ᓗᒃ 7:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᒥᓯᐛ ᒪᒃ ᐊᓐᑕ ᑲ ᑎᓯᒡ ᐊᐛᓐᒋ ᒋ ᓴᒋᓱᐅᒡ ᐊᑯ ᒂ ᒋᔅᑕᒋᒪᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᔅᒋ ᐅᑎᑎᑯᓄᐤ ᐊ ᒋᔅᑕᔨᑕᑯᓯᑦ ᐅᒋᔅᒋᐛᐃᒐᓱᐤ᙮ ᑭᔭ ᒋ ᐃᔅᒋᔄᐅᒡ, ᒋᓴᒪᓂᑐᐤ ᐸᒋ ᐎᒋᐊᐤ ᐅᑦ ᐃᔨᒪ᙮”

ᓗᒃ 7:16 Iomraidhean Croise

ᑎᐱᑦ ᐅᓂᑭᒧᐅᓇ 65:9

ᒋ ᒧᐅᐱᔅᑕᓐ ᐊᔅᒋᔾ, ᑭᔭ ᒋ ᓂᐱᐎᑕᓐ: ᓇᔅᒡ ᒋ ᐛᔪᒋᑕᓐ ᐅᓯᐱᒪ ᒋᓴᒪᓂᑐᐤ ᐅᒡ, ᑲ ᓴᑭᔅᒋᓇᐸᔭᔨᒡ: ᒋᑦ ᐊᔭᔅᑲᐎᑕᒪᐛᐅᒡ ᒪᑕᒥᓇ, ᐃᔅᐱ ᐊᒋ ᐱᔅᑎᓂᒥᓐ᙮

ᐊᒃᓱᑕᔅ 4:31

ᐊᑯ ᓄᑎᒻ ᒂ ᑕᑈᑕᒡ᙮ ᐊᑯ ᒐᔅᒐᔨᑕᒡ ᐊᓂᔭ ᑎᐸᔨᒋᒐᓱᐛ ᑲ ᐛᐸᑎᒥᔨᒋ ᑕᓐ ᑲ ᐃᓯ ᓇᐧᑲᒋᐅᒡ, ᒂ ᓄᐛᑲᐳᔅᑐᐛᒡ ᑭᔭ ᒂ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᒪᑎᔪᐤ 15:31

ᒋ ᒥᔅᑲᑕᔨᑎᒧᒡ ᒪᒃ ᐊᓐᒡ ᐃᔪᒡ ᐊ ᐛᐱᒪᒡ ᐊᓂᔭ ᐊᑲ ᓂᑕᐛᔨᒋ ᐊ ᐃᔨᒥᔨᒋ ᑭᔭ ᐊᓂᔭ ᑲ ᒪᔅᒋᓯᔨᒋ ᐊ ᒥᔪᓇᑯᓯᔨᒋ, ᑭᔭ ᐊᓂᔭ ᐊᑲ ᓂᑕᐅᑕᔨᒋ ᐊ ᐱᒧᑕᔨᒋ, ᑭᔭ ᐊᓂᔭ ᐊᑲ ᐛᐸᑎᒥᔨᒋ ᐊ ᐛᐸᑎᒥᔨᒋ᙮ ᐊᑯ ᒪᒃ ᑲ ᒪᒥᒋᒪᒡ ᒋᓴᒪᓂᑐᐛ ᐊᓂᔭ ᒍᐤ ᐃᔪᐛ ᒂ ᒪᒥᒋᒪᔨᒋ᙮

ᒪᑎᔪᐤ 21:11

ᐊᑯ ᒂ ᐃᑎᑯᒡ ᐊᓂᔭ ᐃᔪᐛ ᑲ ᐎᒐᐛᔨᒋ ᒋᓴᓴ, “ᒋᓴᔅ ᐊᓐ᙮ ᐊᐅᑯᓐ ᐅ ᐅᒋᔅᒋᐛᐃᒐᓱᐤ ᐊᓐᑕ ᓇᓴᕆᑎᒡ, ᑲᓕᓕ ᐊᔅᒋᒡ, ᑲ ᐅᒋᑦ᙮”

ᒪᑎᔪᐤ 28:8

ᐊᓐᒡ ᒪᒃ ᐃᔎᐅᒡ ᒋ ᐎᐎᐸᔨᑐᐅᒡ ᐊᓐᑕ ᒋᐱᐃᒋᐛᐱᒡ ᐅᒋ ᐊ ᓴᒋᓯᒡ ᑭᔭ ᐊ ᒧᒋᒐᔨᑕᒡ, ᒂ ᐎᑎᒧᐛᒡ ᐊᓂᔭ ᒋᔅᒋᓄᐊᒧᐛᑭᓇ᙮

ᒪᑎᔪᐤ 9:8

ᐃᔅᐱ ᒪᒃ ᐊᓐᒡ ᐃᔪᒡ ᐊᓐᑕ ᑲ ᑕᒡ ᒋ ᒥᔅᑲᑕᔭᔨᑎᒧᒡ ᐎᔭᐸᑕᒡ ᑕᓐ ᑲ ᐃᔅᐱᔨᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᒋ ᒥᔭᔨᒋ ᐃᔪᐛ ᐅᔭ ᐃᓯ ᑭᔅᒋᐅᓂᔪᐤ᙮

ᓗᒃ 1:65

ᐊᑯ ᐊᓐᒡ ᒥᒋᒪ ᐊᓐᑕ ᑲ ᑕᒡ ᑭᔭ ᐊᓐᒡ ᐃᔪᒡ ᐛᔅᑲ ᐊᓐᑕ ᒍᑎᔭ ᑲ ᑕᒡ ᓇᔅᒡ ᑕᑈ ᒋ ᓴᒋᓱᐅᒡ ᐃᔅᐱ ᑲ ᐸᑕᒡ ᑕᓐ ᑲ ᐃᔅᐱᔨᒂ᙮

ᓗᒃ 1:68

“ᒋᑭ ᒥᔽᒋᒪᑭᓄᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒪ, ᐛᔅ ᒋ ᐸᒋ ᓂᑐᐛᐱᒪᐤ ᐅᑦ ᐃᔨᒪ ᑭᔭ ᒋ ᐃᑐᑎᒻ ᒐᒋ ᐱᐧᑯᐅᔨᒋ᙮

ᓗᒃ 19:44

ᒥᓯᐛ ᐊᐛᓐ ᐊᓐᑕ ᒋᐅᑕᓇᒧᐛᒡ ᒋᑭ ᓂᓱᐅᓇᒋᐊᑭᓄᐤ ᑭᔭ ᐊᓐ ᒋᐅᑕᓇᒧᐛᐤ ᒋᑭ ᓂᓱᐅᓇᒋᑕᑭᓄᐤ᙮ ᓇᒪ ᐛᒋ ᐸᐃᒄ ᐊᓯᓂᔾ ᒧᔭᒻ ᒋᑭ ᐅᒋ ᐃᑎᒧᐤ ᐊᓐᑕ ᒋᒋᐛᐛᒡ᙮ ᐛᔅ ᓇᒪ ᒋ ᐅᒋ ᒧᓯᑕᓇᐛᐤ ᐊᓐᑕ ᑲ ᐅᑎᒋᔨᐱᒂ ᒋᓴᒪᓂᑐᐤ ᑲ ᐎ ᐱᒪᒋᐃᑕᒄ᙮”

ᓗᒃ 2:20

ᐊᑯ ᒪᒃ ᐊᓐᒡ ᒪᔭᑕᓂᓯᐅ-ᐃᔪᒡ ᒋ ᒋᐛᐅᒡ ᐊ ᒋᔅᑕᒋᒪᒡ ᑭᔭ ᐊ ᒪᒥᒋᒪᒡ ᒋᓴᒪᓂᑐᐛ᙮ ᒋ ᒪᒥᒋᒪᐅᒡ ᐊᓂᔭ ᑕᓐ ᑲ ᐃᓯ ᐸᑕᒡ ᑭᔭ ᑕᓐ ᑲ ᐃᓯ ᐛᐸᑕᒡ ᐛᔅ ᐊᐅᑯᓐ ᒧᔭᒻ ᑲ ᐃᔅᐱᔨᒡ ᐊᓂᔭ ᐅᒋ ᑕᓐ ᑲ ᐃᓯ ᐎᑎᒪᑯᒡ ᐊᓂᔭ ᐊᓐᒋᓇ᙮

ᓗᒃ 24:19

ᐊᑯ ᑲ ᑯᒂᒋᒥᑯᒡ, “ᒐᒂᔪᐛ ᒪᒃ ᐊᓂᔭ ᑲ ᐃᔅᐱᔨᒋ ?” ᐊᑯ ᒂ ᑎᐸᒋᒧᔅᑐᐛᒡ, “ᒥᓯᐛ ᑕᓐ ᑲ ᐃᑐᑐᐛᑭᓄᔨᒋ ᒋᓴᓴ, ᓇᓴᕆᑎᒡ ᑲ ᐅᒋᔨᒋ,” ᐊ ᐃᑕᒡ᙮ “ᐅ ᒋᓴᔅ ᒋ ᐅᒋᔅᒋᐛᐃᒐᓱᐤ᙮ ᒋᓴᒪᓂᑐᐛ ᑭᔭ ᐊᓂᔭ ᐃᔪᐛ ᒋ ᐃᑕᔨᑎᒥᔪᐛ ᒥᓯᐛ ᐊᓂᔭ ᒐᒂᔪᐛ ᑲ ᐃᑐᑕᐧᒃ ᑭᔭ ᐊᓂᔭ ᑲ ᐃᓯ ᐎᑕᐧᒃ ᓇᔅᒡ ᐊᒋ ᓱᒐᔨᑕᑯᓂᔨᒋ᙮

ᓗᒃ 5:26

ᒥᓯᐛ ᒪᒃ ᐊᓐᒡ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ ᒋ ᒥᔅᑲᑕᔨᑎᒥᐃᑯᐅᒡ ᑭᔭ ᒋ ᓴᒋᓱᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᑕᑈ ᒪᒥᔅᑲᒡ ᒋ ᐊᑎ ᐃᓯ ᐛᐸᑕᓇᓄᐤ ᒐᒂᓐ ᐊᓄᒡ ᐊ ᐃᔅᐱᔨᒡ᙮”

ᓗᒃ 5:8

ᐃᔅᐱ ᒪᒃ ᓴᐃᒥᓐ ᐱᑕᕐ ᐎᔭᐸᑕᐧᒃ ᐊ ᐃᔅᐱᔨᒡ ᒋ ᐅᒋᒋᐧᑯᓂᐱᔪᐤ ᐅᑎᔅᑯᐤ ᒋᓴᓴ ᐊ ᑕᔨᒋ, ᐊ ᐃᔅᒋᔄᑦ, “ᓇᑭᓯ, ᐅᑎᐸᔨᒋᒐᐤ, ᐛᔅ ᓂ ᒥᒐᑎᓯᓐ᙮”

ᓗᒃ 7:15

ᐊᑯ ᐊᓐ ᑲ ᓂᐱᑦ ᓇᐸᐤ ᒂ ᐅᒋ ᐊᓯᒥᑎᐱᑦ, ᒂ ᐅᒋ ᐃᔨᒥᑦ ᐊᑯ ᒋᓴᔅ ᑲᐤ ᒂ ᒥᔭᑦ ᐊᓂᔭ ᐃᔎᐛ ᐊᓂᔭ ᐅᑯᓯᔪᐛ᙮

ᓗᒃ 7:39

ᐊᓐ ᒪᒃ ᐸᕆᓯ ᑲ ᐎᓴᒪᑦ ᒋᓴᓴ, ᐃᔅᐱ ᐎᔭᐱᒪᑦ ᐊᓂᔭ ᐃᔎᐛ ᐊᓂᔭ ᐊ ᐃᑎᔨᒋ ᒋ ᐃᑕᔨᒪᐤ, “ᒋᐸ ᒋᔅᒐᔨᒪᐤ ᐅᔭ ᐃᔎᐛ ᐊᔅᐱᔅ ᒥᒐᑎᓯᔨᒋ ᑲ ᑕᒋᓂᑯᑦ ᑕᑈ ᐊ ᐅᒋᔅᒋᐛᐃᒐᓱᐅᒂ᙮”

ᓗᒃ 8:37

ᐊᓐᒡ ᒪᒃ ᐃᔪᒡ ᐊᓐᑕ ᑲᕋᓯᓐ ᐊᔅᒋᒡ ᑲ ᐅᒋᒡ ᒋ ᓴᒋᓱᐅᒡ ᐅᔭᔪᐤ ᐅᒋ ᑲ ᐃᔅᐱᔨᒡ ᐊᑯ ᒂ ᑯᒂᒋᒪᒡ ᒋᓴᓴ ᒐᒋ ᓂᑭᑎᑯᒡ᙮ ᐊᑯ ᒋᓴᔅ ᒂ ᐳᓯᑦ ᐅᑦ ᐅᐤᑐᐛᐤ ᐊᑯ ᒂ ᐊᑎ ᒋᐛᐅᑦ᙮

ᓗᒃ 9:19

ᒂ ᐃᑎᑯᑦ, “ᑯᑎᑭᒡ ᐊᐛᓐᒋ ᒠᓐ ᐅᓯᑲᐃᑕᒐᐤ ᒋᑦ ᐃᑕᔨᒥᑯᒡ, ᐊᑯ ᑯᑎᑭᒡ ᐊᓂᔭᐧᑲ ᐸᐃᒄ ᐅᒋᔅᒋᐛᐃᒐᓱᐤ ᐃᓚᐃᒐ ᑲ ᐃᓯᓂᐧᑲᓱᑦ ᒋᑦ ᐃᑕᔨᒥᑯᒡ, ᐊᑯ ᒥᓐ ᑯᑎᑭᒡ ᐊ ᐃᔅᒋᔄᒡ ᐛᔅᑭᒡ ᐅᒋᔅᒋᐛᐃᒐᓱᐤ ᒥᓐ ᑲᐤ ᐊ ᐱᒪᑎᓯᑦ ᐊ ᐃᑕᔨᒥᔅᒡ᙮”

ᒠᓐ 1:21

ᐊᑯ ᑲ ᑯᒂᒋᒥᑯᑦ ᐊ ᐃᑎᑯᑦ, “ᐊᐛᓐ ᒪᒃ ᒋᔾ᙮ ᐃᓚᐃᒐ ᐊ ?” “ᓇᒪ᙮ ᓇᒪᔭᐤ ᓂᔾ ᐃᓚᐃᒐ,” ᒋ ᐃᑕᐤ ᒠᓐ᙮ “ᐊᐅᒄ ᐊ ᒋᔾ ᐊᓐ ᐅᒋᔅᒋᐛᐃᒐᓱᐤ ᓂᐸ ᐸᒋ ᐃᑎᓴᐊᒪᑯᐅᓇᓐ ?” ᒋ ᐃᑎᑯᐤ᙮ “ᓇᒪ,” ᒋ ᐃᑕᐤ ᒠᓐ᙮

ᒠᓐ 1:25

“ᒐᒂᓐ ᒪᒃ ᐛᒋ ᓯᑲᐃᑕᒐᔨᓐ ᐊᑲ ᐊ ᐊᐎᓇ ᙭ ᑭᔭ ᒪᒃ ᐃᓚᐃᒐ ᑭᔭ ᒪᒃ ᐊᓐ ᐅᒋᔅᒋᐛᐃᒐᓱᐤ ?”

