ᓗᒃ 8:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐱᔅᒐ ᐊᓐᑕ ᐊ ᒥᔪᔅᑭᒥᑲᔨᒡ ᐊᑯᑕ ᑲ ᐸᐸᒋᑎᓂᔨᒋ, ᐅᔭ ᒪᒃ ᓇᔅᒡ ᒋ ᒥᔪ ᓂᑕᐅᒋᓂᔪᐛ, ᑭᔭ ᒥᔅᑎ ᒥᒋᒥᔪᐤ ᑲ ᓂᑕᐅᒋᓂᔨᒡ ᐊᓐᑕ ᓱᒥᓂᒡ ᐅᒋ, ᑕᓐ ᐊᓂᔭᔪᐛ ᑲ ᐎ ᐃᔅᐱᔅ ᓂᑕᐅᒋᑕᑦ᙮ ᐊᓐ ᐊᐛᓐ ᑲ ᐎᑐᐅᑲᑦ ᐊ ᓂᓇᐃᑕᐧᒃ ᒪᒃ, ᐃᔭᒂ ᒋᑭ ᐎ ᓂᔅᑐᑎᒻ᙮”

ᓗᒃ 8:8 Iomraidhean Croise

ᒐᓂᓯᔅ 26:12

ᒪᒂᒡ ᑲ ᐎᒋᑦ ᐊᐃᓯᒃ ᐊᓐᑕ ᑭᕋᕐ ᑭᔭ ᑲ ᐛᓴᔄᐱᓂᒐᑦ ᒐᒋ ᓂᑕᐅᒋᑕᑦ ᒥᒋᒥᔪᐤ᙮ ᒋ ᐃᑐᑕᑯᐤ ᑎᐸᔨᒋᒐᓱᐛ ᒐᒋ ᒥᓯᐛ ᒐᒂᔪᐤ ᐃᓯ ᒥᔪᐱᔨᑦ᙮ ᐊᐃᓯᒃ ᒋ ᒪᒧᓴᒋᓂᒻ ᐸᐃᑯ ᒥᑕᓯᒥᑎᓄᐤ ᑕᑥᐤ ᐃᔅᐱᔅ ᐊᓂᔭ ᑲ ᐛᓴᔄᐱᓂᒐᑦ᙮

ᒪᑎᔪᐤ 11:15

ᐎ ᓂᔅᑐᑎᒧᒄ ᒪᒃ ᑕᓐ ᑲ ᐃᓯ ᐸᑎᒪᒄ᙮”

ᒪᑎᔪᐤ 13:23

ᐊᓐ ᒪᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊ ᒥᔽᓯᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᓄᑯᓂᔪᐤ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ᒥᔪ ᓂᑕᐅᒋᐃᑯᒡ, ᒧᔭᒻ ᐱᔅᒐ ᒪᒃ ᐸᐃᑯ ᒥᑕᓯᒥᑎᓄᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒋ, ᐊᑯ ᑯᑎᑲ ᐊᓱᑕᒡ ᑕᑐᔪᐤ ᒋ ᓂᑕᐅᒋᓇ ᐊᑯ ᑯᑎᑲ ᓂᔅᑐᔪᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:20

ᐊᑯ ᑯᑎᑭᒡ ᐊᐛᓐᒋ ᒧᔭᒻ ᐊᓂᔭ ᓂᑕᐅᒋᑕᑭᓇ ᑲ ᐸᒋᑎᒋ ᐊᓐᑕ ᐊ ᒥᔪᔅᑭᒥᑲᒡ ᐊᑯᓐ ᐊ ᐃᓯᓇᑯᓯᒡ᙮ ᐃᔅᐱ ᐱᔭᑕᒡ ᒥᔽᒋᒧᐅᓂᔪᐤ ᑎᐛᒡ ᐅᑎᓂᒧᒡ ᑭᔭ ᓄᑯᓂᔪᐤ ᐅᐱᒪᑎᓯᐅᓄᐛᒡ ᒧᔭᒻ ᐊ ᐊᑎ ᒥᓂᓱᐅᒡ ᐊ ᐃᓯᓇᑯᓯᒡ᙮ ᒧᔭᒻ ᓂᑕᐅᒋᑕᑭᓇ ᐊ ᒥᔅᑎ ᒥᓂᓱᐅᒋ ᒐᒃ ᐊᑯᓐ ᐊ ᐊᑎ ᐃᓯᓇᑯᓯᒡ ᐅᒡ᙮ ᑯᑎᑭᒡ ᓂᔅᑐᔪᐤ ᒥᓂᓴ ᒋ ᓂᑕᐅᒋᓂᔪᐛ ᐊᓐᑕ ᐅᒋ ᐊ ᑕᒡ, ᐊᑯ ᑯᑎᑭᒡ ᐊᓱᑕᒡ ᑕᑐᔪᐤ, ᐊᑯ ᑯᑎᑭᒡ ᐸᐃᑯ ᒥᑕᓯᒥᑎᓄᐤ᙮” ᐊᔪᐅᒄ ᐅᔭ ᑲ ᐃᑕᑦ ᒋᓴᔅ ᐊᓂᔭ ᑲ ᑕᑈᔭᔨᒥᑯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:23

ᓂᑐᑎᒧᒄ ᒪᒃ, ᐊᓐ ᐊᐛᓐ ᑲ ᐎᑐᐅᑲᑦ ᐊ ᓂᓇᐃᑕᐧᒃ ᒪᒃ ᐃᔭᒂ ᒋᑭ ᐎ ᓂᑐᑎᒻ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:8

ᐱᔅᒐ ᒪᒃ ᐊᓂᔭ ᓂᑕᐅᒋᑕᑭᓇ ᐊ ᒥᔪᔅᑭᒥᑲᔨᒡ ᐊᑯᑕ ᑲ ᐃᓯ ᐸᐸᒋᑎᓂᔨᒋ, ᒋ ᒥᔪ ᓂᑕᐅᒋᓇ ᐅᔭ ᑭᔭ ᒂ ᒥᔪ ᒥᓂᓱᔨᒋ᙮ ᐱᔅᒐ ᐅᔭ ᓂᑕᐅᒋᑕᑭᓇ ᓂᔅᑐᔪᐤ ᓂᑕᐅᒋᑕᑭᓇ ᒋ ᐅᒋ ᓂᑕᐅᒋᓇ ᐊᓐᑕ ᐅᒋ, ᐊᑯ ᐱᔅᒐ ᐊᓱᑕᒡ ᑕᑐᔪᐤ ᒋ ᐅᒋ ᓂᑕᐅᒋᓇ, ᐊᑯ ᑯᑎᑲ ᐸᐃᑯ ᒥᑕᓯᒥᑎᓄᐤ᙮” ᐊᔪᐅᒄ ᐅᔭ ᑎᐸᒋᒧᐅᓂᔪᐤ ᑲ ᐎᑕᐧᒃ ᒋᓴᔅ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:16

ᒧᔭᒻ ᒪᒃ ᐊᐛᓐ ᐱᔭᑎᒧᒂ ᐊᑯᔅ ᒋᑭ ᓂᑐᑎᒻ᙮”

ᓗᒃ 14:35

ᐊᑯ ᒪᒃ ᓇᒪ ᓇᔅᒡ ᒋᑭ ᒋ ᐎᔭᔅ ᐃᑕᐱᑎᓐ ᐛᐛᒡ ᑭᔭ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮ ᐊᑯᔅ ᒪᒃ ᓂᑕᒡ ᒋᑭ ᐛᐱᓇᑭᓄᐤ᙮ ᐃᔭᒂ ᓂᑐᑕ ᒐᒋ ᓂᔅᑐᑎᒥᓐ ᑕᓐ ᐊᓐ ᐛ ᐃᓯ ᐎᑎᒪᑕᓐ᙮”

ᓗᒃ 8:15

ᐊᓐ ᒪᒃ ᓂᑕᐅᒋᑕᑭᓐ ᑲ ᒥᔪ ᓂᑕᐅᒋᑦ ᐊ ᒥᔪᔅᑭᒥᑲᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᐛᓐᒋ ᑲ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᑭᔭ ᑭᓄᐛᔨᑎᒧᒡ᙮ ᒧᓯᓇᐤ ᑕᑈᑎᒧᒡ ᐊ ᓯᐱᔪᐛᓯᒡ ᑭᔭ ᒐᒃ ᐊ ᒥᔪ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮”

