ᓗᒃ 4:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑯ ᒋᓴᔅ ᐊᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᓗᒃ 4:8 Iomraidhean Croise

ᑎᐱᑦ ᐅᓂᑭᒧᐅᓇ 83:18

ᐃᔪᒡ ᒐᒋ ᒋᔅᒐᔨᑕᒡ ᒋᔾ ᒥᒄ ᒋᓴᒪᓂᑐᐤ ᐊ ᐃᓯᓂᐧᑲᓱᔨᓐ, ᐊ ᒪᐅᒡ ᒋᔅᑎᓯᔨᓐ ᐊ ᑎᐸᔨᑎᒥᓐ ᒥᓯᐛ ᐊᔅᒋᔾ᙮

ᒪᑎᔪᐤ 16:23

ᐊᑯ ᒋᓴᔅ ᑲ ᒂᔅᒋᑲᐳᔅᑐᐛᑦ ᐊᓂᔭ ᐱᑕᕋ, ᑭᔭ ᐊᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᑕᓐ ᐊ ᐃᑕᔨᑎᒥᐃᑯᔨᓐ ᐊᓂᔭ ᒐᒂᔪᐛ ᑕᐸ ᒋᓴᒪᓂᑐᐤ ᐊ ᑕᑦ ᐅᒋᐱᔪᐛ ᓇᐸᐤ ᐊ ᑕᑦ ᐅᒋᐱᔪᐛ᙮ ᒪᒋ ᐃᒐᑕ ᓇᑕ ᒥᒋᒥᓂᑐᐤ᙮”

ᒪᑎᔪᐤ 4:10

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᓗᒃ 4:4

ᒋᓴᔅ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ, ᓇᒪ ᒥᒄ ᐸᒂᓯᑭᓂᒡ ᒋᑭ ᒋ ᐅᒋ ᐱᒪᑎᓯᐤ ᐊᐛᓐ᙮”

ᓗᒃ 4:7

ᐊᐅᒄ ᒪᒃ ᐅ ᒥᓯᐛ ᒐ ᐃᓯ ᑎᐱᔨᐛᐅᓯᔨᓐ ᐸᒋ ᐊᔭᒥᐊᔅᑐᔨᓇ ᒧᔭᒻ ᐊ ᐃᓯ ᐊᔭᒥᐊᔅᑐᐅᑦ ᒋᓴᒪᓂᑐᐤ᙮”

ᒋᒥᔅ ᐅᒥᓯᓇᐊᒪᒐᐅᓐ 4:7

ᐊᑯ, ᐱᔅᑕᔨᒥᑎᓱᔅᑐᐛᐧᒄ ᒋᓴᒪᓂᑐᐤ᙮ ᓂᔅᑯᔅᑐᐛᐧᒄ ᒥᒋᒥᓂᑐᐤ ᑭᔭ ᒐ ᐅᓯᒥᑕᒄ᙮

1 ᐱᑕᕐ 5:9

ᓂᔅᑯᔅᑐᐛᐧᒄ ᒪᒃ ᒥᒋᒥᓂᑐᐤ᙮ ᐊᔨᒋᑲᐳᐅᒄ ᒋᑕᑈᑎᒧᐅᓄᐛᒡ ᐃᔅ ᐛᔅ ᒋ ᒋᔅᒐᔨᑕᓇᐛᐤ ᐊᓐᒡ ᒋᒋᓴᓄᐛᐅᒡ ᑲ ᑕᑈᑕᒡ ᐊᐅᑯᓐ ᑭᔭ ᐎᔨᐛᐤ ᐊ ᐃᓯ ᓇᒋᔅᑲᒡ ᓂᓇᐧᑲᒋᐃᐛᐅᓂᔪᐤ ᐅᑕ ᐊᔅᒋᒡ ᒧᔭᒻ ᑭᔭ ᒋᔨᐛᐤ ᑲ ᐃᓯ ᓇᒋᔅᑭᒪᒄ᙮

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮

ᒋᔅᒐᔨᑕᑯᑕᒐᐅᓐ 22:9

ᒥᒄ ᒪᒃ ᓂᒋ ᐃᑎᒄ, “ᐊᑲ ᐸᒋ ᐊᔭᒥᐊᔅᑐᐎ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᐊ ᐃᑎᔨᓐ ᑭᔭ ᒧᔭᒻ ᐊ ᐃᑎᒡ ᒋᐧᑲᓂᓯᒡ, ᐊᓐᒡ ᑲ ᒋᔅᒋᐛᐃᒐᒡ ᑭᔭ ᐊᓐᒡ ᑲ ᓂᓇᐃᑕᒡ ᑕᓐ ᐊ ᐃᑎᔅᑕᔨᒡ ᐅᑕ ᒥᓯᓇᐃᑭᓂᒡ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮”