ᓗᒃ 8:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐃᔎᐅᒡ ᑭᔭ ᒋ ᐱᐸᐎᒐᐛᐅᒡ, ᐊᓐᒡ ᒥᒋ ᐊᒐᒂ ᑲ ᐎᐎᑎᓴᐛᑭᓄᔨᒋ ᐊᓐᑕ ᐊ ᑕᒡ ᐅᒡ᙮ ᑭᔭ ᐊᓐᒡ ᐊᒋ ᒥᓏᒋᐊᑭᓄᐎᒡ ᓂᓇᐧᑯᐤ ᐃᑕᔅᐱᓇᐅᓇ᙮ ᐊᐅᒄ ᐸᐃᒄ ᒪᕆ ᒪᒃᑕᓕᓐ, ᐊᓐ ᐃᔎᐤ ᓂᔄᐅᑕᒡ ᒥᒋ ᐊᒐᒂ ᑲ ᐎᐎᑎᓴᐛᑭᓄᔨᒋ ᐊᓐᑕ ᐊ ᑕᑦ ᐅᒡ᙮

ᓗᒃ 8:2 Iomraidhean Croise

ᒪᑎᔪᐤ 4:24

ᒋ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ᐸᓱᐛᐅᒡ ᒪᒃ ᒥᓯᐛ ᑲ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ᐱᒋᔅᑲᑯᔨᒋ ᒥᒋ ᐊᒐᒂ, ᑭᔭ ᐊᓂᔭᔪᐛ ᑲ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ᐸᑐᐛᑭᓄᐅᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:1

ᐃᔅᐱ ᑲ ᐎᒪᐱᔨᒡ ᒍᐤ ᐃᔪᒡ ᐅᑦ ᐊᔭᒥᐊᐅᒋᓯᑲᒧᐛᐤ, ᒪᕆ ᒪᒃᑕᓕᓐ, ᑭᔭ ᒪᕆ ᒋᒥᔅ ᐅᑲᐎᔭ, ᑭᔭ ᓴᓗᒥ ᒋ ᐅᑎᓂᒧᒡ ᓂᓇᐧᑯᐤ ᐊ ᐃᓯᓇᑯᓂᔨᒋ ᐊ ᐎᒋᒪᑯᓂᔨᒋ ᑐᒥᓂᑭᓇ ᒐᒋ ᑐᒥᓂᒺᒡ ᒋᓴᓴ ᐎᔭᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:9

ᐃᔅᐱ ᒋᓴᔅ ᑲ ᐅᓂᔅᑲᑦ ᓂᐳᐅᓂᒡ ᐅᒡ ᐎᐱᒡ ᐊ ᒐᒋᓴᐸᔭᔨᒡ ᐊᓂᔭ ᓂᔅᑎᒻ ᐊ ᒋᓯᑲᔨᒡ ᒥᓐ ᒐ ᐊᑎ ᐱᒥᐱᔨᒡ ᒪᕆ ᒪᒃᑕᓕᓇ ᓂᔅᑎᒻ ᒋ ᓄᑯᓯᔅᑐᐛᐤ᙮ ᐊᔪᐅᒄ ᐅᔭ ᐃᔎᐛ ᑲ ᐎᐎᑎᓴᐅᒪᑦ ᓂᔄᐅᑕᒡ ᒥᒋ ᐊᒐᒂ ᐊᒋ ᐱᒋᔅᑲᑯᔨᒋ᙮

ᓗᒃ 23:27

ᒥᒐᑦ ᒪᒃ ᐊᐛᔪᐛ ᒋ ᓇᓴᐅᑯᐤ ᒋᓴᔅ ᑭᔭ ᐃᔎᐛ ᒋ ᒪᑕᑯᐤ ᑭᔭ ᒋ ᒧᔅᑯᐛᑎᑯᐤ᙮

ᓗᒃ 23:49

ᒥᓯᐛ ᒪᒃ ᐊᓐᒡ ᐃᔪᒡ ᑲ ᒥᔪ ᒋᔅᒐᔨᒪᒡ ᒋᓴᓴ ᑭᔭ ᐊᓐᒡ ᐃᔎᐅᒡ ᑲ ᐱᐸᐎᒐᐛᒡ ᒋᓴᓴ ᑲᓕᓕᒡ ᐅᒋ, ᐛᔪᐎᔅ ᐊᓐᑕ ᒋ ᓂᐳᐅᒡ ᐊ ᑭᓄᐛᐱᒡ᙮

ᓗᒃ 23:55

ᐊᓐᒡ ᒪᒃ ᐃᔎᐅᒡ ᑲᓕᓕᒡ ᑲ ᐅᒋ ᐎᒐᐛᒡ ᒋᓴᓴ ᒋ ᐎᒐᐛᐅᒡ ᐊᓂᔭᔪᐛ ᒍᓯᐸ᙮ ᒋ ᐛᐸᑎᒧᒡ ᒪᒃ ᐊᓂᔭ ᒋᐱᐃᒋᐛᐱᔪᐤ ᑭᔭ ᑕᓐ ᑲ ᐃᑎᔅᑕᑭᓄᐎᒡ ᒋᓴᓴ ᐎᔭᔪᐤ ᐊᓐᑕ᙮

ᓗᒃ 8:30

ᒋᓴᔅ ᒪᒃ ᒋ ᑯᒂᒋᒪᐤ, “ᑕᓐ ᐊ ᐃᓯᓂᐧᑲᓱᔨᓐ ?” ᒂ ᐃᑎᑯᑦ, “ᑲ ᒥᒐᑎᒡ᙮” ᐛᔅ ᒋ ᒥᒐᑎᔪᐛ ᒥᒋ ᐊᒐᒂ ᐊ ᐱᒋᔅᑲᑯᑦ ᐊᓐ ᓇᐸᐤ᙮

ᒠᓐ 19:25

ᒋᓴᔅ ᒪᒃ ᐅᑲᐎᐊ ᒥᒋᒪ ᒋ ᓂᐳᐅᔪᐛ ᐊᓐᑕ ᒋᓴᓴ ᐅᒋᐱᔭᑎᑯᒥᔨᒡ ᑭᔭ ᐅᑲᐎᐊ ᐎᐧᑲᓂᓯᔪᐛ ᐊᑯᑕ ᑲ ᓂᐳᔨᒋ ᑭᔭ ᒪᕆ, ᑲᓗᐸᔅ ᐎᐛ ᑭᔭ ᒪᕆ ᒪᒃᑕᓕᓐ᙮

ᐊᑈᔅᑕᓇᒡ 1:14

ᒥᓯᐛ ᒪᒃ ᒋ ᓇᐊᔨᑎᒧᒡ ᒧᔅ ᒐᒋ ᐸᐃᑯᒪᒧᐎᒡ ᐊ ᒪᒧᐤ ᐊᔭᒥᐊᒡ᙮ ᐊᑯᑕ ᑲᒋ ᑕᒡ ᑭᔭ ᐊᓐᒡ ᐃᔎᐅᒡ, ᑭᔭ ᒪᕆ ᒋᓴᔅ ᐅᑲᐎᔭ, ᑭᔭ ᒋᓴᔅ ᐎᐧᑲᓂᓴ ᑲ ᓇᐸᐎᔨᒋ᙮