ᓗᒃ 6:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒋᓴᔅ ᒪᒃ ᒋ ᒋᔅᒐᔨᒪᐤ ᑕᓐ ᐊ ᐃᓯ ᒪᒥᑐᓇᔨᑎᒥᔨᒋ᙮ ᒋ ᐃᑕᐤ ᒪᒃ ᐊᓂᔭ ᓇᐸᐛ ᐅᑎᒋᔪᐤ ᑲ ᒪᔅᑲᔨᒡ, “ᐱᓯᑯ, ᐅᑕ ᑕᑕᐅᒡ ᐸᒋ ᓂᐳᐎ᙮” ᒋ ᐱᓯᑯᐤ ᐊᓐ ᓇᐸᐤ, ᒂ ᐃᑐᑕᑦ ᐊᓐᑕ ᑕᑕᐅᒡ᙮

ᓗᒃ 6:8 Iomraidhean Croise

ᑎᐱᑦ ᐅᓂᑭᒧᐅᓇ 44:21

ᓇᒪ ᓇ ᐅᔭᔪᐤ ᒋᑭ ᓇᓂᑐᐛᐸᑎᒻ ᒋᓴᒪᓂᑐᐤ ? ᐛᔅ ᒋᔅᒐᔨᑎᒻ ᑲ ᒋᒧᑕᓯᒥᑲᒡ ᒥᑕᐃᒡ᙮

ᒪᑎᔪᐤ 9:4

ᒋᓴᔅ ᒪᒃ ᒋᔅᒐᔨᒪᐤ ᑕᓐ ᐊ ᐃᓯ ᒪᒥᑐᓇᔨᑎᒥᔨᒋ ᐊᑯ ᐊᑕᑦ, “ᑕᓇᒡ ᐛᒋ ᒥᒋ ᒪᒥᑐᓇᔨᑎᒪᒄ ᒋᑕᐃᐛᒡ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:3

ᒋᓴᔅ ᒋ ᐃᑕᐤ ᐊᓂᔭ ᓇᐸᐛ ᑲ ᒪᔅᑲᔨᒡ ᐅᑎᒋᔪᐤ, “ᐊᔅᑎᒻ ᐅᑕ ᓂᑲᓄᒡ᙮”

ᓗᒃ 13:12

ᐃᔅᐱ ᒋᓴᔅ ᐎᔭᐱᒪᑦ ᐊᓂᔭ ᐃᔎᐛ ᒋ ᐎᓴᒪᐤ ᐊᑯ ᒂ ᐃᑕᑦ, “ᐃᔎᐤ, ᓴᔅ ᓇᔅᒡ ᒋ ᒥᓏᒋᐃᑯᓐ ᑕᓐ ᑲ ᐃᑕᔅᐱᓇᔨᓐ᙮”

ᓗᒃ 5:22

ᐃᔅᐱ ᒋᓴᔅ ᒐᔅᒐᔨᒪᑦ ᐊ ᐃᓯ ᐃᔨᒥᐃᑐᔨᒋ ᒋ ᐃᑕᐤ, “ᒐᒂᓐ ᐛᒋ ᒪᒥᑐᓇᔨᑎᒥᐃᑯᔭᒄ ᐊᓐ ᑲ ᐃᔅᒋᔄᔭᓐ ?

ᓗᒃ 6:9

ᐊᑯ ᒋᓴᔅ ᒂ ᐃᑕᑦ ᐊᓂᔭ ᑲ ᐎ ᒪᒥᓯᒥᑯᑦ, “ᒋᑭ ᑯᒂᒋᒥᑎᓇᐛᐤ, ᑕᓐ ᐊ ᐃᓯ ᐱᑯᓴᔨᒥᑯᔭᐧᒄ ᐎᓱᐛᐅᓐ ᒐᒋ ᐃᑐᑎᒧᐛᒂ ᐊ ᒍᐤ ᐊᔭᒥᐊᐅᒋᓯᑲᒡ᙮ ᑕᓐ ᒪᐅᒡ ᒪᔽᓯᒡ ᒐᒋ ᐃᑐᑎᒥᓐ ᒐᒂᓐ᙮ ᐊ ᒥᔪᑐᑎᒥᓐ ᑭᔭ ᒪᒃ ᐊ ᒥᒋᑐᑎᒥᓐ, ᐊ ᐱᒪᒋᑕᔨᓐ ᑭᔭ ᒪᒃ ᐊ ᓂᓱᐅᓇᒋᑕᔨᓐ ?”

ᒠᓐ 2:25

ᓇᒪ ᑭᔭ ᐅᒋ ᓂᑐᐛᔨᑎᒻ ᒐᒋ ᐎᑎᒪᑯᑦ ᐊᐛᔪᐛ ᑕᓐ ᐊ ᐃᑕᔨᑕᑯᓯᔨᒋ ᐊᐛᔪᐛ ᐛᔅ ᒋ ᒋᔅᒐᔨᒪᐤ ᑕᓐ ᐊᓐ ᐊ ᐃᑕᔨᑕᑯᓯᔨᒋ᙮

ᒠᓐ 21:17

ᓂᔍᐤ ᒪᒃ ᒥᓐ ᒋᓴᔅ ᒋ ᐃᑕᐤ, “ᓴᐃᒥᓐ, ᒠᓐ ᑲ ᐅᑯᓯᑐᑕᔅᒃ, ᒋ ᓴᒋᐃᓐ ᐊ ?” ᐊᑯ ᐱᑕᕐ ᓇᔅᒡ ᑲ ᒥᒐᔨᑕᐧᒃ ᐛᔅ ᐊᑯ ᓂᔍᐤ ᑲ ᑯᒂᒋᒥᑯᑦ ᒋᓴᓴ ᐊ ᐃᑎᑯᑦ, “ᒋ ᓴᒋᐃᓐ ᐊ ?” ᐊᑯ ᑲ ᐃᑕᑦ, “ᐅᑎᐸᔨᒋᒐᐤ, ᒥᓯᐛ ᒐᒂᓐ ᒋ ᒋᔅᒐᔨᑕᓐ, ᒋ ᒋᔅᒐᔨᑕᓐ ᐊ ᓴᒋᐃᑕᓐ᙮” ᒋᓴᓴ ᒪᒃ ᒋ ᐃᑎᑯᐤ, “ᓂᓇᑭᑐᐛᔨᒥᒡ ᓂᒪᔭᑕᓂᓯᒥᒡ᙮

ᒠᓐ 9:4

ᒋᐸ ᐊᑐᔅᑯᐛᓄᐤ ᐊᓐ ᑲ ᐸᒋ ᐃᑎᓴᐅᑦ ᒪᒂᒡ ᐊ ᒋᓯᑲᒡ ᐛᔅ ᓴᔅ ᐎᐱᒡ ᒋᑭ ᑎᐱᔅᑲᐤ᙮ ᑕᐸ ᐊᑐᔅᒐᓄᐤ ᐊ ᑎᐱᔅᑲᒡ᙮

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᐊᑈᔅᑕᓇᒡ 26:26

ᒋᓴᐅᒋᒪᐤ ᐊᒃᕆᐸ, ᒋᑭ ᒋ ᐊᔨᒧᑎᒪᑎᓐ ᐅᔭ ᒐᒂᔪᐛ ᐊᑲ ᑯᔅᑕᒋᔭᓐ ᐛᔅ ᒋ ᒋᔅᒐᔨᑕᓐ ᓴᔅ ᑕᓐ ᑲ ᐃᔅᐱᔨᑦ ᒋᓴᔅ᙮ ᓇᒪ ᒋᒧᑦ ᐅᒋ ᐃᔅᐱᔪᐛ ᐅᔭ ᒐᒂᔪᐛ, ᒥᓯᐛ ᐊᐛᓐ ᒋᔅᒐᔨᑎᒻ ᑕᓐ ᑲ ᐃᔅᐱᔨᑦ ᒋᓴᔅ᙮

ᐱᓕᐱᔭᓇ 1:28

ᐊᑲᐎᔾ ᒋᑭ ᐅᒋ ᑯᔅᑕᐛᐅᒡ ᐊᓐᒡ ᐅᔭᔅ ᑲ ᐎ ᐃᑐᑕᑕᑯᒡ ᒥᔽᒋᒧᐅᓂᔪᐤ ᐊ ᐛᐎᑎᒺᒄ᙮ ᐛᔅ ᐊᐅᑯᐤ ᒐ ᐅᒋ ᒋᔅᒐᔨᑕᒡ ᐎᔨᐛᐤ ᒐ ᐅᓇᑎᓯᒡ ᑭᔭ ᐊᐅᑯᐤ ᒐ ᐅᒋ ᐛᐸᑕᒡ ᒋᔨᐛᐤ ᒐ ᐱᒪᒋᐃᑯᐛᒄ᙮ ᒋᓴᒪᓂᑐᐤ ᒪᒃ ᐎᔾ ᒥᓯᐛ ᒋᑭ ᐃᑐᑎᒻ ᐅᔭ ᒐᒋ ᐃᔅᐱᔨᒡ᙮

ᐃᑉᕈᐛ 4:13

ᒥᓯᐛ ᒐᒂᔪᐤ ᒧᓴ ᐛᐸᑎᒻ ᒋᓴᒪᓂᑐᐤ᙮ ᒥᓯᐛ ᐊᐛᔪᐛ ᓇᔅᒡ ᐛᐱᒪᐤ ᑭᔭ ᒥᓯᐛ ᒐᒂᔪᐤ ᓇᔅᒡ ᐛᐸᑎᒻ᙮ ᐎᔾ ᒪᒃ ᒋᑭ ᐎᑎᒧᐛᓄᐤ ᒐᒂᓐ ᐛᒋ ᐃᓯ ᐱᒪᑎᓯᔭᐧᒄ ᑕᓐ ᐊ ᐃᓯ ᐱᒪᑎᓯᔭᐧᒄ᙮

1 ᐱᑕᕐ 4:1

᙭ ᒪᒃ ᐊᒋ ᐛᐎᓯᒐᔨᑕᐧᒃ ᐎᔭᓱᐅᓂᒡ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᑦ ᑭᔭ ᒋᔨᐛᐤ ᐊᑯᓐ ᒋᐸ ᐃᓯ ᒪᒥᑐᓇᔨᑎᒥᐃᑯᓇᐛᐤ ᒐᒋ ᐃᓯ ᐊᔭᔅᑯᐎᔅᑎᒪᒄ, ᐛᔅ ᐊᓐ ᐊᐛᓐ ᑲ ᐛᐎᓯᒐᔨᑎᒥᐊᑭᓄᐅᑦ ᐎᔭᓱᐅᓂᒡ ᐳᓂᑕᐤ ᒥᒐᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 2:23

ᓂᑭ ᓂᐸᐃᒪᐛ ᐊᓂᔭ ᑲ ᓇᓴᐅᑯᑦ᙮ ᐊᑯ ᒪᒃ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒐ ᒋᔅᒐᔨᒥᒡ ᓂᔾ ᐊ ᐊᐎᔭᓐ ᐊᓐ ᑲ ᒋᔅᒐᔨᒪᑦ ᐊᐛᔪᐛ ᑕᓐ ᐊᓐ ᐊ ᐃᑕᔨᑎᒥᔨᒋ ᑭᔭ ᑕᓐ ᐊᓐ ᐊ ᐃᓯ ᑕᐊᔨᒋ᙮ ᒥᓯᐛ ᐊ ᑎᓯᔭᒄ ᒋᑭ ᐛᐛᓯᐃᑎᓇᐛᐤ ᑕᓐ ᒥᒄ ᑲ ᐃᓯ ᒥᒋᑐᑎᒧᐛᒂ᙮