ᓗᒃ 8:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐊᑯ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᑕᓐᑕ ᒋᑕᑈᑎᒧᐅᓄᐛᐤ ?” ᒋ ᑯᔅᑕᒍᐅᒡ ᒪᒃ ᐊᔪᐤ ᒋ ᒥᔅᑲᑕᔨᑎᒧᒡ ᐊ ᐃᔅᒋᔄᒡ, “ᐊᐛᓐ ᐅ ᐛᐛᒡ ᔪᑎᓂᓱᐛ ᑭᔭ ᑭᔅᑭᓇ ᐊ ᐱᓯᒋᐃᑯᑦ ᐊ ᒋᑕᐊᒧᐛᑦ ?”

ᓗᒃ 8:25 Iomraidhean Croise

ᒪᑎᔪᐤ 14:31

ᑎᐛᒡ ᒪᒃ ᒋᓴᔅ ᒋ ᓱᐎᓂᔅᒐᔪᐤ, ᒂ ᒪᑯᓇᑦ ᐊᑯ ᐊᑕᑦ, “ᒐᒂᓐ ᐛᒋ ᐳᓂᔨᓐ ᐊ ᑕᑈᑎᒥᓐ ᒐᒋ ᑐᑕᑕᓐ ᒐᒋ ᐱᒧᑕᔨᓐ ᓂᐱᒡ ?”

ᒪᑎᔪᐤ 17:20

ᐊᑯ ᒋᓴᔅ ᒂ ᐃᑕᑦ, “ᑭᑈ ᐊᓐ ᐊᑲ ᐃᔅᐱᓴᒡ ᒋᑕᑈᑎᒧᐅᓄᐛᐤ᙮ ᑕᑈ ᒋᑦ ᐃᑎᓇᐛᐤ ᐊᑎ ᒥᒄ ᐊᐱᓴᓯᒐ ᒋᑕᑈᑎᒧᐅᓐ ᒧᔭᒻ ᐊ ᐃᔅᐱᔅ ᐊᐱᓯᓯᑦ ᓂᑕᐅᒋᑕᑭᓐ ᒪᔅᑎᕐᑦ ᑲ ᐃᓯᓂᐧᑲᓱᑦ ᐃᔅᐱᓴᒐ, ᐱᔅᑯᑎᓇᐤ ᒋᑭ ᒋ ᐃᑎᓱᐛᑕᓐ, ‘ᓇᑕ ᐃᓯ ᐊᒋᑲᐳᐅᐤ᙮’ ᒋᑭ ᐱᓯᒋᐃᑯᓐ ᒪᒃ᙮ ᒥᒄ ᒐᒂᓐ ᐛ ᐃᑐᑎᒥᓐ ᒋᑭ ᒋ ᐃᑐᑕᓐ ᐊᔭᔨᓇ ᑕᑈᑎᒧᐅᓐ᙮

ᒪᑎᔪᐤ 6:30

ᒪᒃ ᒧᔭᒻ ᒋᓴᒪᓂᑐᐤ ᐅᒪ ᐃᓯ ᐊᒂᓇᐊᒧᒂ ᒥᔅᑯᓱᐛ ᓂᑕᐅᒋᑕᑭᓂᒡ, ᐊᓄᒡ ᐊ ᒋᓯᑲᒡ ᑲ ᑎᒂᒋ, ᐛᐸᒐ ᒪᒃ ᐃᔅᑯᑕᒡ ᒐ ᐃᓯ ᐛᐱᓇᑭᓄᐅᒋ, ᓇᒪ ᓇ ᐅᔅᑕ ᒋᔨᐛᐤ ᒋᑭ ᐛᑕᔅᐱᑎᑯᐛᐤ, ᐅ ᒋᔨᐛᐤ ᑲ ᐊᐱᓴᔅ ᒋᑕᑈᑎᒧᐅᓄᐛᐤ ?”

ᒪᑎᔪᐤ 8:10

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᓇᔅᒡ ᑕᑈ ᒋ ᒥᔅᑲᑕᔨᑎᒥᐃᑯᐤ ᐅᑕᑈᑎᒧᐅᓂᔪᐤ᙮ ᐊᑯ ᐊᑕᑦ ᐊᓂᔭ ᐊᐛᔪᐛ ᑲ ᐎᒐᐅᑯᑦ, “ᑕᑈ ᒋᑦ ᐃᑎᓇᐛᐤ, ᓇᒪᐎᔾ ᐛᐛᒡ ᐅᑕ ᐃᔅᕋᐃᓕᒡ ᓂ ᐅᒋ ᐛᐱᒪᐤ ᐊᐛᓐ ᐊᔅᐱᔅ ᓱᒋᑕᑈᑕᐧᒃ᙮

ᒪᑎᔪᐤ 8:26

ᐊᑯ ᒋᓴᔅ ᐊᑕᑦ, “ᒐᒂᓐ ᐛᒋ ᓇᔅᒡ ᑯᔅᑕᒋᔭᒄ, ᐅ ᒋᔨᐛᐤ ᑕᑈ ᐊᐱᓴᓯᒡ ᒋᑕᑈᑎᒧᐅᓄᐛᐤ ?” ᐊᑯ ᐛᓂᑦ ᒂ ᐃᑎᓱᐛᑕᐧᒃ ᐊᓂᔭ ᐊ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᐊ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ᐅᒋ ᐃᔽᔅᑎᓂᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:35

ᐊᓂᔭ ᐛᑕᑯᓯᔨᒡ, ᒋᓴᔅ ᒋ ᐃᑕᐤ ᐅᒋᔅᒋᓄᐊᒧᐛᑭᓇ, “ᓇᑕ ᐊᑲᒥᒡ ᐃᔅᒋᒪᑕᐤ᙮”

ᓗᒃ 12:28

ᐛᔅ ᒋᓴᒪᓂᑐᐤ ᓂᑕᐅᒋᑕᐤ ᒥᔅᑯᓱᐛ ᒐ ᒥᔪᓇᒂᒡ ᐊᔅᒋᔾ᙮ ᐊᓐ ᒥᔅᑯᓱᐛ ᐊ ᒥᔪᓇᒂᒡ ᐊᓄᒡ ᒐᓯᑲᒡ, ᐛᐸᒐ ᓴᔅ ᒋᑭ ᒋ ᐸᔅᑕᐛ᙮ ᐊᑯ ᒪᒃ ᑕᑈ ᒋᓴᒪᓂᑐᐤ ᓇᑕᐅᒋᑕᒂ ᒥᔅᑯᓱᐛ ᒐᒋ ᐅᒋ ᒥᔽᓯᒡ ᐊᔅᒋᔾ ᒐᔅᑎᓇᔅ ᒋᑭ ᒋ ᐃᑐᑎᒪᑯᐛᐤ ᒐᒋ ᒥᔨᑕᒄ ᒐᒂᔪᐤ ᒐ ᒋᔅᑭᒺᒄ᙮ ᑕᑈ ᑲ ᐊᐱᓴᓯᒡ ᒋᑕᑈᑎᒧᐅᓄᐛᐤ᙮”

ᓗᒃ 8:24

ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᐸᑯᓇᒡ ᒋᓴᓴ ᐊ ᐃᑕᒡ, “ᒋᔅᑯᑎᒪᒐᓱᐤ, ᒋᔅᑯᑎᒪᒐᓱᐤ, ᒋᑭ ᓂᔅᑕᐸᐛᓇᓄᐤ᙮” ᒋᓴᔅ ᒪᒃ ᒋ ᐅᓂᐤ, ᒂ ᐃᔅᒋᔄᑦ ᐊᓂᔭ ᐊ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᒂ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ᐃᔽᔅᑎᓂᔪᐤ᙮

ᓗᒃ 8:26

ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋ ᐊᓱᐊᒧᒡ ᐊᓐᑕ ᐃᔅ ᑲᕋᓯᓐ ᐃᔪᐛ ᐅᑦ ᐊᔅᒋᔨᒡ, ᑲᑕᕆᓐ ᐊᔅᒋᒡ ᑲ ᐃᓯᓂᐧᑲᑕᔨᒡ᙮ ᒂᔅᑕᒐᑲᒻ ᑲᓕᓕ ᐊᔅᒋᒡ ᑎᑯᓐ ᐅ ᐊᔅᒋᔾ᙮

ᒠᓐ 11:40

ᐊᑯ ᒋᓴᔅ ᒂ ᐃᑕᑦ ᐊᓂᔭ ᒪᕐᑕᔨᒋ, “ᓇᒪᐎᔾ ᐊ ᓴᔅ ᒋ ᐅᒋ ᐎᑎᒪᑎᓐ, ᑕᑈᑎᒥᓇ ᒐ ᐛᐸᑎᒧᑦ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ?”