ᓗᒃ 9:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᐊᑯ ᒂ ᐊᔨᒧᑎᒧᐛᒡ ᒋᓴᓴ ᓴᔅ ᐊ ᐸᓱᓇᑯᓂᔨᒡ ᒐ ᓂᐱᔨᒋ ᐊᓐᑕ ᒋᕈᓯᓕᒥᒡ, ᐊᓂᔭ ᒋᓴᒪᓂᑐᐛ ᑲ ᐃᓯ ᐎᔅᑕᔨᒋ ᒐ ᐃᔅᐱᔨᒡ᙮ ᓇᔅᒡ ᒪᒃ ᐊ ᒥᔽᔅᑕᔨᒡ ᒋᒋᒋᓯᒄ ᐛᔅᑕᐅᓂᔪᐤ ᒋ ᐛᔅᑕᔪᐤ ᐊᓐᑕ ᐛᔅᑲ ᐊ ᑕᒡ᙮

ᓗᒃ 9:31 Iomraidhean Croise

ᓗᒃ 9:22

ᐊᑯ ᒂ ᐃᑕᑦ, “ᐃᔪᐤ ᐅᑯᓯᓴᓐ ᐃᑕᔨᑕᑯᓂᔪᐤ ᒐᒋ ᒥᔅᑎ ᐛᐎᓯᒐᔨᑎᒥᐃᑯᑦ ᑭᔭ ᒐᒋ ᐊᑐᐛᔨᒥᑯᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ, ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ, ᑭᔭ ᐊᓂᔭᔪᐛ ᑲ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ᙮ ᒋᑭ ᓂᐸᐊᑭᓄᐤ ᑭᔭ, ᒥᒄ ᒪᒃ ᓂᔅᑐ ᒋᓯᑲᐤ ᐃᔅᐱᔅ ᑲᐤ ᒋᑭ ᐱᒪᑎᓯᐤ᙮”

ᓗᒃ 9:30

ᓯᔅᒋᑯᒡ ᒪᒃ ᒋ ᐅᒋ ᓂᓯᔨᐛ ᓇᐸᐛ ᐊ ᐃᔨᒥᐃᑯᑦ ᒋᓴᔅ᙮ ᐊᐅᑯᓐᒡ ᐊᓂᔭᐧᑲ ᒧᓱᔅ ᑭᔭ ᐃᓚᐃᒐ᙮

ᒠᓐ 1:29

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ᐛᐱᒪᐤ ᒋᓴᓴ ᐊ ᐸᒋ ᓇᑎᑯᑦ, ᐊᑯ ᒂ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

2 ᑯᕆᓐᑎᔭᓇ 3:18

ᒋᔭᓄᐤ ᒪᒃ ᐎ ᓇᒪ ᓂᑐᐛᔨᑕᑯᓐ ᒐᒋ ᐊᑯᒂᐅᓱᔭᐧᒄ ᒐᒋ ᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ᙮ ᐊ ᑭᓄᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ ᐊᔭᔅᒃ ᒋᒂᔅᒋᓇᑯᐃᑯᓇᓄᐤ ᐎᔾ ᒐᒋ ᓂᔅᐱᑐᐛᐧᒄ᙮ ᐊᔭᔅᒃ ᒋ ᐃᑐᑕᑯᓇᓄᐤ ᑭᔭ ᒋᔭᓄᐤ ᐊᑐᐎᔅ ᒐᒋ ᒋᔅᑕᔨᑕᑯᓯᔭᐧᒄ᙮ ᐎᔾ ᒪᒃ ᐅᑎᐸᔨᒋᒐᐤ ᐅᔭ ᒋᑦ ᐃᓯᐃᑯᓄᐤ ᐅᑦ ᐊᒐᒂ ᐅᒡ᙮

