ᓗᒃ 8:44 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁴ ᐅᔅᐱᔅᑯᓂᔨᒡ ᒂ ᐅᒋ ᐸᒋ ᓇᑕᑦ ᒋᓴᓴ, ᒂ ᑕᒋᓂᒺᑦ ᐊᓐᑕ ᐊ ᐎᓂᔎᑭᓂᔨᒡ ᐊᓂᔭ ᐅᑦ ᐊᑯᐱᔪᐤ᙮ ᑎᐛᒡ ᒪᒃ ᒋ ᒋᒋᒥᑯᔪᐤ ᐅᒥᐧᒄ᙮

ᓗᒃ 8:44 Iomraidhean Croise

ᐊᒃᓱᑕᔅ 15:26

ᐊ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ, ᒋᒋᓴᒪᓂᑐᒧᐛᐤ᙮ ᒥᔪ ᓇᔨᑐᐅᔭᒂ ᐊᔨᑐᑎᒪᒄ ᒐᒂᓐ ᓂᔾ ᒐ ᒋᔅᒐᔨᑎᒪᓐ ᒪᔽᒡ, ᑭᔭ ᐃᑐᑎᒪᒂ ᒥᓯᐛ ᒐᒂᓐ ᐊ ᐃᑎᓱᒥᑎᑯᒡ, ᓇᒪ ᒋᑭ ᐃᑎᓴᒪᐊᒪᑎᓇᐛᐤ ᐊᐧᑯᓱᐅᓐ ᑲ ᐃᑎᓴᒪᐊᒧᒂᐤ ᐃᒋᑉᑦ ᐃᔪᒡ᙮ ᓂᔾ ᐅ ᑎᐸᔨᒋᒐᓱᐤ, ᐊᓐ ᒪᓏᒋᐃᑕᒄ᙮”

ᒪᑎᔪᐤ 20:34

ᒋᓴᔅ ᒪᒃ ᒋ ᒋᔅᑎᒪᒐᔨᒪᐤ, ᒂ ᑕᒋᓂᒺᑦ ᐅᔅᒋᓯᑯᔪᐛ, ᑎᐛᒡ ᒪᒃ ᒋ ᐛᐸᑎᒥᔪᐛ, ᐊᑯ ᒂ ᐊᑎ ᓇᓴᐅᑯᑦ᙮

ᒪᑎᔪᐤ 8:3

ᒋᓴᔅ ᒪᒃ ᒋ ᓱᐅᓂᔅᒐᔪᐤ, ᒋ ᑕᒋᓇᐤ ᐊ ᐃᑕᑦ, “ᒋ ᐎ ᐎᒋᐃᑎᓐ᙮ ᐸᔭᒋᓯ ᒪᒃ᙮” ᑎᐛᒡ ᒪᒃ ᒋ ᒥᓏᑎᓯᐤ ᐊᓐ ᓇᐸᐤ ᐊᓂᔭ ᑲ ᐃᑕᐧᑯᓯᑦ᙮

ᒪᑎᔪᐤ 9:20

ᒋ ᑕᔪᐛ ᒪᒃ ᐊᓐᑕ ᐃᔎᐛ ᐊᒋ ᓂᑭᑎᑯᔨᒋ ᐅᒥᐧᑯᔪᐤ ᐃᔅᐱᔅ ᓂᓱᓴᑉ ᐱᐳᓇ, ᐅᔅᐱᔅᑯᓂᒡ ᒋ ᐸᒋ ᓇᑎᑯᐤ ᒋᓴᔅ, ᒂ ᑕᒋᓂᒥᔨᒋ ᐊᓐᑕ ᐊ ᐅᓂᔎᑭᓂᔨᒡ ᐊᓂᔭ ᐅᑦ ᐊᑯᑉ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:56

ᒥᓯᐛ ᒪᒃ ᐊᓐᑕ ᑲ ᐊᑎ ᐃᑐᑕᑦ ᒋᓴᔅ ᐅᑕᓇᒡ ᑭᔭ ᐊ ᐅᑕᓇᐎᔨᒡ, ᒪᒃ ᓂᑕᐅᒋᑕᑭᓐ ᐊᔅᒋᒡ, ᐊᓐᒡ ᐃᔪᒡ ᐊᓐᑕ ᑲ ᑕᒡ ᒋ ᐃᑐᑕᐊᐅᒡ ᐅᑦ ᐊᐧᑯᓯᐎᒧᐛᐛ ᐊᓐᑕ ᒧᔅ ᑲᒋ ᒪᒧᐎᓇᓄᐎᒡ ᐊ ᐊᑕᐛᓄᐎᔨᒋ ᒐᒂᔪᐛ᙮ ᐊᑯ ᐊᓐᒡ ᑲ ᐊᐧᑯᓯᒡ ᒂ ᓂᑐᑎᒧᐛᒡ ᒋᓴᓴ ᒐᒋ ᓇᐊᔨᒥᑯᒡ ᒥᒄ ᒐᒋ ᑕᒋᓂᒺᒡ ᐊ ᐅᓂᔎᑭᓂᔨᒡ ᐅᑦ ᐊᑯᐱᔪᐤ᙮ ᒥᓯᐛ ᒪᒃ ᐊᐛᔪᐛ ᑲ ᑕᒋᓂᒥᔨᒋ ᐅᑦ ᐊᑯᑉ ᒋ ᒥᓏᑎᓯᔪᐛ᙮

ᓗᒃ 13:13

ᒂ ᑕᒋᓇᑦ᙮ ᑎᐛᒡ ᒪᒃ ᒋ ᐅᒋ ᑯᐃᔅᑯᑲᐳᐤ ᐊᓐ ᐃᔎᐤ ᐊ ᒪᒥᒋᒪᑦ ᒋᓴᒪᓂᑐᐛ᙮

ᓗᒃ 7:38

ᒪᒂᒡ ᒪᒃ ᒋᓴᔅ ᐊ ᐅᐱᒪᓯᐧᒃ ᐊᓐᑕ ᐊ ᒥᒋᓱᒡ, ᐊᓐ ᐃᔎᐤ ᒋ ᓂᐳᐤ ᐊᓐᑕ ᐃᑕᒐ ᒋᓴᓴ ᐅᓯᑎᔨᒡ, ᐊ ᒪᑦ᙮ ᐊᓂᔭ ᒪᒃ ᐊ ᐅᒋᐧᑯᐛᐱᑦ ᒋ ᓂᐱᐎᑕᐛᐤ ᒋᓴᓴ ᐅᓯᑎᔪᐛ᙮ ᐊᑯ ᒂ ᐅᒋᒋᐧᑯᓂᐱᑦ ᐅᐱᔎᐅᓐ ᐊ ᐊᐱᒋᑕᑦ ᐊ ᐸᒂᓯᑕᓇᑦ᙮ ᑭᔭ ᐊ ᓱᐛᔨᑎᒺᑦ ᑭᔭ ᐊ ᑐᒥᓂᒺᑦ ᐊᓂᔭ ᐊ ᐎᒋᒪᑯᓯᔨᒡ ᑐᒥᓂᑭᓂᔪᐤ᙮

ᓗᒃ 8:43

ᒋ ᑕᐤ ᒪᒃ ᑭᔭ ᐊᓐᑕ ᐃᔎᐤ ᓂᓱᓴᐳᓇ ᐊᒋ ᐅᓂᑕᑦ ᐅᒥᐧᒄ᙮ ᒥᓯᐛ ᒐᒂᔪᐤ ᑕᓐ ᑲ ᐃᓯ ᐊᔭᑦ ᒋ ᒥᔭᓯᐱᓐ ᓂᑐᐧᑯᐃᔨᓴ ᐊ ᒋᓯᐧᑯᐛᑦ ᒐᒋ ᐎᒋᐃᑯᑦ, ᓇᒪ ᒪᒃ ᐛᐛᒡ ᐸᐃᒂᐤ ᐅᒋ ᐎᒋᐃᑯᐤ᙮

