ᓗᒃ 6:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᓐᒡ ᒪᒃ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᑭᔭ ᐸᕆᓯᔨᒡ ᐃᔭᒂ ᒋ ᓂᓇᑭᑐᐛᔨᒪᐅᒡ ᒋᓴᓴ ᒐᒋ ᒥᓏᒋᐃᐛᔨᒂᓂ ᐃᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮ ᒋ ᐎ ᓇᓂᑐᒥᔅᑭᒧᒡ ᑕᓐᑕ ᒐᒋ ᐅᒋ ᒪᒥᓯᒪᒡ ᒋᓴᓴ᙮

ᓗᒃ 6:7 Iomraidhean Croise

ᑎᐱᑦ ᐅᓂᑭᒧᐅᓇ 38:12

ᐊᓐᒡ ᑭᔭ ᑲ ᓇᓂᑐᐛᔨᑕᒡ ᓂᐱᒪᑎᓯᐅᓂᔪᐤ ᓂ ᑕᐱᒂᑯᒡ; ᐊᓐᒡ ᑭᔭ ᑲ ᐎᑯᒂᒡ ᐊᐧᑯᐃᒡ ᓂᑕᔨᒧᑎᒪᑯᒡ ᒪᔭᔨᒐᐤ ᒐᒂᓇ, ᑭᔭ ᐃᑕᔨᑎᒧᒡ ᑭᑭᒋᔭᐅᓇ ᒥᓯᐛ ᐃᔅᑭᓐ ᒋᓯᑲᐛ᙮

ᒪᑎᔪᐤ 5:39

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᑲᐎᔾ ᑎᐸᐊᒪᓱᐤ ᐊᒋ ᒥᒋᑐᑕᔅᒃ ᐊᐛᓐ᙮ ᐅᑕᒥᒂᐅᔅᒐ ᐊᐛᓐ ᒋᐅᑕᒥᐧᑭᓂᒡ ᒋᒥᔪᐅᓂᒡ ᐃᑕᒐ, ᒥᔾ ᐊᑯᔅ ᐊᓐᑕ ᒂᔅᑕᒐ ᑭᔭ ᒐᒋ ᐅᑕᒥᒂᐅᔅᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:2

ᒋ ᑕᔪᐛ ᑭᔭ ᐊᓐᑕ ᐊᐛᔪᐛ ᐊ ᐎ ᓇᓂᑐᐤ ᒪᒥᓯᒥᑯᑦ ᒋᓴᔅ ᐊᑯ ᓇᔅᒡ ᑲ ᓂᓇᑭᑐᐛᔨᒥᑯᑦ ᒐᒋ ᒥᓏᒋᐃᐛᒂ ᐊ ᐊᔭᒥᐊᐅᒋᓯᑲᔨᒡ᙮

ᓗᒃ 13:14

ᐊᑯ ᒪᒃ ᐊᓐ ᑲᓂᑲᓂᔅᑲᐧᒃ ᐊᓂᔭ ᐊᔭᒥᐊᐅᒋᐛᐱᔪᐤ ᓇᔅᒡ ᑕᑈ ᒋ ᒋᔄᓱᐤ ᒋᓴᓴ ᐊᒋ ᒥᓏᒋᐊᔨᒋ ᐊᐛᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮ ᐊᑯ ᒂ ᐃᑕᑦ ᐊᓂᔭ ᑯᑎᑲ ᐃᔪᐛ ᐊᓐᑕ ᑲ ᑕᔨᒋ, “ᐊᓱᑕᒡ ᑕᑐᐤ ᒋᓯᑲᐛ ᑎᑯᓇ ᒐᒋ ᐊᑐᔅᒐᓇᓄᐅᒡ, ᐊᑯᑕ ᒋᐸ ᐸᒋ ᑎᑯᓯᓇᐛᐤ ᒪᒂᒡ ᐊᓂᔭ ᐊ ᒋᓯᑲᔨᒋ ᒐᒋ ᒥᓏᒋᐃᑯᐅᔭᒄ ᓇᒪ ᐎ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᒡ᙮”

ᓗᒃ 20:20

ᐊᑯ ᒥᒄ ᑲ ᓂᓇᑭᑐᐛᔨᑕᒡ ᒐ ᐃᔅᐱᔅ ᒥᔪᐱᔨᒡ ᒐᒋ ᒪᑯᓇᒡ᙮ ᒋ ᐃᑎᓴᐛᐅᒡ ᒪᒃ ᓇᐸᐛ ᐊᓐᑕ ᒋᓴᔅ ᐊ ᑕᔨᒋ ᒪᒪᒡ ᒐᒋ ᐃᓯ ᑯᒂᒋᒪᔨᒋ, ᐊ ᐎ ᓇᓂᑐᒥᔅᑯᒺᒡ ᒐᒋ ᐃᔅᒋᔄᔨᒋ ᒐᒂᔪᐤ ᒐᒋ ᐅᒋ ᒪᑯᓇᒡ᙮ ᐊᑯ ᒪᒃ ᒋ ᒪᑯᓇᑥᐛ ᐊᑯ ᐊᓐᑕ ᒋᐸ ᐃᑐᑕᐊᐅᒡ ᕈᒻ ᒋᓴᐅᒋᒪᐛ ᐊ ᑕᔨᒋ, ᐊᓂᔭ ᒋᐸ ᑎᐸᔅᑯᓂᑯᔪᐛ᙮

ᒠᓐ 9:16

ᐱᔅᒐ ᒪᒃ ᐊᓐᒡ ᐸᕆᓯᔨᒡ ᒋ ᐃᑕᐅᒡ, “ᐅ ᓇᐸᐤ ᒋᓴᔅ ᓇᒪ ᒋᓴᒪᓂᑐᐛ ᐊ ᑕᔨᒋ ᐅᒋᐤ, ᑕᐸ ᐊᐱᑕᔨᑎᒻ ᐊ ᒍᐤ ᐊᔭᒥᐊᐅᒋᓯᑲᔨᒡ᙮” ᑯᑎᑭᒡ ᒪᒃ ᒋ ᐃᑕᐅᒡ, “ᑕᓐᑕ ᒐᒋ ᐅᒋ ᒪᒥᔅᑲᒡ ᐃᑎᑦ ᐊᐛᓐ ᐊ ᒥᒋᑐᑎᒧᒂ᙮ ᒋ ᑎᐸᓂᐱᔪᒡ ᒪᒃ ᐅᔭ ᐅᒋ ?”