ᐱᓕᐱᔭᓇ 3:21

ᐊᔪᐛᒃ ᐊ ᐃᑕᔨᑕᑯᓂᔨᒋ ᒥᔪᐛ ᒋᑭ ᒥᔨᑯᓄᐤ᙮ ᓇᒪ ᓴᐱᓯᒥᑭᓇ ᐅᔭ ᒋᔪᓄᐛ ᑭᔭ ᒋᑭ ᓂᐱᒥᑭᓇ᙮ ᒪᒃ ᐊᓂᔭᔪᐤ ᒥᔅᑯᓯᐅᓂᔪᐤ ᑲ ᐊᔭᑦ ᒥᓯᐛ ᒐᒂᔪᐤ ᒐᒋ ᑎᐸᔨᑕᐧᒃ ᐅᔭ ᒐ ᐊᐱᒋᑕᑦ ᒐᒋ ᒂᔅᒋᓇᑯᑕᑦ ᒋᔪᓄᐛ᙮ ᒧᔭᒻ ᐎᔾ ᐎᔪᐤ ᑲ ᐃᔅᐱᔅ ᒥᔪᓇᑯᓂᔨᒡ ᐃᔅᐱ ᑲ ᐅᓂᔅᑲᑦ ᓂᐳᐅᓂᒡ ᐅᒋ ᐊᐅᑯᓐ ᒐ ᐃᓯᓇᑯᑕᑦ ᐅᔭ ᒋᔪᓄᐛ᙮

ᑯᓚᓯᔭᓇ 3:4

᙭ ᐊ ᐎᒐᐛᒄ ᒋᒋᐛ ᐱᒪᑎᓯᐅᓐ ᒋ ᑭᓄᐛᔨᑕᓇᐛᐤ᙮ ᑲᐤ ᒪᒃ ᑎᑯᓯᒐ ᐅᑕ ᐊᔅᒋᒡ ᐊᑯᑕ ᑭᔭ ᒋᔨᐛᐤ ᒐ ᐊᓯᒡ ᓄᑯᐃᑯᐅᔭᒄ ᑭᔭ ᒐ ᐊᓯᒡ ᒋᔅᑕᔨᑕᑯᐃᑯᐅᔭᒄ ᒋᔅᑕᔨᑕᑯᐊᑭᓄᐅᒐ᙮

ᐃᑉᕈᐛ 11:22

ᑭᔭ ᐎᔾ ᒪᒃ ᒍᓯᑉ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᐃᔅᐱ ᒪᒃ ᑲ ᐅᑎᒋᐱᔨᒡ ᐊᓐᑕ ᒐ ᐃᔎᔭᔨᒡ ᐅᐱᒪᑎᓯᐅᓐ, ᒋ ᒋᔅᒋᓱᒪᐤ ᐃᔅᕋᐃᓪ ᐃᔪᐛ ᐊᔅᒄ ᐸᐃᒂᐤ ᐊ ᒋᓯᑲᔨᒡ ᒐ ᓂᑭᑎᒥᔨᒋ ᐊᓂᔭ ᐃᒋᑉᑦ ᐊᔅᒋᔪᐤ ᑭᔭ ᒋ ᐃᑕᐤ ᒐᒋ ᔅᑐᑕᐛᒡ ᐎᔭᔪᐤ ᐃᔅᐱ ᔅᑐᑕᔨᒐ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮

2 ᐱᑕᕐ 1:15

ᐊᐅᑯᓐ ᒪᒃ ᒐ ᐅᒋ ᒥᒄ ᐃᑎᔭᓐ ᒐᒋ ᓂᔅᑐᑎᒥᐃᑎᑯᒡ ᐅᔭ ᒐᒂᔪᐛ ᒧᔅ ᒐᒋ ᒋᔅᒋᓯᔭᒄ ᐃᔅᐱ ᐊᑲ ᐱᒪᑎᓯᔭᓇ᙮

ᒋᔅᒐᔨᑕᑯᑕᒐᐅᓐ 7:14

ᐊᑯ ᒂ ᐃᑎᒃ, “ᓇᒪ ᓂᔾ ᓂ ᒋᔅᒐᔨᒪᐅᒡ᙮ ᒋᔾ ᐊᐅᒄ ᒐᔅᒐᔨᒥᑥᐤ᙮” ᓂᒋ ᐃᑎᒄ ᒪᒃ, “ᐊᐅᑯᓐᒡ ᐅᒡ ᑲ ᓴᐳᔅᑲᒡ ᑕᓐ ᑲ ᐃᓯ ᓂᓇᐧᑲᒋᐊᑭᓄᐎᒡ᙮ ᒋ ᒋᔅᑕᐸᐅᑕᐅᒡ ᐅᑦ ᐊᑯᐳᐛᐛ ᐊᓂᔭ ᒪᔭᑕᓂᓴ ᐅᒥᐧᑯᐃᒡ ᑭᔭ ᒂ ᐛᐸᐃᔨᒋ ᐊᓂᔭᔪᐛ ᐅᑦ ᐊᑯᐳᐛᐛ᙮