ᓗᒃ 6:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐸᐃᒂᐤ ᐊ ᒋᓯᑲᔨᒡ ᒋᓴᔅ ᒋ ᐃᑐᑕᐤ ᐱᔅᑯᑎᓇᒡ, ᒐᒋ ᐊᔭᒥᐊᑦ᙮ ᐊᑯᑕ ᑲ ᑕᑦ ᐃᔅᑭᓐ ᑎᐱᔅᑲᐛ ᐊ ᐊᔭᒥᐊᔅᑐᐛᑦ ᒋᓴᒪᓂᑐᐛ᙮

ᓗᒃ 6:12 Iomraidhean Croise

ᑎᐱᑦ ᐅᓂᑭᒧᐅᓇ 22:2

ᐅ ᓂᒋᓴᒪᓂᑐᒻ, ᓂᒋ ᒪᓐ ᒪᒂᒡ ᐊ ᒋᓯᑲᒡ, ᒪᒃ ᓇᒪᐎᔾ ᒋ ᐸᑕᓐ; ᑭᔭ ᒪᒂᒡ ᐊ ᑎᐱᔅᑲᒡ, ᓇᒪ ᑭᔭ ᓂᒋ ᒋᒺᓐ᙮

ᒪᑎᔪᐤ 5:1

ᒋᓴᔅ ᒪᒃ ᒋ ᐛᐱᒪᐤ ᐊ ᒥᒐᑎᔨᒋ ᐊᐛᔪᐛ ᐊᑯ ᑲ ᓴᑭᒋᐛᑦ ᐊᓐᑕ ᐊ ᐱᔅᑯᑕᐅᐧᑲᔨᒡ, ᐊᑯᑕ ᑲ ᐛᔨᐱᑦ᙮ ᐊᑯ ᐅᒋᔅᒋᓄᐊᒧᐛᑭᓇ ᑲ ᐸᒋ ᓇᑎᑯᑦ᙮ ᒋ ᐎᑎᐱᒥᑯᐤ ᒪᒃ,

ᒪᑎᔪᐤ 6:6

ᒪᒃ ᐊ ᐊᔭᒥᐊᔨᓂ, ᒋᑲᐱᔅᒋᒐᔭᒥᒡ ᐃᑐᑕ ᑭᔭ ᒋᐸᐎᓱ, ᐃᔅᐱ ᒪᒃ ᒋ ᒋᐸᐎᓱᔨᓇ ᐊᑯ ᒐ ᐃᔨᒥᐃᑦ ᒍᑕᐎᔾ ᐊᑲ ᐛᐱᒪᑭᓄᐅᑦ᙮ ᒋ ᐛᐱᒧᒄ ᐎᔾ ᑕᓐ ᐊ ᐃᑐᐅᑦ ᐊᑲ ᑯᑎᒃ ᐊᐛᓐ ᐛᐱᒥᔅᒃ, ᐎᔾ ᒪᒃ ᒋᑭ ᑎᐸᐊᒪᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:35

ᐎᐱᒡ ᒪᒃ ᒋᔭᒋᓴᐸᔭᒡ ᒋ ᐅᓂᐤ ᐊᑯ ᐊᓐᑕ ᐊᑲ ᐃᑕᓄᐎᒡ ᒂ ᐃᑐᑕᑦ, ᐊᑯᑕ ᐊᓐᑕ ᑲ ᐊᔭᒥᐊᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:13

ᐊᑯ ᒋᓴᔅ ᑲ ᓴᑭᒋᐛᑦ ᐱᔅᑯᑎᓇᔪᐤ᙮ ᐊᑯᑕ ᑲ ᐎᓴᒪᑦ ᐊᓂᔭ ᑲ ᐅᑎᓇᑦ᙮ ᒋ ᓇᑎᑯᐤ ᒪᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:46

ᐃᔅᐱ ᒪᒃ ᑲ ᐛᒋᔭᒪᑦ ᐊᓂᔭᔪᐛ ᐃᔪᐛ ᐊᑯ ᐱᔅᑯᑎᓇᔪᐤ ᒂ ᓴᑭᒋᐛᑦ ᒋᓴᔅ, ᒂ ᐊᔭᒥᐊᑦ ᐊᓐᑕ᙮

ᓗᒃ 5:16

ᒋ ᐃᑐᑕᐤ ᒪᒃ ᒪᓐ ᒋᓴᔅ ᐊᓐᑕ ᐸᐧᑯᑎᔅᑭᒥᑲᒡ ᐊᑯ ᑲᒋ ᐊᔭᒥᐊᑦ᙮

ᓗᒃ 6:11

ᐊᑯ ᒪᒃ ᑲ ᒥᔅᑎ ᒋᔄᓯᒡ ᐊᓐᒡ ᑲ ᐎ ᒪᒥᓯᒪᒡ ᒋᓴᓴ, ᐊᑯ ᒂ ᐃᔭᔨᒺᐛᐃᑯᒡ ᑕᓐ ᒐᒋ ᐃᑐᑐᐛᒡ᙮

ᓗᒃ 6:17

ᐃᔅᐱ ᒪᒃ ᒋᓴᔅ ᑲ ᓂᑎᒋᐛᒡ ᐱᔅᑯᑎᓇᒡ, ᐊ ᑕᐱᑐᐛᔨᒡ ᐊᓐᑕ ᒋ ᐃᑐᑕᐅᒡ᙮ ᒥᒐᑦ ᒂ ᓇᓴᑯᑦ ᐃᔪᐛ ᒋ ᑕᔪᐛ ᐊᓐᑕ ᑭᔭ ᒋ ᒥᒐᑎᔪᐛ ᑯᑎᑲ ᐊᐛᔪᐛ, ᓂᓇᐧᑯᐤ ᐊᒋ ᐅᑐᑕᔨᒋ ᐊᓂᔭ ᒍᑎᔭ ᐊᔅᒋᔪᐤ ᐊ ᐃᔅᐱᓴᔨᒡ᙮ ᒋᕈᓯᓕᒥᒡ ᑭᔭ ᑯᑎᑭᒡ ᒋ ᐅᑐᑕᐅᒡ, ᐊᑯ ᑯᑎᑭᒡ ᓯᓱᒡ ᐎᓂᐸᑯᒡ ᑲ ᑎᑯᓂᔨᒋ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐅᑐᑕᒡ᙮

ᓗᒃ 9:18

ᐸᐃᒂᐤ, ᒋᓴᔅ ᒋ ᐊᔭᒥᐊᐤ ᒥᒄ ᐊ ᐸᐃᑯᓯᑦ, ᐅᒋᔅᒋᓄᐊᒧᐛᑭᓇ ᒪᒃ ᒥᒋᒪ ᒋ ᑕᔪᐛ ᐊᑯ ᒂ ᑯᒂᒋᒪᑦ ᐊ ᐃᑕᑦ, “ᐊᐛᓐ ᓂᔾ ᐊ ᐃᑕᔨᒥᒡ ᐊᐛᓐᒋ ?”

ᓗᒃ 9:28

ᓴᓯᑲᓐ ᔭᓇᐤ ᑕᑐᐤ ᒋᓯᑲᐛ ᒋᓴᔅ ᐅᔭᔪᐤ ᑲ ᐃᔅᐱᔅ ᐊᔨᒧᑕᐧᒃ ᒋ ᔅᑐᑕᐊᐤ ᐱᑕᕋ, ᒠᓇ ᑭᔭ ᒋᒥᓴ ᐊᒋ ᐎᒐᐛᑦ ᐱᔅᑯᑎᓇᒡ ᐊᓐᑕ ᒐᒋ ᐊᔭᒥᐊᒡ᙮

ᓗᒃ 9:29

ᒪᒂᒡ ᒪᒃ ᐊᓂᔭ ᐊ ᐊᔭᒥᐊᑦ ᐅᑕᔅᑎᒥᐧᒄ ᒋ ᒂᔅᒋᓇᑯᓂᔪᐤ ᑭᔭ ᐅᑦ ᐊᐱᒋᑕᐅᓇ ᓇᔅᒡ ᑕᑈ ᒋ ᐱᔭᑭᔅᒡ ᐛᐸᔪᐛ ᓇᔅᒡ ᐊᒋᐧᑲᔭᔅᑐᐛᔨᒋ᙮

ᒠᓐ 6:3

ᒋᓴᔅ ᒪᒃ ᒋ ᓴᑭᒋᐛᐤ ᐱᔅᑯᑎᓇᔪᐤ ᐊᑯᑕ ᐊᓐᑕ ᑲ ᐛᐛᔨᐱᑦ ᐅᒋᔅᒋᓄᐊᒧᐛᑭᓇ ᐊ ᐎᑎᐱᒪᑦ᙮

ᑯᓚᓯᔭᓇ 4:2

ᒧᓯᓇᐤ ᐊᔭᒥᐊᒄ᙮ ᐊ ᐊᔭᒥᐊᔭᒄ ᒪᒃ ᓱᒃ ᐎ ᐱᔭᑭᔅᒐᔨᑎᒧᒄ ᑭᔭ ᓂᓇᔅᑯᒪᐧᒄ ᒋᓴᒪᓂᑐᐤ᙮

ᐃᑉᕈᐛ 5:7

ᒪᒂᒡ ᐅᑕ ᐊᔅᒋᒡ ᑲ ᐱᐸᒧᑕᑦ ᒋᓴᔅ ᒥᒐᑥᐤ ᒋ ᐃᓯᓇᑯᓱᐤ ᓱᒃ ᐊ ᓂᑐᑎᒧᐛᑦ ᐊᓂᔭᔪᐛ ᑲ ᒋᔅᒐᔨᒪᑦ ᒐᒋ ᐎᒋᐃᑯᑦ ᒐ ᐊᑲ ᒋ ᓂᐸᐊᑭᓄᐅᑦ᙮ ᒋ ᐸᑕᑯᐤ ᒪᒃ ᐛᔅ ᒋ ᓂᓇᐃᑐᐛᐤ᙮