ᓗᒃ 7:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᒥᓯᐛ ᒪᒃ ᐊᐛᔪᐛ ᒋ ᓂᑐᑕᑯᐤ ᒋᓴᔅ ᐛᐛᒡ ᐊᓂᔭ ᒪᐅᒡ ᑲ ᒥᒐᑎᓯᔨᒋ ᑲ ᐃᑕᔨᒪᑭᓄᔨᒋ, ᐊᓂᔭ ᑭᑈ ᑲ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᔨᒋ᙮ ᐊᐅᑯᓐᒡ ᐅᒡ ᑲ ᓂᓇᐃᑎᒧᐛᒂ ᐊᓂᔭᔪᐤ ᑕᓐ ᑲ ᐃᓯ ᓂᑐᐛᔨᑎᒥᔨᒋ ᒋᓴᒪᓂᑐᐛ, ᒋ ᓯᑲᐃᑕᑯᐛᑯᓯᐱᓐᒡ ᒠᓇ᙮

ᓗᒃ 7:29 Iomraidhean Croise

ᑎᐱᑦ ᐅᓂᑭᒧᐅᓇ 51:4

ᒋᔾ, ᒋᔾ ᒥᒄ, ᒋ ᒥᒋᑐᑕᑎᓐ, ᑭᔭ ᓂᒋ ᐃᑐᑕᓐ ᐅᒪ ᑲ ᒪᔭᑎᒡ ᐊ ᑭᓄᐛᐱᒥᔨᓐ; ᒋ ᑯᐃᔅᑯᑕᔨᑕᑯᓯᓐ ᐊ ᐃᔨᒥᔨᓐ ᑭᔭ ᒐᒋ ᐸᔭᒐᔨᑕᑯᓯᔨᓐ ᐊ ᑎᐸᔅᑯᓂᒐᔨᓐ᙮

ᒪᑎᔪᐤ 5:46

ᒐᒂᔪᐤ ᒋᐸ ᐅᒋ ᒥᔨᒄ ᒋᓴᒪᓂᑐᐤ ᒋᑲᓂᔪᐅᓂᔪᐤ ᒥᒄ ᓴᒋᐃᑥᐛ ᐊᓐᒡ ᐊᐛᓐᒋ ᑲ ᓴᒋᐃᔅᒡ ? ᐛᔅ ᐊᐅᑯᓐ ᒥᓯᐛ ᐊᑎᒡ ᐊᓐᒡ ᑲ ᒪᒧᓴᒋᓇᒡ ᓱᓇᔭᔪᐤ᙮

ᓗᒃ 20:6

ᒪᒃ ᐃᔅᒋᔄᔭᒂ, ‘ᓇᐸᐛ ᑲ ᐃᑎᓱᒥᑯᑦ ᐊᓂᔭ ᑲ ᐃᑎᑦ,’ ᐊᑯ ᐅᒡ ᐃᔪᒡ ᐅᑕ ᑲ ᑕᒡ ᒋᑭ ᓂᐸᐃᑯᓄᒡ ᐊ ᐸᐱᒧᓯᓇᑕᐅᑕᐧᑯᒡ᙮ ᐛᔅ ᓇᔅᒡ ᑕᑈᔭᔨᒪᐅᒡ ᒠᓇ ᐊᒋ ᐅᒋᔅᒋᐛᐃᒐᓱᔨᒋ᙮”

ᓗᒃ 3:12

ᐊᑯ ᒪᒃ ᐊᓐᒡ ᑲ ᒪᒧᓴᒋᓇᒡ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᒡ, ᒋ ᐸᒋ ᐃᑐᑕᐅᒡ ᒐᒋ ᓯᑲᐃᑐᐛᑭᓄᐅᒡ, ᐊᑯ ᒂ ᐃᑕᒡ ᒠᓇ, “ᒋᔅᑯᑎᒪᒐᓱᐤ, ᑕᓐ ᓂᐸ ᑎᓇᓐ ᓂᔭᓐ ?”

ᓗᒃ 7:28

ᒋᓴᔅ ᒪᒃ ᒋ ᐃᑕᐤ, “ᒋ ᐎᑎᒪᑎᓇᐛᐤ, ᑕᑐᐤ ᐅᒋᔅᒋᐛᐃᒐᓱᒡ ᑲ ᐱᒪᑎᓯᒡ ᓇᒪ ᐃᐛᒃ ᐃᑕᔨᑕᑯᓱᐅᒡ ᑕᓐ ᐊ ᐃᑕᔨᑕᑯᓯᔨᒋ ᒠᓐ ᐅᓯᑲᐃᑕᒐᐛ᙮ ᐃᔭᐱᒡ ᒪᒃ ᐊᓐ ᐊᐛᓐ ᒪᐅᒡ ᔭᓯᒄ ᑲ ᐃᑕᔨᑕᑯᓯᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᐛᒃ ᐎᔾ ᒋᔅᑕᔨᑕᑯᓱᐤ ᐃᔅᐱᔅ ᒠᓇ᙮”

