ᓗᒃ 8:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐃᔭᒂᒥ ᒪᒃ ᑕᓐ ᐊ ᐃᓯ ᓂᑐᑎᒥᓐ, ᐛᔅ ᐊᓐ ᐊᐛᓐ ᐃᔭᒂ ᑲ ᐸᑕᐧᒃ ᐊᑐᐎᔅ ᒋᑭ ᓂᔅᑐᑎᒻ᙮ ᐊᑯ ᐊᓐ ᐊᐛᓐ ᐊᑲ ᐃᔭᒂ ᑲ ᐸᑕᐧᒃ ᒋᑭ ᐅᓂᒋᔅᒋᓱᐤ ᐃᔭᐱᒡ ᑕᓐ ᐊᓂᔭᔪᐛ ᑲ ᐃᑕᔨᑕᐧᒃ ᐊ ᓂᔅᑐᑕᐧᒃ᙮”

ᓗᒃ 8:18 Iomraidhean Croise

ᒪᑎᔪᐤ 13:12

ᐛᔅ ᐊᓐ ᐊᐛᓐ ᑲ ᐊᔭᑦ ᓂᔅᑐᑎᒧᐅᓂᔪᐤ ᐊᑐᐎᔅ ᒥᔅᑎ ᒋᑭ ᒥᔭᑭᓄᐤ ᒐᒋ ᓂᔅᑐᑕᐧᒃ ᐊᑯ ᐊᓐ ᐊᐛᓐ ᐊᑲ ᓂᔅᑐᑕᐧᒃ ᒋᑭ ᐅᑎᓇᑭᓄᐅᔪᐤ ᐛᐛᒡ ᐊᓂᔭ ᐊᐱᓯᔅ ᑲ ᐃᓯ ᓂᔅᑐᑕᐧᒃ᙮

ᒪᑎᔪᐤ 25:29

ᒥᓯᐛ ᐊᐛᓐ ᑲ ᐊᔭᑦ ᒐᒂᔪᐤ ᐊᑐᐎᔅ ᒋᑭ ᑎᑯᓂᔪᐤ ᒐ ᐃᓯ ᒥᔭᑭᓄᐅᑦ᙮ ᒋᑭ ᐛᔪᑎᓯᔪᐤ ᒪᒃ᙮ ᐊᑯ ᐊᓐ ᐊᐛᓐ ᐊᑲ ᓇᔅᒡ ᐊᔭᑦ ᒐᒂᔪᐤ ᐛᐛᒡ ᐊᓂᔭ ᑕᓐ ᐊ ᐃᓯ ᐊᐱᓯᔅ ᐊᔭᑦ ᒋᑭ ᐅᑎᓇᑭᓄᐅᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:14

“ᐃᔅᐱ ᒪᒃ ᐛᐱᒪᒂ ᐊᓐ ᐊᐛᓐ ᒪᐅᒡ ᑲ ᐛᐧᑲᑕᔨᑕᑯᓯᑦ ᐊ ᓂᐳᐅᑦ ᐊᓐᑕ ᐊᑐᒡ ᒋᐸ ᐅᒋ ᓂᐳᐅᐤ” (ᐊᓐ ᐊᐛᓐ ᑲ ᐃᔨᒥᑕᑦ ᐅᔭ ᒋᑭ ᐎ ᓂᔅᑐᑎᒻ), “ᐊᑯᔅ ᐱᔅᑎᓇᐧᑯᒡ ᐊᓐᒡ ᒍᑎᔭ ᑲ ᑕᒡ ᐊᓐᑕ ᐊ ᐅᒋᒍᐅᓂᔨᒡ ᒐᒋ ᐃᑎᓯᒧᒡ᙮ ᐊᐅᑯᓐ ᐅᔭ ᐊᓂᔭ ᐅᒋᔅᒋᐛᐃᒐᓱᐤ ᑕᓂᔭᓪ ᑲ ᐊᔨᒧᒪᑦ᙮

ᓗᒃ 19:26

“ᐊᑯ ᐊᓐ ᐅᒋᒪᐤ ᒂ ᐃᔅᒋᔄᑦ, ‘ᒋᑦ ᐃᑎᓇᐛᐤ ᒪᒃ ᓂᔾ, ᒥᓯᐛ ᐊᐛᓐ ᑲ ᐅᓯᑕᑦ ᒐᒂᔪᐤ ᐊᑐᐎᔅ ᒋᑭ ᑎᑯᓂᔪᐤ ᒐ ᐃᓯ ᒥᔭᑭᓄᐅᑦ᙮ ᐊᑯ ᐊᓐ ᐊᐛᓐ ᐊᑲ ᓇᔅᒡ ᑲ ᐊᔭᑦ ᒐᒂᔪᐤ ᐛᐛᒡ ᐊᓂᔭ ᑕᓐ ᐊ ᐃᓯ ᐊᐱᓯᔅ ᐊᔭᑦ ᒋᑭ ᐅᑎᓇᑭᓄᐅᔪᐤ᙮

ᓗᒃ 9:44

“ᒋᔅᒋᓯᒄ ᔭᐃᑕᔾ ᑕᓐ ᒐ ᐃᑎᑎᑯᒡ᙮ ᒋᑭ ᐱᔅᑎᓇᑭᓄᐎᒡ ᐃᔪᒡ ᒐᒋ ᐃᑐᑐᐛᒡ ᑕᓐ ᐛ ᐃᑐᑐᐛᒡ ᐃᔪᐤ ᐅᑯᓯᓴᓇ᙮”

ᒠᓐ 15:2

ᒥᓯᐛ ᐅᑎᐧᑯᓇ ᓂᔾ ᐊ ᑕᔭᓐ ᑲ ᑎᒂᒋ ᐊᑲ ᒥᓂᓱᔨᒋ ᓄᑕᐎᔾ ᒪᓂᓯᒻ᙮ ᐊᑯ ᐊᓂᔭᔪᐛ ᐅᑎᐧᑯᓇ ᑲ ᒥᓂᓱᔨᒋ ᒥᓯᐛ ᐛᐛᓯᑕᐤ ᐊᑐᐎᔅ ᒐᒋ ᒥᓂᓱᔨᒋ᙮

ᐊᑈᔅᑕᓇᒡ 10:33

ᑎᐛᒡ ᒪᒃ ᓂᒋ ᐃᑎᓴᐛᐅᒡ ᓇᐸᐅᒡ ᒐᒋ ᐎᓴᒥᔅᒡ, ᒥᔽᓱᐤ ᒪᒃ ᑲ ᑎᑯᓯᓂᔨᓐ᙮ ᐊᑯ ᒪᒃ ᒥᓯᐛ ᐊ ᑕᔭᐧᒄ ᐅᑕ, ᒋᓴᒪᓂᑐᐤ ᑭᔭ ᐊᑯᑕ ᐊ ᑕᑦ, ᐊᑯ ᒪᒃ ᒐ ᐸᑎᒪᒡ ᑕᓐ ᑲ ᐃᑎᓱᒥᔅᒃ ᐅᑎᐸᔨᒋᒐᐤ ᒐᒋ ᐃᔅᒋᔄᐅᑦ᙮”

ᐊᑈᔅᑕᓇᒡ 17:11

ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᐸᕆᔭᒡ ᑲ ᑕᒡ ᓇᔅᒡ ᒋ ᒥᔽᔨᑎᒧᒡ ᐎᔨᐛᐤ ᐊ ᓂᑐᑐᐛᒡ ᐊᓂᔭ ᑈᓚ ᑭᔭ ᓴᓂᓴ ᓇᒪ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲ ᑲ ᑕᔨᒋ ᑲ ᐃᑎᔨᒋ᙮ ᓇᔅᒡ ᒋ ᓂᑐᑐᐛᐅᒡ ᑭᔭ ᐊᓯᑯᒻ ᒋᓯᑲᐛ ᒋ ᓂᑐ ᒋᔅᒐᔨᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᒋ ᐎ ᓂᑐ ᒋᔅᒐᔨᒪᒡ ᑈᓚ ᑎᔭᑈᔨᒂᓂ ᐊᓂᔭ ᑲ ᐃᔅᒋᔄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:3

