ᓗᒃ 6:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐃᔅᐱ ᒪᒃ ᒋᓴᔅ ᑲ ᓂᑎᒋᐛᒡ ᐱᔅᑯᑎᓇᒡ, ᐊ ᑕᐱᑐᐛᔨᒡ ᐊᓐᑕ ᒋ ᐃᑐᑕᐅᒡ᙮ ᒥᒐᑦ ᒂ ᓇᓴᑯᑦ ᐃᔪᐛ ᒋ ᑕᔪᐛ ᐊᓐᑕ ᑭᔭ ᒋ ᒥᒐᑎᔪᐛ ᑯᑎᑲ ᐊᐛᔪᐛ, ᓂᓇᐧᑯᐤ ᐊᒋ ᐅᑐᑕᔨᒋ ᐊᓂᔭ ᒍᑎᔭ ᐊᔅᒋᔪᐤ ᐊ ᐃᔅᐱᓴᔨᒡ᙮ ᒋᕈᓯᓕᒥᒡ ᑭᔭ ᑯᑎᑭᒡ ᒋ ᐅᑐᑕᐅᒡ, ᐊᑯ ᑯᑎᑭᒡ ᓯᓱᒡ ᐎᓂᐸᑯᒡ ᑲ ᑎᑯᓂᔨᒋ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐅᑐᑕᒡ᙮

ᓗᒃ 6:17 Iomraidhean Croise

ᑎᐱᑦ ᐅᓂᑭᒧᐅᓇ 103:3

ᑲ ᐛᐸᔨᑕᐧᒄ ᒥᓯᐛ ᒋᒥᒐᑎᓯᐅᓇ; ᑲ ᒥᓏᒋᑕᑦ ᒥᓯᐛ ᒋᑦ ᐃᑕᔅᐱᓇᐅᓇ;

ᒪᑎᔪᐤ 11:21

“ᒋᔨᐛᐤ ᑲ ᑕᔭᒄ ᐊᓐᑕ ᐅᑕᓇᒡ ᑯᕋᓯᓐ ᑲ ᐃᓯᓂᐧᑲᑕᒡ ᐊᔪᐛᒡ ᒋᑭ ᒥᒋᐱᔨᓇᐛᐤ, ᑭᔭ ᒋᔨᐛᐤ ᐸᑦᓴᐃᑕ ᑲ ᑕᔭᒄ ᐊᐅᑯᓐ ᒧᔭᒻ ᒐ ᐃᓯ ᒥᒋᐱᔭᒄ ᑭᔭ ᒋᔨᐛᐤ᙮ ᐛᔅ ᐊᓂᔭ ᒪᒥᔅᑲᒡ ᒐᒂᔪᐛ ᑲ ᐃᓯ ᐃᑐᑎᒪᑯᐅᔭᒄ ᒋ ᐃᑐᑕᑭᓄᐎᒂᓂ ᐊᓐᑕ ᐛᔅᑭᒡ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᒋ ᐅᑕᓇᐛ, ᓴᔅ ᐛᔅᑭᒡ ᒋᐸ ᒂᔅᑲᑎᓱᐅᒡ ᐎᔨᐛᐤ ᐊᓐᒡ ᐃᔪᒡ᙮ ᐊᑯ ᒪᒃ ᐊ ᐎ ᓄᑯᑕᒡ ᐊᔅᐱᔅ ᒥᑕᒋᔨᐛᓯᒡ ᐅᒥᒋᑥᐅᓄᐛᐛ ᒋᐸ ᐱᔎᔭᑭᐳᐅᒡ ᐊ ᑲᐛᑭᓂᔨᒋ ᐊᐱᒋᑕᐅᓇ, ᐊᓐᑕ ᒪᒃ ᐃᔎᔅᒐᒡ ᒋᐸ ᐊᐳᐅᒡ᙮

ᒪᑎᔪᐤ 12:15

ᐃᔅᐱ ᒪᒃ ᒋᓴᔅ ᐱᔭᑕᐧᒃ ᑕᓐ ᐛᑐᑐᐛᑭᓄᐅᑦ ᒋ ᔅᑐᑕᐤ, ᒥᒐᑦ ᒪᒃ ᐊᐛᔪᐛ ᒋ ᓇᓴᐅᑯᐤ᙮ ᒋ ᒥᓏᒋᐊᐤ ᒪᒃ ᐊᓂᔭ ᒥᓯᐛ ᑲ ᐊᐧᑯᓯᔨᒋ ᐊᐛᔪᐛ᙮

