ᓗᒃ 7:44 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁴ ᐊᑯ ᐊᓂᔭ ᐃᔎᐛ ᒂ ᑭᓄᐛᐱᒪᑦ ᒋᓴᔅ ᐊᑯ ᒂ ᐃᑕᑦ ᐊᓂᔭ ᓴᐃᒥᓇ, “ᒋ ᐛᐱᒪᐤ ᐊ ᐅ ᐃᔎᐤ ᑕᓐ ᐊ ᐃᑎᑦ ? ᑲ ᐸᒋ ᐱᒐᔭᓐ ᐅᑕ ᒋᒋᒡ ᓇᒪ ᐛᐛᒡ ᒋ ᐅᒋ ᐸᒋ ᒥᔨᓐ ᓂᐱᔾ ᒐᒋ ᒋᔅᑕᐸᐅᑕᔭᓐ ᓂᓯᑕ᙮ ᐎᔾ ᒪᒃ ᒋ ᒋᔅᑕᐸᐅᑕᐤ ᓂᓯᑕ ᐅᒋᑯᐛᐳᐅᓂᒡ ᐅᒋ, ᑭᔭ ᒋ ᑲᓯᐊᒻ ᓂᓯᑕ ᐅᐱᔎᐅᓐ ᐊ ᐊᐱᒋᑕᑦ᙮

ᓗᒃ 7:44 Iomraidhean Croise

ᒐᓂᓯᔅ 18:4

ᓂᑭ ᓂᑐᐛᔨᑕᓐ ᓂᐱᔾ ᒐ ᐸᑥᑯᐅᔭᒄ ᒐᒋ ᒋᔅᑕᐸᐅᑕᔭᒄ ᒋᓯᑐᐛᐛ, ᐊᐱᒄ ᑭᔭ ᐊ ᐊᔅᑕᔭᔅᑯᐃᑎᓱᒄ ᐊ ᐊᒋᑲᔅᑕᓯᒧᔭᒄ ᐅᑕ ᒥᔅᑎᑯᒡ᙮

ᒐᓂᓯᔅ 19:2

ᒂ ᐃᑕᑦ, “ᓂᑎᐸᔨᒋᒐᓯᒥᒡ, ᐸᑐᑕᒃ ᓂᒋᒡ ᐊᑯ ᒐᒋ ᐃᑐᑕᑎᑯᒡ᙮ ᒐ ᒋᔅᑕᐸᐅᒋᓯᑕᔭᒄ ᑭᔭ ᒐ ᑕᔭᒄ ᒐ ᑎᐱᔅᑲᒡ᙮ ᐊᑯ ᒐ ᒪᒋᔭᒄ ᐎᐱᒡ ᒐᒋᓴᐸᔭᒐ᙮” ᒥᒄ ᒂ ᐃᑎᑯᑦ, “ᓇᒪ, ᐎᐎᑎᒥᒡ ᐊᑐᐛᒡ ᓂᑭ ᓂᐸᓇᓐ ᐊᓐᑕ ᒪᒧᐤ ᓇᒋᔅᑲᑐᒡ ᐃᔪᒡ᙮”

ᒐᓂᓯᔅ 43:24

ᒋ ᒋᔅᒐᔨᑎᒧᒡ ᐎᐧᑲᓂᓯᒪᐅᒡ ᒐ ᒥᒋᓱᒡ ᒍᓯᐸ ᐎᒋᔨᒡ ᐃᔭᐱᑕᒋᓯᑲᔨᒐ᙮ ᑲᒋ ᐱᒐᒡ ᒥᒋᐛᐱᔪᐤ, ᑭᓄᐛᔨᑎᔭᑭᓐ ᒂ ᒥᔭᑦ ᐎᐧᑲᓂᓯᒪᐛ ᓂᐱᔪᐤ ᒐᒋ ᒋᔅᑕᐸᐛᓯᑕᔨᒋ ᑭᔭ ᒋᓯᒥᒪᐤ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔪᐛ᙮