ᒋᓴᒪᓂᑐᐤ ᓂᒋ ᒋᓴᐛᑐᑕᒄ ᐊᒋ ᒥᔨᑦ ᒐᒋ ᐊᑐᔅᑯᐅᒄ᙮ ᐊᐅᒄ ᒪᒃ ᐛᒋ ᐃᑎᑎᑯᒡ ᒥᓯᐛ ᐊ ᑎᓯᔭᒄ ᐊᑲ ᐅᔅᑕ ᒐᒋ ᐃᑕᔨᒥᓱᔭᒄ ᑕᓐ ᒋᐸ ᐃᑕᔨᒥᓱᓇᐛᐤ᙮ ᑯᐃᔅᒄ ᐎᓯ ᒪᒥᑐᓇᔨᒥᓱᒄ᙮ ᒥᓯᐛ ᐊ ᑎᓯᔭᒄ ᒋᑭ ᐎᔭᔨᑕᓇᐛᐤ ᑕᓐ ᑕᑈ ᒐᒋ ᐃᑐᑎᒪᒄ᙮ ᐅ ᒪᒃ ᐊ ᐛᑕᔨᑎᒪᒄ ᒋᑭ ᐎ ᓂᓇᑭᑐᐛᔨᑕᓇᐛᐤ ᑕᓐ ᑲ ᐃᔅᐱᔅ ᒥᔨᑕᒄ ᒋᓴᒪᓂᑐᐤ ᑕᑈᑎᒧᐅᓂᔪᐤ᙮

1 ᑯᕆᓐᑎᔭᓇ 14:37

ᐸᐃᒄ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᐊ ᐅᒋᔅᒋᐛᐃᒐᓱᐅᑦ ᒪᒃ ᐊ ᐃᑕᔨᑎᒧᒂ ᐊᒐᐧᒄ ᒥᔨᐛᐅᓂᔪᐤ ᐊ ᐊᔭᑦ, ᒋᐸ ᒋᔅᒐᔨᑎᒻ ᐅᔭ ᑲ ᐃᓯ ᒥᓯᓇᐊᒪᑎᑯᒡ ᐅᑎᐸᔨᒋᒐᐛ ᐅᔭ ᐊ ᐃᑎᓱᐛᔨᒋ᙮

1 ᑯᕆᓐᑎᔭᓇ 3:18

ᐊᑲᐎᔾ ᐊᐛᓐ ᒋᑭ ᐅᒋ ᐎ ᐎᔭᓯᐃᑎᓱᐤ᙮ ᐊ ᐃᑕᒂ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᓇᔅᒡ ᐊ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ᑭᒐᑕᐛᔨᑕᐧᒃ᙮

1 ᑯᕆᓐᑎᔭᓇ 8:2

ᐊᑯ ᒪᒃ ᐊ ᐃᑕᔨᑎᒧᒂ ᐊᐛᓐ ᓇᔅᒡ ᒥᔅᑎ ᐊ ᒋᔅᒐᔨᑕᐧᒃ ᒐᒂᔪᐤ, ᓄᑯᑕᐤ ᐊᔅᒄ ᐊᑲ ᒋᔅᒐᔨᑕᐧᒃ ᑕᓐ ᒋᐸ ᐃᓯ ᒋᔅᒐᔨᑎᒻ᙮

ᐱᓕᐱᔭᓇ 3:4

ᓂᔾ ᐊᐅᒄ ᑕᑈ ᒋᐸ ᒋ ᑎᑯᓐ ᑕᓐᑕ ᒐᒋ ᐅᒋ ᒪᒥᒋᒧᔭᓐ᙮ ᒧᔭᒻ ᐊ ᑕᒂ ᐊᐛᓐ ᐊ ᐃᑕᔨᑕᐧᒃ ᒐᒋ ᒪᒥᒋᒧᑦ ᐅᔅᒋᒡ ᐊ ᐃᓯ ᓂᓇᑭᑐᐛᔨᑕᑭᓄᐎᒡ ᒐᒂᔪᐤ ᓂᔾ ᐊᔪᐛᒃ ᑎᑯᓐ ᐊᓐ ᒐᒋ ᐃᑕᔨᑎᒪᓐ᙮

ᐃᑉᕈᐛ 2:1

ᐊᐅᒄ ᒪᒃ ᐊᓐ ᐛᒋ ᐃᑕᔨᑕᒂᒡ ᐊᑐᐎᔅ ᒐᒋ ᒥᒪᒋᑯᓂᒪᐧᒄ ᐊᓐ ᑕᑈᐅᓐ ᑲ ᐃᓯ ᐸᑎᒪᐧᒄ ᒐ ᐊᑲ ᒋ ᒋᐛᑲᐳᐅᔭᐧᒄ᙮