ᓗᒃ 9:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑯ ᒋᓴᔅ ᐛᑎᓇᑦ ᐊᓂᔭ ᐱᑕᑕᒡ ᐸᒂᓯᑭᓇ ᑭᔭ ᐊᓂᔭ ᓂᓱ ᓂᒪᓴ, ᐃᔅᐱᒥᒡ ᒂ ᐃᑕᐱᑦ ᐊ ᓂᓇᔅᑯᒪᑦ ᒋᓴᒪᓂᑐᐛ᙮ ᒂ ᐸᒂᓇᑦ ᐊᓂᔭᔪᐛ ᐸᒂᓯᑭᓇ ᐊᑯ ᒂ ᒥᔭᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮

ᓗᒃ 9:16 Iomraidhean Croise

ᒪᑎᔪᐤ 14:19

ᐊᑯ ᒋᓴᔅ ᐊᑕᑦ ᐊᓂᔭ ᐃᔪᐛ ᒐᒋ ᐊᐱᔨᒋ ᐊᓐᑕ ᒥᔅᑯᓯᒡ᙮ ᐊᑯ ᐛᑎᓇᑦ ᐊᓂᔭ ᐱᑕᑕᒡ ᐸᒂᓯᑭᓇ ᑭᔭ ᐊᓂᔭ ᓂᓱ ᓂᒪᓴ, ᐃᔅᐱᒥᒡ ᒂ ᐃᓯ ᑎᔅᑎᓴᐱᑦ ᐊ ᓂᓇᔅᑯᒪᑦ ᒋᓴᒪᓂᑐᐛ᙮ ᒋ ᐱᐸᒂᐱᑕᐤ ᒥᓯᐛ ᐊᓂᔭᔪᐛ ᐸᒂᓯᑭᓇ, ᐊᑯ ᒂ ᒥᔭᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮

ᒪᑎᔪᐤ 15:36

ᒂ ᐅᑎᓇᑦ ᐊᓂᔭ ᓂᔄᐅᑕᒡ ᐸᒂᓯᑭᓇ ᑭᔭ ᐊᓂᔭ ᓂᒪᓴ, ᒂ ᓂᓇᔅᑯᒪᑦ ᒋᓴᒪᓂᑐᐛ, ᒂ ᐸᒂᓇᑦ ᐊᓂᔭ ᐸᒂᓯᑭᓇ ᑭᔭ ᐊᓂᔭ ᓂᒪᓴ ᐊᑯ ᒂ ᒥᔭᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:34

ᐃᔅᐱᒥᒡ ᒪᒃ ᒋ ᐃᓯ ᑎᔅᑎᓴᐳᐤ ᒋᓴᔅ ᐊ ᔭᐧᑭᑕᒧᑦ, ᐊᑯ ᒂ ᐃᑕᑦ ᐊᓂᔭ ᓇᐸᐛ, “ᐃᐸᑕ᙮” ᐅᔭ ᒪᒃ ᑲ ᐃᔅᒋᔄᑦ, “ᓴᓂᐱᔨ,” ᐃᓯ ᐃᔅᒋᔄᒥᑭᓐ᙮

ᓗᒃ 22:19

ᒋ ᐅᑎᓇᐤ ᒪᒃ ᐸᒂᓯᑭᓇ, ᒋ ᓂᓇᔅᑯᒧᐤ ᒪᒃ ᑭᔭ ᒋ ᐸᒂᓇᐤ ᐊᑯ ᒂ ᒪᒥᔭᑦ, ᐊ ᐃᑕᑦ, “ᐊᐅᒄ ᐅ ᓂᔪᐤ ᐊ ᐃᓯ ᒥᔨᐛᓄᒡ ᒋᔨᐛᐤ ᐅᒋ, ᒧᐛᒄ ᐅ ᐸᒂᓯᑭᓐ, ᐅ ᒪᒃ ᐃᑐᑎᒧᒄ ᐊ ᒋᔅᒋᓯᑐᑐᐎᔭᒄ᙮”

ᓗᒃ 24:30

ᐃᔅᐱ ᒪᒃ ᐛᒋᒥᒋᓱᒪᑦ ᒋ ᐅᑎᓇᐤ ᐸᒂᓯᑭᓇ, ᒋ ᓂᓇᔅᑯᒧᐤ ᑭᔭ ᒋ ᐸᒂᓇᐤ ᐊᑯ ᒂ ᒪᑎᓂᒧᐛᑦ᙮

ᓗᒃ 9:15

ᒋᔅᒋᓄᐊᒧᐛᑭᓐᒡ ᒪᒃ ᒋ ᐃᑐᑎᒧᒡ ᐊᓂᔭ ᑲ ᐃᑎᓱᒪᑭᓄᐎᒡ ᐊᑯ ᒥᓯᐛ ᐊᐛᓐ ᑲ ᐛᐛᔨᐱᑦ᙮

ᓗᒃ 9:17

ᒥᓯᐛ ᒪᒃ ᐊᐛᓐ ᒋ ᒥᒋᓱᐤ ᑭᔭ ᒋ ᑕᐱᔅᑯᔪᐤ, ᐊᑯ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᑲ ᒪᒧᓴᒋᓂᒥᔨᒋ ᐊᓂᔭ ᐃᔅᑯᔅᑐᐛᓂᔪᐤ᙮ ᓂᓱᓴᑉ ᒪᒃ ᐅᑎᐱᐅᑕ ᒋ ᓴᑭᔅᒋᓂᑕᐅᒡ᙮

ᒠᓐ 6:11

ᐊᑯ ᒋᓴᔅ ᐛᑎᓇᑦ ᐊᓂᔭ ᐸᒂᓯᑭᓇ, ᒂ ᓂᓇᔅᑯᒪᑦ ᒋᓴᒪᓂᑐᐛ ᒂ ᐊᑎ ᒪᒪᑎᓂᒧᐛᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᐊᑎ ᒪᑎᓄᐛᔨᒋ᙮ ᐊᐅᑯᓐ ᑲ ᐃᑐᑐᐛᑦ ᑭᔭ ᐊᓂᔭ ᓂᒪᓴ᙮ ᒥᓯᐛ ᒪᒃ ᒥᒄ ᐛ ᐃᔅᐱᔅ ᒥᒋᓱᒡ ᒋ ᐃᔅᐱᔅ ᒥᒋᓱᐅᒡ᙮

ᒠᓐ 6:23

ᑯᑎᑲ ᒪᒃ ᐅᐤᑕ ᒋ ᐸᒋ ᓇᑎᑭᒪᐱᔪᐛ ᐊᓐᑕ ᑕᐃᐱᕆᔭᔅ ᐊ ᐅᒋᐱᔨᒋ᙮

ᐊᑈᔅᑕᓇᒡ 27:35

ᐃᔅᐱ ᒪᒃ ᑲ ᐃᔅᒋᔄᑦ ᐅᔭ ᑈᓪ, ᐊᑯ ᐛᑎᓇᑦ ᐸᒂᓯᑭᓇ, ᒂ ᓂᓇᔅᑯᒪᑦ ᒋᓴᒪᓂᑐᐛ ᐅᑎᔅᑯᐤ ᒥᓯᐛ ᐊᓂᔭᔪᐛ ᓇᐸᐛ ᐊ ᑕᔨᒋ, ᒂ ᐸᒂᓇᑦ ᐊᓂᔭ ᐸᒂᓯᑭᓇ, ᐊᑯ ᒂ ᒧᐛᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:6

ᐊᓐ ᐊᐛᓐ ᑲ ᑎᑯᓂᔨᒡ ᐊ ᒋᓯᑲᔨᒡ ᐅᔅᑕ ᐊ ᐃᑕᔨᑎᒥᐃᑯᑦ ᐃᔅᐱᔅ ᑯᑎᑲ, ᐎᔾ ᒋᔅᑕᔨᒪᐤ ᐅᑎᐸᔨᒋᒐᐛ ᐅᔭ ᐊ ᐃᑎᑦ᙮ ᐊᑯ ᐊᓐ ᐊᐛᓐ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᑲ ᒥᒋᑦ ᐎᔾ ᒋᔅᑕᔨᒪᐤ ᐅᑎᐸᔨᒋᒐᐛ ᐅᔭ ᐊ ᐃᑎᑦ ᐛᔅ ᓂᓇᔅᑯᒪᐤ ᒋᓴᒪᓂᑐᐛ ᐊᓂᔭ ᒥᒋᒥᔪᐤ᙮ ᑭᔭ ᐊᓐ ᐊᐛᓐ ᐊᑲ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᑲ ᒥᒋᑦ ᐎᔾ ᒋᔅᑕᔨᒪᐤ ᑭᔭ ᐎᔾ ᐅᑎᐸᔨᒋᒐᐛ ᐅᔭ ᐊ ᐃᑎᑦ᙮ ᑭᔭ ᐎᔾ ᒪᒃ ᓂᓇᔅᑯᒪᐤ ᒋᓴᒪᓂᑐᐛ᙮

1 ᑯᕆᓐᑎᔭᓇ 10:30

ᐛᔅ ᓂᓇᔅᑯᒥᑲ ᒋᓴᒪᓂᑐᐤ ᐊᓐ ᒥᒋᒻ ᑲ ᒥᒋᔭᓐ, ᒐᒂᓐ ᒐ ᐅᒋ ᐃᑎᑯᐅᔭᓐ ᐊ ᐅᓂᐱᔨᔭᓐ ᐊ ᒥᒋᔭᓐ ᐊᓐ ᒥᒋᒻ ?”

1 ᑯᕆᓐᑎᔭᓇ 11:24

ᒂ ᓂᓇᔅᑯᒪᑦ ᒋᓴᒪᓂᑐᐛ᙮ ᐊᑯ ᒂ ᐸᒂᓇᑦ ᐊᓂᔭ ᐸᒂᓯᑭᓇ, ᐊ ᐃᔅᒋᔄᑦ, “ᐅᑎᓇᐧᒄ ᐅ, ᒧᐛᐧᒄ, ᐊᐅᒄ ᓂᔪᐤ ᒪᔨᑎᑯᒡ᙮ ᒧᐛᐧᒄ ᐅ ᐸᒂᓯᑭᓐ ᐊ ᒋᔅᒋᑐᐅᔭᐧᒄ᙮”