ᓗᒃ 7:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐃᔅᐱ ᒪᒃ ᐅᑎᐸᔨᒋᒐᐤ ᐎᔭᐱᒪᑦ ᐊᓂᔭ ᐃᔎᐛ, ᓇᔅᒡ ᒋ ᒋᔅᑎᒪᒐᔨᒪᐤ ᐊᑯ ᒂ ᐃᑕᑦ, “ᐊᑲᐎᔾ ᒪᒄ᙮”

ᓗᒃ 7:13 Iomraidhean Croise

ᑎᐱᑦ ᐅᓂᑭᒧᐅᓇ 103:13

ᒧᔭᒻ ᐅᑕᐎᒪᐤ ᑲ ᐃᓯ ᒋᔅᑎᒪᒐᔨᒪᑦ ᐅᑦ ᐊᐛᓯᒥᓴ; ᐊᑯ ᒺᒡ ᑎᐸᔨᒋᒐᓱᐤ ᐊᓯ ᒋᔅᑎᒪᒐᔨᒪᑦ ᐊᓂᔭ ᑲ ᓇᓂᒋᔅᑕᑯᑦ᙮

ᑎᐱᑦ ᐅᓂᑭᒧᐅᓇ 86:15

ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋ ᒋᓴᒪᓂᑐᐅᓐ ᑲ ᓴᑭᔅᒋᓇᔅᑲᑯᔨᓐ ᒋᔅᑎᒪᒐᔨᒋᒐᐅᓐ, ᑭᔭ ᑲ ᒋᓴᐛᑎᓯᔨᓐ; ᐊ ᓯᐱᔨᐛᓯᔨᓐ, ᑭᔭ ᐊ ᐛᔪᑎᓯᔨᓐ ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ᙮

ᑎᐱᑦ ᐅᓂᑭᒧᐅᓇ 86:5

ᐛᔅ ᒋᔾ, ᑎᐸᔨᒋᒐᓱᐤ, ᒋ ᒥᔽᑎᓯᓐ, ᑭᔭ ᒋ ᐎ ᐛᐸᔨᑎᒪᒐᓐ; ᑭᔭ ᒋ ᐛᔪᒡ ᒋᔅᑎᒪᒐᔨᒪᐅᒡ ᒥᓯᐛ ᑲ ᓇᓂᑐᒥᔅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:2

“ᓂ ᒋᔅᑎᒪᒐᔨᒪᐅᒡ ᐅᒡ ᐃᔪᒡ᙮ ᓴᔅ ᓂᔅᑐ ᒋᓯᑲᐛ ᑲ ᐃᔅᐱᔅ ᑕᒡ ᐅᑕ ᐊ ᑕᐅᒡ ᓇᒪ ᒪᒃ ᓴᔅ ᑎᑯᓂᔪᐤ ᒐᒂᔪᐤ ᒐ ᒥᒋᒡ᙮

ᓗᒃ 10:1

ᐃᔅᐱ ᑲᒋ ᐃᔅᐱᔨᒡ ᐊᓐ ᑕᓐ ᑲ ᐃᔅᐱᔨᒡ ᐅᑎᐸᔨᒋᒐᐤ ᒋ ᐅᑎᓇᐤ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᑯᑎᑲ ᐊᐛᔪᐛ ᒐ ᐅᒋᔅᒋᓄᐊᒧᐛᑭᓐᑦ ᐊᑯ ᒂ ᓂᑲᓂᑎᓴᐛᑦ ᐊ ᓇᓂᓱᑕᔨᒋ᙮ ᒋ ᐃᑕᐤ ᒥᓯᐛ ᐅᑕᓇᒡ ᒐᒋ ᐃᑐᑕᔨᒋ ᒥᓯᐛ ᐊᓐᑕ ᒐ ᐃᑐᑕᒂ, ᑭᔭ ᒥᓯᐛ ᐊᓐᑕ ᐊ ᐊᑎ ᐃᑕᔨᒋ ᐊᐛᔪᐛ᙮

ᓗᒃ 11:1

ᐸᐃᒂᐤ ᐃᔅᐱ ᒋᓴᔅ ᑲᒋ ᐃᓯ ᐊᔭᒥᐊᑦ, ᐸᐃᒄ ᐊᓂᔭ ᐅᒋᔅᒋᓄᐊᒧᐛᑭᓇ ᒋ ᐃᑎᑯᐤ, “ᐅᑎᐸᔨᒋᒐᐤ, ᐸᒋ ᒋᔅᑯᑎᒧᐅᓇᓐ ᒪ ᑭᔭ ᓂᔭᓐ ᑕᓐ ᒐ ᐃᓯ ᐊᔭᒥᐊᔭᒡ ᒧᔭᒻ ᒠᓐ ᑲ ᐃᑐᑐᐛᑦ ᐅᒋᔅᒋᓄᐊᒧᐛᑭᓇ᙮”

