ᓗᒃ 6:46 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁶ “ᒐᒂᓐ ᒪᒃ ᐛᒋ ᐃᓯᓂᐧᑲᓯᔭᒄ ᐅᑎᐸᔨᒋᒐᐤ, ᐊᑲ ᒪᒃ ᐃᑐᑎᒪᒄ ᑕᓐ ᐊ ᐃᓯ ᐎᑎᒪᑎᑯᒡ ᒐᒋ ᐃᑐᑎᒪᒄ ?

ᓗᒃ 6:46 Iomraidhean Croise

ᒪᑎᔪᐤ 25:11

“ᐸᑎᒪ ᒪᒃ ᒂ ᐅᒋ ᑎᑯᓯᒡ ᐊᓐᒡ ᑯᑎᑭᒡ ᐅᔅᒋᓂᒋᔎᓯᒡ, ᐊᑯ ᒂ ᐃᔅᒋᔄᒡ, ‘ᐅᑎᐸᔨᒋᒐᐤ, ᐸᒋ ᐱᑎᑲᐃᓇᓐ᙮’

ᒪᑎᔪᐤ 25:24

“ᐊᑯ ᐊᓐ ᐊᐱᒋᐊᑭᓐ ᐸᐃᒂᐤ ᒐᓯᐱᔪᐤ ᑲ ᒥᔭᑭᓄᐅᑦ ᒂ ᐸᒋ ᐱᒐᑦ, ᒂ ᐃᑕᑦ ᐊᓂᔭ ᐅᒋᒪᒪ, ‘ᐅᑎᐸᔨᒋᒐᐤ, ᒋ ᒋᔅᒐᔨᒥᑎᓐ ᐊᔨᒥᓯᐎ ᐃᔪᐎᓐ, ᑭᔭ ᐅᔅᑕ ᒥᔅᑎ ᐊ ᓂᑐᐛᔨᑎᒥᓐ ᐃᔅᐱᔅ ᐎ ᑕᓐ ᐊᔅᐱᔅ ᒥᔨᐛᔨᓐ᙮

ᒪᑎᔪᐤ 25:44

ᐊᑯ ᒪᒃ ᒐ ᐃᑕᒡ, ᐊ ᐃᓯ ᐎᑎᒧᐛᒡ, ‘ᐅᑎᐸᔨᒋᒐᐤ ᓇᒪ ᓂᑕ ᒋ ᐅᒋ ᐛᐱᒥᑎᓇᓐ ᐊ ᓯᐛᔨᓐ ᒪᒃ ᐊ ᐎ ᒥᓂᔨᓐ ᑭᔭ ᐊ ᒪᓐᑕᐎᔨᓐ ᑭᔭ ᐊᑲ ᐅᑦ ᐊᐱᒋᑕᐅᓂᔨᓐ, ᒪᒃ ᐊ ᐊᐧᑯᓯᔨᓐ ᑭᔭ ᐊ ᒋᐸᐅᑯᔨᓐ, ᐊᑲ ᒪᒃ ᐅᒋ ᐎᒋᐃᑕᒡ᙮’

ᑲᓚᓯᔭᓇ 6:7

ᐊᑲᐎᔾ ᐎᔭᓯᒥᑎᓱᒄ, ᓇᒪ ᐊᐛᓐ ᒋᑭ ᒋ ᐎᔭᓯᒪᐤ ᒋᓴᒪᓂᑐᐛ᙮ ᐛᔅ ᐊᓂᔭ ᒐᒂᔪᐤ ᒐ ᐱᔅᑎᓂᒧᒂ ᐊᐛᓐ ᐊᓐᑕ ᐊᔅᒋᒡ ᐊᐅᑯᓐ ᐊᓂᔭ ᒐ ᓂᑕᐅᒋᓂᔨᒡ ᐊᓐᑕ᙮

ᒋᒥᔅ ᐅᒥᓯᓇᐊᒪᒐᐅᓐ 1:22

ᒥᒄ ᓂᑐᑎᒧᑕ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᑲ ᒪᒃ ᐃᑐᑎᒧᑕ, ᒋᐎᔭᓯᐃᓱᓐ᙮ ᐃᑐᑎᒻ ᑕᓐ ᐊ ᐃᑎᔅᑕᔨᒡ᙮