ᓗᒃ 7:38

ᒪᒂᒡ ᒪᒃ ᒋᓴᔅ ᐊ ᐅᐱᒪᓯᐧᒃ ᐊᓐᑕ ᐊ ᒥᒋᓱᒡ, ᐊᓐ ᐃᔎᐤ ᒋ ᓂᐳᐤ ᐊᓐᑕ ᐃᑕᒐ ᒋᓴᓴ ᐅᓯᑎᔨᒡ, ᐊ ᒪᑦ᙮ ᐊᓂᔭ ᒪᒃ ᐊ ᐅᒋᐧᑯᐛᐱᑦ ᒋ ᓂᐱᐎᑕᐛᐤ ᒋᓴᓴ ᐅᓯᑎᔪᐛ᙮ ᐊᑯ ᒂ ᐅᒋᒋᐧᑯᓂᐱᑦ ᐅᐱᔎᐅᓐ ᐊ ᐊᐱᒋᑕᑦ ᐊ ᐸᒂᓯᑕᓇᑦ᙮ ᑭᔭ ᐊ ᓱᐛᔨᑎᒺᑦ ᑭᔭ ᐊ ᑐᒥᓂᒺᑦ ᐊᓂᔭ ᐊ ᐎᒋᒪᑯᓯᔨᒡ ᑐᒥᓂᑭᓂᔪᐤ᙮

ᓗᒃ 7:43

ᓴᐃᒥᓐ ᒪᒃ ᒋ ᐃᑕᐤ, “ᑭᑈ ᐊᓂᔭ ᒪᐅᒡ ᒥᔅᑎ ᑲ ᒥᓯᓇᐊᒪᑯᑦ ᐊᐅᑯᓂ ᐊᓂᔭ ᒪᐅᒡ ᒐ ᓴᒋᐃᑯᑦ᙮” ᒋᓴᔅ ᒂ ᐃᑕᑦ, “ᓂᐦᐃ, ᒋ ᑕᑈᓐ᙮”

ᒠᓐ 13:5

ᒂ ᑯᑎᐱᓇᐧᒃ ᓂᐱᔪᐤ ᐛᐸᑲᐎᐅᓱᔭᑭᓂᒡ ᐊᑯ ᒂ ᒋᔅᑕᐸᐅᒋᓯᑕᓇᑦ ᐅᒋᔅᒋᓄᐊᒧᐛᑭᓇ ᑭᔭ ᒂ ᐸᒂᐊᒺᑦ ᐅᓯᑎᔪᐛ ᐊᓂᔭ ᑲᓯᒂᓂᔪᐤ ᑲ ᐱᒂᑕᐛᒐᑦ ᐊ ᐊᐱᒋᐊᑦ᙮

1 ᑎᒧᑎ 5:10

ᑭᔭ ᒋᐸ ᑎᑯᓂᔪᐤ ᑕᓐ ᐊ ᐃᓯ ᒥᔽᒋᒪᑭᓄᐅᑦ ᐊ ᒪᒥᔪᑐᑎᒪᒐᑦ, ᒧᔭᒻ ᐊᒋ ᒥᔪ ᓂᑕᐅᒋᓇᑦ ᐊᐛᓴ, ᐊᒋ ᒥᔪ ᑭᓄᐛᔨᒪᑦ ᒪᓐ ᒪᓐᑕᐛ, ᑭᔭ ᒧᔅ ᐊᒋ ᒪᒥᔪᑐᑐᐛᑦ ᑲ ᑕᑈᑎᒥᔨᒋ ᑭᔭ ᒧᔅ ᐊᒋ ᓂᓇᑎᒧᐛᑦ ᐊᓂᔭᔪᐛ ᑲ ᐊᔨᒥᐅᔨᒋ ᑭᔭ ᓱᒃ ᒧᔅ ᐊᒋ ᓇᓂᑐᐤ ᒥᔅᑲᐧᒃ ᑕᓐ ᒐ ᐃᓯ ᒪᒥᔪᑐᑎᒪᒐᑦ᙮

ᒋᒥᔅ ᐅᒥᓯᓇᐊᒪᒐᐅᓐ 2:6

ᐊᑯ ᒪᒃ ᒋᔨᐛᐤ ᓇᒪ ᒋ ᒋᔅᑕᔨᒪᐛᐅᒡ ᐊᓐᒡ ᑲ ᒋᔅᑎᒪᑎᓯᒡ᙮ ᒥᒄ ᒪᒃ ᓇᒪᔭᐅᒡ ᐊ ᐊᓐᒡ ᑲ ᐛᔪᑎᓯᒡ ᓇᔅᒡ ᑲ ᐎ ᐃᑐᑕᑕᑯᒡ, ᒪᒃ ᑎᐸᔅᑯᓂᒐᐅᒋᐛᐱᒡ ᐊ ᐃᑐᑕᐃᑕᑯᒡ ?