ᓗᒃ 7:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒂ ᐃᑎᓴᐛᑦ ᐅᔭ ᒐᒋ ᐃᓯ ᑯᒂᒋᒪᔨᒋ ᐅᑎᐸᔨᒋᒐᐛ, “ᐊᐅᒄ ᐊ ᒋᔾ ᙭ ᐊᓐ ᒋᐸ ᑎᑯᓯᓂᑯᐱᓇ ᑭᔭ ᒪᒃ ᐊᔅᒄ ᒐ ᐊᓱᐛᐱᒪᒋᑦ ᑯᑎᒃ ᒐᒋ ᑎᑯᓯᐧᒃ ?”

ᓗᒃ 7:19 Iomraidhean Croise

ᒐᓂᓯᔅ 22:18

ᒋᑦ ᐊᐛᓯᒥᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐃᔪᒡ ᐊᓐᑕ ᐊᔅᒋᒡ, ᐊᐅᑯᐤ ᒋᑎᐸᐊᒪᑯᓯᐅᓐ ᐊᒋ ᑕᑈᔭᔨᒥᔨᓐ᙮”

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:7

ᒋ ᐎᓴᒪᐤ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ ᐊᑯ ᑲ ᒋᑎᓴᐛᑦ ᐊ ᓇᓂᓱᑕᔨᒋ᙮ ᒋ ᒥᔭᐤ ᑎᐸᔨᒋᒐᐅᓂᔪᐤ ᑭᔭ ᓱᐧᑲᑎᓯᐅᓂᔪᐤ ᒐᒋ ᑎᐸᔨᒪᔨᒋ ᒥᒋ ᐊᒐᒂ᙮

ᓗᒃ 10:1

ᐃᔅᐱ ᑲᒋ ᐃᔅᐱᔨᒡ ᐊᓐ ᑕᓐ ᑲ ᐃᔅᐱᔨᒡ ᐅᑎᐸᔨᒋᒐᐤ ᒋ ᐅᑎᓇᐤ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᑯᑎᑲ ᐊᐛᔪᐛ ᒐ ᐅᒋᔅᒋᓄᐊᒧᐛᑭᓐᑦ ᐊᑯ ᒂ ᓂᑲᓂᑎᓴᐛᑦ ᐊ ᓇᓂᓱᑕᔨᒋ᙮ ᒋ ᐃᑕᐤ ᒥᓯᐛ ᐅᑕᓇᒡ ᒐᒋ ᐃᑐᑕᔨᒋ ᒥᓯᐛ ᐊᓐᑕ ᒐ ᐃᑐᑕᒂ, ᑭᔭ ᒥᓯᐛ ᐊᓐᑕ ᐊ ᐊᑎ ᐃᑕᔨᒋ ᐊᐛᔪᐛ᙮

ᓗᒃ 11:1

ᐸᐃᒂᐤ ᐃᔅᐱ ᒋᓴᔅ ᑲᒋ ᐃᓯ ᐊᔭᒥᐊᑦ, ᐸᐃᒄ ᐊᓂᔭ ᐅᒋᔅᒋᓄᐊᒧᐛᑭᓇ ᒋ ᐃᑎᑯᐤ, “ᐅᑎᐸᔨᒋᒐᐤ, ᐸᒋ ᒋᔅᑯᑎᒧᐅᓇᓐ ᒪ ᑭᔭ ᓂᔭᓐ ᑕᓐ ᒐ ᐃᓯ ᐊᔭᒥᐊᔭᒡ ᒧᔭᒻ ᒠᓐ ᑲ ᐃᑐᑐᐛᑦ ᐅᒋᔅᒋᓄᐊᒧᐛᑭᓇ᙮”

ᓗᒃ 11:39

ᐊᑯ ᒋᓴᔅ ᒂ ᐃᑕᑦ, “ᒋᔨᐛᐤ ᐸᕆᓯᔨᒡ, ᓇᔅᒡ ᐃᔭᒂ ᐊ ᐃᑕᔨᑎᒥᐃᑯᔭᒄ ᒋᐎᔭᑭᓄᐛᐛ ᑭᔭ ᒋᒥᓂᒂᑭᓄᐛᐛ ᒐᒋ ᐸᔭᐧᑲᒋ᙮ ᒥᒄ ᒪᒃ ᐊᐅᑯᓐ ᒋᒋᐛ ᐊ ᐃᑕᔨᑕᑯᓯᔭᒄ ᓇᔅᒡ ᐊ ᒥᒐᑎᓯᔭᒄ ᑭᔭ ᓇᔅᒡ ᐊ ᒥᒋᑐᑎᒪᒄ᙮

ᓗᒃ 12:42

ᐅᑎᐸᔨᒋᒐᐤ ᒋ ᐃᔅᒋᔄᐤ, “ᐊᐱᒋᐊᑭᓐ ᑯᐃᔅᒄ ᑲ ᐃᑐᑕᐧᒃ ᐅᑦ ᐊᑐᔅᒐᐅᓐ ᑭᔭ ᑲ ᐃᑈᐧᑲᑦ ᐊᐅᒄ ᒐ ᐅᑎᓂᑯᑦ ᐅᒋᒪᒪ ᐎᔾ ᒐᒋ ᐅᒋᒪᐧᑲᑐᐛᑦ ᒥᓯᐛ ᐊᓂᔭ ᑯᑎᑲ ᐊᐱᒋᐊᑭᓇ ᑭᔭ ᒐᒋ ᓂᓇᑭᑐᐛᔨᑕᒺᑦ ᐊᓂᔭ ᒐᒋ ᐃᓯ ᐊᓯᒪᑭᓄᔨᒋ ᐃᔅᐱ ᐅᑎᒋᐱᔨᒐ ᒐ ᐊᓯᒪᑭᓄᔨᒋ᙮

ᓗᒃ 13:15

ᐅᑎᐸᔨᒋᒐᐤ ᒂ ᐎᑎᒧᐛᑦ ᐊᓂᔭ ᑲ ᓂᑲᓂᔅᑭᒥᔨᒡ ᐊᓂᔭ ᐊᔭᒥᐊᐅᒋᐛᐱᔪᐤ ᐊ ᐃᑕᑦ, “ᒋᔾ ᑲ ᐊᔭᒥᐊᐧᑲᓱᔨᓐ, ᐊᑎ ᐊ ᒍᐤ ᐊᔭᒥᐊᐅᒋᓯᑲᒡ ᓇᒪᐎᔾ ᐊ ᐃᔭᐱᒡ ᒋᑦ ᐊᐱᐧᑯᓇᐤ ᒋᑦ ᐊᐛᓯᓯᒻ ᒪᒃ ᒋᒥᔅᑐᓯᒻ ᒐᒋ ᐃᑐᑕᐃᑦ ᐊᓐᑕ ᒐ ᒥᓐᑦ ?

ᓗᒃ 17:5

ᒋᓴᔅ ᐅᑦ ᐊᑈᔅᑕᓂᒪ ᒋ ᐃᑎᑯᐤ, “ᐅᑎᐸᔨᒋᒐᐤ, ᑐᑕ ᒪ ᓂᑕᑈᑎᒧᐅᓇᓇ ᐊᑐᐎᔅ ᒐᒋ ᓱᒐᔨᑕᒂᒋ᙮”

ᓗᒃ 17:6

ᐊᑯ ᐅᑎᐸᔨᒋᒐᐤ ᒂ ᐃᑕᑦ, “ᐊᑎ ᓇᔅᒡ ᐊᐱᓴᓯᒐ ᒋᑕᑈᑎᒧᐅᓄᐛᐛ ᒧᔭᒻ ᓇᔅᒡ ᐊ ᐃᔅᐱᔅ ᐊᐱᓯᓯᑦ ᓂᑕᐅᒋᑕᑭᓐ ᒪᔅᑎᕐᑦ ᑲ ᐃᓯᓂᐧᑲᓱᑦ ᑲ ᐃᔅᐱᑎᑦ ᐃᔅᐱᓴᒐ, ᒥᔅᑎᒄ ᒋᑭ ᒋ ᐃᑕᐤ, ‘ᐱᐧᑯᒋᐱᑎᓂᑎᓱᐤ ᐊᓐᑕ ᑲ ᓂᑕᐅᒋᔨᓐ ᐊᑯ ᐊᓐᑕ ᒐ ᐃᓯ ᐛᐱᓂᓱᔨᓐ ᐎᓂᐸᑯᒡ,’ ᒋᑭ ᑕᑈᑕᒄ᙮”

ᓗᒃ 18:6

ᐊᑯ ᐅᑎᐸᔨᒋᒐᐤ ᐅᔭᔪᐤ ᒥᓐ ᒂ ᐃᔅᒋᔄᑦ, “ᑭᓄᐛᐸᑎᒥᒄ ᒪ᙮ ᒐᒃ ᒋ ᐎᒋᐊᐤ ᐊᓐ ᒥᒋ ᑎᐸᔅᑯᓂᒐᓱᐤ ᐊᓂᔭ ᑲ ᐸᐃᑯᓯᔨᒋ ᐃᔎᐛ, ᐛᔅ ᓇᒪ ᐅᒋ ᐳᓂᐃᑯᐤ ᐊ ᓂᑐᑎᒪᑯᑦ ᒐᒋ ᐎᒋᐊᑦ᙮

ᓗᒃ 19:8

ᓴᑭᔭᔅ ᒪᒃ ᒋ ᐱᓯᑯᐤ ᐊᑯ ᒂ ᐃᑕᑦ ᐅᑎᐸᔨᒋᒐᐛ, “ᓂᑐᑐᐎ ᒪ ᐅᑎᐸᔨᒋᒐᐤ᙮ ᐊᐱᑐᐤ ᓂᑭ ᒥᔭᐅᒡ ᐊᔅᐱᔅ ᑭᓄᐛᔨᑎᒪᓐ ᒐᒂᓐ ᐊᓐᒡ ᑲ ᒋᔅᑎᒪᑎᓯᒡ᙮ ᑲ ᒋᒧᑎᒧᐛᐅᒐ ᐊᐛᓐ ᐊᑐᐎᔅ ᓇᐛᐤ ᓂᑭ ᑕᐱᒥᔭᐤ᙮”

ᓗᒃ 22:61

ᐅᑎᐸᔨᒋᒐᐛ ᒪᒃ ᒋ ᒂᔅᒋᑲᐳᔪᐛ ᑯᐃᔅᒄ ᒂ ᑭᓄᐛᐱᒥᑯᑦ ᐱᑕᕐ᙮ ᐊᑯ ᒪᒃ ᐱᑕᕐ ᒂ ᐅᒋ ᒋᔅᒋᓯᑦ ᑕᓐ ᑲ ᐃᑎᑯᑦ ᐅᑎᐸᔨᒋᒐᐛ, “ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ ᐊᓄᒡ ᒐᓯᑲᒡ ᓂᔍᐤ ᒋᑭ ᐃᔅᒋᔄᓐ ᐊᑲ ᒋᔅᒐᔨᒥᓐ᙮”

ᓗᒃ 24:34

ᐊᑯ ᒂ ᐃᑎᑯᒡ, “ᑕᑈ ᐛᔅ ᐊᓐ ᒋ ᐅᓂᐤ ᐅᑎᐸᔨᒋᒐᐤ, ᐛᔅ ᒋ ᓄᑯᓯᔅᑕᑯᐤ ᓴᐃᒥᓇ᙮”

ᓗᒃ 7:13

ᐃᔅᐱ ᒪᒃ ᐅᑎᐸᔨᒋᒐᐤ ᐎᔭᐱᒪᑦ ᐊᓂᔭ ᐃᔎᐛ, ᓇᔅᒡ ᒋ ᒋᔅᑎᒪᒐᔨᒪᐤ ᐊᑯ ᒂ ᐃᑕᑦ, “ᐊᑲᐎᔾ ᒪᒄ᙮”

ᓗᒃ 7:20

ᐊᑯ ᒪᒃ ᐃᔅᐱ ᐛᑎᑕᒡ ᒋᓴᓴ ᒋ ᐃᑕᐅᒡ, “ᒠᓐ ᐅᓯᑲᐃᑕᒐᐤ ᓂ ᐸᒋ ᐃᑎᓴᐅᑯᓇᓐ ᒐᒋ ᑯᒂᒋᒥᑕᒡ, ᐊᐅᒄ ᐊ ᒋᔾ ᙭ ᐊᓐ ᒋᐸ ᐸᒋ ᐃᑎᓴᐛᑭᓄᐤ ᑭᔭ ᒪᒃ ᐊᔅᒄ ᒐ ᐊᓱᐛᐱᒪᒋᑦ ᑯᑎᒃ ᒐᒋ ᑎᑯᓯᐧᒃ ?”

ᒠᓐ 11:2

ᐊᐅᑯᐤ ᒪᕆ ᑲ ᑯᑎᐱᓂᒺᑦ ᑲ ᐎᒋᒪᑯᐅᓂᔨᒡ ᐅᑎᐸᔨᒋᒐᐛ ᐅᓯᑎᔨᒡ ᑭᔭ ᐅᐱᔎᐅᓇ ᑲ ᐊᐱᒋᑕᑦ ᐊ ᑲᓯᐊᒺᑦ ᐅᓯᑎᔪᐛ᙮ ᐊᐅᑯᐤ ᐃᔎᐤ ᐎᐧᑲᓂᓴ ᓚᓴᕋᓴ ᑲ ᐊᐧᑯᓯᔨᒋ᙮

ᒠᓐ 4:1

ᐸᕆᓯᔨᒡ ᒋ ᐸᑎᒧᒡ ᐊᑐᐎᔅ ᐊ ᒥᒐᑎᔨᒋ ᐊᐛᔪᐛ ᐊ ᓇᓴᐛᔨᒋ ᒋᓴᓴ ᐊᔪᐤ ᒪᒃ ᐊᑐᐎᔅ ᐎᔾ ᐊ ᒥᒐᑎᔨᒋ ᐊᐛᔪᐛ ᐊ ᓯᑲᐃᑐᐛᑦ ᐃᔅᐱᔅ ᒠᓇ᙮

ᒠᓐ 4:25

ᐊᑯ ᐊᓐ ᐃᔎᐤ ᒂ ᐃᑕᑦ ᐊᓂᔭᔪᐛ ᒋᓴᓴ, “ᓂ ᒋᔅᒐᔨᑕᓐ ᐊᓂᔭᔪᐛ ᒋᓴᒪᓂᑐᐤ ᒐ ᐸᒋ ᐃᑎᓴᐛᑦ ᑎᑯᓯᓂᔨᒐ᙮ ᙭ ᐃᓯᓂᐧᑲᓱᔪᐛ᙮ ᑎᑯᓯᓂᔨᒐ ᒪᒃ ᒥᓯᐛ ᒐᒂᔪᐤ ᒋᑭ ᐎᑎᒪᑭᓄᐤ᙮”

ᒠᓐ 6:23

ᑯᑎᑲ ᒪᒃ ᐅᐤᑕ ᒋ ᐸᒋ ᓇᑎᑭᒪᐱᔪᐛ ᐊᓐᑕ ᑕᐃᐱᕆᔭᔅ ᐊ ᐅᒋᐱᔨᒋ᙮

ᒋᔅᒐᔨᑕᑯᑕᒐᐅᓐ 11:3

ᒪᒂᒡ ᒪᒃ ᐊᓂᔭᔪᐛ ᐊ ᒋᓯᑲᒋ, ᓂᑭ ᐃᑎᓴᐛᐅᒡ ᓂᓱ ᐊᐛᓐᒋ ᒐ ᐅᑦ ᐊᐱᒋᐊᑭᓂᔭᓐ ᒐᒋ ᒋᔅᒋᐛᐃᒐᒡ᙮ ᑲᐛᑭᓐ ᐱᒍᐎᔭᓂᓯᔪᐤ ᐊ ᒋᔅᑲᒡ᙮ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐛ ᒋᓯᑲᐛ ᐊᐅᑯᓐ ᒐ ᐃᔅᐱᔅ ᐛᐎᑕᒡ ᑕᓐ ᒐ ᐃᔅᐱᔅ ᒥᔨᒂᐤ ᒐᒋ ᐃᓯ ᐊᔨᒧᑕᒡ᙮ ᐊᐅᑯᓐ ᐊ ᑕᑎᒋ ᐊ ᒋᓯᑲᔨᒋ ᓇᐎᔪᐤ ᐊᓱ ᓂᓱ ᐱᓯᒺ᙮