ᓗᒃ 5:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐃᔅᐱ ᒪᒃ ᒋᓴᔅ ᐎᔭᐸᑎᒺᑦ ᐅᑕᑈᑎᒧᐅᓂᔪᐤ ᐊᓂᔭᔪᐛ ᓇᐸᐛ ᐊᑯ ᒂ ᐃᑕᑦ ᐊᓂᔭ ᓇᐸᐛ ᑲ ᐱᒥᓯᓂᔨᒋ, “ᓂᐎᒐᐛᑭᓐ, ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”

ᓗᒃ 5:20 Iomraidhean Croise

ᒐᓂᓯᔅ 22:12

ᐊᓐᒋᓇ ᐃᑎᑯᐤ, “ᐊᑲ ᓂᐸᐃ ᒋᑯᔅ, ᐊᑲ ᐃᔭᐱᒡ ᐊᐧᑯᐃᔾ, ᐛᔅ ᐊᓄᒡ ᓂ ᒋᔅᒐᔨᑕᓐ ᐊ ᒋᔅᑕᔨᒥᑦ ᑭᔭ ᓂᔭᐃᑐᐅᑦ ᒋᓴᒪᓂᑐᐤ᙮ ᓇᒪ ᒋ ᐅᒋ ᐊᓏᑕᓐ ᑲ ᐸᐃᑯᓯᑦ ᒋᑯᔅ ᒐᒋ ᐱᔅᑎᓂᒪᒐᔨᓐ᙮”

ᒪᑎᔪᐤ 9:2

ᐃᔪᒡ ᒪᒃ ᒋ ᐸᑐᐛᐅᒡ ᒋᓴᓴ ᐊᑲ ᐊᒋᔨᒋ ᓇᐸᐛ ᓂᐸᐅᓂᒡ ᐊ ᐱᒥᓯᓂᔨᒋ᙮ ᐃᔅᐱ ᒋᓴᔅ ᒐᔅᒐᔨᑎᒺᑦ ᐊᔅᐱᔅ ᒥᔅᑎ ᑕᑈᔭᔨᑎᒥᔨᒋ ᐃᔪᐛ ᒋ ᐃᑕᐤ ᐊᓂᔭ ᓇᐸᐛ, “ᒧᒋᒐᔨᑕ ᓂᑯᓴ, ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”

ᒪᑎᔪᐤ 9:5

ᑕᓐ ᐊᔪᐛᒃ ᐛᒋ ᐛᑎᒡ ᒐᒋ ᐃᔅᒋᔄᔭᓐ, ‘ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ,’ ᑭᔭ ᒪᒃ ᒐᒋ ᐃᓇᓄᐅᒡ, ‘ᐱᓯᑯ, ᐱᒧᑕ ᒪᒃ’ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:5

ᒋᓴᔅ ᒪᒃ ᒋ ᐛᐸᑎᒺᐤ ᐅᔭ ᓇᐸᐛ ᐊᔅᐱᔅ ᑕᑈᑎᒥᔨᒋ ᐊᑯ ᐊᑕᑦ ᐊᓂᔭ ᓇᐸᐛ ᐊᑲ ᓂᔅᑐᓯᔨᒋ, “ᓂᑯᓴ, ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”

ᓗᒃ 7:48

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐃᔎᐛ, “ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”

ᒠᓐ 2:25

ᓇᒪ ᑭᔭ ᐅᒋ ᓂᑐᐛᔨᑎᒻ ᒐᒋ ᐎᑎᒪᑯᑦ ᐊᐛᔪᐛ ᑕᓐ ᐊ ᐃᑕᔨᑕᑯᓯᔨᒋ ᐊᐛᔪᐛ ᐛᔅ ᒋ ᒋᔅᒐᔨᒪᐤ ᑕᓐ ᐊᓐ ᐊ ᐃᑕᔨᑕᑯᓯᔨᒋ᙮

ᒠᓐ 5:14

ᐸᑎᒪ ᒪᒃ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒋᓴᔅ ᒋ ᓂᒋᔅᑯᐛᐤ ᐊᓂᔭ ᓇᐸᐛ ᑲ ᒥᓏᒋᐊᑦ ᐊᑯ ᒂ ᐃᑕᑦ, “ᓂᑐᑐᐎ, ᓴᔅ ᒋ ᒥᓏᑎᓯᓐ᙮ ᐊᑲᐎᔾ ᒥᓐ ᒥᒋᑐᑕ, ᐊᑲ ᓇᑐᐛᔨᑎᒧᐎᓇ ᐊᑐᐎᔅ ᐊ ᒪᔭᑎᒡ ᒐᒂᓐ ᒐᒋ ᐃᔅᐱᔨᓐ᙮”

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 14:9

ᒪᒂᒡ ᒪᒃ ᐊᓐᑕ ᐊ ᐊᐱᑦ ᐊᓐ ᓇᐸᐤ ᒋ ᓂᑐᑐᐛᐤ ᐊᓂᔭ ᑈᓚ ᐊ ᐃᔨᒥᔨᒋ᙮ ᐃᔅᐱ ᒪᒃ ᑈᓪ ᑲ ᒋᔅᒐᔨᑕᐧᒃ ᐊ ᑕᑈᑎᒥᔨᒋ ᐊᓂᔭ ᓇᐸᐛ ᒐᒋ ᒥᓏᒋᐊᑭᓄᔨᒋ, ᑯᐃᔅᒄ ᒋ ᑭᓄᐛᐱᒪᐤ

2 ᑯᕆᓐᑎᔭᓇ 2:10

ᐛᔅ ᑕᑥᐤ ᐊ ᐛᐸᔨᑎᒧᐛᒄ ᐊᐛᓐ ᑕᓐ ᑲ ᐃᑎᑦ ᑭᔭ ᓂᔾ ᓂ ᐛᐸᔨᑎᒧᐛᐤ᙮ ᓇᑐᐛᔨᑕᑯᓂᒂ ᒐᒋ ᐛᐸᔨᑎᒧᐅᒃ ᐊᐛᓐ ᓂ ᐛᐸᔨᑎᒧᐛᐤ ᒋᔨᐛᐤ ᒐᒋ ᐎᒋᐃᑯᔭᒄ ᐊ ᒋᔅᒐᔨᑎᒪᓐ ᙭ ᐊ ᑕᑦ ᐅᑕ ᐊ ᑕᔭᓐ᙮

ᑯᓚᓯᔭᓇ 3:13

ᓯᐱᔨᐛᓯᔅᑕᑐᒄ᙮ ᐛᐸᔨᑎᒪᑐᒄ ᑕᑥᐤ ᐊ ᐅᓂᑐᑕᑐᔭᒄ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐛᐸᔨᑎᒪᑐᔭᒄ ᒧᔭᒻ ᐅᑎᐸᔨᒋᒐᐤ ᑲ ᐃᓯ ᐛᐸᔨᑎᒪᑕᒄ᙮

ᒋᒥᔅ ᐅᒥᓯᓇᐊᒪᒐᐅᓐ 2:18

ᒋᑭ ᒋ ᐃᓯᓇᑯᓐ ᐱᔅᒐ ᐊᐛᓐᒋ ᒐᒋ ᐃᔅᒋᔄᒡ, “ᒋ ᑭᓄᐛᔨᑕᓐ ᒋᔾ ᑕᑈᑎᒧᐅᓐ, ᐊᑯ ᓂᔾ ᓂ ᒥᔪ ᐊᑐᔅᒐᓐ᙮” ᓂᐸ ᐃᑕᐤ ᐅ ᐊᐛᓐ, “ᐸᒋ ᐛᐸᑎᔨ ᐊᓐ ᒋᑕᑈᑎᒧᐅᓐ ᐊᑲ ᐊᔅᑎᓂᒥᓐ ᒋ ᒥᔪ ᐊᑐᔅᒐᐅᓐ ᑭᔭ ᒐ ᐛᐸᑎᔨᑕᓐ ᓂᔾ ᓂ ᒥᔪ ᐊᑐᔅᒐᐅᓐ ᐊ ᐊᔅᑎᓂᒪᓐ ᐊᓐᑕ ᓂᑕᑈᑎᒧᐅᓐ᙮”