ᓗᒃ 8:45

ᐊᑯ ᒋᓴᔅ ᒂ ᐃᔅᒋᔄᑦ, ᐊᐛᓐ ᑲ ᐸᒋ ᑕᒋᓂᑦ ? ᓇᒪ ᒪᒃ ᐊᐛᓐ ᐅᒋ ᒋᔅᑐᐤ ᐊᑯ ᐱᑕᕐ ᒂ ᐃᑕᑦ, “ᒋᔅᑯᑎᒪᒐᓱᐤ, ᒥᒐᑐᐅᒡ ᐊᐛᓐᒋ ᐊ ᓯᑎᔅᑲᔅᒡ᙮ ᐃᔭᐱᒡ ᒪᒃ ᐊ ᐃᔅᒋᔄᔨᓐ ᐊᐛᓐ ᑲ ᐸᒋ ᑕᒋᓂᑦ ?”

ᒠᓐ 5:13

ᐊᑯ ᐊᓐ ᓇᐸᐤ ᓇᒪ ᐅᒋ ᒋᔅᒐᔨᒪᐤ ᐊᐛᔪᐛ ᐊᓂᔭ ᑲ ᒥᓏᒋᐃᑯᑦ ᐛᔅ ᓴᔅ ᒋ ᔅᑐᑕᔪᐛ ᒋᓴᓴ ᐛᔅ ᐊᒋ ᒥᒐᑎᓇᓄᐎᒡ ᐊᓐᑕ᙮

ᐊᑈᔅᑕᓇᒡ 19:12

ᐛᐛᒡ ᐅᑕᐱᔅᑲᑭᓐ ᑭᔭ ᑯᑎᑲ ᐅᑦ ᐊᐱᒋᑕᐅᓐ ᒋ ᐃᑐᑕᑭᓄᐅᔪᐛ ᐊᓐᑕ ᑲ ᐊᐧᑯᓯᔨᒋ ᐊᐛᔪᐛ ᐊ ᑕᔨᒋ, ᑎᐛᒡ ᒪᒃ ᒋ ᒥᓏᑎᓯᔪᐛ ᐃᔅᐱ ᑎᔭᐃᒋᓂᒥᔨᒋ᙮ ᑭᔭ ᐊᓐᒡ ᒥᒋ ᐊᒐᐧᑯᒡ ᒋ ᐎᐎᔪᒡ ᐊᓐᑕ ᐊᓂᔭ ᑲ ᐱᒋᔅᑯᐛᒡ ᐊᐛᔪᐛ᙮

ᐊᑈᔅᑕᓇᒡ 5:15

ᐊᓐᒡ ᒪᒃ ᐃᔪᒡ ᐎᔭᐱᒪᒡ ᐊᓂᔭᔪᐛ ᐊᑈᔅᑕᓇ ᐊ ᐃᓯ ᒪᒥᔅᑲᒡ ᐃᑎᔨᒋ ᒋ ᐃᑐᑕᐊᐅᒡ ᐊᓂᔭᔪᐛ ᑲ ᐊᐧᑯᓯᔨᒋ ᐊᓐᑕ ᒪᔅᑭᓇᒡ ᐊᔅᐱᓯᒧᐅᓂᒡ ᑭᔭ ᑕᑎᔭᒋᓂᑭᓂᒡ ᐊ ᐱᒥᓯᓂᔨᒋ, ᐊ ᐃᑕᔨᑕᒡ ᐊᑎ ᒥᒄ ᑕᐅᐅᑯᑥᐛ ᐱᑕᕋ ᐊ ᑎᑲᔅᑕᓯᓂᔨᒋ ᒋᑭ ᒋ ᒥᓏᑎᓯᐅᒡ᙮