ᓗᒃ 8:50 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵⁰ ᐃᔅᐱ ᒪᒃ ᐱᔭᑕᐧᒃ ᐅᔭ ᒋᓴᔅ ᒋ ᐃᑕᐤ ᐊᓂᔭ ᒐᐃᕋᓴ, “ᐊᑲᐎᔾ ᐊᔨᒪᔨᑕ᙮ ᒥᒄ ᑕᑈᑕ, ᐛᔅ ᒋᑭ ᒥᔪ ᐱᒪᑎᓯᐤ ᒋᑕᓂᔅ᙮”

ᓗᒃ 8:50 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:36

ᒋᓴᔅ ᒪᒃ ᓇᒪ ᐅᒋ ᐊᐱᓯᑐᐛᐤ ᐅᔭ ᐊᑯ ᒂ ᐃᑕᑦ ᐊᓂᔭ ᒐᐃᕋᓴ, “ᐊᑲᐎᔾ ᑯᔅᑕᒋ, ᒥᒄ ᑕᑈᑕ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:23

ᒋ ᐃᑕᐤ ᒪᒃ ᒋᓴᔅ, “ᒐᒂᓐ ᐛᒋ ᐃᔅᒋᔄᔨᓐ ‘ᒐᒋ ᐎ ᐎᒋᐃᐛᐛᒐ’ ? ᐛᔅ ᐊᐛᓐ ᑲ ᑕᑈᑕᐧᒃ ᒥᓯᐛ ᑕᓐ ᐛ ᐃᑎᑦ ᒋᑭ ᒋ ᐃᑐᑎᒻ᙮”

ᓗᒃ 8:48

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐃᔎᐛ, “ᐃᔎᐤ, ᒋᑕᑈᑎᒧᐅᓐ ᒋ ᒥᓏᒋᐃᑯᓐ᙮ ᒪᒋ ᒋᔭᒪᔨᑎᒧᐅᓂᒡ ᐃᔅ᙮”

ᓗᒃ 8:51

ᐊᑯ ᒂ ᐃᑐᑕᒡ ᒐᐃᕋᓴ ᐎᒋᔨᒡ᙮ ᐃᔅᐱ ᑲ ᐅᑎᑕᒡ ᐊᓂᔭ ᒥᒋᐛᐱᔪᐤ, ᓇᒪ ᑯᑎᑲ ᐊᐛᔪᐛ ᐅᒋ ᐱᔅᑎᓇᐤ ᒋᓴᔅ ᒐᒋ ᐎᒐᐅᑯᑦ ᐊ ᐱᒐᑦ, ᒥᒄ ᐱᑕᕋ, ᒠᓇ, ᒋᒥᓴ ᑭᔭ ᐊᓂᔭ ᐅᓂᒋᐃᑯᔪᐛ ᐊᓂᔭ ᐃᔎᓴ᙮

ᒠᓐ 11:25

ᒋᓴᔅ ᒂ ᐃᑕᑦ, “ᐊᐅᒄ ᓂᔾ ᑲ ᐅᓂᔅᑲᓇᑦ ᐊᐛᔪᐛ ᐊᒋ ᓂᐱᔨᒋ ᑭᔭ ᑲ ᒥᔨᐛᑦ ᐱᒪᑎᓯᐅᓂᔪᐤ᙮ ᐊᐛᓐ ᒐ ᐸᒋ ᑕᑈᔭᔨᒧᒂ ᒋᑭ ᐱᒪᑎᓯᐤ ᐊᑎ ᐊᒋ ᓂᐱᑦ᙮

ᒠᓐ 11:40

ᐊᑯ ᒋᓴᔅ ᒂ ᐃᑕᑦ ᐊᓂᔭ ᒪᕐᑕᔨᒋ, “ᓇᒪᐎᔾ ᐊ ᓴᔅ ᒋ ᐅᒋ ᐎᑎᒪᑎᓐ, ᑕᑈᑎᒥᓇ ᒐ ᐛᐸᑎᒧᑦ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:17

ᒧᔭᒻ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑉᕋᐊᒻ ᐊᒋ ᐃᑎᑯᒂ ᒋᓴᒪᓂᑐᐛ, ᔅᒋ ᐃᓯᐃᑎᓐ ᒐᒋ ᐅᑕᐎᒪᐅᑕᔅᒡ ᒥᒐᑦ ᐊ ᐃᑎᔅᑲᓇᓯᒡ ᐊᐛᓐᒋ᙮ ᐊᑉᕋᐊᒻ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐊᐅᒄ ᐅᔭ ᐊ ᐅᑕᐎᒪᐅᑐᐛᐧᒄ ᐛᒋ ᐃᓯ ᑭᓄᐛᐱᒥᑯᑦ᙮ ᐊᐅᑯᓐ ᒪᒃ ᐅᔭ ᐊᑉᕋᐊᒻ ᑲ ᑕᑈᔭᔨᒪᑦ, ᐊᓂᔭᔪᐛ ᑲ ᐃᑐᑐᐛᔨᒋ ᐊᓂᔭᔪᐛ ᐊᑲ ᐱᒪᑎᓯᔨᒋ ᑲᐤ ᒐᒋ ᐱᒪᑎᓯᔨᒋ ᑭᔭ ᒥᒄ ᐊ ᐃᔅᒋᔄᔨᒋ ᒐᒋ ᑎᑯᓂᔨᒡ ᒐᒂᔪᐤ ᐊᑲ ᓂᑕ ᐅᒋ ᑎᑯᓂᔨᒡ ᑎᐛᒡ ᑎᑯᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:20

ᐃᔭᐱᒡ ᒋ ᑕᑈᑎᒻ ᐊᑉᕋᐊᒻ ᒐ ᐃᑐᑎᒪᑯᑦ ᒋᓴᒪᓂᑐᐛ ᑕᓐ ᐊᓂᔭᔪᐛ ᑲ ᐃᑎᑯᑦ ᒐᔅᑎᓇᔅ ᒐ ᐃᑐᑎᒪᑯᑦ᙮ ᐊᑐᐎᔅ ᒋ ᐊᑎ ᓱᒐᔨᑕᑯᓂᔪᐤ ᐅᑕᑈᑎᒧᐅᓐ᙮ ᓴᔅ ᒋ ᒋᔅᑕᒋᒪᐤ ᒋᓴᒪᓂᑐᐛ ᐊᑎ ᐊᔅᒄ ᐊᑲ ᐛᐛᒡ ᐅᒋ ᐃᔅᐱᔨᒡ ᐅᔭ᙮