ᓗᒃ 9:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᒪᓯᐃᑯᐤ ᓇᓂᑯᑎᓂᔾ ᒥᒋ ᐊᒐᒂ ᐊ ᐃᑐᑕᑯᑦ ᓯᔅᒋᑯᒡ ᒐᒋ ᐊᓯᒂᑦ᙮ ᐊᑯ ᒪᒃ ᑭᔭ ᐊ ᐅᒋᐱᑎᑯᑦ ᒪᓐ ᓇᔅᒡ ᐛᔅ ᒋ ᐱᔅᑕᐅᑕᑎᒻ᙮ ᓇᔅᒡ ᓂᓇᐧᑲᑕᔨᑎᒥᐃᑯᐤ ᐅᔭ ᒥᒋ ᐊᒐᒂ ᐊᑲ ᒪᒃ ᐎ ᓂᑭᑎᑯᑦ᙮

ᓗᒃ 9:39 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:18

ᐃᔅᐱ ᒥᔭᓯᐧᑲᐧᑯᒋ ᐅᔭ ᒥᒋ ᐊᒐᒂ, ᓇᔅᒡ ᐛᔅ ᒋᑭ ᓂᒋᐛᐸᐅᑯᐤ, ᑭᔭ ᒋ ᐱᔅᑕᐅᑕᑎᒻ, ᑭᔭ ᐛᔅ ᒋᑭ ᒥᑥᔭᐱᑕᓯᓐ, ᑭᔭ ᓇᔅᒡ ᒋᑭ ᒋᑐᐛᔅᑯᐱᔪᐤ᙮ ᐊᓐᒡ ᒪᒃ ᒋᒋᔅᒋᓄᐊᒧᐛᑭᓐᒡ ᓂᒋ ᑯᒂᒋᒪᐅᒡ ᒐᒋ ᐎᐎᑎᓴᐛᒡ ᐊᓂᔭᔪᐛ ᒥᒋ ᐊᒐᒂ ᓇᒪ ᒪᒃ ᐅᒋ ᐃᑐᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:20

ᐊᑯ ᒂ ᐸᓱᐛᒡ ᐊᓂᔭ ᓇᐸᓴ ᐊᓐᑕ ᒋᓴᓴ ᐊ ᑕᔨᒋ᙮ ᐃᔅᐱ ᐊᓐ ᒥᒋ ᐊᒐᐧᒄ ᐎᔭᐱᒪᑦ ᒋᓴᓴ ᑎᐛᒡ ᒋ ᐃᑐᑐᐛᐤ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ, ᓇᔅᒡ ᐊᓐᑕ ᐊᔅᒋᒡ ᐊᒋ ᐃᓯ ᐸᒋᓯᓂᔨᒋ᙮ ᐊᑯ ᑲ ᑯᒂᑎᐱᔪᐅᑦ ᐊᓐᑕ ᐊᓐ ᓇᐸᔅ ᐊ ᐱᔅᑕᐅᑕᑕᐧᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:26

ᐊᑯ ᐊᓐ ᒥᒋ ᐊᒐᐧᒄ ᒂ ᐅᒋ ᐊᓯᒂᑦ, ᒂ ᐃᑐᑐᐛᑦ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ ᐊᑯ ᒂ ᓂᑭᑕᑦ᙮ ᐊᓐ ᒪᒃ ᓇᐸᔅ ᒧᔭᒻ ᐊ ᓂᐱᑦ ᐊᐅᑯᓐ ᑲ ᐃᓯᓇᑯᓯᑦ ᐊᓐᑕ ᐊ ᐱᒥᓯᐧᒃ᙮ ᐊᑯ ᒥᓯᐛ ᐊᐛᓐ ᒂ ᐃᔅᒋᔄᑦ, “ᓇᒪ ᐱᒪᑎᓯᐤ᙮”

ᓗᒃ 4:35

ᒋᓴᔅ ᒂ ᐎᑎᒧᐛᑦ ᐊᓂᔭ ᐊᒐᒂ ᐊ ᐃᑕᑦ, “ᐊᑲ ᒋᔅᑐ ! ᐎᐎᔅᑯᐤ ᐊᓐ ᓇᐸᐤ !” ᐊᑯ ᐊᓐ ᐊᒐᐧᒄ ᑲ ᐃᑐᑐᐛᑦ ᐊᓂᔭ ᓇᐸᐛ ᐊᓐᑕ ᒐᒋ ᐃᓯ ᐸᒋᓯᓂᔨᒋ ᐊ ᒥᒐᑎᓇᓄᐎᒡ᙮ ᐊᑯ ᒂ ᐎᐎᔅᑯᐛᑦ ᐊᓂᔭ ᓇᐸᐛ ᐊᑲ ᐅᒋ ᒪᑕᒄ ᐃᑐᑐᐛᑦ ᒐᒋ ᐊᐧᑯᐊᑦ᙮

ᓗᒃ 8:29

ᐊᔪᐅᒄ ᐅᔭ ᑲ ᐃᓯ ᑕᑈᑦ ᐅ ᓇᐸᐤ ᐛᔅ ᒋᓴᔅ ᒋ ᐃᔅᒋᔄᑯᐱᓇ ᐊᓂᔭ ᒥᒋ ᐊᒐᒂ ᒐᒋ ᐎᐎᔨᒋ ᐊᓐᑕ ᐊᓂᔭ ᓇᐸᐛ ᐊ ᑕᔨᒋ ᐅᒋ᙮ ᐅ ᒪᒃ ᓇᐸᐤ ᒥᒐᑥᐤ ᒋ ᑎᐸᔨᒥᑯᑯᐱᓇ ᐊᓂᔭ ᒥᒋ ᐊᒐᒂ᙮ ᒧᔅ ᒪᒃ ᒋ ᓂᓇᑭᑐᐛᔨᒪᑭᓄᐤ ᐊᓐ ᓇᐸᐤ᙮ ᐊᑎ ᒪᒃ ᑭᔭ ᐊ ᒪᑯᐱᑕᔨᒋ ᐅᓯᑕ ᑭᔭ ᐅᑎᒋᔭ ᐃᔭᐱᒡ ᒋ ᐱᔅᒋᐱᑎᒻ ᒪᓐ ᐊᓂᔭ ᐊᒋ ᒥᒪᒋᒪᐱᔅᑲᐃᑭᓄᔨᒋ ᐃᓴᒂᔭᐱᔪᐤ᙮ ᒋ ᐃᑐᑕᑯᐤ ᒪᒃ ᐊᓂᔭ ᒥᒋ ᐊᒐᒂ ᒐᒋ ᐃᑐᑕᑦ ᐊᓐᑕ ᐸᐧᑯᑎᔅᑭᒥᑲᒡ᙮

ᓗᒃ 9:38

ᐊᓐᑕ ᒪᒃ ᒪᒂᒡ ᐊ ᒥᒐᑎᓇᓄᐅᒡ ᒋ ᑕᑈᐤ ᐸᐃᒄ ᓇᐸᐤ ᐊ ᐃᑕᑦ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ᐱᑯᓴᔨᒥᑎᓐ ᒐᒋ ᐎᒋᐃᑦ ᓂᑯᔅ, ᐛᔅ ᐊᐅᒄ ᒥᒄ ᐅ ᐊ ᐸᐃᑯᓯᑦ ᓂᑦ ᐊᐛᓯᒻ᙮

ᓗᒃ 9:40

ᐊᑎ ᒪᒃ ᓂᒋ ᑯᒂᒋᒪᐅᒡ ᒋᒋᔅᒋᓄᐊᒧᐛᑭᓐᒡ ᒐᒋ ᐎᐎᑎᓴᐛᒡ ᐅᔭ ᒥᒋ ᐊᒐᒂ, ᓇᒪ ᒪᒃ ᐅᒋ ᐃᑐᑎᒧᒡ᙮”

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

ᒋᔅᒐᔨᑕᑯᑕᒐᐅᓐ 9:11

ᐊᓂᔭᔪᐛ ᐊᓐᒋᓇ ᑲ ᐅᒋᒪᐅᑐᑎᒥᔨᒋ ᐊᓂᔭ ᑲ ᒥᔅᑎ ᐱᑯᓇᔭᔨᒡ, ᐊᐅᑯᓂ ᐊᓂᔭᔪᐛ ᑲ ᐅᒋᒪᒥᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐎᒡ, ᐊᐸᑐᓐ ᒋ ᐃᓯᓂᐧᑲᓱᔪᐛ᙮ ᑯᕆᒃ ᒪᒃ ᐊ ᐃᓯ ᐃᔨᒥᓇᓄᐎᒡ, ᐊᐳᓕᔪᓐ ᒋ ᐃᓯᓂᐧᑲᓱᔪᐛ᙮ ᑲ ᓂᓱᐅᓇᒋᐃᐛᑦ ᐃᓯ ᐱᔭᑭᔅᒋᑕᑭᓄᐅᔪᐤ ᐊᓂᔭ ᐅᑦ ᐃᓯᓂᐧᑲᓱᐅᓐ᙮