ᓗᒃ 5:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᒋᓴᔅ ᒪᒃ ᒋ ᐃᔅᒋᔄᐤ, “ᒧᔭᒻ ᐊ ᓂᐳᐅᓇᓄᐅᒡ, ᒋᑭ ᒋ ᐃᑐᐅᒡ ᐊ ᒐ ᐊᑲ ᒋ ᒥᒋᓱᒡ ᐊᓐᒡ ᑲ ᐎᓴᒪᑭᓄᐎᒡ ᐊ ᒥᑯᓴᓄᐎᒡ ? ᓇᒪ ᒂᔄᓐ᙮ ᐛᔅ ᒧᔭᒻ ᐊ ᑕᔨᒋ ᐊᓐᑕ ᐊ ᑕᒡ ᐊᓂᔭ ᐅᔅᒋᓂᒋᓱᐛ ᓇᒪ ᐛᐛᒡ ᒋᑭ ᐅᒋ ᐃᑕᔨᑎᒧᒡ ᒐ ᐊᑲ ᒋ ᒥᒋᓱᒡ᙮

ᓗᒃ 5:34 Iomraidhean Croise

ᒪᑎᔪᐤ 22:2

“ᒋᑭ ᐎᑎᒪᑎᓇᐛᐤ ᑕᓐ ᐊ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᒋᓴᐅᒋᒪᐤ ᐊᒋ ᐊᔭᔅᑯᐅᔅᑕᑦ ᐊ ᒥᓴᔨᒡ ᒥᑯᓴᓂᔪᐤ, ᐅᑯᓴ ᐊ ᒥᑯᓴᐊᑦ ᐊᒋ ᓂᐳᔨᒋ᙮

ᒪᑎᔪᐤ 9:15

ᒋᓴᔅ ᒪᒃ ᒋ ᐃᑕᐤ, “ᒧᔭᒻ ᐊ ᓂᐳᐅᓇᓄᐅᒡ, ᓇᒪ ᒥᒐᔨᑎᒧᒡ ᐊᓐᒡ ᑲ ᐎᓴᒪᑭᓄᐎᒡ ᒪᒂᒡ ᐊᓐᑕ ᐊ ᑕᔨᒋ ᐊᓂᔭ ᑲ ᐅᔅᒋ ᓂᐳᔨᒋ᙮ ᐊᐅᑯᓐ ᒪᒃ ᐊᓯᓇᒂᒡ ᒪᒂᒡ ᐅᑕ ᐊ ᑕᔭᓐ ᐊᓐᒡ ᒋᔅᒋᓄᐊᒧᐛᑭᓐᒡ ᐊ ᑕᒡ ᒥᒄ ᒪᒃ ᐃᔅᐱ ᐅᑎᒋᐱᔨᒐ ᒐ ᐸᒋ ᐅᑎᓂᑯᔭᓐ ᐊᓐᑕ ᐊ ᑕᒡ ᐅᒋ, ᐊᑯ ᒪᒃ ᐃᔭᒄ ᒐ ᐃᑎᒡ ᐊᓯᑯᒻ ᐊ ᐊᑲ ᒥᒋᓱᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮”

ᓗᒃ 5:33

ᐸᕆᓯᔨᒡ ᒪᒃ ᒋ ᐃᑕᐅᒡ ᒋᓴᓴ, “ᒐᒂᔪᐤ ᐛᒋ ᒥᒐᑥᐤ ᐃᑐᑎᒥᔨᒋ ᒠᓐ ᐅᒋᔅᒋᓄᐊᒧᐛᑭᓇ ᐊᑲ ᐊᓯᑯᒻ ᒥᒋᓱᔨᒋ ᒥᒄ ᒐᒋ ᐊᔭᒥᐊᔨᒋ᙮ ᑭᔭ ᓂᔭᓐ ᓂᒋᔅᒋᓄᐊᒧᐛᑭᓇᓐᒡ ᐊᐅᒄ ᐊ ᐃᑎᒡ᙮ ᒋᔾ ᒪᒃ ᒋᒋᔅᒋᓄᐊᒧᐛᑭᓐᒡ ᓇᒪ ᐃᑐᐅᒡ᙮”

ᓗᒃ 5:35

ᐃᔅᐱ ᒪᒃ ᐅᑎᒋᐱᔨᒐ ᒐ ᐸᒋ ᒥᔅᑭᒪᑭᓄᐎᒡ ᐅᔅᒋᓂᒋᓱᐛ ᑭᔭ ᐃᔭᒄ ᓇᒪ ᒋᑭ ᐅᒋ ᒥᒋᓱᐅᒡ᙮”

ᒠᓐ 3:29

ᒧᔭᒻ ᐅᔅᒋᓂᐳᐛᓐ ᐎᔾ ᑎᐸᔨᒪᐤ ᐊᓂᔭ ᐅᔅᒋᐃᔎᐛ᙮ ᐊᓂᔭ ᒪᒃ ᐅᐎᒐᐛᑭᓇ ᐊᓐ ᐅᔅᒋᓂᐳᐛᓐ, ᐊᓂᔭ ᑲ ᐎᒋᐃᐛᔨᒋ ᐊᓱᐛᐱᒥᑯᐤ ᒐ ᐃᔅᐱᔅ ᑎᑯᓯᐧᒃ ᑭᔭ ᒥᔽᔨᑎᒥᔪᐛ ᐃᔅᐱ ᐱᔭᑕᑯᑦ᙮ ᐊᐅᑯᓐ ᒪᒃ ᒧᔭᒻ ᑭᔭ ᓂᔾ ᐊ ᐃᔅᐱᔅ ᒥᔽᔨᑎᒪᓐ ᓴᔅ ᐊ ᑕᑦ ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ᙮

2 ᑯᕆᓐᑎᔭᓇ 11:2

ᑎᑯᓐ ᐊ ᐃᓯ ᐅᑕᔨᑎᒪᓐ ᒋᔨᐛᐤ ᐅᒋ ᒧᔭᒻ ᒋᓴᒪᓂᑐᐤ ᐊ ᐃᓯ ᐅᑕᔨᑕᐧᒃ ᐅᑦ ᐃᔨᒪ ᐅᒡ᙮ ᐛᔅ ᐅᔅᒋᓂᒋᔎᐤ ᐊᑲ ᐊᔅᒄ ᐅᒋ ᒋᔅᒐᔨᒪᑦ ᓇᐸᐛ ᒋᑦ ᐃᓯᓇᑯᓯᓇᐛᐤ, ᔅᒋ ᐃᑕᔨᒥᑎᓇᐛᐤ ᒪᒃ ᒥᒄ ᐸᐃᒄ ᓇᐸᐤ ᒐᒋ ᑭᓄᐛᔨᒥᑕᒄ ᐊᐅᒄ ᙭᙮