ᒪᑎᔪᐤ 14:14

ᐃᔅᐱ ᒪᒃ ᑲᐸᑦ ᒋᓴᔅ, ᐎᔭᐱᒪᑦ ᒪᒃ ᐊᓂᔭ ᒥᒐᑦ ᐃᔪᐛ, ᒋ ᒋᔅᑎᒪᒐᔨᒪᐤ, ᑭᔭ ᒋ ᒥᓏᒋᐊᐤ ᐊᓂᔭ ᑲ ᐸᓱᐛᑭᓄᔨᒋ ᑲ ᐊᐧᑯᓯᔨᒋ᙮

ᒪᑎᔪᐤ 15:21

ᐊᑯ ᒋᓴᔅ ᒂ ᔅᑐᑕᑦ ᐊᓐᑕ ᐅᒋ, ᐊᓐᑕ ᐃᑕᒐ ᒂ ᐃᑐᑕᑦ ᐊᓂᔭ ᐊᔅᒋᔪᐤ ᐛᔅᑲ ᑲ ᑎᑯᓂᔨᒋ ᐊᓂᔭ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᔨᒋ᙮

ᒪᑎᔪᐤ 5:1

ᒋᓴᔅ ᒪᒃ ᒋ ᐛᐱᒪᐤ ᐊ ᒥᒐᑎᔨᒋ ᐊᐛᔪᐛ ᐊᑯ ᑲ ᓴᑭᒋᐛᑦ ᐊᓐᑕ ᐊ ᐱᔅᑯᑕᐅᐧᑲᔨᒡ, ᐊᑯᑕ ᑲ ᐛᔨᐱᑦ᙮ ᐊᑯ ᐅᒋᔅᒋᓄᐊᒧᐛᑭᓇ ᑲ ᐸᒋ ᓇᑎᑯᑦ᙮ ᒋ ᐎᑎᐱᒥᑯᐤ ᒪᒃ,

ᓗᒃ 5:15

ᒋ ᒥᓯᑕᐱᔪᐤ ᒪᒃ ᒋᓴᔅ ᐊ ᐃᑕᒋᒪᑭᓄᐅᑦ᙮ ᒥᒐᑦ ᒪᒃ ᐊᐛᔪᐛ ᒋ ᐸᒋ ᓂᑐᐛᐱᒥᑯᐤ ᐊ ᐎ ᓂᑐᑕᑯᑦ ᑭᔭ ᐊ ᐎ ᒥᓏᒋᐃᑯᓯᔨᒋ᙮

ᓗᒃ 6:12

ᐸᐃᒂᐤ ᐊ ᒋᓯᑲᔨᒡ ᒋᓴᔅ ᒋ ᐃᑐᑕᐤ ᐱᔅᑯᑎᓇᒡ, ᒐᒋ ᐊᔭᒥᐊᑦ᙮ ᐊᑯᑕ ᑲ ᑕᑦ ᐃᔅᑭᓐ ᑎᐱᔅᑲᐛ ᐊ ᐊᔭᒥᐊᔅᑐᐛᑦ ᒋᓴᒪᓂᑐᐛ᙮

ᓗᒃ 6:16

ᒍᑎᔅ ᒪᒃ ᑭᔭ ᒋ ᐅᑎᓇᑭᓄᐤ, ᒋᒥᔅ ᐅᑯᓴ᙮ ᑭᔭ ᒍᑎᔅ ᐃᔅᑲᕆᔭᑦ, ᐊᐅᑯᓐ ᐅ ᒐ ᐎᔭᓯᐱᔅᑎᓇᑦ ᒋᓴᓴ᙮

ᓗᒃ 6:18

ᒋ ᑎᑯᓯᓄᐅᒡ ᒐᒋ ᐸᒋ ᓂᑐᑐᐛᒡ ᒋᓴᓴ, ᑭᔭ ᒐᒋ ᒥᓏᒋᐃᑯᒡ ᒥᓯᐛ ᓂᓇᐧᑯᐤ ᐅᑦ ᐃᑕᔅᐱᓇᐅᓄᐛᐛ᙮ ᒋ ᑎᑯᓯᓄᐅᒡ ᑭᔭ ᐊᓐᒡ ᐊᐛᓐᒋ ᑲ ᒥᑯᔅᑲᒋᐃᑯᒡ ᒥᒋ ᐊᒐᒂ, ᒋ ᒥᓏᒋᐊᑭᓄᐅᒡ ᒪᒃ᙮