ᓗᒃ 7:35

ᐊᓐᒡ ᑲ ᑕᑈᑎᒺᒡ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ ᒋᑭ ᓄᑯᑕᐅᒡ ᐅᐱᒪᑎᓯᐅᓄᐛᒡ ᑕᑈ ᐊ ᒐᔅᑎᓇᑕᔨᑕᑯᓂᔨᒡ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ᙮”

ᐊᑈᔅᑕᓇᒡ 18:25

ᓇᔅᒡ ᒪᒃ ᑯᐃᔅᒄ ᒋ ᐃᓯ ᒋᔅᑯᑎᒧᐛᑭᓄᑯᐱᓇ ᐊᓂᔭ ᒪᔅᑭᓇᔪᐤ ᐅᑎᐸᔨᒋᒐᐛ ᑲ ᐃᔅᒋᔄᔨᒋ ᒐᒋ ᐃᓯ ᐱᒧᑕᓄᐎᒡ ᐊᓐᑕ ᒐᒋ ᐅᒋ ᐱᒪᒋᐅᓇᓄᐎᒡ᙮ ᑭᔭ ᓇᔅᒡ ᒋ ᓯᒋᔭᓱᐤ ᐊ ᐊᔨᒧᒪᑦ ᒋᓴᓴ ᑕᓐ ᐊᓐ ᑲ ᐃᓯ ᐸᑐᐛᑦ ᒠᓐ ᐅᓯᑲᐃᑕᒐᐛ ᐊ ᐃᓯ ᐊᔨᒧᒪᔨᒋ ᑭᔭ ᒋ ᑕᑈᐤ ᐊᓂᔭ ᑲ ᐃᓯ ᒋᔅᑯᑎᒪᒐᑦ᙮ ᒥᒄ ᒪᒃ ᓇᒪ ᐅᒋ ᒋᔅᒐᔨᒪᐤ ᑕᓐ ᑲ ᐸᒋ ᐃᔅᐱᔨᒋ ᒋᓴᓴ᙮

ᐊᑈᔅᑕᓇᒡ 19:3

ᐊᑯ ᑈᓪ ᒂ ᐃᑕᑦ, “ᒐᒄ ᓯᑲᐃᑕᒐᐅᓐ ᒪᒃ ᑲ ᐃᓯ ᓯᑲᐃᑕᑯᔭᒄ ?” ᒂ ᐃᑎᑯᑦ, “ᒠᓐ ᑲ ᐃᓯ ᓯᑲᐃᑕᒐᑦ ᓂᒋ ᐃᓯ ᓯᑲᐃᑕᑯᐅᓇᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:3

ᐊᑲ ᐅᒋ ᒋᔅᒐᔨᑕᒡ ᑕᓐᑕ ᑯᐃᔅᑯᑕᑎᓯᐅᓂᒡ ᐛᒋ ᐃᓯ ᑭᓄᐛᐱᒥᑯᔨᒋ ᐊᐛᔪᐛ ᒋᓴᒪᓂᑐᐛ ᐊᑯ ᐎᔨᐛᐤ ᑎᐸᓐ ᑲ ᑯᒋᑕᒡ ᒐᒋ ᑯᐃᔅᑯᓇᑯᐃᓱᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐊᑯ ᒪᒃ ᓇᒪ ᐱᔅᑕᔨᒥᑎᓱᔅᑎᒧᒡ ᐊᓂᔭ ᑕᓐ ᑲ ᐃᑎᔅᑕᔨᒡ ᒋᓴᒪᓂᑐᐛ ᒐ ᐃᑎᔨᒋ ᐊᐛᔪᐛ ᐅᑯᐃᔅᑯᑕᑎᓯᐤ ᒐᒋ ᐃᓯ ᑭᓄᐛᐱᒪᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 15:3

ᒋ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ᓂᑭᒧᐅᒡ ᐊ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ᓂᑭᒧᒡ, “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ᐃᑐᑎᒥᓐ᙮ ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ᐃᔅᒋᔄᔨᓐ᙮

ᒋᔅᒐᔨᑕᑯᑕᒐᐅᓐ 16:5

ᓂᒋ ᐸᑐᐛᐤ ᒪᒃ ᐊᓐ ᐊᓐᒋᓐ ᒥᓯᐛ ᓂᐱᔪᐤ ᑲ ᐅᒋᒪᐧᑲᑕᐧᒃ ᐊ ᐃᔅᒋᔄᑦ ᐊ ᒪᒥᒋᒪᑦ, ᒋᓴᒪᓂᑐᐛ, “ᓇᔅᒡ ᑯᐃᔅᒄ ᒋᑦ ᐃᑎᓐ ᐅ ᑲ ᐃᓯ ᑎᐸᔅᑯᓂᒐᔨᓐ, ᒋᔾ ᒥᒄ ᒋ ᐸᔭᒋᓯᔨᓐ, ᒋᔾ ᑲ ᑕᔨᓐ ᑭᔭ ᒧᔅ ᑲ ᐸᒋ ᑕᔨᓐ᙮