ᒠᓐ 4:19

ᐊᑯ ᐊᓐ ᐃᔎᐤ ᒂ ᐃᑕᑦ, “ᒧᔭᒻ ᒋᔾ ᐅᒋᔅᒋᐛᐃᒐᓱᐤ ᐊᐅᑯᓐ ᐊ ᐃᑕᔨᒥᑕᓐ᙮

ᒠᓐ 6:14

ᐊᓐᒡ ᒪᒃ ᐃᔪᒡ ᐊᓐᑕ ᑲ ᑕᒡ, ᐊᓐᒡ ᑲ ᐛᐱᒪᒡ ᒋᓴᓴ ᐊᓂᔭ ᒪᒥᔅᑲᒡ ᐃᑐᐅᓂᔪᐤ ᐊ ᐃᑐᑎᒥᔨᒋ ᒋ ᐃᑕᐅᒡ, “ᒐᔅᑎᓇᔅ ᐊᐅᒄ ᐅ ᐅᒋᔅᒋᐛᐃᒐᓱᐤ ᐊᓐ ᑲ ᐊᓱᐛᐱᒪᐧᒄ ᒐᒋ ᐸᒋ ᐃᑎᓴᐛᑭᓄᐅᑦ ᐅᑕ ᐊᔅᒋᒡ᙮”

ᒠᓐ 9:17

ᐊᑯ ᐊᓐᒡ ᐸᕆᓯᔨᒡ ᒥᓐ ᒂ ᑯᒂᒋᒪᒡ ᐊᓂᔭᔪᐛ ᓇᐸᐛ ᑲ ᒥᓏᒋᐊᑭᓄᔨᒋ ᐊ ᐃᑕᒡ, “ᑕᓐ ᐊ ᐃᑕᔨᒥᑦ ᒪᒃ ᒋᔾ ᐊᓐ ᓇᐸᐤ ᑲ ᒥᓏᒋᐃᔅᒃ ?” ᐊᑯ ᐊᓐ ᓇᐸᐤ ᒂ ᐎᑎᒧᐛᑦ ᐊ ᐃᑕᑦ, “ᐅᒋᔅᒋᐛᐃᒐᓱᐤ ᓂᑦ ᐃᑕᔨᒪᐤ᙮”

ᐊᑈᔅᑕᓇᒡ 5:5

ᐃᔅᐱ ᒪᒃ ᐱᔭᑕᐧᒃ ᐊᓇᓇᔭᔅ ᐅᔭ ᐊ ᐃᑕᑭᓄᐅᑦ ᒋ ᐊᑎ ᐸᒋᓯᓄᐤ ᒂ ᐊᑎ ᐳᓂᐱᒪᑎᓯᑦ᙮ ᒥᓯᐛ ᒪᒃ ᐊᓐᒡ ᑲ ᐸᑕᐧᑲᐤ ᒋ ᓴᒋᓱᐅᒡ᙮

ᐊᑈᔅᑕᓇᒡ 7:37

“ᐊᐅᑯᐤ ᐅ ᒧᓱᔅ ᑲ ᐃᑕᒂ ᐊᓂᔭ ᐃᔪᐛ ᐊᓐᑕ ᐃᔅᕋᐃᓪ ᑲ ᐅᒋᔨᒋ, ᒋᓴᒪᓂᑐᐤ ᒋᑭ ᐃᑎᓴᐊᒪᑯᐛᐤ ᐊᐛᔪᐛ ᒐ ᐅᒋᔅᒋᐛᐃᒐᓱᔨᒋ ᒧᔭᒻ ᓂᔾ ᑲ ᐃᓯ ᐸᒋ ᐃᑎᓴᐅᑦ, ᐅᑕ ᒪᒃ ᐊ ᐅᒋᔭᒄ ᒋᑭ ᐅᒋᔪᐛ᙮

ᑲᓚᓯᔭᓇ 1:24

ᐊᑯ ᒪᒃ ᑲ ᓂᓇᔅᑯᒪᒡ ᒋᓴᒪᓂᑐᐛ ᑕᓐ ᑲ ᐃᑐᑎᒧᔨᒋ ᓂᐱᒪᑎᓯᐅᓂᒡ᙮