ᓗᒃ 11:39

ᐊᑯ ᒋᓴᔅ ᒂ ᐃᑕᑦ, “ᒋᔨᐛᐤ ᐸᕆᓯᔨᒡ, ᓇᔅᒡ ᐃᔭᒂ ᐊ ᐃᑕᔨᑎᒥᐃᑯᔭᒄ ᒋᐎᔭᑭᓄᐛᐛ ᑭᔭ ᒋᒥᓂᒂᑭᓄᐛᐛ ᒐᒋ ᐸᔭᐧᑲᒋ᙮ ᒥᒄ ᒪᒃ ᐊᐅᑯᓐ ᒋᒋᐛ ᐊ ᐃᑕᔨᑕᑯᓯᔭᒄ ᓇᔅᒡ ᐊ ᒥᒐᑎᓯᔭᒄ ᑭᔭ ᓇᔅᒡ ᐊ ᒥᒋᑐᑎᒪᒄ᙮

ᓗᒃ 12:42

ᐅᑎᐸᔨᒋᒐᐤ ᒋ ᐃᔅᒋᔄᐤ, “ᐊᐱᒋᐊᑭᓐ ᑯᐃᔅᒄ ᑲ ᐃᑐᑕᐧᒃ ᐅᑦ ᐊᑐᔅᒐᐅᓐ ᑭᔭ ᑲ ᐃᑈᐧᑲᑦ ᐊᐅᒄ ᒐ ᐅᑎᓂᑯᑦ ᐅᒋᒪᒪ ᐎᔾ ᒐᒋ ᐅᒋᒪᐧᑲᑐᐛᑦ ᒥᓯᐛ ᐊᓂᔭ ᑯᑎᑲ ᐊᐱᒋᐊᑭᓇ ᑭᔭ ᒐᒋ ᓂᓇᑭᑐᐛᔨᑕᒺᑦ ᐊᓂᔭ ᒐᒋ ᐃᓯ ᐊᓯᒪᑭᓄᔨᒋ ᐃᔅᐱ ᐅᑎᒋᐱᔨᒐ ᒐ ᐊᓯᒪᑭᓄᔨᒋ᙮

ᓗᒃ 13:15

ᐅᑎᐸᔨᒋᒐᐤ ᒂ ᐎᑎᒧᐛᑦ ᐊᓂᔭ ᑲ ᓂᑲᓂᔅᑭᒥᔨᒡ ᐊᓂᔭ ᐊᔭᒥᐊᐅᒋᐛᐱᔪᐤ ᐊ ᐃᑕᑦ, “ᒋᔾ ᑲ ᐊᔭᒥᐊᐧᑲᓱᔨᓐ, ᐊᑎ ᐊ ᒍᐤ ᐊᔭᒥᐊᐅᒋᓯᑲᒡ ᓇᒪᐎᔾ ᐊ ᐃᔭᐱᒡ ᒋᑦ ᐊᐱᐧᑯᓇᐤ ᒋᑦ ᐊᐛᓯᓯᒻ ᒪᒃ ᒋᒥᔅᑐᓯᒻ ᒐᒋ ᐃᑐᑕᐃᑦ ᐊᓐᑕ ᒐ ᒥᓐᑦ ?

ᓗᒃ 17:5

ᒋᓴᔅ ᐅᑦ ᐊᑈᔅᑕᓂᒪ ᒋ ᐃᑎᑯᐤ, “ᐅᑎᐸᔨᒋᒐᐤ, ᑐᑕ ᒪ ᓂᑕᑈᑎᒧᐅᓇᓇ ᐊᑐᐎᔅ ᒐᒋ ᓱᒐᔨᑕᒂᒋ᙮”

ᓗᒃ 17:6

ᐊᑯ ᐅᑎᐸᔨᒋᒐᐤ ᒂ ᐃᑕᑦ, “ᐊᑎ ᓇᔅᒡ ᐊᐱᓴᓯᒐ ᒋᑕᑈᑎᒧᐅᓄᐛᐛ ᒧᔭᒻ ᓇᔅᒡ ᐊ ᐃᔅᐱᔅ ᐊᐱᓯᓯᑦ ᓂᑕᐅᒋᑕᑭᓐ ᒪᔅᑎᕐᑦ ᑲ ᐃᓯᓂᐧᑲᓱᑦ ᑲ ᐃᔅᐱᑎᑦ ᐃᔅᐱᓴᒐ, ᒥᔅᑎᒄ ᒋᑭ ᒋ ᐃᑕᐤ, ‘ᐱᐧᑯᒋᐱᑎᓂᑎᓱᐤ ᐊᓐᑕ ᑲ ᓂᑕᐅᒋᔨᓐ ᐊᑯ ᐊᓐᑕ ᒐ ᐃᓯ ᐛᐱᓂᓱᔨᓐ ᐎᓂᐸᑯᒡ,’ ᒋᑭ ᑕᑈᑕᒄ᙮”

ᓗᒃ 18:6

ᐊᑯ ᐅᑎᐸᔨᒋᒐᐤ ᐅᔭᔪᐤ ᒥᓐ ᒂ ᐃᔅᒋᔄᑦ, “ᑭᓄᐛᐸᑎᒥᒄ ᒪ᙮ ᒐᒃ ᒋ ᐎᒋᐊᐤ ᐊᓐ ᒥᒋ ᑎᐸᔅᑯᓂᒐᓱᐤ ᐊᓂᔭ ᑲ ᐸᐃᑯᓯᔨᒋ ᐃᔎᐛ, ᐛᔅ ᓇᒪ ᐅᒋ ᐳᓂᐃᑯᐤ ᐊ ᓂᑐᑎᒪᑯᑦ ᒐᒋ ᐎᒋᐊᑦ᙮

ᓗᒃ 19:8

ᓴᑭᔭᔅ ᒪᒃ ᒋ ᐱᓯᑯᐤ ᐊᑯ ᒂ ᐃᑕᑦ ᐅᑎᐸᔨᒋᒐᐛ, “ᓂᑐᑐᐎ ᒪ ᐅᑎᐸᔨᒋᒐᐤ᙮ ᐊᐱᑐᐤ ᓂᑭ ᒥᔭᐅᒡ ᐊᔅᐱᔅ ᑭᓄᐛᔨᑎᒪᓐ ᒐᒂᓐ ᐊᓐᒡ ᑲ ᒋᔅᑎᒪᑎᓯᒡ᙮ ᑲ ᒋᒧᑎᒧᐛᐅᒐ ᐊᐛᓐ ᐊᑐᐎᔅ ᓇᐛᐤ ᓂᑭ ᑕᐱᒥᔭᐤ᙮”

ᓗᒃ 22:61

ᐅᑎᐸᔨᒋᒐᐛ ᒪᒃ ᒋ ᒂᔅᒋᑲᐳᔪᐛ ᑯᐃᔅᒄ ᒂ ᑭᓄᐛᐱᒥᑯᑦ ᐱᑕᕐ᙮ ᐊᑯ ᒪᒃ ᐱᑕᕐ ᒂ ᐅᒋ ᒋᔅᒋᓯᑦ ᑕᓐ ᑲ ᐃᑎᑯᑦ ᐅᑎᐸᔨᒋᒐᐛ, “ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ ᐊᓄᒡ ᒐᓯᑲᒡ ᓂᔍᐤ ᒋᑭ ᐃᔅᒋᔄᓐ ᐊᑲ ᒋᔅᒐᔨᒥᓐ᙮”

ᓗᒃ 24:3

ᒂ ᐱᒐᒡ ᐊᓐᑕ ᓇᒪ ᒪᒃ ᐅᒋ ᒥᔅᑯᒧᐛᐅᒡ ᐅᑎᐸᔨᒋᒐᐛ ᒋᓴᓴ ᐎᔭᔪᐤ᙮

ᓗᒃ 24:34

ᐊᑯ ᒂ ᐃᑎᑯᒡ, “ᑕᑈ ᐛᔅ ᐊᓐ ᒋ ᐅᓂᐤ ᐅᑎᐸᔨᒋᒐᐤ, ᐛᔅ ᒋ ᓄᑯᓯᔅᑕᑯᐤ ᓴᐃᒥᓇ᙮”

ᓗᒃ 7:12

ᐃᔅᐱ ᑲ ᐅᑎᑕᒡ ᐊᓐᑕ ᐊ ᐅᒋ ᐱᒐᓄᐎᒡ ᐊᓂᔭ ᐅᑕᓇᔪᐤ ᒋ ᓂᒋᔅᑯᐛᐅᒡ ᐃᔪᐛ ᐊ ᐅᒋ ᐱᒧᑕᐊᔨᒋ ᐊᒋ ᐳᓂᐱᒪᑎᓯᔨᒋ ᓇᐸᐛ, ᒐ ᓇᐅᔅᑕᒡ᙮ ᐅᑲᐎᔭ ᒪᒃ ᐊᓂᔭ ᓇᐸᐤ ᒋ ᐸᐃᑯᓯᔪᐛ᙮ ᐊᐅᒄ ᒪᒃ ᐊᓂᔭ ᒥᒄ ᑲ ᐸᐃᑯᓯᑯᐱᓇᓂ ᐅᑯᓴ ᐊᓐ ᐃᔎᐤ᙮ ᒋ ᒥᒐᑎᔪᐛ ᒪᒃ ᐊᐛᔪᐛ ᐊᒋ ᐎᒐᐅᑯᑦ ᐊ ᐱᒥᓯᒪᑭᓄᔨᒋ ᐊᓂᔭ ᐅᑯᓴ᙮

ᓗᒃ 7:14

ᒋ ᓇᑎᒻ ᐊᓂᔭ ᑕᑎᓂᑭᓂᔪᐤ ᒂ ᑕᒋᓇᐧᒃ ᑭᔭ ᐊᓐᒡ ᑲ ᑕᐧᑯᓇᒡ ᐊᓂᔭ ᒋ ᒋᐱᒋᑲᐳᐅᒡ᙮ ᐊᑯ ᒋᓴᔅ ᒂ ᐃᔅᒋᔄᑦ, “ᐅᓂᔾ ᐅᔅᒋᓂᒋᓱᐤ᙮”

ᓗᒃ 7:19

ᒂ ᐃᑎᓴᐛᑦ ᐅᔭ ᒐᒋ ᐃᓯ ᑯᒂᒋᒪᔨᒋ ᐅᑎᐸᔨᒋᒐᐛ, “ᐊᐅᒄ ᐊ ᒋᔾ ᙭ ᐊᓐ ᒋᐸ ᑎᑯᓯᓂᑯᐱᓇ ᑭᔭ ᒪᒃ ᐊᔅᒄ ᒐ ᐊᓱᐛᐱᒪᒋᑦ ᑯᑎᒃ ᒐᒋ ᑎᑯᓯᐧᒃ ?”

ᓗᒃ 8:52

ᒥᓯᐛ ᐊᐛᓐᒋ ᐊᓐᑕ ᑲ ᑕᒡ ᒋ ᒪᐅᒡ ᐊ ᒥᑕᑕᒡ ᐊᓂᔭ ᐃᔎᓴ᙮ ᐊᑯ ᒋᓴᓴ ᒂ ᐃᑎᑯᒡ, “ᒋᒺᒄ ᐊ ᒪᔭᒄ᙮ ᑕᐸ ᐛᔅ ᐊᓐ ᓂᐳᐤ, ᒥᒄ ᓂᐸᐤ᙮”

ᒠᓐ 11:2

ᐊᐅᑯᐤ ᒪᕆ ᑲ ᑯᑎᐱᓂᒺᑦ ᑲ ᐎᒋᒪᑯᐅᓂᔨᒡ ᐅᑎᐸᔨᒋᒐᐛ ᐅᓯᑎᔨᒡ ᑭᔭ ᐅᐱᔎᐅᓇ ᑲ ᐊᐱᒋᑕᑦ ᐊ ᑲᓯᐊᒺᑦ ᐅᓯᑎᔪᐛ᙮ ᐊᐅᑯᐤ ᐃᔎᐤ ᐎᐧᑲᓂᓴ ᓚᓴᕋᓴ ᑲ ᐊᐧᑯᓯᔨᒋ᙮

ᒠᓐ 11:3

ᓚᓴᕋᔅ ᒪᒃ ᐎᐧᑲᓂᓴ ᒋ ᓂᑐᐛᔨᑎᒥᔪᐛ ᒐᒋ ᐎᑎᒧᐛᑭᓄᔨᒋ ᒋᓴᓴ ᐊ ᐊᐧᑯᓯᔨᒋ ᐊᓂᔭᔪᐛ ᐅᐎᒐᐛᑭᓇ ᑲ ᓴᒋᐊᑦ᙮

ᒠᓐ 20:13

ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᐃᔎᐤ, ᒐᒂᓐ ᐛᒋ ᒪᔨᓐ ?” ᐊᑯ ᒪᕆ ᒂ ᐃᑕᑦ, “ᒋ ᐅᑎᓇᐅᒡ ᓂᑎᐸᔨᒋᒐᓯᒪ ᓇᒪ ᒪᒃ ᓂ ᒋᔅᒐᔨᒪᐅᒡ ᑕᓐᑕ ᑲ ᐃᑐᑕᐊᒡ᙮”

ᒠᓐ 20:15

ᒋ ᐃᑎᑯᐤ ᒪᒃ, “ᐃᔎᐤ, ᒐᒂᓐ ᐛᒋ ᒪᔨᓐ ? ᐊᐛᓐ ᓇᓂᑐᐛᐱᒥᑦ ?” ᒂ ᑭᓄᐛᐱᒪᑦ ᒪᕆ ᐊᓂᔭ ᓂᑕᐅᒋᑕᑭᓇ ᑲ ᓇᑭᑐᐛᐸᑎᒥᔨᒋ ᐊ ᐃᑕᔨᒪᑦ, ᐊᑯ ᒂ ᐃᑕᑦ, “ᐸᒋ ᐎᑎᒧᐎ ᒪ ᑕᓐᑕ ᑲ ᐊᔨᑦ ᑭᔭ ᒐ ᓂᑐᐛᐱᒥᒃ᙮”

ᒠᓐ 4:1

ᐸᕆᓯᔨᒡ ᒋ ᐸᑎᒧᒡ ᐊᑐᐎᔅ ᐊ ᒥᒐᑎᔨᒋ ᐊᐛᔪᐛ ᐊ ᓇᓴᐛᔨᒋ ᒋᓴᓴ ᐊᔪᐤ ᒪᒃ ᐊᑐᐎᔅ ᐎᔾ ᐊ ᒥᒐᑎᔨᒋ ᐊᐛᔪᐛ ᐊ ᓯᑲᐃᑐᐛᑦ ᐃᔅᐱᔅ ᒠᓇ᙮

ᒠᓐ 6:23

ᑯᑎᑲ ᒪᒃ ᐅᐤᑕ ᒋ ᐸᒋ ᓇᑎᑭᒪᐱᔪᐛ ᐊᓐᑕ ᑕᐃᐱᕆᔭᔅ ᐊ ᐅᒋᐱᔨᒋ᙮

1 ᑯᕆᓐᑎᔭᓇ 7:30

ᐊᓐᒡ ᑲ ᒥᓯᒪᔨᑕᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊᓂᔭ ᐊ ᒥᓯᒪᔨᑕᒡ ᐊ ᐎ ᐊᑐᔅᑯᐛᒡ ᐅᑎᐸᔨᒋᒐᐛ᙮ ᐊᓐᒡ ᑲ ᒧᒋᒐᔨᑕᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊᓂᔭ ᐊ ᒧᒋᒐᔨᑕᒡ᙮ ᐊᑯ ᐊᓐᒡ ᑲ ᐅᑎᓇᒐᒡ ᐊᑲ ᐛᓴ ᒋᒋᐛ ᒋᑭ ᐅᒋ ᐃᑕᔨᑎᒥᐃᑯᐅᒡ ᐊᓂᔭᔪᐛ ᒐᒂᔪᐛ ᑲ ᐅᑎᓇᒡ᙮ ᐊ ᒥᓯᒪᔨᑕᐧᒃ ᐊᐛᓐ ᒪᒃ ᐊ ᒧᒋᒐᔨᑕᐧᒃ ᒪᒃ ᐊ ᐛᔪᒋᑕᑦ ᒐᒂᔪᐛ ᓇᒪ ᒋᐸ ᐅᒋ ᒋᐱᔅᑲᑯᐤ ᐅᔭ ᐊ ᐎ ᐊᑐᔅᑯᐛᑦ ᒋᓴᒪᓂᑐᐛ᙮

1 ᑕᓴᓗᓂᔭᓇ 4:13

ᓂᐧᑲᓂᓯᑐᒄ ᒋ ᓂᑐᐛᔨᒥᑎᓇᓐ ᒐᒋ ᒋᔅᒐᔨᑎᒪᒄ ᑕᓐ ᐊ ᐃᔅᐱᔨᑦ ᐊᐛᓐ ᐊ ᐳᓂᐱᒪᑎᓯᑦ ᐊᒋ ᒪᒃ ᑕᑈᑕᐧᒃ ᒥᔽᒋᒧᐅᓂᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ᐃᓯ ᒥᓯᒪᔨᑕᓇᐛᐤ ᐊ ᐃᓯ ᒥᓯᒪᔨᑕᒡ ᐊᓐᒡ ᐊᑲ ᐊᔭᒡ ᐊᔅᐸᔨᒧᐅᓂᔪᐤ᙮

ᐃᑉᕈᐛ 2:17

ᐊᐅᒄ ᐊᓂᔭ ᐛᒋ ᓇᔅᒡ ᐃᔨᒡ ᒋ ᐃᓯᐊᑭᓄᐅᑦ᙮ ᒋ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