ᓗᒃ 6:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐃᔭᒂ ᒋᔨᐛᐤ ᑲ ᑕᐱᒥᒋᓱᔭᒄ ᐊᓄᒡ, ᐛᔅ ᒋᑭ ᓄᑕᐧᑭᑕᓇᐛᐤ᙮ ᐃᔭᒂ ᒋᔨᐛᐤ ᑲ ᐸᐱᔭᒄ ᐊᓄᒡ, ᐛᔅ ᒋᑭ ᒪᓇᐛᐤ᙮

ᓗᒃ 6:25 Iomraidhean Croise

ᑎᐱᑦ ᐅᓂᑭᒧᐅᓇ 49:19

ᒋᑭ ᓇᑕᐤ ᐅᑦ ᐊᓂᔅᒐ ᐅᑕᐅᐱᓇ; ᓇᒪ ᓂᑕ ᒋᑭ ᐛᐸᑎᒧᒡ ᐛᔅᑕᐅᓂᔪᐤ᙮

ᓗᒃ 12:20

“ᐊᑯ ᒋᓴᒪᓂᑐᐛ ᒂ ᐃᑎᑯᑦ, ‘ᑕᑈ ᒋᐎᔭᓯᒥᑎᓱᓐ, ᐊᓄᒡ ᐅ ᒐ ᑎᐱᔅᑲᒡ ᒋᐱᒪᑎᓯᐅᓐ ᒋᑭ ᐅᑎᓇᑭᓄᐤ᙮ ᐊᐛᓐ ᒪᒃ ᒐ ᐊᔭᑦ ᒥᓯᐛ ᐊᓂᔭ ᑲ ᓇᐅᔅᑕᒪᓱᔨᓐ ᒐᒂᔪᐛ ?’ ”

ᓗᒃ 13:28

“ᓇᔅᒡ ᑕᑈ ᓱᒃ ᒋᑭ ᒪᓇᐛᐤ ᑭᔭ ᒋᑭ ᒪᒥᑥᔭᐱᑕᓯᓇᐛᐤ ᐃᔅᐱ ᐛᐱᒪᒂᐛ ᐊᑉᕋᐊᒻ, ᐊᐃᓯᒃ, ᒐᑭᑉ, ᑭᔭ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊ ᑕᒡ ᐎᔨᐛᐤ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᒋᔨᐛᐤ ᒪᒃ ᐎᐎᐛᐱᓂᑯᐅᔭᒂ᙮

ᓗᒃ 6:24

ᐃᔭᒂ ᒋᔨᐛᐤ ᑲ ᐛᔪᑎᓯᔭᒄ ᐊᓄᒡ, ᐛᔅ ᓇᔅᒡ ᓴᔅ ᒋ ᑭᓄᐛᔨᑕᓇᐛᐤ ᐊ ᐎᔭᔨᑕᒂᒡ ᐱᒪᑎᓯᐅᓐ᙮

ᓗᒃ 6:26

ᐃᔭᒂ ᒋᔨᐛᐤ ᑲ ᒥᔽᒋᒥᑯᐅᔭᒄ, ᐛᔅ ᐊᓐᒡ ᑲ ᒥᔽᒋᒥᑕᑯᒡ, ᐊᓂᔭᐧᑲ ᒪᒃ ᐅᑕᐎᐛᐛ, ᐊᐅᑯᓐ ᒧᔭᒻ ᑲ ᐃᓯ ᒥᔽᒋᒪᔨᒋ ᒥᒋ ᐅᒋᔅᒋᐛᐃᒐᓱᐛ᙮”

ᓗᒃ 8:53

ᐊᑯ ᒂ ᐅᓯᓄᐛᒡ ᐛᔅ ᒋ ᒋᔅᒐᔨᒪᐅᒡ ᑕᑈ ᐊ ᓂᐱᔨᒋ ᐊᓂᔭ ᐃᔎᓴ᙮

ᐃᐱᓯᔭᓇ 5:4

ᓇᒪ ᑯᐃᔅᑯᓇᑯᓂᔪᐤ ᒋᓴᒪᓂᑐᐤ ᐅᑦ ᐃᔨᒪ ᒐᒋ ᒥᒋᑕᑯᓂᔨᒡ ᐅᑦ ᐃᔨᒧᐅᓂᔪᐤ ᒪᒃ ᒐᒋ ᒋᔎᐤ ᐃᔨᒥᔨᒋ ᒪᒃ ᓂᑎᒥᒄ ᒐᒋ ᐃᓯ ᐅᐎᑥᔨᒋ᙮ ᐃᔭᐱᒡ ᒧᔅ ᒋᐸ ᓂᓇᔅᑯᒪᐅᒡ ᐅᑎᐸᔨᒋᒐᐛ ᒥᓯᐛ ᒐᒂᔪᐤ ᐅᒡ᙮

1 ᑕᓴᓗᓂᔭᓇ 5:3

ᒪᒂᒡ ᐃᔅᒋᔄᑥᐛ ᐊᐛᓐᒋ, “ᒥᓯᐛ ᒐᒂᓐ ᒥᔪᐱᔪᐤ, ᓇᒪ ᑎᑯᓐ ᒐᒋ ᓴᒋᓯᔭᐧᒄ,” ᓯᔅᒋᑯᒡ ᒋᑭ ᒥᔅᑎ ᓂᓇᐧᑲᑕᔨᒧᐅᒡ᙮ ᒧᔭᒻ ᐊ ᐃᔅᐱᔅ ᓯᔅᒋᑯᒡ ᐊ ᒧᓯᐅᑦ ᐃᔎᐤ ᐃᔅᐱ ᒐ ᐛᐱᒪᐅᓱᑦ ᐊᐅᑯᓐ ᒐ ᐃᔅᐱᔅ ᓯᔅᒋᑯᒡ ᒥᔅᑎ ᓂᓇᐧᑲᑕᔨᒧᒡ ᐊᐛᓐᒋ᙮ ᓇᒪ ᒪᒃ ᒋᑭ ᐃᑐᐅᒡ ᒐ ᐊᑲ ᓂᓇᐧᑲᑕᔨᒧᒡ᙮

ᒋᒥᔅ ᐅᒥᓯᓇᐊᒪᒐᐅᓐ 4:9

ᒥᑕᒋᔨᐛᓯᒄ, ᒥᒐᔨᑎᒧᒄ ᑭᔭ ᒐ ᒪᔭᒄ᙮ ᒐ ᒪᔭᒄ ᐃᔅᐱᔅ ᐎ ᒐᒋ ᐸᐱᔭᒄ᙮ ᒥᓯᒪᔨᑎᒧᒄ ᐃᔅᐱᔅ ᐎ ᒐᒋ ᒥᔽᔨᑎᒪᒄ᙮

ᒋᔅᒐᔨᑕᑯᑕᒐᐅᓐ 3:17

ᒋᑦ ᐃᔅᒋᔄᓇᐛᐤ ᓂᐛᔪᑎᓯᓇᓐ, ᓇᔅᒡ ᑕᑈ ᓂ ᒥᔪᐱᔨᓇᓐ ᑭᔭ ᓴᔅ ᒥᓯᐛ ᒐᒂᓐ ᓂ ᑭᓄᐛᔨᑕᓇᓐ ᑕᓐ ᐊ ᐃᓯ ᓂᑐᐛᔨᑎᒪᒡ᙮ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᓯ ᐊᑲ ᒋᐧᑲᐛᑕᔨᒧᔭᒄ ᐊᑲ ᒥᔽᔨᒧᔭᒄ ᑭᔭ ᑕᓐ ᐊᔅᐱᔅ ᒋᔅᑎᒪᓯᓇᑯᓯᔭᒄ᙮ ᓇᒪ ᒋ ᒋᔅᒐᔨᑕᓇᐛᐤ ᑕᓐ ᐊᔅᐱᔅ ᒋᔅᑎᒪᑎᓯᔭᒄ, ᐊ ᒧᓴᔅᑭᑕᔭᒄ, ᑭᔭ ᐊᑲ ᐛᐸᑎᒪᒄ᙮