ᓗᒃ 6:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯ ᒪᒃ ᑲ ᒥᔅᑎ ᒋᔄᓯᒡ ᐊᓐᒡ ᑲ ᐎ ᒪᒥᓯᒪᒡ ᒋᓴᓴ, ᐊᑯ ᒂ ᐃᔭᔨᒺᐛᐃᑯᒡ ᑕᓐ ᒐᒋ ᐃᑐᑐᐛᒡ᙮

ᓗᒃ 6:11 Iomraidhean Croise

ᒪᑎᔪᐤ 16:7

ᒋ ᐊᔨᒧᑎᒧᒡ ᐊᓂᔭ ᑲ ᐃᑎᑯᒡ ᒋᓴᓴ ᐊ ᐃᔅᒋᔄᒡ, “ᐊᑲ ᐅᒋ ᐸᓱᒪᐧᑯ ᐸᒂᓯᑭᓇ ᐊᔪᐅᒄ ᐅᔭ ᐛᒋ ᐃᔅᒋᔄᑦ᙮”

ᒪᑎᔪᐤ 21:45

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ᐸᑐᐛᐅᒡ ᒋᓴᓴ ᐊ ᐎᑎᒥᔨᒋ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ, ᒋ ᒋᔅᒐᔨᑎᒧᒡ ᒪᒃ ᐎᔨᐛᐤ ᐊ ᐊᔨᒧᒥᑯᒡ᙮

ᓗᒃ 4:28

ᐊᓐᒡ ᒪᒃ ᐃᔪᒡ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ ᑲ ᑕᒡ ᐃᔅᐱ ᐱᔭᑐᐛᒡ ᒋᓴᓴ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎ ᒋᔄᓱᐅᒡ᙮

ᓗᒃ 6:10

ᐊᑯ ᒪᒃ ᒋᓴᔅ ᑲ ᑭᓄᐛᐱᒪᑦ ᒥᓯᐛ ᐊᑯ ᒂ ᐃᑕᑦ ᐊᓂᔭ ᓇᐸᐛ ᑲ ᒪᔅᑲᔨᒡ ᐅᑎᒋᔪᐤ, “ᓴᑐᐱᔨᑕ ᔅᑎᒋᔾ᙮” ᒋ ᓴᑐᐱᔨᑕᐤ ᒪᒃ ᐊᓐ ᓇᐸᐤ ᐊᓂᔭ ᐅᑎᒋᔾ ᑭᔭ ᒂ ᒥᓏᒋᑕᑭᓄᐎᒡ, ᒧᔭᒻ ᐊᓂᔭ ᑯᑎᒋᔪᐤ ᐅᑎᒋᔾ ᑲ ᐃᓯ ᒥᔽᔨᒡ ᐊᐅᑯᓐ ᑲ ᐃᓯᓇᑯᓂᔨᒡ ᐊᓂᔭ ᐅᑎᒋᔾ ᑲ ᒪᔅᑲᔨᒡ᙮

ᓗᒃ 6:12

ᐸᐃᒂᐤ ᐊ ᒋᓯᑲᔨᒡ ᒋᓴᔅ ᒋ ᐃᑐᑕᐤ ᐱᔅᑯᑎᓇᒡ, ᒐᒋ ᐊᔭᒥᐊᑦ᙮ ᐊᑯᑕ ᑲ ᑕᑦ ᐃᔅᑭᓐ ᑎᐱᔅᑲᐛ ᐊ ᐊᔭᒥᐊᔅᑐᐛᑦ ᒋᓴᒪᓂᑐᐛ᙮

ᒠᓐ 11:47

ᐊᑯ ᐊᓐᒡ ᐸᕆᓯᔨᒡ ᑭᔭ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ᒪᒧᓇᐅᒡ ᑲ ᐅᒋᒪᐎᔨᒋ ᑲ ᓂᑲᓂᔅᑯᐛᔨᒋ ᐃᔪᐛ ᐊ ᐃᑕᒡ, “ᑕᓐ ᒐ ᐃᑎᔭᐧᒄ ? ᓇᔅᒡ ᒥᒐᑦ ᒪᒥᔅᑲᒡ ᒐᒂᔪᐛ ᐊ ᐃᓯ ᐃᑐᑕᐧᒃ ᐅ ᓇᐸᐤ᙮

ᒠᓐ 7:1

ᒥᓐ ᐸᑎᒪ ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᓕᓕ ᑲ ᐃᓯᓂᐧᑲᑕᔨᒡ ᐊᔅᒋᔪᐤ, ᓇᒪ ᐎ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐃᑕᒐ ᐅᒋ ᐎ ᐃᑐᑕᐤ ᐛᔅ ᒋ ᒋᔅᒐᔨᑎᒻ ᐊᒋ ᐎ ᓂᐸᐃᑯᑦ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮

ᐊᑈᔅᑕᓇᒡ 26:11

ᒥᒐᑦ ᑭᔭ ᓂᔾ ᓂᒋ ᐃᑐᑐᐛᐅᒡ ᒐᒋ ᐛᐛᓯᐊᑭᓄᐎᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᑭᔭ ᓂᒋ ᐎ ᐃᑐᑐᐛᐅᒡ ᒐᒋ ᐸᔅᑕᒪᒡ ᒋᓴᓴ᙮ ᓇᔅᒡ ᑕᑈ ᒧᔅ ᓂᒋ ᒋᔄᐃᑯᒡ, ᐛᐛᒡ ᐊᓐᑕ ᒪᓐᑕᐤ ᐅᑕᓇᒡ ᓂᒋ ᐃᑐᑕᐛᓐ ᐊ ᓂᓇᐧᑲᒋᐃᒂᐤ᙮”

ᐊᑈᔅᑕᓇᒡ 4:15

ᐊᑯ ᒪᒃ ᒂ ᐃᑕᒡ ᐊᓂᔭᔪᐤ ᐱᑕᕋ ᑭᔭ ᒠᓇ ᒐᒋ ᐎᐎᔨᒋ ᐊᓐᑕ ᐊᓂᔭᔪᐤ ᐊ ᒪᒧᐱᒡ ᐊᑯ ᐎᔨᐛᐤ ᑲ ᐃᔨᒥᐃᑐᒡ᙮

ᐊᑈᔅᑕᓇᒡ 4:19

ᐱᑕᕐ ᑭᔭ ᒠᓐ ᒂ ᐃᓯ ᐎᑎᒧᐛᒡ ᐊ ᐃᑕᒡ, “ᐎᔭᔨᑎᒧᒄ ᒪ, ᑕᓐ ᐊᓂᔭᔪᐤ ᐊ ᑯᐃᔅᑯᓇᑯᓂᔨᒡ ᐊ ᐃᓯᓇᐧᒃ ᒋᓴᒪᓂᑐᐤ᙮ ᒋᔨᐛᐤ ᐊ ᒐᒋ ᑕᑈᑕᑕᒡ ᑭᔭ ᒪᒃ ᒋᓴᒪᓂᑐᐤ ᒐᒋ ᑕᑈᑐᐅᒋᒡ ?

ᐊᑈᔅᑕᓇᒡ 5:33

ᐃᔅᐱ ᒪᒃ ᐱᔭᑕᒡ ᐅᔭ ᐊᓐᒡ ᑲ ᒪᒧᐎᒡ ᐊᓐ ᑲ ᓂᑲᓂᐱᑦ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᒥᔅᑎ ᒋᔄᓱᐅᒡ, ᐊᑯ ᒂ ᑯᒂᑕᔨᑕᒡ ᒐᒋ ᐃᔅᒋᔄᒡ ᒐᒋ ᓂᐸᐊᑭᓄᔨᒋ ᐅᔭ ᐊᑈᔅᑕᓇ᙮

ᐊᑈᔅᑕᓇᒡ 7:54

ᐃᔅᐱ ᒪᒃ ᐊᓐᒡ ᑲ ᒪᒧᐎᒡ ᑲ ᐸᑐᐛᒡ ᐊᓂᔭ ᔅᑎᐱᓇ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎᒋᔄᐃᑯᒡ᙮

2 ᑎᒧᑎ 3:9

ᓇᒪ ᒪᒃ ᐅᔅᑕ ᒋᑭ ᒋ ᐃᑐᑎᒧᒡ ᐅᔭ ᑕᓐ ᐊ ᐃᑎᒡ, ᐛᔅ ᒋᑭ ᐛᐸᑎᒥᔪᐛ ᒥᓯᐛ ᐊᐛᔪᐛ ᑕᓐ ᐊᔅᐱᔅ ᓂᑎᒥᒄ ᐃᑎᒡ, ᒧᔭᒻ ᑕᓐ ᑲ ᐃᓯ ᒋᔅᒐᔨᑕᑯᓯᔨᒋ ᐊᓂᔭᔪᐛ ᓂᓱ ᓇᐸᐛ ᒐᓂᓴ ᑭᔭ ᒐᒻᐳᕆᓴ᙮