ᓗᒃ 6:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᒥᔾ ᑕᑐᐤ ᐊᐛᓐ ᑕᓐ ᐊ ᐃᓯ ᓂᑐᐛᔨᑎᒪᔅᒃ ᒐᒂᔪᐤ᙮ ᐊᑯ ᒪᒃ ᐊᐛᓐ ᐅᑎᓇᒐ ᒐᒂᔪᐤ ᐊ ᑎᐱᔨᐛᐅᓯᐅᑦ, ᐊᑲᐎᔾ ᒥᓐ ᑲᐤ ᓂᑐᐛᔨᑎᒧᐤ᙮

ᓗᒃ 6:30 Iomraidhean Croise

ᑎᐱᑦ ᐅᓂᑭᒧᐅᓇ 112:9

ᒋ ᒪᑎᓂᒪᒐᐤ, ᒥᔭᐤ ᐅᒋᔅᑎᒪᑎᓯᐛ; ᐅᑯᐃᔅᑯᑕᑎᓯᐅᓐ ᑲᒋᒡ ᑎᑯᓂᔪᐤ; ᐅᑦ ᐊᔅᑭᓐ ᒋᑭ ᐃᔅᐸᔨᑕᑯᓂᔪᐤ ᒋᔅᑕᔨᑕᑯᓱᐅᓂᒡ᙮

ᑎᐱᑦ ᐅᓂᑭᒧᐅᓇ 41:1

ᓱᐛᔨᑕᑯᓱᐤ ᐊᓐ ᑲ ᒋᔅᑎᒪᒐᔨᒪᑦ ᐅᒋᔅᑎᒪᑎᓯᐛ; ᑎᐸᔨᒋᒐᓱᐤ ᒋᑭ ᐎᒂᒋᐊᐤ ᑲ ᐊᔨᒥᓂᔨᒡ ᐊ ᒋᓯᑲᔨᒡ᙮

ᒪᑎᔪᐤ 18:35

ᐊᑯ ᒋᓴᔅ ᒥᓐ ᒂ ᐃᔅᒋᔄᑦ, “ᐊᐅᑯᓐ ᒪᒃ ᒧᔭᒻ ᒐ ᐃᑐᑕᑕᐧᒄ ᓄᑕᐎᔾ ᒋᒋᒋᓯᑯᒡ ᐊ ᑕᑦ, ᐊᑲ ᐛᐸᔨᑎᒧᐛᒂᓂᒋ ᒋᐧᑲᓂᓱᐛᐅᒡ ᒋᑕᐃᐛᒡ ᐅᒡ᙮”

ᒪᑎᔪᐤ 5:39

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᑲᐎᔾ ᑎᐸᐊᒪᓱᐤ ᐊᒋ ᒥᒋᑐᑕᔅᒃ ᐊᐛᓐ᙮ ᐅᑕᒥᒂᐅᔅᒐ ᐊᐛᓐ ᒋᐅᑕᒥᐧᑭᓂᒡ ᒋᒥᔪᐅᓂᒡ ᐃᑕᒐ, ᒥᔾ ᐊᑯᔅ ᐊᓐᑕ ᒂᔅᑕᒐ ᑭᔭ ᒐᒋ ᐅᑕᒥᒂᐅᔅᒃ᙮

ᒪᑎᔪᐤ 6:12

ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᐛᔅ ᑭᔭ ᓂᔭᓐ ᓂ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ᒥᒋᑐᑐᐎᔨᒥᑦ᙮

ᓗᒃ 11:41

ᒂᔅᑲᑎᓯᒄ, ᐳᓂᒄ ᐊᓐ ᐊ ᐃᑎᔭᒄ ᒥᒄ ᒋᔨᐛᐤ ᐊ ᐎ ᐊᔭᔭᒄ ᒐᒂᓐ᙮ ᒥᔭᐧᑯᒡ ᐊᓐᒡ ᑲ ᒋᔅᑎᒪᑎᓯᒡ ᑕᓐ ᐊ ᐃᓯ ᓂᑐᐛᔨᑕᒡ᙮ ᐊᑯ ᒪᒃ ᒐ ᐸᔭᒋᓇᒂᒋ ᒋᐱᒪᑎᓯᐅᓄᐛᐤ᙮”

