒋᑭ ᐊᐱᓇᐛᐤ ᑭᔭ ᒋᔨᐛᐤ ᒋᓴᐅᒋᒪᐤ ᑕᑎᐳᐛᑭᓇ ᐊᓐᑕ ᒐ ᐅᒋ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮”

ᓗᒃ 7:28

ᒋᓴᔅ ᒪᒃ ᒋ ᐃᑕᐤ, “ᒋ ᐎᑎᒪᑎᓇᐛᐤ, ᑕᑐᐤ ᐅᒋᔅᒋᐛᐃᒐᓱᒡ ᑲ ᐱᒪᑎᓯᒡ ᓇᒪ ᐃᐛᒃ ᐃᑕᔨᑕᑯᓱᐅᒡ ᑕᓐ ᐊ ᐃᑕᔨᑕᑯᓯᔨᒋ ᒠᓐ ᐅᓯᑲᐃᑕᒐᐛ᙮ ᐃᔭᐱᒡ ᒪᒃ ᐊᓐ ᐊᐛᓐ ᒪᐅᒡ ᔭᓯᒄ ᑲ ᐃᑕᔨᑕᑯᓯᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᐛᒃ ᐎᔾ ᒋᔅᑕᔨᑕᑯᓱᐤ ᐃᔅᐱᔅ ᒠᓇ᙮”

ᒠᓐ 13:20

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐱᓯᒋᐊᒂ ᐊᓂᔭ ᐊᐛᔪᐛ ᒐ ᐃᑎᓴᐅᒥᒋ ᓂᐱᓯᒋᐃᒄ ᑭᔭ ᓂᔾ᙮ ᐊᓐ ᒪᒃ ᐊᐛᓐ ᑲ ᐱᓯᒋᐃᑦ ᐱᓯᒋᐊᐤ ᐊᓂᔭ ᐊᐛᔪᐛ ᑲ ᐸᒋ ᐃᑎᓴᐅᔨᒋ᙮”

ᒠᓐ 14:21

“ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᒐ ᓂᓇᐃᑎᒧᒂ ᑕᓐ ᐊ ᐃᑎᓱᐛᔭᓐ ᐊᐅᒄ ᐊᓐ ᐊᐛᓐ ᑲ ᓴᒋᐃᑦ᙮ ᒋᑭ ᓴᒋᐊᐤ ᓄᑕᐎᔾ ᐊᓂᔭ ᐊᐛᔪᐛ ᑲ ᓴᒋᐃᔨᒋ, ᑭᔭ ᓂᔾ ᒪᒃ ᓂᑭ ᓴᒋᐊᐤ ᐊᓐ ᐊᐛᓐ ᑭᔭ ᓂᑭ ᐃᑐᑐᐛᐤ ᒐᒋ ᒥᔪ ᒋᔅᒐᔨᒥᑦ᙮”

1 ᑕᓴᓗᓂᔭᓇ 4:8

ᐊᐛᓐ ᒪᒃ ᐊᑲ ᐊᐱᑕᔨᑎᒧᒂ ᐅᔭ ᒋᔅᑯᑎᒪᒐᐅᓂᔪᐤ ᓇᒪᔭᔪᐛ ᓇᐸᐛ ᐊᑲ ᐊᐱᑕᔨᒪᑦ᙮ ᒋᓴᒪᓂᑐᐛ, ᐊᓂᔭᔪᐛ ᑲ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᐊᐅᑯᓐ ᐊᓂᔭᔪᐛ ᓇᒪ ᐊᐱᑕᔨᒪᐤ᙮

1 ᐱᑕᕐ 5:6

ᑎᐱᑕᔨᑕᑯᐃᓱᒄ ᒪᒃ ᐊ ᓂᓇᐃᑐᐛᒄ ᒋᓴᒪᓂᑐᐤ ᐊᓐ ᑲ ᓱᐧᑲᑎᓯᑦ, ᐛᔅ ᒋᑭ ᐅᐱᓂᑯᐛᐤ ᑕᑈ ᐃᑕᔨᑕᒐ ᐎᔾ ᒐ ᐅᐱᓂᑕᒄ᙮

ᒋᔅᒐᔨᑕᑯᑕᒐᐅᓐ 21:14

ᒋ ᓂᓱᓴᐳᐅᒡ ᐊ ᒪᒥᒐᐱᔅᒋᓯᒡ ᐊᓯᓂᔨᒡ ᐊᓐᑕ ᑲ ᑕᒋᑲᐳᐅᒡ ᐊᓐ ᒥᓯᐛ ᑲ ᐃᓯ ᐛᔅᑲᑲᐳᐅᒡ ᐊᓐᑕ ᐅᑕᓇᒡ᙮ ᐅᒡ ᒪᒃ ᐊᓯᓂᔨᒡ, ᐊᑯᑕ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐛ ᐊᓐᒡ ᑲ ᓂᓱᓴᐳᒡ ᐊᑈᔅᑕᓇᒡ ᐊᓂᔭᔪᐛ ᒪᔭᑕᓂᔅ ᑲ ᐅᑎᓇᑦ᙮

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”