ᓗᒃ 6:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᒪᒃ ᐊᐛᓐ ᐅᑕᒪᐅᔅᒐ ᓂᐱᑕ ᒋᑕᒥᐧᑭᓂᒡ, ᐊᑯᔅ ᒥᔾ ᒐᒋ ᐅᑕᒪᐅᔅᒃ ᒂᔅᑕᒥᐧᑭᓐ, ᒪᒃ ᐊᐛᓐ ᐅᑎᓇᒐ ᒋᑦ ᐊᑯᐱᔪᐤ ᐊᑯᔅ ᒥᔾ ᒐᒋ ᐊᔭᑦ ᑭᔭ ᐊᓂᔭ ᒋᐱᒍᐎᔭᓂᔪᐤ ᐛ ᐅᑎᓂᒧᒂ᙮

ᓗᒃ 6:29 Iomraidhean Croise

ᒪᑎᔪᐤ 26:67

ᒋ ᓯᔅᑎᒂᑕᐅᒡ ᐅᑕᔅᑎᒥᐧᑯᔨᒡ ᐊᔪᐤ ᒋ ᐅᑕᒪᐛᐅᒡ ᑭᔭ ᒋ ᐅᑎᑕᒥᒂᐛᐅᒡ᙮

ᓗᒃ 22:64

ᒋ ᐊᑯᒂᐱᑕᐅᒡ ᒂ ᐃᑕᒡ, “ᐎᑎᒧᐅᓇᓐ, ᐊᐛᓐ ᑲ ᐅᑕᒪᐅᔅᒃ ?”

ᓗᒃ 6:30

ᒥᔾ ᑕᑐᐤ ᐊᐛᓐ ᑕᓐ ᐊ ᐃᓯ ᓂᑐᐛᔨᑎᒪᔅᒃ ᒐᒂᔪᐤ᙮ ᐊᑯ ᒪᒃ ᐊᐛᓐ ᐅᑎᓇᒐ ᒐᒂᔪᐤ ᐊ ᑎᐱᔨᐛᐅᓯᐅᑦ, ᐊᑲᐎᔾ ᒥᓐ ᑲᐤ ᓂᑐᐛᔨᑎᒧᐤ᙮

ᒠᓐ 18:22

ᐃᔅᐱ ᒪᒃ ᒋᓴᔅ ᑲ ᐃᔅᒋᔄᑦ ᐅᔭ, ᐸᐃᒄ ᐊᓂᔭ ᑲᒪᑯᓄᐛᓯᔨᒋ ᒋ ᐅᑕᒥᒂᐅᑯᐤ ᐊ ᐃᑎᑯᑦ, “ᓇᒪᐎᔾ ᐊ ᒋᑭ ᒋ ᐃᓯ ᐃᔨᒪᐊᐤ ᒋᓴᐊᔭᒥᐊᐅᒋᒪᐤ ?”

ᐊᑈᔅᑕᓇᒡ 23:2

ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᐊᓇᓇᔭᔅ ᑲ ᐃᓯᓂᐧᑲᓱᑦ ᒂ ᐃᑎᓱᒪᑦ ᐊᓂᔭᔪᐛ ᐊᐛᔪᐛ ᒥᒋᒪ ᑈᓚ ᐊ ᑕᔨᒋ ᑲ ᓂᐳᔨᒋ ᒐᒋ ᐅᑕᒥᑐᓇᐛᔨᒋ᙮

1 ᑯᕆᓐᑎᔭᓇ 4:11

ᐛᐛᒡ ᑭᔭ ᒪᒂᒡ ᐊᓄᒡ ᓇᓂᑯᑎᓂᔾ ᓂ ᓯᐛᔨᓇᓐ᙮ ᓇᓂᑯᑎᓂᔾ ᓂ ᐸᐧᑯᑕᑕᓇᓐ᙮ ᓇᓂᑯᑎᓂᔾ ᓇᒪ ᓇᔅᒡ ᒋ ᐃᓯᓇᑯᓇ ᓂᑦ ᐊᐱᒋᑕᐅᓇᓇ᙮ ᓇᔅᒡ ᓂ ᐎ ᐃᑐᑕᑯᐅᓇᓐ ᑭᔭ ᒪᓐ᙮ ᑭᔭ ᓇᒪ ᑎᑯᓐ ᐊᓐᑕ ᒐᒋ ᐎᒋᔭᒡ᙮

1 ᑯᕆᓐᑎᔭᓇ 6:7

ᐅ ᐊ ᐃᑎᔭᒄ ᓄᒂᓐ ᓇᔅᒡ ᐊ ᐅᓂᐱᔭᒄ᙮ ᐃᐛᒃ ᒋᐸ ᒥᔽᐤ ᒐᒋ ᐅᓂᑐᑕᑯᐅᔭᒄ ᒪᒃ ᒐᒋ ᒋᒧᑎᒪᑯᐅᔭᒄ, ᐃᔅᐱᔅ ᐎ ᒐᒋ ᐅᓂᑐᑐᐛᒄ ᒋᐧᑲᓂᓱᐛᐤ ᑎᐸᔅᑯᓂᒐᐅᒋᐛᐱᒡ ᐊ ᐱᑎᑲᐊᒄ᙮

2 ᑯᕆᓐᑎᔭᓇ 11:20

ᒋ ᐱᔅᑎᓇᐛᐅᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒐᒋ ᐅᒋᒪᐧᑲᑕᑕᑯᒡ ᑭᔭ ᒐᒋ ᒥᓂᓱᓇᔭᐛᑐᑕᑕᑯᒡ᙮ ᒋ ᐱᔅᑎᓇᐛᐅᒡ ᒐᒋ ᑭᒐᒧᑎᒪᑕᑯᒡ ᑭᔭ ᒐᒋ ᒪᔭᔨᒥᑕᑯᒡ ᑭᔭ ᒐᒋ ᐅᑕᒥᒂᐅᑕᑯᒡ᙮

ᐃᑉᕈᐛ 10:34

ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