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 18:22

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋ ᐃᑕᐤ, “ᐊᔅᒄ ᒪᒃ ᐸᐃᒄ ᒐᒂᓐ ᒥᓐ ᓂᑐᐛᔨᑕᑯᓐ ᒐᒋ ᐃᑐᑎᒥᓐ᙮ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᐊ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᓗᒃ 6:29

ᒪᒃ ᐊᐛᓐ ᐅᑕᒪᐅᔅᒐ ᓂᐱᑕ ᒋᑕᒥᐧᑭᓂᒡ, ᐊᑯᔅ ᒥᔾ ᒐᒋ ᐅᑕᒪᐅᔅᒃ ᒂᔅᑕᒥᐧᑭᓐ, ᒪᒃ ᐊᐛᓐ ᐅᑎᓇᒐ ᒋᑦ ᐊᑯᐱᔪᐤ ᐊᑯᔅ ᒥᔾ ᒐᒋ ᐊᔭᑦ ᑭᔭ ᐊᓂᔭ ᒋᐱᒍᐎᔭᓂᔪᐤ ᐛ ᐅᑎᓂᒧᒂ᙮

ᓗᒃ 6:31

ᐃᑐᑐᐅᒡ ᐊᐛᓐᒋ ᒧᔭᒻ ᑕᓐ ᐊ ᐃᓯ ᐱᑯᓴᔨᒥᑥᐤ ᒐᒋ ᐃᑐᑕᔅᒡ ᑭᔭ ᒋᔾ᙮”

ᓗᒃ 6:38

ᒥᔨᐛᒄ, ᑭᔭ ᒐ ᒋᐛᒥᔨᑯᐅᔭᒄ᙮ ᒥᔅᑎ ᒋᑭ ᒥᔨᑯᓇᐛᐤ᙮ ᑕᓐ ᐊᔅᐱᔅ ᒥᔨᐛᑦ ᐊᐛᓐ ᒐᒂᔪᐤ ᐊᐅᑯᓐ ᒧᔭᒻ ᒐ ᐃᔅᐱᔅ ᒥᔭᑭᓄᐅᑦ᙮”

ᐊᑈᔅᑕᓇᒡ 20:35

ᐊᓐ ᒪᒃ ᒥᓯᐛ ᑲ ᐊᑎ ᐊᐃᑎᔭᓐ ᑭᔭ ᑲ ᐃᔅᐱᔅ ᒋ ᒥᔅᑎ ᐊᐱᑎᓯᔭᓐ ᒧᔅ ᔅᒋ ᐎ ᐛᐸᑎᔨᑎᓇᐛᐤ ᑕᓐ ᒋᐸ ᐎ ᐃᓯ ᐎᒋᐊᓄᒡ ᐊᓐᒡ ᑲ ᒋᔅᑎᒪᑎᓯᒡ ᑭᔭ ᒐᒋ ᒋᔅᒋᓯᔭᐧᒄ ᑕᓐ ᑲ ᐃᔅᒋᔄᑦ ᒋᑎᐸᔨᒋᒐᓯᒥᓄᐤ, ᐊᑐᐎᔅ ᐊᓐ ᐊᐛᓐ ᑲ ᒥᔨᐛᑦ ᒐᒂᔪᐤ ᓱᐛᔨᑕᑯᓱᐤ ᐃᔅᐱᔅ ᐊᓐ ᐊᐛᓐ ᑲ ᒥᔭᑭᓄᐅᑦ ᒐᒂᔪᐤ᙮”

2 ᑯᕆᓐᑎᔭᓇ 8:9

ᒋ ᒋᔅᒐᔨᒪᐛᐤ ᑕᓐ ᑲ ᐃᓯ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ᐛᔪᑎᓯᐤ ᐃᔭᐱᒡ ᒪᒃ ᒋ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮

ᐃᐱᓯᔭᓇ 4:28

ᑭᔭ ᐊᓐ ᐊᐛᓐ ᑲ ᑭᒐᒧᑎᑦ ᒋᐸ ᐳᓂᐤ ᐊ ᑭᒐᒧᑎᑦ᙮ ᐃᔭᐱᒡ ᒋᐸ ᐊᑐᔅᒐᐤ ᑯᐃᔅᒄ ᐊ ᐃᑎᑦ ᐊ ᐎ ᐎᒋᐃᓱᑦ ᑭᔭ ᐊᑐᔅᒐᒐ ᐊᑯᑕ ᒐᒋ ᐅᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᐊᐛᔪᐛ᙮