ᓗᒃ 4:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᐅᒄ ᒪᒃ ᐅ ᒥᓯᐛ ᒐ ᐃᓯ ᑎᐱᔨᐛᐅᓯᔨᓐ ᐸᒋ ᐊᔭᒥᐊᔅᑐᔨᓇ ᒧᔭᒻ ᐊ ᐃᓯ ᐊᔭᒥᐊᔅᑐᐅᑦ ᒋᓴᒪᓂᑐᐤ᙮”

ᓗᒃ 4:7 Iomraidhean Croise

ᑎᐱᑦ ᐅᓂᑭᒧᐅᓇ 72:11

ᓂᐦᐃ, ᒥᓯᐛ ᒋᓴᐅᒋᒪᐅᒡ ᒋᑭ ᐸᒋᓯᓂᔅᑐᐛᐅᒡ; ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᒋᑭ ᐊᑐᔅᒐᔅᑐᐛᐅᒡ᙮

ᒪᑎᔪᐤ 2:11

ᐊᑯ ᒂ ᐱᒐᒡ ᐊᓂᔭᔪᐤ ᒥᒋᐛᐱᔪᐤ ᐊᓐᑕ ᑲ ᑕᔨᒋ ᐊᐛᓴ ᐊᓯᒡ ᐅᑲᐎᔪᐛ ᒪᕆᔨᒋ᙮ ᐃᔅᐱ ᒪᒃ ᐎᔭᐱᒪᒡ ᐊᓂᔭᔪᐛ ᐊᐛᓴ ᒋ ᐅᒋᒋᐧᑯᓂᐱᔪᐅᒡ ᐊ ᐊᔭᒥᐊᔅᑐᐛᒡ᙮ ᐊᑯ ᒂ ᑯᐃᑯᓇᒡ ᐊᓂᔭ ᒥᔨᐛᐅᓇ ᑲ ᐎ ᒥᔭᒡ ᐊᓂᔭᔪᐛ ᐊᐛᓴ, ᐎᔄᐅᓱᓇᔭᐱᔎ ᒋ ᒥᔭᐅᒡ, ᑭᔭ ᑲᒋ ᐃᔎᓯᑭᓄᔨᒋ ᑲᐎᒋᒪᑯᓯᔨᒋ ᑭᔭ ᑲ ᓱᓇᔭᐎᒡ ᑐᒥᓂᑭᓂᔪᐤ ᑲᐎᒋᒪᑯᑉᓴᓯᔨᒡ᙮

ᓗᒃ 17:16

ᐃᔅᐱ ᒪᒃ ᑕᑯᓯᐧᒃ ᒋ ᐅᒋᒋᐧᑯᓂᐱᔪᐤ ᐅᑎᔅᑯᐤ ᒋᓴᓴ ᐊ ᑕᔨᒋ ᐊ ᓂᓇᔅᑯᒪᑦ᙮ ᐅ ᒪᒃ ᓇᐸᐤ ᓴᒪᕆᔭ ᐊᔅᒋᒡ ᒋ ᐅᒋᐤ᙮

ᓗᒃ 4:6

ᐊᑯ ᒂ ᐃᑕᑦ, “ᒥᓯᐛ ᒋᑭ ᐱᔅᑎᓂᒪᑎᓐ ᒐᒋ ᑎᐸᔨᒋᒐᔨᓐ ᐅᑕ ᐅᔭ ᒋᓴᐅᒋᒪᐅᓇ ᑭᔭ ᒥᓯᐛ ᐊᓐ ᐛᔪᑎᓯᐅᓐ ᒐᒋ ᑎᐸᔨᑎᒥᓐ᙮ ᓂᔾ ᒥᓯᐛ ᓂᒋ ᐱᔅᑎᓂᒪᑯᐅᓐ, ᑭᔭ ᒥᒄ ᐊᐛᓐ ᐛ ᒥᔨᒃ ᓂᑭ ᒋ ᒥᔭᐤ᙮

ᓗᒃ 4:8

ᐊᑯ ᒋᓴᔅ ᐊᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᓗᒃ 8:28

ᐅ ᒪᒃ ᓇᐸᐤ ᐃᔅᐱ ᐎᔭᐱᒪᑦ ᐊᓂᔭ ᒋᓴᓴ, ᒋ ᐊᔭᓯᒂᐤ ᒂ ᐊᑎ ᐸᒋᓯᐧᒃ ᐅᑎᔅᑯᐤ ᐊᓐᑕ ᐊ ᑕᔨᒋ᙮ ᐊᑯ ᑲ ᑕᑈᑦ ᐊ ᐃᔅᒋᔄᑦ, “ᒋᓴᔅ, ᒋᔾ ᑲ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᐊᑲᐎᔾ ᐸᒋ ᓂᓇᐧᑲᑕᔨᒧᐃ ᒋ ᐎ ᐃᑎᑎᓐ᙮”

ᒋᔅᒐᔨᑕᑯᑕᒐᐅᓐ 22:8

ᓂᔾ, ᒠᓐ, ᓂᔾ ᓂᒋ ᐸᑕᓐ ᑭᔭ ᓂᒋ ᐛᐸᑕᓐ ᒥᓯᐛ ᐅᔭ ᒐᒂᔪᐛ᙮ ᐃᔅᐱ ᒪᒃ ᑲ ᒋᒋᐱᔨᒡ ᐊ ᐸᑎᒪᓐ ᑭᔭ ᐊ ᐛᐸᑎᒪᓐ ᐅᔭ ᒐᒂᔪᐛ, ᐊᑯ ᑲ ᐊᔭᒥᐊᔅᑐᐅᒃ ᐊ ᐅᒋᒋᐧᑯᓂᐱᔪᐅᔭᓐ ᐅᑎᔅᑯᐤ ᐊ ᑕᑦ ᐊᓐ ᐊᓐᒋᓐ ᑲ ᐛᐸᑎᔨᑦ ᐅᔭ ᒐᒂᔪᐛ᙮

ᒋᔅᒐᔨᑕᑯᑕᒐᐅᓐ 4:10

ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐅᒋᒋᐧᑯᓂᐱᔪᐅᒡ ᐊᓐᑕ ᐃᔅ ᐊ ᑕᔨᒋ ᐊᓂᔭᔪᐛ ᑲ ᐊᐱᔨᒋ ᒋᓴᐅᒋᒪᐤ ᑕᑎᐳᐛᑭᓂᒡ, ᐊ ᐊᔭᒥᐊᔅᑐᐛᒡ ᐊᓂᔭ ᑲᒋᒡ ᐸᒪᑎᓯᔨᒋ᙮ ᒋ ᒥᓂᒧᒡ ᐊᓂᔭᔪᐛ ᐅᒋᓴᐅᒋᒪᐅᑯᓂᔎᐅᓄᐛᐛ, ᐊᑯ ᐅᑎᔅᑯᐤ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐃᓯ ᐛᐱᓇᒡ, ᐊ ᐃᔅᒋᔄᒡ,

ᒋᔅᒐᔨᑕᑯᑕᒐᐅᓐ 5:8

ᐃᔅᐱ ᒪᒃ ᑲ ᐅᑎᓂᒺᑦ ᐊᓂᔭ ᒥᓯᓇᐃᑭᓂᔪᐤ, ᐊᓐᒡ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ᐅᒋᒋᐧᑯᓂᐱᔪᐅᒡ ᐊᓐᑕ ᐊᓂᔭᔪᐛ ᒪᔭᑕᓂᓴ ᐊ ᑕᔨᒋ᙮ ᒥᓯᐛ ᐸᐸᐃᒄ ᐊᓐᒡ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᒋᓴᐃᔪᒡ ᒋ ᐊᔭᐅᒡ ᐊᔭᒥᐊᐤ ᒋᔍᐛᐱᒋᑭᓂᓴ ᑲ ᒥᔪᑕᑯᓂᔨᒋ ᑭᔭ ᐊ ᒧᑕᔭᐱᔅᑲᔨᒋ ᐎᔭᑭᓇ ᐊ ᐎᔄᐅᓱᓇᔭᐱᔅᑯᔨᒋ᙮ ᒐᒂᔪᐛ ᐊ ᐎᒋᒪᑯᓯᔨᒋ ᒋ ᐊᔅᑕᔪᐛ ᐊᓐᑕ ᐊᓂᔭᔪᐛ ᐎᔭᑭᓇ᙮ ᐊᓂᔭ ᒪᒃ ᒐᒂᔪᐛ ᑲ ᐎᒋᒪᑯᓯᔨᒋ, ᐊᐅᒄ ᐅᔭ ᐅᑦ ᐊᔭᒥᐊᐅᓄᐛᐛ ᐊᓐᒡ ᑲ ᑕᑈᑕᒡ᙮