ᓗᒃ 8:7

ᐊᑯ ᐊᓂᔭ ᓂᑕᐅᒋᑕᑭᓇ ᑲ ᐸᐸᒋᑎᒋ ᐊᓐᑕ ᑲ ᑲᓱᑕᐛᔅᑯᑲᒡ ᓂᐱᓯᔭᑎᒂ ᐊ ᑎᑯᓂᔨᒋ, ᐊᑯᑕ ᐊᓐᑕ ᒐᒃ ᑲ ᐊᑎ ᐊᓯᒡ ᓂᑕᐅᒋᒋ᙮ ᒐᒃ ᒪᒃ ᓇᒪ ᐅᒋ ᒥᔪ ᓂᑕᐅᒋᓇ ᐊᓂᔭ ᑲ ᓂᑕᐅᒋᑕᑭᓄᐅᒋ ᐊᒋ ᒋᐱᔅᑲᑐᒥᑲᒋ ᐊᓂᔭ ᑲ ᑲᓱᑲᐛᔅᑯᒂᒋ ᓂᐱᓯᔭᑎᒂ᙮

ᐃᐱᓯᔭᓇ 2:10

ᐛᔅ ᐎᔾ ᒋᓴᒪᓂᑐᐤ ᔅᒋ ᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᐊᓂᔭ ᐅᒋ ᑕᓐ ᑲ ᐃᑐᑎᒥᔨᒋ ᙭ ᒋᓴᓴ᙮ ᙭ᑕ ᒪᒃ ᐊ ᐎᒐᐅᒪᐧᑯ, ᒋᓴᒪᓂᑐᐤ ᔅᒋ ᐃᑕᔨᑕᑯᐃᑯᓄᐤ ᒐᒋ ᒪᒥᔪᑐᑎᒪᐧᑯ ᐊᐛᔪᐛ, ᐛᔅ ᐊᔪᐅᒄ ᐅᔭ ᓴᔅ ᐊᓐᑕ ᐛᔅᑭᒡ ᓂᑲᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᐛᐧᒄ᙮

ᑯᓚᓯᔭᓇ 1:10

ᐊᑯ ᒪᒃ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ᙮ ᒧᔅ ᒋᑭ ᐃᑐᑎᒺᓇᐛᐤ ᑕᓐ ᐊᓂᔭᔪᐛ ᐊ ᐃᓯ ᓇᐊᔨᑎᒥᐃᑯᑦ᙮ ᓂᓇᐧᑯᐤ ᒋᑭ ᐃᓯ ᒪᒥᔪᑐᑎᒧᐛᐛᐅᒡ ᐊᐛᓐᒋ ᑭᔭ ᐊᔭᔅᒃ ᒋᑭ ᒥᔪ ᒋᔅᒐᔨᒪᐛᐤ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ᙮

ᒋᔅᒐᔨᑕᑯᑕᒐᐅᓐ 13:9

ᒥᓯᐛ ᒋᔨᐛᐤ ᑲ ᓂᑐᑎᒪᒄ ᓱᒃ ᓇᔅᒡ ᐎ ᓂᔅᑐᑎᒧᒄ ᐅ᙮

ᒋᔅᒐᔨᑕᑯᑕᒐᐅᓐ 2:11

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑯᒂᒋᐃᐛᐅᓂᔪᐤ, ᓇᒪ ᒋᑭ ᐅᒋ ᐊᐧᑯᐃᑯᒡ ᓂᓱ ᓂᐳᐅᓂᔪᐤ᙮”

ᒋᔅᒐᔨᑕᑯᑕᒐᐅᓐ 2:7

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”

ᒋᔅᒐᔨᑕᑯᑕᒐᐅᓐ 3:13

“ᒥᓯᐛ ᒋᔨᐛᐤ ᑲ ᓂᑐᑎᒪᒄ ᓱᒃ ᐎ ᓂᔅᑐᑎᒪᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮”

ᒋᔅᒐᔨᑕᑯᑕᒐᐅᓐ 3:6

“ᒥᓯᐛ ᒋᔨᐛᐤ ᑲ ᓂᑐᑎᒪᒄ ᓱᒃ ᐎ ᓂᔅᑐᑎᒪᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮”